Kaca iki wis divalidasi
139
ꦲꦸꦥꦩꦶꦤ꧀ꦤꦶꦥꦸꦤ꧀ ꦏꦶꦁꦲꦶꦔꦫꦤ꧀ꦪꦪꦶꦩꦺꦴꦁꦠꦤ꧀ꦤꦶ꧈ ꦪꦼꦏ꧀ꦠꦶꦥꦏꦂꦪꦤ꧀ꦤꦶꦫ꧈ ꦒꦒꦩꦾꦁꦤꦤ꧀ꦤꦤ꧀ꦢꦸꦂ꧈ ꦓꦸꦱ꧀ꦡꦶꦗꦸꦩꦼꦤ꧀ꦤꦼꦁꦦꦔꦺꦫꦤ꧀ ꦪꦺꦏꦸꦄꦱ꧀ꦩꦤ꧀ꦤꦶꦫꦢꦠ꧀ꦏꦁꦩꦲꦱꦸꦕꦶ꧈ ꦪꦪꦶꦢꦶꦥꦸꦤ꧀ꦥꦿꦪꦶꦠ꧀ꦤ꧉ ꧄ ꦠꦶꦠꦶꦥꦤ꧀ꦤꦶꦠꦿꦤ꧀ꦤꦶꦫꦺꦁꦥꦭꦸꦥꦶ꧈ ꦲꦶꦁꦮꦸꦱꦤꦪꦪꦶꦠꦸꦂꦏꦮꦸꦭ꧈ ꦚꦸꦮꦸꦤ꧀ꦠꦸꦭꦸꦁꦱꦫꦶꦫꦤ꧀ꦤꦺ꧈ ꦥꦿꦏꦮꦶꦱ꧀ꦱꦸꦠꦤ꧀ꦤꦶꦁꦱꦸꦤ꧀ ꦏꦁꦥꦶꦤꦸꦟ꧀ꦝꦸꦠ꧀ꦫꦸꦏꦯꦁꦔꦗꦶ꧈ ꦣꦸꦃꦓꦸꦱ꧀ꦡꦶꦥꦸꦚ꧀ꦗꦲꦺꦫꦃ꧈ ꦱꦸꦩꦺꦴꦁꦒꦫꦶꦤ꧀ꦤꦶꦁꦱꦸꦤ꧀ ꦥꦸꦤ꧀ꦤꦶꦏꦫꦫꦺꦲꦸꦒꦸꦁꦔꦤ꧀ ꦱꦩ꧀ꦥꦸꦤ꧀ꦠꦲꦥꦢꦸꦏꦲꦔꦩ꧀ꦧꦶꦭ꧀ꦱꦶꦮꦶ꧈ ꦱꦤ꧀ꦠꦼꦤ꧀ꦥꦿꦪꦺꦴꦒꦤ꧀ꦤꦶꦫ꧉ ꧄
IV꧋ ꦱꦼꦫꦠ꧀ꦠꦶꦥꦸꦤ꧀ꦑꦁꦗꦼꦁꦓꦸꦱ꧀ꦡꦶꦦꦔꦺꦫꦤ꧀ꦲꦢꦶꦉꦡꦶꦲꦂꦪꦦꦿꦨꦸꦦꦿꦶꦁꦮꦢꦟ꧈ ꦣꦠꦼꦁꦑꦁꦗꦼꦁꦦꦔꦺꦫꦤ꧀ꦲꦂꦪꦓꦺꦴꦟ꧀ꦢꦄꦠ꧀ꦩꦗ M. N.꧉
꧋ꦣꦟ꧀ꦝꦁꦒꦼꦟ꧀ꦝꦶꦱ꧀꧈ ꧄ ꦩꦩꦤ꧀ꦤꦶꦱ꧀ꦱꦺꦲꦶꦁꦱꦧ꧀ꦢꦥꦭꦸꦥ꧈ ꦥꦭꦸꦤ꧀ꦠꦸꦂꦫꦶꦁꦮꦶꦭꦱꦭꦲꦼꦭ꧈ ꦭꦸꦩꦶꦪꦱ꧀ꦠꦸꦱꦱ꧀ꦩꦶꦪꦤ꧀ꦤꦺ꧈ ꦲꦫꦶꦤ꧀ꦠꦦꦔꦿꦤꦦꦿꦨꦸ꧇ꦦꦿꦁꦮꦢꦟꦢꦶꦤ꧀ꦤꦂꦢꦤ꧀ꦱꦶꦁꦒꦶꦃ꧈ ꦩꦪꦺꦴꦂꦲꦗꦸꦢ꧀ꦝꦤ꧀ꦤꦶꦫ꧈ ꦗꦼꦁꦓꦸꦱ꧀ꦡꦶꦮꦶꦫꦤꦸꦁ꧈ ꦏꦠꦸꦂꦫꦩꦿꦶꦁꦗꦼꦁꦏꦏꦁꦩꦱ꧀ ꦦꦔꦿꦤ꧀ꦲꦂꦪ꧇ꦓꦺꦴꦟ꧀ꦢꦄꦠ꧀ꦩꦗꦏꦁꦥꦏ꧀ꦛꦶ꧈ ꦮꦱꦶꦰ꧀ꦛꦺꦁꦥꦫꦶꦏꦿꦩꦂ꧉ ꧄ ꦱꦶꦃꦫꦸꦩꦼꦱꦼꦥ꧀ꦱꦸꦩꦸꦂꦩꦩꦿꦶꦁꦲꦫꦶ꧈ ꦠꦂꦥꦲꦶꦔꦤ꧀ꦮꦺꦴꦃꦥꦸꦧꦤꦶꦱ꧀ꦏꦭ꧈ ꦭꦩꦭꦤ꧀ꦤꦺꦁꦮꦭꦸꦪ
