ꦱꦼꦫꦠ꧀ꦢꦩꦂꦮꦸꦭꦤ꧀/01

1. Asmaradana ꦲꦱ꧀ꦩꦫꦤ꧀ꦢꦤ

[Tanggal: Jumaat Manis (Jumungah Legi) sanga (9) Urabiawal (Mulud).]

꧄(1) ꦤꦠ꧀ꦏꦭꦮꦶꦮꦶꦠ꧀ꦠꦶꦤꦸꦭꦶꦱ꧀(natkala wiwit tinulis) ꦲꦺꦤ꧀ꦗꦁꦣꦶꦤ꧀ꦠꦼꦤ꧀ꦤꦺꦗꦸꦩꦲꦠ꧀(énjang dintené Jumaat) ꦥꦶꦱꦁꦔꦲꦶꦏꦸꦠꦁꦒꦭ꧀ꦭꦺ(pi[ng] sanga iku tanggalé)꧈ ꦲꦶꦁꦱꦱꦶꦲꦸꦫꦧ꧀ꦧꦶꦲꦮꦭ꧀(ing sasi Urabiawal) ꦩꦤꦶꦱ꧀​ꦫꦁꦏꦼꦥ꧀ꦥꦶꦁꦝꦶꦤ(Manis rangkeping dina)꧈ ꦲꦤ꧀ꦠꦸꦏ꧀ꦏꦶꦁꦮꦺꦴꦁꦱꦶꦱꦶꦤꦲꦸ(antuking wong sesinau)꧈ ꦲꦠꦼꦩ꧀ꦧꦁꦲꦱ꧀ꦩꦫꦤ꧀ꦢꦤ(atembang asmarandana )꧈

꧄(2) ꦱꦒꦸꦁꦲꦶꦁꦏꦁꦩꦲꦺꦴꦱ꧀ꦠꦸꦭꦶꦱ꧀(sagung ingkang maos tulis) ꦢꦺꦤ꧀ꦤꦒꦸꦁꦱꦥꦸꦤ꧀ꦠꦼꦤ꧀ꦢꦶꦏ(dèn agung sapunten dika)꧈ ꦲꦏ꧀ꦱꦫꦏꦶꦫꦁꦠꦤ꧀ꦢꦸꦏ꧀ꦏꦺ(aksara kirang tanduké)꧈ ꦲꦏ꧀ꦱꦫꦩꦩꦣꦫꦸꦥ(aksara memadha rupa)꧈ ꦪꦺꦤ꧀ꦏꦶꦫꦁꦮꦸꦮꦸꦃꦲꦤ(yèn kirang wuwuhana)꧈ ꦢꦺꦤ꧀ꦤꦼꦭꦺꦴꦁꦔꦭꦩꦺꦴꦤ꧀ꦭꦁꦏꦸꦁ(dèn elonga lamon langkung)꧈ ꦏꦸꦩꦮꦶꦥꦏ꧀ꦱꦧꦸꦩꦶꦱ(kumawi paksa bumisa )꧈

꧄(3) ꦏꦥꦏ꧀ꦱꦣꦶꦏꦺꦴꦤ꧀ꦤꦸꦤꦸꦭꦶꦱ꧀(kapaksa dikon nenulis) ꦲꦤꦸꦠ꧀ꦥꦫꦺꦤ꧀ꦠꦃꦲꦶꦁꦠꦸꦮꦁ(anut paréntahing tuwang)꧈ ꦏꦶꦤꦺꦤ꧀ꦚꦫꦶꦠꦏꦼꦤ꧀ꦩꦁꦏꦺꦴ(kinèn nyaritakken mangko)꧈ ꦏꦤ꧀ꦝꦃꦲꦶꦁꦣꦸꦏ꧀ꦠꦠꦧꦸꦣ(kandhah ing duk tata buda)꧈ ꦲꦭꦩ꧀ꦩꦶꦁꦠꦤꦃꦗꦮ(alaming tanah Jawa)꧈ ꦏꦫꦸꦕꦶꦭ꧀ꦲꦶꦁꦗꦼꦗꦼꦂꦫꦶꦥꦸꦤ꧀(karucil ing jejeripun) ꦏꦢꦾꦪꦁꦪꦁꦩꦸꦁꦒꦺꦁꦱꦼꦫꦠ꧀(kadya yangyang munggèng serat )

