ꦱꦼꦫꦠ꧀ꦗꦪꦊꦁꦏꦫꦮꦸꦭꦁ/07

꧁ꦱꦶꦤꦺꦴꦩ꧀꧂

꧄​​ꦠꦤ꧀ꦮꦼꦝꦂ​ꦥꦸꦂꦮꦏꦤ꧀ꦤꦶꦫ꧉​​ꦭꦸꦔ​ꦤꦁꦔꦶꦁ​​ꦮꦸꦱ꧀ꦮꦿꦸꦃ​ꦏꦭꦷꦃ꧉​​ꦱꦩꦾ​ꦏꦊꦱ꧀ꦮ​ꦤ꧀ꦲꦤ꧀ꦤꦺꦤ꧀ꦢꦿ꧉​​ꦱꦪꦤ​ꦫꦺꦴꦤ꧀ꦤꦶꦁ​​ꦠꦁ​ꦒꦸꦭꦷ꧉​​ꦠꦺꦴꦪꦤ꧀ꦚꦲꦁꦔꦶꦝꦼꦂꦫꦷ꧉​​ꦲꦝꦽꦱ꧀ꦲꦶꦭꦶꦤ꧀ꦚ​ꦏꦸꦩꦿꦸꦱꦸꦏ꧀꧉​​ꦊꦱꦺ​ꦩꦸꦭꦠ꧀ꦡꦶꦁ​​ꦠꦮꦁ​꧉​​ꦧꦽꦩꦫ​ꦲꦁꦔꦺꦴꦱ꧀ꦮ​ꦱꦫꦷ꧉​​ꦲꦁꦉꦉꦩꦶꦃ​ꦭꦶꦂ​ꦫꦶꦱꦁ​​ꦩꦽꦝꦶ​ꦲꦱ꧀ꦩꦫ꧉

​​꧄ꦔꦸꦁ​ꦏꦸꦁ​​ꦏꦁ​​ꦥꦼꦏ꧀ꦱꦶ​ꦏꦶꦠꦶꦂꦫꦤ꧀꧉​​ꦱ꧀ꦮꦫꦤ꧀ꦤꦺꦲꦒꦭꦶꦏ꧀ꦒꦭꦷꦏ꧀꧉​​ꦩꦸꦤ꧀ꦚ​ꦲꦶꦁ​​ꦥꦁꦔꦱꦲꦸꦂꦫꦤ꧀꧉​​ꦏꦸꦏꦶꦭ​ꦪꦪꦃ​ꦩꦁ​ꦱꦶꦠ꧀ꦡꦷ꧉​​ꦩꦫꦁ​​ꦱꦁ​​ꦮꦸꦂꦪꦤ꧀ꦥꦿꦥ꧀ꦡꦷ꧉​​ꦏꦥꦺꦴꦝꦁ​​ꦩꦸꦤ꧀ꦚ​ꦲꦕꦶꦭꦸꦁ​꧉​​ꦕꦺꦴꦕꦏ꧀ꦩꦂꦒ​ꦏꦺꦮꦸꦃꦲꦤ꧀꧉​​ꦲꦶꦁ​​ꦠꦲꦼꦤ꧀ꦲꦁꦔꦫꦶꦃ​ꦲꦫꦷꦃ꧉​​ꦗꦭꦸ​ꦲꦺꦱ꧀ꦡꦿꦶ​ꦭꦶꦂ​ꦫꦶꦁ​​ꦠꦶꦭꦩ꧀ꦩꦁꦔꦸꦤ꧀ꦤꦿꦫꦱ꧀꧉

