Kaca:ꦥꦸꦱ꧀ꦥꦮꦂꦟꦶ꧇ꦥꦼꦥꦼꦛꦶꦏ꧀ꦏꦤ꧀ꦱꦼꦫꦠ꧀ꦗꦮꦶꦲꦶꦁꦏꦁꦩꦮꦶꦱꦼꦏꦂ.pdf/117

105

ꦏꦺꦭꦁꦔꦤ꧀ ​ꦤꦁꦔꦶꦁꦩꦁꦏꦺꦧꦺꦤ꧀ꦤꦺꦃꦫꦲꦺꦴꦱ꧀​ꦠꦤ꧀ꦩꦶꦏꦶꦂꦏꦁꦏꦢꦾꦲꦶꦏ꧈ ꦲꦶꦁꦒꦶꦃꦏꦁꦢꦢꦶꦢꦿꦶꦪ꧈ꦧꦏꦭ꧀ꦒꦮꦺꦤ꧀ꦤꦺꦥꦸꦠꦿꦺꦁꦱꦸꦤ꧀ ​ꦮꦪꦃꦠꦲꦶꦁꦏꦢꦶꦥꦠꦾꦤ꧀꧈ ꧄ ꦢꦸꦠꦩꦤ꧀ꦤꦶꦫꦏꦏꦗꦶ꧈ ꦲꦶꦁꦩꦤ꧀ꦢꦸꦫꦮꦸꦱ꧀ꦥꦸꦠꦸꦱ꧀ꦱꦤ꧀ ꦲꦁꦱꦸꦁꦲꦸꦤ꧀ꦤꦶꦔꦩꦫꦶꦁꦔꦺꦴꦁ꧈ ꦭꦩꦸꦤ꧀ꦏꦏꦁꦢ꧀ꦮꦫꦮꦠꦾ꧈ ꦥꦤ꧀ꦲꦸꦮꦸꦱ꧀ꦊꦒꦭꦶꦭ꧈ ꦯꦶꦠꦶꦯꦸꦤ꧀ꦢꦫꦶꦲꦣꦲꦸꦥ꧀​ ꦭꦤ꧀ꦊꦏ꧀ꦱ꧀ꦩꦟꦢꦏꦸꦩꦫ꧉ ꧄ ꦏꦏꦁꦩꦤ꧀ꦢꦸꦫꦢꦸꦏ꧀ꦥꦿꦥ꧀ꦠꦶ꧈ ꦲꦤꦺꦁꦤꦒꦿꦶꦢ꧀ꦮꦮꦠꦾ꧈ ꦮꦸꦱ꧀ꦤꦼꦩꦺꦴꦤ꧀ꦤꦶꦠꦫꦸꦠ꧀ꦩꦁꦏꦺ꧈ ꦢꦺꦤ꧀ꦤꦶꦫꦲꦂꦱ ꦩꦁꦒꦶꦃꦤ꧈ ꦥꦸꦠꦿꦺꦱ꧀ꦠꦿꦶꦣꦲꦸꦥ꧀ꦭꦮꦤ꧀ ꦲꦺꦴꦁꦑꦮꦶꦗꦪꦮꦸꦱ꧀ꦠꦩ꧀ꦠꦸ꧈ ꦢꦸꦥꦶꦮꦿꦶꦤ꧀ꦏꦏꦁꦩꦤ꧀ꦢꦸꦫ꧉ ꧄ ꦥꦶꦤ꧀ꦤꦼꦁꦔꦶꦁꦩꦶꦁꦒꦶꦃꦤꦱꦶꦮꦶ꧈ ꦫꦶꦤ꧀ꦤꦺꦴꦢꦲꦥꦫꦶꦥꦼꦏ꧀ꦱ꧈ ꦏꦏꦁꦦꦿꦨꦸꦏꦽꦱ꧀ꦤꦩꦁꦏꦺ꧈ ꦲꦤ꧀ꦤꦼꦁꦒꦶꦃꦱꦸꦩꦁꦒꦺꦁꦏꦂꦱ꧈ ꦑꦁꦔꦶꦁꦢꦂꦧꦺꦥꦩꦶꦤ꧀ꦠ꧈ ꦲꦶꦁꦠꦼꦩ꧀ꦧꦺꦥꦼꦁꦔꦫꦏ꧀ꦏꦶꦥꦸꦤ꧀ ꦥꦸꦠꦿꦺꦱ꧀ꦠꦿꦶꦢꦶꦥꦸꦤ꧀ꦲꦶꦫꦶꦁꦤ꧉ ꧄ ꦥꦠꦃꦮꦤ꧀ꦤꦺꦴꦢꦾꦪꦸꦭꦸꦮꦶꦃ꧈ ꦏꦺꦃꦲꦶꦫꦱꦠꦸꦱ꧀ꦏꦼꦩ꧀ꦧꦂꦫꦤ꧀ ꦏꦁꦲꦺꦤ꧀ꦢꦃꦲꦺꦤ꧀ꦢꦃꦏꦧꦺꦃꦲꦺ꧈ ꦮꦸꦱ꧀ꦢꦢꦶꦏꦸꦢꦁꦔꦤ꧀ꦤꦶꦫ꧈ ꦩꦶꦤ꧀ꦤꦺꦴꦁꦏꦱꦪꦼꦩ꧀ꦧꦫ꧈ ꦱꦧꦼꦤ꧀ꦮꦺꦴꦁꦤꦼꦏꦤ꧀ꦤꦶꦲꦶꦏꦸ꧈ ꦥꦠꦃꦏꦼꦤ꧀ꦚꦱꦠꦸꦱ꧀ꦥꦱꦁ꧉ ꧄ ꦲꦶꦪꦣꦲꦸꦥ꧀ꦭꦤ꧀ꦥꦸꦸꦠꦿꦺꦱ꧀ꦠꦿꦶ꧈ꦪꦾꦭꦶꦮꦠ꧀ꦥꦠ꧀ꦥꦸꦭꦸꦃꦢꦶꦤ꧀ꦤ꧈ ꦪꦺꦤ꧀ꦏꦭꦶꦮꦠ꧀ꦢꦠꦤ꧀ꦢꦢꦺꦴꦱ꧀ ꦥꦸꦤ꧀ꦤꦶꦏꦲꦶꦁꦏꦂꦱꦤ꧀ꦤꦶꦫ꧈ ꦯꦁꦦꦿꦨꦸꦢ꧀ꦮꦫꦮꦠꦾ꧈ ꦏꦢꦶꦥꦫꦤ꧀ꦥꦼꦤ꧀ꦤꦼꦢ꧀ꦢꦶꦥꦸꦤ꧀