꧄(4) ꦱꦁꦤꦠꦲꦒꦸꦁꦒꦶꦤꦸꦥꦶꦠ꧀(sang nata agung ginupit) ꦗꦼꦤꦼꦁ...ꦮꦶꦗ(jeneng [...] wija)꧈ ꦲꦶꦁꦩꦗꦥꦲꦶꦠ꧀ꦏꦶꦛꦤꦺ(ing Majapait kithané)꧈ ꦲꦶꦁꦏꦁꦏꦶꦤꦂꦪꦮꦶꦮꦶꦠꦤ꧀(ingkang kinarya wiwitan) ꦱꦁꦤꦧꦿꦮꦶꦗꦪ(Sang Na[ta] Brawijaya)꧈ ꦏꦭꦗꦼꦤꦼꦁꦔꦶꦥꦸꦤ꧀ꦤꦿꦠꦸ(kala jenengipun ratu)꧈ ꦧꦿꦮꦶꦗꦪꦠꦤ꧀ꦥꦱꦩ(Brawijaya tanpa sama )꧈

꧄(5) ꦱꦸꦪꦸꦣ꧀ꦱꦏꦺꦃꦲꦶꦁꦤꦒ(suyud sakèhing nagari) ꦫꦶꦲꦶꦁꦗꦮꦭꦤ꧀ꦠꦤꦃꦱꦧꦿꦁ(ing Jawa lan tanah sabrang)꧈ ꦲꦠꦸꦂꦲꦸꦥꦼꦠꦶꦱꦁꦏꦠꦺꦴꦁ(atur upeti sang katong)꧈ ꦏꦮꦂꦤꦲꦱꦩ꧀ꦥꦸꦤ꧀ꦭꦩ(kawarnaa sampun lama)꧈ ꦗꦼꦤꦼꦁꦔꦶꦫꦱꦁꦤꦠ(jenengira sang nata)꧈ ꦏꦒꦼꦤ꧀ꦠꦺꦤꦤ꧀ꦥꦸꦠꦿꦤꦶꦥꦸꦤ꧀(kagenténan putranipun) ꦗꦁꦏꦼꦥ꧀ꦥꦺꦠꦼꦣꦏ꧀ꦥꦶꦠꦶꦒ(jangkepé tedhak pi tiga )꧈

꧄(6) ꦧꦿꦮꦶꦗꦪꦏꦁꦏꦫꦶꦲꦶꦤ꧀(Brawijaya kang karihin) ꦠꦤ꧀ꦤꦣꦂꦧꦺꦥꦸꦠꦿꦭꦤꦁ(tan adarbé putra lanang)꧈ ꦲꦩꦸꦁꦱꦗꦸꦒꦥꦸꦠꦿꦤꦺ(amung sajuga putrané)꧈ ꦏꦭꦺꦴꦏꦏꦗꦤꦥꦿꦶꦪ(kaloka kajana priya)꧈ ꦲꦤꦼꦁꦒꦶꦃꦮꦱ꧀ꦠꦤꦶꦫ(anenggih wastanira)꧈ ꦏꦸꦱꦸꦩꦏꦤ꧀ꦕꦤꦮꦸꦁꦔꦸ(Kusuma Kancanawungu)꧈ ꦲꦸꦩꦸꦂꦏꦮꦤ꧀ꦮꦼꦭꦱ꧀ꦮꦂꦱ(umur kawan welas warsa )꧈