꧄​​ꦥꦼꦏ꧀ꦱꦶ​ꦒꦼꦤ꧀ꦝꦶꦁ​​ꦩꦸꦤ꧀ꦚ​ꦲꦸꦩꦾꦁ​꧉​​ꦏꦼꦥꦺꦴꦝꦁ​​ꦏꦝꦾ​ꦔꦼꦤ꧀ꦝꦁꦔꦷ꧉​​ꦕꦸꦁ​ꦒꦺꦂꦫꦺꦫꦺꦠ꧀ꦭꦶꦂ​ꦏꦁ​ꦱꦶꦤ꧀ꦚ꧉​​ꦏꦸꦏꦶꦭ​ꦏꦝꦾ​ꦔꦶꦝꦸꦁꦔꦷ꧉​​ꦗꦶꦪꦏ꧀ꦲꦗꦼꦂꦫꦶꦠ꧀ꦗꦼꦂꦫꦷꦠ꧀꧉​​ꦕꦏ꧀ꦧꦏ꧀ꦩꦸꦤ꧀ꦚ​ꦭꦶꦂ​ꦮꦺꦴꦁ​​ꦔꦼꦠꦸꦂ꧉​​ꦩꦤ꧀ꦚꦫ​ꦲꦩ꧀ꦧꦼꦝꦪ꧉​ꦱꦶꦱꦶꦏꦠ꧀ꦡꦤ꧀ꦲꦩ꧀ꦧꦤ꧀ꦝꦶꦁꦔꦷ꧉​​ꦥꦼꦏ꧀ꦱꦶ​ꦗꦧꦼꦭ꧀ꦲꦁꦔꦏꦏ꧀ꦏꦝꦾ​ꦮꦺꦴꦁ​​ꦭꦠꦃ꧉​​

꧄ꦱꦁ​ꦏꦸꦤꦶ​ꦩꦸꦤ꧀ꦚ​ꦮꦸꦫꦃꦲꦤ꧀꧉​​ꦱꦿꦶꦒꦸꦤ꧀ꦡꦶꦁ​​ꦭꦶꦂ​ꦝꦂꦧꦺ​ꦏꦂꦝꦷ꧉​​ꦏꦝꦾ​ꦏꦏꦫꦺꦤ꧀ꦥꦺꦴꦭꦃꦚ꧉​​ꦥꦼꦏ꧀ꦱꦶ​ꦲꦱꦼꦭꦸꦂ​ꦏꦁ​​ꦥꦿꦥ꧀ꦡꦷ꧉​​ꦭꦶꦂ​ꦮꦺꦴꦁ​​ꦏꦺꦴꦤ꧀ꦢꦁꦔꦤ꧀ꦱꦩꦷ꧉​ꦩꦼꦫꦏ꧀ꦲꦁꦔꦸꦤ꧀ꦢꦁ​​ꦔꦶꦁ​​ꦥꦼꦕꦸꦏ꧀꧉​ꦥꦼꦭꦠꦸꦏ꧀ꦱꦺꦮꦒꦫ꧉​ꦱꦸꦭꦶꦤ꧀ꦝꦶꦠ꧀ꦲꦁꦔ꧀ꦭꦭꦝꦺꦤ꧀ꦤꦷ꧉​​ꦏꦝꦾ​ꦥꦺꦩꦸꦠ꧀ꦒꦂꦧ​ꦭꦶꦂ​ꦲꦤ꧀ꦤꦺꦴꦥꦺꦁ​​ꦧꦺꦴꦁ​ꦱ꧉

꧄​​ꦒꦸꦛꦶꦭꦁ​​ꦒꦸꦭꦛꦶꦏ꧀ꦩꦸꦤ꧀ꦚ꧉​​ꦏꦝꦾ​ꦲꦱ꧀ꦱꦮꦭ​ꦱꦩꦷ꧉​​ꦲꦶꦁ​​ꦥꦁꦔꦶꦤꦸꦩ꧀ꦩꦤ꧀ꦭꦤ꧀ꦧꦺꦱꦤ꧀꧉​​ꦩꦸꦫꦶꦤ​ꦠꦸꦏꦺꦴꦤ꧀ꦱꦛꦶꦛꦷꦏ꧀꧉​​ꦗꦭꦏ꧀ꦧꦶꦪꦸꦁ​​ꦗꦼꦏ꧀ꦱꦤ꧀ꦤꦷ꧉​​ꦏꦝꦾ​ꦏꦺꦤ꧀ꦤꦒꦝꦺ​ꦧꦠꦸꦂ꧉​​ꦧꦼꦧꦼꦭꦸꦏ꧀ꦥꦸꦤ꧀ꦕꦼꦂꦉꦁꦔꦤ꧀꧉​​ꦱꦼꦁꦔꦶꦠ꧀ꦱꦫꦺꦴꦮꦁꦔꦺ​ꦭꦶꦁ​ꦒꦷꦃ꧉​​ꦗꦺꦴꦲꦤ꧀ꦩꦶꦧꦼꦂ​ꦏꦝꦾ​ꦲꦩꦝꦭ꧀ꦥꦱꦶꦭ꧀ꦭꦤ꧀꧉​​

