Kaca iki wis divalidasi
247
ꦥꦽꦒꦺꦴꦏ꧀ ꦒꦶꦮꦂꦲꦗꦿꦶꦃꦲꦏꦺꦴꦁꦔꦱ꧀ꦒꦤ꧀ꦢꦤ꧀ꦤꦺ꧈ ꦮꦿꦸꦃꦏꦭꦩꦸꦤ꧀ꦮꦤꦺꦴꦢꦾꦭꦶꦤꦸꦮꦶꦃ꧈ ꦠꦿꦃꦏꦸꦱꦸꦩꦪꦼꦏ꧀ꦠꦶ꧈ ꦫꦸꦩꦼꦩ꧀ꦧꦼꦱ꧀ꦱꦶꦁꦩꦢꦸ꧉ ꧄ ꦧꦸꦫꦺꦴꦤ꧀ꦤꦒꦼꦁꦲꦒꦼꦁꦱꦩꦾꦤꦼꦧꦶꦃ꧈ ꦭꦸꦩꦏꦾꦺꦁꦔꦂꦰꦢꦺꦴꦃ꧈ ꦲꦤꦲꦶꦁꦏꦁꦫꦸꦩꦼꦏ꧀ꦱꦺꦁꦮꦸꦫꦶꦤ꧀ꦤꦺ꧈ ꦩꦶꦮꦃꦲꦶꦁꦏꦁꦩꦸꦁꦒꦺꦁꦏꦤꦤ꧀ꦏꦺꦫꦶꦁ꧈ ꦭꦶꦂꦏꦢꦾꦗꦗꦂꦫꦶ꧈ ꦔꦶꦫꦶꦁꦔꦸꦫꦸꦁꦲꦸꦫꦸꦁ꧉ ꧄ ꦱꦶꦭꦶꦂꦭꦸꦩ꧀ꦩꦿꦺꦁꦱꦠꦼꦥꦶꦤ꧀ꦤꦶꦁꦩꦂꦒꦶ꧈ ꦱꦸꦱꦼꦏꦂꦫꦤ꧀ꦤꦧꦾꦺꦴꦂ꧈ ꦲꦺꦏꦮꦂꦟꦱꦼꦣꦼꦁꦢꦸꦏ꧀ꦥꦚ꧀ꦗꦿꦲꦺ꧈ ꦲꦂꦒꦸꦭꦺꦴꦩꦁꦔ꧀ꦭꦸꦁꦱꦼꦏꦂꦫꦺꦏꦢꦶ꧈ ꦭꦸꦩꦏꦸꦥꦶꦤ꧀ꦤꦼꦛꦶꦏ꧀ ꦩꦿꦶꦁꦯꦁꦉꦠ꧀ꦤꦤ꧀ꦤꦶꦁꦔꦿꦸꦩ꧀꧈ ꧄
IV ꧋ ꦥꦔꦸꦟ꧀ꦝꦠ꧀ꦲꦸꦟ꧀ꦝꦠ꧀ꦠꦶꦥꦸꦤ꧀ꦢꦺꦮꦶꦮꦫꦯꦸꦩ꧀ꦧꦢꦿꦣꦠꦼꦁꦫꦢꦺꦤ꧀ꦗꦟꦏ꧉
꧋ ꦥꦁꦏꦸꦂ꧉ ꧄ ꦱꦠꦿꦶꦪꦲꦤ꧀ꦢꦟ꧀ꦤꦚ꧀ꦗꦪ꧈ ꦥꦤ꧀ꦤꦔ꧀ꦭꦼꦁꦒꦼꦂꦩꦺꦫꦁꦔꦶꦁꦠꦾꦱ꧀ꦠꦤ꧀ꦱꦶꦥꦶ꧈ ꦊꦁꦔꦼꦂꦊꦁꦔꦼꦂꦱꦺꦮꦸꦔꦸꦁꦔꦸꦤ꧀ ꦱꦏꦼꦛꦶꦤꦺꦫꦚꦤ꧈ ꦪꦺꦤ꧀ꦏꦁꦒꦂꦮꦣꦼꦊꦒ꧀ꦝꦼꦊꦒ꧀ꦗꦺꦴꦠꦺꦴꦗꦼꦠꦸꦁ꧈ ꦢꦠꦤ꧀ꦏꦼꦤ꧀ꦤꦲꦁꦔꦤ꧀ꦢꦶꦏ꧈ ꦯꦁꦉꦠ꧀ꦤꦧꦼꦁꦔꦶꦱ꧀ꦢꦺꦤ꧀ꦚꦁꦔ꧀ꦭꦶꦁ꧉ ꧄ ꦭꦃꦢꦮꦼꦒ꧀ꦲꦒꦺꦲꦸꦭꦶꦃꦤ꧈ ꦲꦮꦤ꧀ꦏꦸꦭꦩꦿꦶꦁꦤꦒꦿꦶꦢ꧀ꦮꦫꦮꦡꦶ꧈ ꦥꦿꦥ꧀ꦠꦏꦮꦸꦭꦫꦸꦩꦸꦲꦸꦤ꧀ ꦲꦥꦤ꧀ꦧꦺꦴꦠꦼꦤ꧀ꦤꦤ꧀ꦤꦼꦏ꧈ ꦩꦫꦣꦺꦮꦺꦱꦺꦴꦫꦺꦃꦧꦢꦤ꧀ꦤꦸꦧꦿꦸꦏ꧀ꦤꦸꦧꦿꦸꦏ꧀ ꦔꦼꦧꦿꦸꦏ꧀ꦏꦶ