꧄(7) ꦠꦶꦤꦫꦶꦏꦿꦩꦱꦁꦥꦸꦠꦿꦶ(tinari krama sang putri)꧈ ꦏꦱꦫꦸꦏꦁꦫꦩꦱꦺꦣ(kasaru kang rama séda)꧈ ꦲꦤꦼꦁꦒꦶꦃꦲꦠ꧀ꦩꦗꦮꦣꦺꦴꦤ꧀(anenggih atmaja wadon) ꦤꦼꦁꦒꦶꦃꦒꦼꦤ꧀ꦠꦺꦤꦶꦏꦁꦫꦩ(nenggih gentèni kang rama)꧈ ꦗꦸꦩꦼꦤꦼꦁꦮꦶꦭꦠꦶꦏ꧀ꦠ(jumeneng Wilatikta)꧈ ꦱꦣꦪꦏꦥꦿꦧꦺꦴꦤ꧀ꦤꦶꦥꦸꦤ꧀(sadaya kaprabonipun) ꦏꦒꦼꦤ꧀ꦠꦺꦤꦤ꧀ꦤꦶꦁꦏꦁꦥꦸꦠꦿ(kagenténan ingkang putra )꧈

꧄(8) ꦗꦁꦏꦤ꧀ꦤꦶꦁꦮꦺꦴꦁꦩꦗꦥꦲꦶꦠ꧀(jangkaning wong Majapait) ꦲꦶꦁꦏꦁꦲꦭꦸꦭ꧀ꦲꦩꦶꦕꦫ(ingkang alul amicara)꧈ ꦧꦺꦱꦸꦏ꧀ꦲꦤꦂꦫꦠꦸꦮꦣꦺꦴꦤ꧀(bésuk ana ratu wadon) ꦭꦸꦮꦶꦃꦲꦂꦗꦤꦶꦁꦤꦒꦫ(luwih arjaning nagara)꧈ ꦲꦶꦁꦗꦒꦢ꧀ꦠꦤ꧀ꦥꦱꦩ(ing jagad tanpa sama)꧈ ꦱꦩꦶꦥꦥꦣꦤꦶꦁꦫꦠꦸ(sami pepadhaning ratu)꧈ ꦥꦿꦧꦸꦲꦺꦱ꧀ꦠꦿꦶꦠꦤ꧀ꦥꦱꦩ(Prabu Èstri tanpa sama )꧈

꧄(9) ꦏꦭꦗꦼꦤꦼꦁꦔꦺꦤꦂꦥꦠꦶ(kala jenengé narpati)꧈ ꦥꦿꦧꦸꦲꦺꦱ꧀ꦠꦿꦶꦩꦗꦊꦁꦏ(Prabu Èstri Majalengka)꧈ ꦥꦫꦧꦸꦪꦸꦠ꧀​ꦲꦣꦺꦤ꧀ꦣꦺꦤ꧀(para buyut adèn-adèn) ꦲꦗꦂꦮꦮꦱꦶꦃꦗꦗꦒꦤ꧀(ajar wewasi[h] jejanggan) ꦩꦭꦤ꧀ꦢꦁꦭꦤ꧀ꦧꦸꦗꦁꦒ(malandang lan bujangga)꧈ ꦥꦫꦗꦸꦫꦸꦥꦫꦱꦼꦥꦸꦃ(para juru para sepuh)꧈ ꦲꦠꦸꦂꦧꦏ꧀ꦠꦶꦏꦸꦩꦮꦸꦭ(atur bakti kumawula )꧈

꧄(10) ꦱꦗꦼꦤꦼꦁꦔꦺꦱꦿꦶꦧꦺꦴꦥꦠꦶ(sajenengé sri bopati)꧈ ꦤ꧀ꦚꦏꦿꦮꦠꦶꦧꦲꦸꦣꦼꦁꦣ(nyakrawati baudhen[g]dha)꧈ ꦭꦶꦂꦧꦤ꧀ꦚꦸꦩꦶꦭꦶꦣꦤꦤ꧀ꦤꦺ(lir banyu mili danané)꧈ ꦲꦱꦿꦶꦲꦂꦗꦤꦶꦁꦤꦒꦫ(asri arjaning nagara)꧈ ꦱꦗꦒꦢ꧀ꦠꦤ꧀ꦥꦱꦩ(sajagad tanpa sama)꧈ ꦮꦢꦾꦧꦭꦱꦩꦾꦉꦩ꧀ꦥꦸꦒ꧀(wadyabala samya rempug) ꦠꦸꦲꦸꦲꦣꦶꦭ꧀ꦥꦭꦩꦂꦠ(tuhu adil palamarta )꧈