꧄ꦧꦸꦪꦂ​ꦏꦁ​​ꦥꦼꦏ꧀ꦱꦶ​ꦮꦸꦫꦃꦲꦤ꧀꧉​​ꦭꦶꦂ​ꦥꦺꦤ꧀ꦢꦃ​ꦱꦸꦮꦭ​ꦱꦩꦷ꧉​​ꦲꦫꦩ꧀ꦩꦺ​ꦲꦶꦁ​​ꦥꦁꦔꦶꦤ꧀ꦤꦸꦩ꧀ꦩꦤ꧀꧉​​ꦮꦸꦭꦸꦁ​​ꦧꦶꦧꦶꦝꦺꦴ​ꦲꦏꦼꦤ꧀ꦕꦷꦁ​꧉​​ꦕꦶꦤ꧀ꦡꦏ​ꦩꦶꦠꦸꦠꦸꦂꦫꦷ꧉​​ꦩꦼꦂꦫꦏ꧀ꦭꦶꦂ​ꦮꦺꦴꦁ​​ꦗꦭꦸꦏ꧀ꦡꦸꦭꦸꦁ​꧉​​ꦩꦺꦤ꧀ꦕꦺꦴ​ꦭꦶꦂꦮꦺꦴꦁ​​ꦲꦠꦤ꧀ꦢꦁ​꧉​​ꦕꦏ꧀ꦧꦏ꧀ꦏꦝꦾ​ꦮꦺꦴꦁ​ꦔꦠꦶꦠꦷꦂ꧉​​ꦱꦶꦱꦶꦏꦠ꧀ꦡꦤ꧀ꦥꦺꦴꦭꦃꦲꦺ​ꦭꦶꦂ​ꦱꦶꦏꦼꦥ꧀ꦝꦝꦥ꧀꧉

꧄ꦏꦒꦾꦠ꧀ꦥꦸꦥꦸꦔꦸꦤ꧀ꦤꦿꦃꦲꦝꦾꦤ꧀꧉​​ꦩꦶꦪꦂꦱ​ꦱ꧀ꦮꦫꦤ꧀ꦤꦶꦁ​​ꦥꦼꦏ꧀ꦱꦷ꧉​​ꦭꦶꦪꦼꦥ꧀ꦭꦁꦔꦸꦠ꧀ꦡꦶꦁ​​ꦮꦂꦝꦪ꧉​​ꦫꦃꦲꦝꦾꦤ꧀ꦤꦩ꧀ꦥꦺꦤ꧀ꦤꦶ​ꦮꦁ​ꦱꦷꦠ꧀꧉​​ꦩꦤꦸꦏ꧀ꦲꦶꦏꦶ​ꦔꦫꦸꦃꦲꦷ꧉​​ꦪ​ꦩꦫꦶꦁ​​ꦥꦺꦴꦭꦃꦲꦤ꧀ꦤꦶꦁ​ꦱꦸꦤ꧀꧉​​ꦥꦿꦥ꧀ꦡꦺꦁ​​ꦮꦤ​ꦲꦤ꧀ꦤꦺꦤ꧀ꦢꦿ꧉​​ꦤꦼꦥ꧀ꦱꦸꦤ꧀ꦤꦺꦝꦺꦤ꧀ꦏꦸꦫꦠꦺꦤ꧀ꦤꦷ꧉​​ꦪꦺꦤ꧀ꦗꦭ꧀ꦩꦲ​ꦏꦝꦾ​ꦔꦸꦕꦥ꧀ꦥ​ꦩꦼꦁ​ꦏꦤ꧉

