Kaca iki wis divalidasi
204
III꧋ꦗꦏꦦꦿꦩꦤꦭꦺꦴꦭꦺꦴꦱ꧀ꦱꦏꦶꦁꦏꦣꦠꦺꦴꦤ꧀
꧋ꦩꦱ꧀ꦏꦸꦩꦩ꧀ꦧꦁ꧉ ꧄ ꦱꦮꦸꦱ꧀ꦱꦶꦫꦫꦸꦩꦤ꧀ꦠꦶꦯꦁꦟꦂꦦꦯꦶꦮꦶ꧈ ꦢꦾꦚ꧀ꦗꦏꦦꦿꦩꦤ꧈ ꦩꦺꦤ꧀ꦠꦂꦱꦏꦶꦁꦭꦔꦼꦤ꧀ꦱꦫꦶ꧈ ꦲꦁꦒꦤꦢꦠꦤ꧀ꦥꦮꦢꦾ꧉ ꧄ ꦭꦗꦸꦗꦸꦗꦸꦂꦩꦶꦗꦶꦭ꧀ꦱꦏꦶꦁꦗꦿꦺꦴꦤ꧀ꦤꦶꦁꦥꦸꦫꦶ꧈ ꦢꦺꦤ꧀ꦤꦶꦫꦤꦼꦩ꧀ꦥꦸꦃꦧꦾꦠ꧀ ꦩꦂꦒꦺꦁꦧꦸꦧꦸꦠꦸꦭ꧀ꦭꦤ꧀ꦮꦶꦁꦏꦶꦁ꧈ ꦧꦧꦸꦠꦤ꧀ꦕꦺꦛꦶꦥꦮꦺꦴꦁꦔꦤ꧀꧈ ꧄ ꦠꦤ꧀ꦤꦤꦮꦿꦸꦃꦩꦾꦁꦥꦿꦶꦪꦏꦁꦱꦩꦾꦏꦼꦩꦶꦠ꧀ ꦏꦥꦠꦶꦲꦤꦺꦟ꧀ꦢꦿ꧈ ꦣꦼꦣꦼꦥ꧀ꦱꦶꦉꦱ꧀ꦠꦤ꧀ꦔꦭꦶꦱꦶꦏ꧀ ꦭꦶꦂꦏꦼꦤ꧀ꦤꦺꦁꦥꦔꦫꦶꦧꦮ꧉ ꧄ ꦢꦢꦾꦊꦏꦱ꧀ꦏꦁꦲꦔꦁꦏꦱ꧀ꦔꦶꦁꦏꦶꦱ꧀ꦭꦠꦿꦶ꧈ ꦊꦱ꧀ꦠꦫꦶꦲꦶꦁꦭꦩ꧀ꦥꦃ꧈ ꦱꦥꦫꦤ꧀ꦩꦺꦩꦺꦫꦁꦩꦂꦒꦶ꧈ ꦏꦢꦶꦏꦶꦤꦸꦩ꧀ꦕꦁꦲꦶꦁꦢꦺꦮ꧉ ꧄ ꦥꦸꦠꦼꦏ꧀ꦏꦶꦁꦠꦾꦱ꧀ꦏꦫꦫꦤ꧀ꦠꦤ꧀ꦲꦤꦿꦁꦮꦶꦔꦶꦠ꧀ ꦲꦭꦪꦁꦭꦪꦁꦔꦤ꧀ ꦕꦃꦪꦲꦭꦸꦩ꧀ꦩꦭꦸꦩ꧀ꦩꦔ꧀ꦭꦶꦃ꧈ ꦪꦪꦃꦏꦁꦠꦺꦗꦮꦁꦏꦮ꧉ ꧄ ꦤꦸꦗꦸꦩꦺꦴꦁꦱꦲꦔ꧀ꦭꦺꦴꦁꦔꦶꦁꦮꦸꦭꦤ꧀ꦩꦉꦁꦔꦶ꧈ ꦉꦩꦼꦁꦉꦩꦼꦁꦩꦩ꧈ ꦲꦩꦾꦁꦏꦂꦠꦶꦏꦤ꧀ꦤꦼꦭꦃꦲꦶ꧈ ꦲꦤꦸꦭꦸꦃꦲꦶꦏꦁꦭꦭꦩ꧀ꦥꦃ꧉ ꧄ ꦏꦢꦶꦠꦸꦢꦸꦃꦲꦶꦁꦢꦢꦭꦤ꧀ꦏꦁꦔꦫꦢꦶꦤ꧀ ꦝꦫꦠ꧀ꦲꦫꦲꦫ꧈ ꦲꦤꦸꦠ꧀ꦒꦼꦊꦁꦔꦤ꧀ꦤꦶꦁꦱꦧꦶꦤ꧀ ꦥꦫꦶꦥꦉꦁꦠꦸꦩꦫꦸꦤ꧀ꦤ꧉ ꧄ ꦩꦮꦫꦪꦏ꧀ꦏꦁꦠꦶꦂꦠꦲꦩꦫꦠꦤ꧀ꦤꦶ꧈ ꦩꦶꦭꦶꦭꦶꦪꦤ꧀ꦤꦶꦫ꧈ ꦱ꧀ꦮꦫꦲꦸꦫꦏꦸꦩꦫꦶꦕꦶꦏ꧀ ꦏꦢꦶꦩ