꧄(11) ꦲꦶꦏꦁꦏꦶꦤꦂꦪꦥꦥꦠꦶꦃ(ikang kinarya pepatih)꧈ ꦣꦺꦤꦶꦫꦱꦁꦥꦿꦧꦸꦏꦼꦤ꧀ꦚ(dènira Sang Prabu Kenya)꧈ ꦤꦼꦁꦒꦶꦃꦏꦶꦥꦠꦶꦃꦭꦺꦴꦒꦼꦤ꧀ꦢꦺꦂ(nenggih Ki Patih Logendèr)꧈ ꦲꦒꦸꦁꦣꦶꦥꦸꦤ꧀ꦧꦥꦧꦥ(agung dipun bapa-bapa)꧈ ꦣꦺꦤꦶꦫꦱꦿꦶꦤꦭꦼꦤ꧀ꦢꦿ(dènira sri naléndra)꧈ ꦣꦠꦤ꧀ꦥꦼꦒꦠ꧀ꦢꦶꦥꦸꦤ꧀ꦠꦁꦠꦸꦤ(datan pegat dipun tan[g]tun)꧈ ꦪꦺꦤ꧀ꦱꦁꦥꦸꦠꦿꦶꦣꦂꦧꦺꦏꦂꦱ(yèn sang putri darbé karsa )꧈

꧄(12) ꦏꦱꦸꦱꦿꦪꦺꦤ꧀ꦤꦿꦠꦸꦭꦸꦮꦶꦃ(kasusra yèn ratu luwih)꧈ ꦥꦿꦧꦸꦲꦺꦱ꧀ꦠꦿꦶꦩꦗꦊꦁꦏ(Prabu Èstri Majalengka)꧈ ꦲꦒꦸꦁꦮꦣꦾꦧ꧀ꦧꦭꦏꦧꦺꦃ(agung wadyabala kabèh)꧈ ꦥꦫꦺꦤ꧀ꦠꦃꦭꦶꦂꦒꦸꦭꦣꦿꦮ(paréntah lir guladrawa)꧈ ꦱꦸꦏꦱꦸꦒꦶꦃꦮꦺꦴꦁꦣꦺꦱ(suka sugih wong désa)꧈ ꦠꦸꦭꦸꦱ꧀ꦏꦁꦱꦂꦪꦠꦶꦤꦤ꧀ꦢꦸꦂ(tulus kang sarya tinandur)꧈ ꦩꦸꦫꦃꦏꦁꦱꦂꦪꦠꦶꦤꦸꦩ꧀ꦧꦱ꧀(murah kang sarya tinumbas )

꧄(13) ꦏꦭꦁꦏꦸꦁꦱꦶꦔꦶꦠ꧀ꦤꦂꦥꦠꦶ(kalangkung singit narpati)꧈ ꦏꦭꦩꦶꦪꦺꦴꦱ꧀ꦱꦶꦤꦺꦮꦏ(kala miyos sinéwaka)꧈ ꦲꦤꦺꦁꦗꦿꦺꦴꦤꦶꦁꦏꦺꦴꦧꦺꦴꦁꦩꦁꦏꦺꦴ(anèng jroning kobong mangko)꧈ ꦩꦸꦁꦒꦺꦁꦔꦶꦁꦏꦛꦶꦭ꧀ꦏꦤ꧀ꦕꦤ(munggèng ing kathil kancana)꧈ ꦲꦩꦮꦶꦒꦭꦺꦣꦺꦒ꧀ꦒꦤ꧀(amawi galédhégan) ꦱꦶꦤꦺꦫꦺꦣ꧀ꦥꦼꦣꦼꦏꦤ꧀ꦤꦒꦸꦁ(sinèrèd pedhekan agung)꧈ ꦭꦭꦁꦱꦺꦏꦸꦩꦶꦠꦶꦂꦗꦶꦒ(lelangsé kumitir ji[ng]ga )꧈