꧄ꦭꦺꦁ​ꦱꦺꦂ​ꦱꦁ​ꦏꦶꦁ​​ꦥꦽꦤ꧀ꦤꦃꦲꦶꦫ꧉​​ꦫꦃꦲꦝꦺꦤ꧀ꦤꦶꦁ​ꦱꦼꦠ꧀ꦡꦶ​ꦥꦼꦤ꧀ꦢꦷꦁ꧉​​ꦭꦸꦥ​ꦲꦩꦶꦁ​ꦒꦶꦂ​ꦫꦶꦁ​​ꦠꦺꦴꦪ꧉​​ꦮꦸꦱ꧀ꦲꦱꦶꦥꦠ꧀ꦱꦺꦴꦠꦾ​ꦏꦭꦷꦃ꧉​​ꦏꦸꦫꦃ​ꦮꦗ​ꦭꦸꦩꦫꦷꦱ꧀꧉​​ꦫꦺꦴꦤ꧀ꦡꦫꦸ​ꦤ꧀ꦤꦺꦁ​​ꦩꦂꦒ​ꦫꦸꦁꦔꦿꦸꦩ꧀꧉​​ꦲꦩꦿꦶꦏ꧀ꦒꦤ꧀ꦢꦤ꧀ꦤꦁ​​ꦱꦼꦏꦂ꧉​​ꦪꦪꦃ​ꦤꦼꦒꦃꦲꦶꦁ​ꦱꦁ​​ꦧꦿꦁ​ꦠꦷ꧉​​ꦥꦭ​ꦮꦽꦏ꧀ꦱ​ꦲꦒ꧀ꦭꦂ​ꦥꦶꦤꦁꦔꦤ꧀ꦤꦶꦁ​​ꦉꦁꦔꦱ꧀꧉​​

꧄ꦗꦺꦴꦲꦤ꧀ꦮꦼꦤ꧀ꦤꦃ​ꦲꦩꦼꦩꦺꦴꦁ​ꦱ꧉​​ꦕꦺꦴꦕꦏ꧀ꦲꦤ꧀ꦤꦕꦏ꧀ꦏꦶꦁ​​ꦮꦸꦤꦷ꧉​​ꦒꦸꦛꦶꦭꦁ​​ꦲꦶꦭꦁ​​ꦧꦸꦏ꧀ꦡꦶꦤ꧀ꦚ꧉​​ꦒꦼꦧꦿꦺꦱ꧀ꦒꦼꦧꦿꦺꦱ꧀ꦢꦺꦤ꧀ꦚ​ꦧꦸꦏ꧀ꦡꦷ꧉​​ꦊꦭꦮ​ꦲꦁ​ꦒꦮꦤ꧀ꦤꦷ꧉​​ꦩꦺꦴꦕꦺꦴ​ꦩꦺꦴꦕꦺꦴ​ꦔꦸꦭꦸ​ꦲꦸꦭꦸ꧉​​ꦧꦺꦛꦺꦠ꧀ꦫꦺ​ꦤ꧀ꦡꦺꦥ꧀ꦲꦶꦁꦔꦼꦥꦁ​꧉ꦱꦸꦭꦶꦤ꧀ꦝꦶꦠ꧀ꦲꦁꦔꦶꦤ꧀ꦝꦶꦠ꧀ꦧꦸꦏ꧀ꦡꦷ꧉​​ꦥꦼꦏ꧀ꦱꦶ​ꦲꦼꦁ​ꦏꦸꦏ꧀ꦩꦤ꧀ꦛꦸꦏ꧀ꦩꦤ꧀ꦛꦸꦏ꧀ꦏꦸꦮꦉꦒꦤ꧀꧉

