6
ꦕꦫꦶꦠꦏꦁꦢꦢꦶꦩꦶꦱꦶꦭ꧀ ꦲꦶꦏꦸꦥꦤ꧀ꦠꦼꦩ꧀ꦫꦏꦼꦠ꧀ꦠꦤ꧈ ꦢꦫꦥꦺꦴꦤ꧀ꦩꦸꦟ꧀ꦏꦁꦏ꧀ꦏꦁꦧꦸꦢꦶ꧉ ꧄ ꦪꦺꦤ꧀ꦮꦺꦴꦁꦲꦤ꧀ꦤꦺꦴꦩ꧀ꦥꦤ꧀ꦮꦸꦱ꧀ꦠꦩ꧀ꦠꦸ꧈ ꦩꦤꦸꦠ꧀ꦩꦫꦁꦏꦁꦔꦣꦼꦥ꧀ꦥꦶ꧈ ꦪꦺꦤ꧀ꦏꦁꦔꦣꦼꦥ꧀ꦲꦏꦺꦃꦧꦁꦱꦠ꧀ ꦤꦺꦴꦫꦮꦸꦫꦸꦁꦧꦠꦶꦱꦗꦸꦠꦶ꧈ ꦪꦺꦤ꧀ꦏꦁꦔꦣꦼꦥ꧀ꦏꦺꦴꦲꦸꦂꦗꦤ꧈ ꦤꦺꦴꦫꦮꦸꦫꦸꦁꦧꦶꦱꦩꦭꦶꦁ꧉ ꧄ ꦱꦤꦢꦾꦤ꧀ꦠꦤꦺꦴꦫꦩꦺꦭꦸ꧈ ꦥꦰ꧀ꦛꦷꦮꦿꦸꦃꦱꦺꦴꦭꦃꦲꦶꦁꦩꦭꦶꦁ꧈ ꦏꦪꦩꦁꦏꦺꦴꦤ꧀ꦤꦺꦴꦱꦧꦫꦁ꧈ ꦥꦁꦒꦮꦺꦲꦭꦥꦸꦤ꧀ꦤꦶꦏꦶ꧈ ꦱꦺꦴꦏ꧀ꦮꦼꦫꦸꦃꦲꦤꦸꦭꦶꦧꦶꦱ꧈ ꦲꦶꦏꦸꦥꦤꦸꦤ꧀ꦠꦸꦤ꧀ꦤꦶꦁꦔꦺꦧ꧀ꦭꦶꦱ꧀꧈ ꧄ ꦥꦁꦒꦮꦺꦧꦼꦕꦶꦏ꧀ꦥꦸꦤ꧀ꦤꦶꦏꦸ꧈ ꦒꦩ꧀ꦥꦪꦺꦤ꧀ꦮꦸꦱ꧀ꦢꦺꦤ꧀ꦭꦏꦺꦴꦤ꧀ꦤꦶ꧈ ꦲꦔꦺꦭ꧀ꦪꦺꦤ꧀ꦢꦸꦫꦸꦁꦏꦭꦏꦾꦤ꧀ ꦲꦫꦱ꧀ꦱꦫꦱ꧀ꦱꦼꦤ꧀ ꦔ꧀ꦭꦏꦺꦴꦤ꧀ꦤꦶ꧈ ꦠꦸꦂꦲꦶꦏꦸꦢꦺꦤ꧀ꦭꦏꦺꦴꦤ꧀ꦤꦤ꧈ ꦩꦸꦥꦔꦠ꧀ꦠꦶꦧꦢꦤ꧀ꦤꦺꦏꦶ꧉ ꧅ ꦪꦺꦤ꧀ꦮꦺꦴꦁꦲꦤ꧀ꦤꦺꦴꦩ꧀ꦩꦤꦺꦴꦩ꧀ꦲꦶꦏꦸ꧈ ꦏꦁꦏꦁꦒꦺꦴꦲꦶꦁꦩꦱꦲꦶꦏꦶ꧈ ꦲꦟ꧀ꦝꦥ꧀ꦲꦱꦺꦂꦏꦁꦢꦺꦤ꧀ꦱꦶꦩ꧀ꦥꦂ꧈ ꦲꦸꦩ꧀ꦧꦸꦒ꧀ꦒꦸꦩꦸꦁꦒꦸꦁꦔꦶꦁꦣꦶꦫꦶ꧈ ꦲꦺꦴꦧꦿꦺꦴꦭ꧀ꦲꦸꦩꦸꦏ꧀ꦏꦁꦢꦺꦤ꧀ꦒꦸꦭꦁ꧈ ꦏꦸꦩꦼꦟ꧀ꦛꦸꦱ꧀ꦭꦮꦤ꧀ꦏꦸꦩꦁꦏꦶ꧉ ꧄ ꦱꦥꦱꦶꦫꦱꦥꦲꦶꦁꦱꦸꦤ꧀ ꦲꦔꦭꦸꦧꦶꦠ꧀ꦱꦂꦠꦲꦼꦢꦶꦂ꧈ ꦲꦶꦏꦸꦮꦮꦠꦼꦏ꧀ꦏꦺꦲꦸꦒ꧈ ꦤꦺꦴꦠ꧀ꦤꦺꦴꦩ꧀ꦩꦤ꧀ꦲꦢꦺꦴꦃꦮꦺꦴꦁꦧꦼꦕꦶꦏ꧀ ꦲꦼꦩꦺꦴꦃꦲꦸꦔꦿꦸꦔꦸꦕꦫꦶꦠ꧈ ꦕꦫꦶꦠꦲꦭꦭꦤ꧀ꦧꦼꦕꦶꦏ꧀꧈ ꧅ ꦕꦫꦶꦠꦥꦤ꧀ꦮꦸꦱ꧀ꦏꦭꦏꦸ꧈ ꦥꦁꦒꦮꦺꦲꦭꦭꦤ꧀ꦧꦼꦕꦶꦏ꧀ ꦠꦶꦤ꧀ꦢꦏ꧀ꦧꦤ꧀ꦤꦼꦭꦤ꧀ꦏꦁꦲꦺꦴꦫ꧈ ꦏꦊꦧꦸꦗꦿꦺꦴꦕ