꧄(14) ꦱꦏꦺꦃꦲꦺꦮꦺꦴꦁꦩꦗꦥꦲꦶꦠ꧀(sakèhé wong Majapait) ꦥꦫꦩꦤ꧀ꦠꦿꦶꦭꦤ꧀ꦥꦺꦴꦁꦒꦮ(para mantri lan ponggawa)꧈ ꦠꦤ꧀ꦮꦶꦏꦤ꧀ꦩꦫꦁꦱꦁꦏꦠꦺꦴꦁ(tan wikan marang sang katong)꧈ ꦲꦩꦸꦁꦱꦾꦫꦤꦺꦏꦥꦶꦂꦱ(amung syarané kapirsa)꧈ ꦪꦺꦤ꧀ꦏꦭꦲꦁꦔꦤ꧀ꦢꦶꦏ(yèn kala angandika)꧈ ꦲꦒꦼꦠꦱ꧀ꦉꦤ꧀ꦚꦃꦠꦸꦂꦲꦫꦸꦩ꧀(agetas renyah tur arum) ꦏꦣꦶꦔꦭꦥ꧀ꦥꦤꦗꦶꦮ(kadi ngalapana jiwa )꧈

꧄(15) ꦱꦁꦤꦠꦩꦶꦪꦺꦴꦱ꧀ꦠꦶꦤꦁꦏꦶꦭ꧀(sang nata miyos tinangkil) ꦣꦮꦼꦒ꧀ꦩꦶꦪꦺꦴꦱ꧀ꦱꦶꦤꦺꦮꦏ(daweg miyos sinéwaka)꧈ ꦲꦶꦁꦔꦪꦥ꧀ꦥꦼꦣꦼꦏꦤ꧀ꦤꦏꦺꦃ(ingayap pedhekan akèh)꧈ ꦲꦶꦁꦏꦺꦫꦶꦏꦭꦮꦤ꧀ꦏꦤꦤ꧀(ing kèri kalawan kanan) ꦲꦤ꧀ꦝꦺꦂꦥꦸꦁꦒꦮꦱꦺꦧ(andhèr punggawa séba)꧈ ꦏꦶꦥꦠꦶꦃꦩꦸꦁꦒꦺꦃꦲꦶꦁꦔꦪꦸꦤ꧀(ki patih munggèh[munggèng] ing ngayun) ꦥꦼꦥꦼꦏꦤ꧀ꦥꦫꦱꦤ꧀ꦠꦤ(pepekan para santana )꧈

꧄(16) ꦏꦁꦔꦤꦺꦁꦔꦂꦱꦤꦂꦥꦠꦶ(kang anèng ngarsa narpati)꧈ ꦫꦫꦺꦧꦸꦭꦺꦫꦫꦺꦧꦗꦁ(raré bulé raré bajang)꧈ ꦠꦤ꧀ꦤꦥꦶꦮꦺꦴꦁꦏꦼꦏꦼꦧꦶꦫꦺꦤ꧀(tanapi wong kekebirèn) ꦮꦺꦴꦁꦱꦭꦶꦮꦃꦫꦫꦺꦏꦼꦩ꧀ꦧꦂ(wong saliwah raré kembar)꧈ ꦫꦲꦤ꧀ꦝꦥ꧀ꦏꦺꦱꦺꦴꦣꦤ꧀(ra[ré] andhap késodan) ꦫꦫꦺꦧꦸꦕꦸꦫꦫꦺꦮꦸꦁꦏꦸꦏ꧀(raré bucu raré wungkuk) ꦫꦫꦺꦣꦺꦩ꧀ꦥꦺꦠ꧀​ꦏꦮꦤ꧀ꦥꦱꦁ(raré dhèmpèt kawan pasang )꧈