꧄ꦥꦼꦏ꧀ꦱꦶ​ꦲꦼꦁ​ꦏꦏ꧀ꦊꦁ​ꦒꦏ꧀ꦊꦁ​ꦒꦏ꧀꧉​​ꦲꦁ​ꦊꦁ​ꦒꦏ꧀ꦮꦉꦒ꧀ꦲꦧꦸꦏ꧀ꦡꦷ꧉​​ꦏꦼꦥꦺꦴꦝꦁ​​ꦲꦁꦔꦝꦁ​​ꦩꦺꦴꦁ​ꦱ꧉​ꦥꦽꦏꦸꦠꦸꦠ꧀ꦡꦸꦠꦸꦠ꧀ꦲꦧꦸꦏ꧀ꦡꦷ꧉​​ꦥꦸꦠꦼꦂ​ꦥꦶꦤ꧀ꦡꦼꦂꦠꦼꦂ​ꦲꦠꦩ꧀ꦥꦷ꧉​​ꦲꦤ꧀ꦤꦸꦕꦸꦏ꧀ꦒꦧꦃ​ꦱꦸꦩꦮꦸꦂ꧉​​ꦏꦼꦝꦮ​ꦏꦮꦼꦤ꧀ꦤꦃꦲꦤ꧀꧉​​ꦱꦠ​ꦮꦤ​ꦮꦤ꧀ꦤꦶ​ꦏꦫꦷ꧉​​ꦏꦫꦶ​ꦔ꧀ꦮꦸꦫꦶ​ꦪ​ꦠ​ꦮꦺꦴꦤ꧀ꦡꦼꦤ꧀ꦏꦁ​​ꦏꦺꦴꦕꦥ꧀ꦥ꧉​​

꧄ꦏꦼꦏꦭꦶꦃ​ꦧꦼꦧꦠꦺꦴꦃ​ꦏꦭꦃ꧉​​ꦝꦿꦸꦧꦶꦏ꧀ꦱ​ꦧꦸꦤ꧀ꦡꦺꦴꦤ꧀ꦤꦶ​ꦩꦂꦒꦷ꧉​​ꦱꦩꦾ​ꦗꦸꦭꦶꦒ꧀ꦲꦫꦶ​ꦏꦏꦁ​꧉​​ꦏꦁ​​ꦱꦼꦥꦸꦃ​ꦏꦭ꧀ꦥ​ꦮꦼꦮꦁꦔꦷ꧉​​ꦱꦁ​​ꦏꦭ꧀ꦥꦶꦏ​ꦠꦫꦸꦤꦷ꧉​​ꦲꦏꦺꦃ​ꦏꦭꦃꦲꦺ​ꦲꦁꦭꦩ꧀ꦥꦸꦱ꧀꧉​​ꦝꦝꦶ​ꦮꦼꦂꦫꦶꦤ꧀ꦤꦁ​​ꦮꦤ꧉​​ꦩꦁ​ꦏꦾ​ꦏꦭꦶꦃ​ꦲꦤ꧀ꦤꦶꦁꦔꦭ꧀ꦭꦷ꧉​​ꦲꦶꦁ​​ꦱꦠꦿꦶꦪ​ꦧꦸꦱꦤ꧀ꦤꦤ꧀ꦤꦺ​ꦩꦸꦫꦸꦧ꧀ꦩꦸꦧꦾꦂ꧉

꧄​​ꦭꦁ​ꦏꦸꦁ​​ꦠꦸꦱ꧀ꦛ​ꦲꦶꦁ​​ꦠꦾꦱ꧀ꦱꦶꦫ꧉​​ꦫꦫꦺ​ꦤꦺꦴꦩ꧀ꦥꦼꦱ꧀ꦛꦶ​ꦏꦕꦁ​ꦏꦷꦁ​꧉​​ꦲꦒ꧀ꦭꦶꦱ꧀ꦤꦸ​ꦭꦾ​ꦥꦶꦤ꧀ꦤꦫꦤ꧀ꦤꦤ꧀꧉​​ꦫꦃꦲꦝꦺꦤ꧀ꦒꦂ​ꦗꦶꦠꦺꦁ​​ꦒꦭꦷꦃ꧉​​ꦪꦪꦶ​ꦮꦺꦴꦁ​​ꦔꦥ​ꦲꦶꦏꦷ꧉​​ꦱꦸꦗꦭ꧀ꦩ​ꦩꦠꦸꦂ​ꦠꦤ꧀ꦮꦼꦂꦫꦸꦃ꧉​​ꦧꦶꦭꦶꦃ​ꦠꦶꦪꦁ​​ꦧꦺꦧꦺꦒꦭ꧀꧉​​ꦏꦤ꧀ꦛꦤ꧀ꦤꦺ​ꦥꦸꦤꦶꦏ​ꦏꦝꦷ꧉​​ꦲꦁ​ꦒꦶꦒꦶꦭ​ꦥꦺꦴꦭꦃꦲꦺ​ꦲꦩꦿꦶꦃ​ꦗꦶꦤ꧀ꦤꦿꦶꦲꦤ꧀꧉​​

