41
ꦢꦺꦢꦶꦠꦾ꧈ ꦲꦶꦁꦏꦁꦲꦢꦂꦧꦺꦱ꧀ꦮꦫ꧈ ꦱ꧀ꦮꦫꦤ꧀ꦤꦶꦫꦥꦸꦤ꧀ꦩꦫꦸꦡꦶ꧈ ꦔꦼꦧꦼꦏ꧀ꦏꦶꦗꦒꦢ꧀ ꦱꦸꦱꦸꦩ꧀ꦧꦂꦫꦶꦁꦔꦗꦸꦫꦶꦠ꧀꧈ ꧄ ꦢꦺꦤ꧀ꦤꦺꦮꦲꦸꦢꦸꦏ꧀ꦲꦤꦺꦁꦔꦂꦱꦤ꧀ꦤꦺꦲꦸꦮ꧈ ꦕꦶꦭꦶꦏ꧀ꦲꦩꦼꦟ꧀ꦛꦶꦏ꧀ꦩꦼꦟ꧀ꦛꦶꦏ꧀ ꦩꦼꦁꦏꦺꦴꦩꦭꦶꦃꦮꦂꦤ꧈ ꦏꦪꦒꦸꦤꦸꦁꦲꦤ꧀ꦤꦏ꧀ꦭꦤ꧀ ꦩꦸꦁꦥꦸꦠꦶꦃꦲꦺꦲꦶꦏꦁꦩꦏ꧀ꦱꦶꦃ꧈ ꦏꦸꦤ꧀ꦤꦼꦁꦮꦶꦤ꧀ꦤꦂꦤ꧈ ꦮꦲꦸꦯꦁꦢꦪꦦꦠꦶ꧉ ꧄ ꦢꦠꦤ꧀ꦏꦺꦤ꧀ꦢꦼꦭ꧀ꦔꦺꦴꦧꦿꦏ꧀ꦲꦧꦿꦶꦏ꧀ꦏꦁꦮꦔꦸꦤ꧀ꦤꦤ꧀ ꦥꦤ꧀ꦚꦶꦥ꧀ꦠꦤ꧀ꦤꦶꦫꦺꦁꦒꦭꦶꦃ꧈ ꦢꦫꦥꦺꦴꦤ꧀ꦱꦔꦼꦠ꧀ꦠ꧈ ꦏꦿꦺꦴꦣꦤ꧀ꦤꦺꦢꦯꦩꦸꦏ꧈ ꦩꦫꦁꦲꦶꦁꦠꦩꦤ꧀ꦥꦿꦶꦧꦢꦶ꧈ ꦔꦢꦺꦴꦤ꧀ꦤꦶꦧꦺꦴꦤ꧀ꦢ꧇ ꦪꦸꦢꦏꦭꦮꦤ꧀ꦩꦠꦶ꧉ ꧄ ꦏꦥꦺꦴꦕꦺꦴꦏ꧀ꦏꦩꦸꦂꦢꦤ꧀ꦤꦺꦱꦶꦢꦯꦩꦸꦏ꧈ ꦏꦕꦁꦏꦶꦁꦔꦫꦶꦁꦩꦩꦶ꧈ ꦤꦸꦭꦶꦲꦶꦁꦱꦸꦤ꧀ꦒꦮ꧈ ꦓꦸꦱ꧀ꦡꦶꦏꦸꦢꦺꦮꦶꦯꦶꦤ꧀ꦠ꧈ ꦩꦺꦤ꧀ꦢꦃꦱꦶꦠꦿꦸꦰ꧀ꦛꦤ꧀ꦤꦶꦁꦒꦭꦶꦃ꧈ ꦓꦸꦱ꧀ꦡꦶꦏꦸꦫꦩ꧇ ꦮꦶꦗꦪꦩꦫꦶꦲꦒꦿꦶꦁ꧉ ꧄ ꦠꦤ꧀ꦤꦤ꧀ꦠꦫꦧꦭꦤ꧀ꦤꦶꦫꦫꦗꦥꦸꦠꦿ꧈ ꦥꦔꦚ꧀ꦗꦸꦂꦫꦶꦁꦥꦿꦶꦁꦥꦿꦥ꧀ꦠꦶ꧈ ꦔꦼꦩ꧀ꦥꦸꦠ꧀ꦠꦩꦤ꧀ꦱꦺꦴꦏ꧈ ꦲꦶꦤ꧀ꦢꦿꦗꦶꦠ꧀ꦩꦸꦁꦒꦺꦁꦫꦠ꧈ ꦧꦭꦤ꧀ꦤꦺꦩꦏꦼꦛꦶꦏꦼꦛꦶ꧈ ꦩꦪꦸꦠꦪꦸꦠ꧈ ꦒꦸꦩꦸꦫꦸꦃꦩꦔꦧꦺꦲꦶ꧉ ꧄ ꦠꦤ꧀ꦥꦺꦠꦸꦁꦔꦤ꧀ꦏꦢꦾꦠꦿꦸꦤ꧀ꦤꦤ꧀ꦤꦶꦁꦱꦩꦺꦴꦢꦿ꧈ ꦧꦭꦤ꧀ꦤꦶꦫꦲꦶꦤ꧀ꦢꦿꦗꦶꦠ꧀ ꦲꦸꦩꦸꦁꦏꦭꦱꦺꦴꦁꦏ꧈ ꦢ꧀ꦮꦗꦧꦿꦁꦏꦭꦏꦭ꧈ ꦲꦶꦧꦼꦏ꧀ꦏꦤ꧀ꦲꦶꦁꦠꦩꦤ꧀ꦱꦫꦶ꧈ ꦱ꧀ꦮꦫꦤ꧀ꦤꦶꦁꦢꦶꦠꦾ꧈ ꦥꦿꦮꦶꦫꦤ꧀ꦚꦲꦶꦤ꧀ꦢꦿꦗꦶꦠ꧀꧈ ꧄ ꦯꦁꦲꦶꦤ꧀ꦢꦿꦗꦶꦠ꧀ꦩꦔꦮꦺꦧꦭꦏꦺꦤ꧀ꦥꦶꦪꦏ꧀ ꦩꦁꦱꦃꦫꦠ