꧄(17) ꦏꦏꦕꦸꦩꦱ꧀ꦱꦮꦸꦁꦒꦭꦶꦁ(kekacu mas sawunggaling)꧈ ꦏꦶꦣꦁꦭꦤ꧀ꦤꦂꦣꦮꦭꦶꦏ(kidang lan ardawalika)꧈ ꦮꦲꦺꦴꦱ꧀ꦩꦩꦱ꧀ꦧꦶꦤꦁꦲꦤ꧀ꦝꦺꦂ(waos mamas binang andhèr)꧈ ꦱꦶꦤꦸꦭꦩ꧀ꦭꦮꦤ꧀ꦏꦤ꧀ꦕꦤ(sinulam lawan kancana)꧈ ꦗꦶꦁꦒꦿꦶꦁꦥꦺꦴꦤ꧀ꦛꦁꦲꦠꦫꦥ꧀(jinggring ponthang atarap) ꦧꦺꦴꦏꦺꦴꦂꦏꦤ꧀ꦕꦤꦥꦶꦤꦁꦒꦸꦭ꧀(bokor kancana pinanggul) ꦏꦭꦮꦤ꧀ꦏꦼꦤ꧀ꦝꦶꦥꦿꦠꦸꦭ꧀(kalawan kendhi pratul[a] )

꧄(18) ꦲꦣꦁꦔꦸꦣꦺꦤ꧀ꦚꦠꦶꦤꦁꦏꦶꦭ꧀(adangu dènnya tinangkil) ꦏꦱꦼꦤꦼꦤ꧀ꦤꦶꦁꦫꦣꦶꦠꦾ(kasenen[an] ing raditya)꧈ ꦣꦶꦤꦸꦭꦸꦥꦠꦶꦁꦥꦤ꧀ꦕꦺꦴꦫꦺꦴꦁ(dinulu pating pancorong)꧈ ꦥꦿꦧꦸꦏꦼꦤ꧀ꦚꦔꦤ꧀ꦢꦶꦏ(Prabu Kenya [a]ngandika)꧈ ꦱꦒꦸꦁꦔꦶꦁꦮꦣꦾꦧꦭ(sagunging wadyabala)꧈ ꦥꦿꦱꦩꦾꦏꦺꦴꦗꦼꦩ꧀ꦠꦸꦩꦸꦁꦏꦸꦭ꧀(prasamya ko[n]jem tumungkul) ꦭꦁꦏꦸꦁꦲꦗꦿꦶꦃꦲꦶꦁꦱꦁꦤꦠ(langkung ajrih ing sang nata )꧈

꧄(19) ꦲꦶꦁꦔꦤ꧀ꦢꦶꦏꦤ꧀ꦩꦫꦶꦁꦔꦂꦱꦶ(ingandikan maring ngarsi)꧈ ꦮꦲꦸꦠꦉꦏꦾꦤꦥꦠꦾ(wau ta rekyana patya)꧈ ꦲꦶꦁꦔꦤ꧀ꦢꦶꦏꦤ꧀ꦏꦶꦭꦺꦴꦒꦼꦤ꧀ꦢꦺꦂ(ingandikan Ki Logendèr)꧈ ꦱꦫꦮꦸꦲꦺꦲꦶꦁꦔꦗꦼꦁꦔꦤ꧀(sarawuhé ing ngajengan) ꦲꦶꦁꦔꦮꦺꦩꦫꦁꦔꦂꦱ(ingawé marang ngarsa)꧈ ꦲꦁꦔꦤ꧀ꦢꦶꦏꦱꦁꦔꦥꦿꦧꦸ(angandika sang aprabu)꧈ ꦭꦃꦲꦶꦤ꧀ꦚꦥꦣꦩꦸꦤ꧀ꦢꦸꦂꦫ(lah inya padha mundura)꧉

↑ ↑ ↑

← ꦱꦼꦫꦠ꧀ꦢꦩꦂꦮꦸꦭꦤ꧀

02 →