꧄ꦲꦶꦪ​ꦏꦪ​ꦏꦊꦉꦱꦤ꧀꧉​​ꦥꦤ꧀ꦢꦸꦒꦤ꧀ꦤꦶꦫ​ꦠ​ꦪꦪꦷ꧉​​ꦏꦪꦥꦫꦤ꧀ꦏꦂꦱꦤ꧀ꦤꦶꦫ꧉​​ꦲꦥ​ꦱꦸꦁ​​ꦧꦸꦱꦤ​ꦱꦩꦷ꧉​​ꦱꦸꦗꦭ꧀ꦩ​ꦠꦸꦂ​ꦠꦤ꧀ꦤꦥ꧀ꦡꦷ꧉​​ꦏꦭꦸꦲꦸꦂꦫꦤ​ꦥꦶꦪꦁ​ꦏꦸꦃ꧉​​ꦥꦝꦸꦏ​ꦏꦶꦫꦁ​​ꦥꦫꦤ꧀꧉​​ꦝꦾꦤ꧀ꦔꦤ꧀ꦢꦶꦏ​ꦲꦶꦪ​ꦪꦪꦷ꧉​​ꦧꦔꦼꦠ꧀ꦤꦶꦱ꧀ꦛ​ꦮꦺꦴꦁ​ꦔꦶꦭꦁ​​ꦥꦔꦁ​ꦒꦺꦴꦤ꧀ꦤꦶꦫ꧉​​

꧄ꦤꦁꦔꦶꦁ​​ꦠ​ꦥꦁꦔꦿꦱꦤ꧀ꦤꦶꦁꦮꦁ​꧉​​ꦩꦺꦴꦁ​ꦱ​ꦩꦸꦁ​ꦤ​ꦮꦱ꧀ꦡꦿ​ꦏꦼꦂꦫꦶꦱ꧀꧉​​ꦪꦺꦤ꧀ꦮꦶꦱ꧀ꦏꦼ​ꦤ꧀ꦤ​ꦏꦁ​​ꦧꦸꦱꦤ꧉​​ꦪ​ꦠꦤ꧀ꦮꦸꦫꦸꦁ​​ꦔꦩꦠꦺꦤ꧀ꦤꦷ꧉​​ꦩꦥꦤ꧀ꦡ​ꦱꦶꦫ​ꦪꦪꦷ꧉​​ꦲꦁ​ꦒꦮ​ꦏꦼꦤ꧀ꦕꦤ​ꦲꦒꦸꦁ​꧉​​ꦏꦪ​ꦥ​ꦏꦂꦱꦤ꧀ꦤꦶꦫ꧉​​ꦱꦸꦗꦭ꧀ꦩ​ꦩꦠꦸꦂ​ꦮꦺꦴꦠ꧀ꦱꦫꦷ꧉​​ꦲꦶꦁ​ꦒꦶꦃ​ꦏꦏꦁꦩꦺꦴꦁ​ꦱ​ꦧꦺꦴꦫꦺꦴꦔ​ꦥꦝꦸꦏ꧉

꧄​​ꦭꦃ​ꦪꦪꦶ​ꦲꦱꦶꦭꦸꦩ꧀ꦩꦤ꧉​​ꦲꦶꦁ​ꦱꦸꦤ꧀ꦥꦒꦸꦠ꧀ꦡꦺꦥꦿꦶꦧꦝꦷ꧉​​ꦱꦸꦤ꧀ꦕꦺꦴꦧ​ꦮꦸꦫꦸꦏ꧀ꦗꦼꦁ​​ꦫꦩ꧉​​ꦠꦶꦁ​ꦏꦃꦲꦶꦁ​​ꦔꦱꦶꦏꦼꦥ꧀ꦏꦼꦂꦫꦷꦱ꧀꧉​​ꦝꦸꦏ꧀ꦲꦤ​ꦲꦶꦁ​​ꦤꦼꦒꦫꦷ꧉​​ꦲꦶꦁ​ꦱꦸꦤ꧀ꦏꦶꦤ꧀ꦤꦼꦩ꧀ꦧꦸꦭ꧀ꦭꦤ꧀ꦕꦠꦸꦂ꧉​​ꦗꦭ꧀ꦩ​ꦠꦸꦩꦼꦏꦺꦁ​​ꦥꦤ꧀ꦕ꧉​​ꦠꦤ꧀ꦤꦁ​ꦒꦼꦥꦺꦴꦏ꧀ꦩꦫꦁ​​ꦩꦩꦷ꧉​​ꦧꦸꦃ​ꦲꦶꦁ​​ꦠꦼꦩꦃ​ꦲꦶꦁ​​ꦏꦂꦪ​ꦪꦺꦴꦤ꧀ꦤꦺꦴꦫ​ꦥꦝ꧉

꧄​​ꦪꦺꦤ꧀ꦩꦸꦁ​ꦱꦸꦃ​ꦱꦸꦤ꧀ꦪꦪꦶ​ꦗꦭ꧀ꦩ꧉​​ꦲꦸꦠꦩ​ꦲꦧꦼꦏ꧀ꦱ​ꦏꦼꦫꦷꦱ꧀꧉​​ꦤꦁꦔꦶꦁ​​ꦱꦸꦤ꧀ꦢꦸꦫꦸꦁ​​ꦏꦫꦸꦮꦤ꧀꧉​​ꦮꦶꦱ꧀ꦡ​ꦱꦶꦭꦸꦩ꧀ꦩꦤ​ꦪꦪꦷ꧉​​ꦱꦸꦗꦭ꧀ꦩ​ꦠꦸꦂ​ꦠꦤ꧀ꦤꦥ꧀ꦡꦷ꧉​​ꦏꦸꦭ​ꦕꦕꦏ꧀ꦏꦺꦫꦸꦩꦸꦮꦸꦤ꧀꧉​​ꦲꦶꦁ​ꦒꦶꦃ​ꦮꦸꦭꦁ​​ꦥꦸꦤ꧀ꦧꦥ꧉​​ꦊꦲꦼꦁ​​ꦥꦝꦸꦏ​ꦮꦸꦱ꧀ꦪꦼꦏ꧀ꦡꦷ꧉​​ꦏꦏꦁ​ꦔꦼꦩꦱ꧀ꦗꦼꦁ​​ꦥꦝꦸꦏ​ꦱꦶꦭꦸꦩ꧀ꦩꦤ꧉

꧄​​ꦭꦶꦁ​​ꦫꦝꦺꦤ꧀ꦲꦥ​ꦠ​ꦱꦶꦫ꧉​​ꦏꦸꦮꦮ​ꦲꦗ​ꦚꦸꦂꦤꦤ꧀ꦤꦷ꧉​​ꦲꦩꦥꦭ꧀ꦭꦤ​ꦏꦺꦮꦭ꧉​​ꦩꦫꦶꦁ​​ꦝꦸꦫꦠ꧀ꦩꦏ​ꦏꦭꦷꦃ꧉​​ꦱꦸꦗꦭ꧀ꦩ​ꦲꦠꦸꦂ​ꦧꦼꦏ꧀ꦡꦷ꧉​​ꦩꦸꦒꦶ​ꦲꦁ​ꦱꦭ꧀ꦭ​ꦥꦔꦺꦱ꧀ꦡꦸ​꧉​​ꦤꦶꦥꦸꦤ꧀ꦏꦁ​ꦗꦼꦁ​​ꦏꦏꦁ​​ꦩꦱ꧀꧉​​ꦭꦤ꧀ꦏꦁ​​ꦧꦂꦏꦠ꧀ꦗꦼꦁ​​ꦤꦂꦥꦠꦷ꧉​​ꦱꦥꦫꦺꦤ꧀ꦡꦃ​ꦏꦮꦸꦭ​ꦝꦂꦩ​ꦭꦸꦩꦩ꧀ꦥꦃ꧉

꧅ ꦚ꧀ꦖ ꧅

↑ ↑ ↑

← 06

08 →