ꦱꦼꦫꦠ꧀ꦗꦪꦊꦁꦏꦫꦮꦸꦭꦁ/06

꧁ꦝꦤ꧀ꦝꦁꦒꦸꦭ꧂

꧄ꦲꦩꦼꦒꦠ꧀ꦡꦽꦱ꧀ꦤ​ꦲꦤ꧀ꦤꦸꦭꦾ​ꦩꦶꦗꦷꦭ꧀꧉​​ꦏꦝꦾ​ꦝꦼꦤꦸꦭꦸꦂ​ꦝꦺꦤ꧀ꦤꦶꦁ​​ꦪ꧀ꦮꦁ​​ꦱꦸꦏ꧀ꦩ꧉​​ꦏꦁ​​ꦫꦸꦩꦼꦏ꧀ꦱ​ꦠꦸꦫꦸ​ꦏꦧꦻꦃ꧉​​ꦩꦼꦝ꧀ꦢꦭ꧀ꦭꦮꦁ​​ꦏꦸꦛ​ꦮꦸꦱ꧀꧉​​ꦠꦤ꧀ꦤꦤ​ꦮꦿꦸꦃ​ꦏꦁ​​ꦮꦝ꧀ꦮ​ꦩꦤ꧀ꦡꦿꦷ꧉​​ꦲꦩ꧀ꦧꦼꦏ꧀ꦡ​ꦏꦼꦤ꧀ꦕꦤ​ꦮꦿꦠ꧀꧉​​ꦏꦭꦶꦃ​ꦏꦠꦶ​ꦱꦩ꧀ꦥꦸꦤ꧀꧉​​ꦥꦿꦥ꧀ꦡꦺꦁ​​ꦮꦤ​ꦏꦫꦃꦲꦶꦤꦤ꧀꧉​​ꦲꦱꦶꦭꦸꦩ꧀ꦩꦤ꧀ꦏꦁ​​ꦠꦶꦤꦲ​ꦏꦁ​​ꦔꦸꦭꦠ꧀ꦡꦷ꧉​​ꦮꦝ꧀ꦮ​ꦱꦼꦤ꧀ꦡꦤꦝꦸꦠ꧉

꧄ꦏꦮꦂꦤꦲ​ꦲꦺꦴꦉꦒ꧀ꦲꦶꦁ​​ꦤꦼꦒꦫꦷ꧉​​ꦲꦱꦿꦁ​​ꦱꦿꦁꦔꦤ꧀ꦲꦁꦔꦸꦭꦠ꧀ꦡꦶ​ꦫꦝꦾꦤ꧀꧉​​ꦱꦩ꧀ꦥꦸꦤ꧀ꦏꦠꦸꦂ​ꦲꦶꦁ​​ꦱꦁ​​ꦫꦗꦻꦁ꧉ꦥꦿꦩꦺꦱ꧀ꦮꦫꦶ​ꦱꦶꦤꦸꦁ​​ꦮꦿꦸꦃ꧉​​ꦏ꧀ꦪꦺꦤ꧀ꦤꦿꦃꦲꦝꦺꦤ꧀ꦏꦺꦱꦃ​ꦲꦶꦁ​​ꦮꦼꦔꦷ꧉​​ꦠꦤ꧀ꦤꦩ꧀ꦏ꧀ꦡ​ꦥꦉꦥꦠ꧀꧉​​ꦥꦿꦩꦺꦱ꧀ꦮꦫꦶ​ꦏꦤ꧀ꦡꦸ꧉​​ꦒꦸꦩꦼꦂꦫꦃ​ꦱꦗꦿꦺꦴꦤꦶꦁ​​ꦥꦸꦫ꧉​​ꦏꦝꦶ​ꦮꦽꦱ​ꦥꦤ꧀ꦗꦿꦶꦠ꧀ꦡꦶꦁꦔꦱ꧀ꦡꦿꦶ​ꦲꦤ꧀ꦤꦁꦔꦷꦱ꧀꧉​​ꦱꦩ꧀ꦧꦠ꧀ꦲꦩꦼꦭꦱ꧀ꦱꦂꦱ꧉

꧄​​ꦚꦲꦶ​ꦥꦠꦶꦃ​ꦫꦸꦩꦼꦏ꧀ꦱ​ꦲꦶꦁ​​ꦱꦺꦴꦫꦷ꧉​​ꦩꦶꦮꦃ​ꦫꦝꦺꦤ꧀ꦒꦭꦸꦃ​ꦥꦤ꧀ꦏꦤ꧀ꦡꦏ꧉​​ꦏꦁ​​ꦠꦁꦔꦶꦱ꧀ꦱꦪ​ꦲꦫꦩ꧀ꦩꦻ꧉​​ꦮꦼꦤ꧀ꦤꦺꦃ​ꦤꦶꦧꦺꦁ​​ꦧꦼꦧꦠꦸꦂ꧉​​ꦒꦼꦭꦸꦁ​​ꦭꦸꦏꦂꦠꦤ꧀ꦢꦺꦤ꧀ꦮꦲꦺꦴꦤ꧀ꦤꦷ꧉​​ꦱꦺꦴꦠꦾ​ꦧꦭꦸꦠꦼꦏ꧀ꦭꦸꦩꦿꦃ꧉​​ꦩꦸꦁ​​ꦤꦠ​ꦠꦤ꧀ꦩꦸꦲꦸꦤ꧀꧉​​ꦥꦤ꧀ꦲꦲꦤ꧀ꦢꦸꦭꦸ​ꦠꦶꦠꦃꦲꦶꦁ​​ꦪ꧀ꦮꦁ​꧉​​ꦱꦪ​ꦮꦼꦤ꧀ꦤꦶꦁ​​ꦏꦥꦤ꧀ꦝꦶꦠꦤ꧀ꦱꦿꦶ​ꦧꦸꦥꦠꦷ꧉​​ꦭꦶꦂ​ꦮꦸꦏꦶꦂ​ꦏꦥꦮꦤ꧀ꦤꦤ꧀꧉꧐꧉

꧄​​ꦫꦝꦾꦤ꧀ꦱꦸꦧꦼꦏ꧀ꦡꦶ​ꦲꦂꦱ​ꦤꦸꦱꦸꦭ꧀ꦭꦷ​​꧉​​ꦏꦁ​​ꦫꦏ​ꦔꦶꦁ​​ꦏꦶ​ꦠꦸꦩꦼꦁ​ꦒꦸꦁ​​ꦠꦤ꧀ꦱꦃ꧉​​ꦲꦔꦶꦩꦸꦂ​ꦲꦁꦔꦫꦺꦃ​ꦲꦫꦻꦃ꧉​​ꦮꦺꦴꦤ꧀ꦡꦼꦤ꧀ꦥꦭꦶꦲꦤ꧀ꦤꦶꦥꦸꦤ꧀꧉​​ꦫꦝꦺꦤ꧀ꦗ​ꦪꦊꦁ​ꦏꦫ​ꦲꦥ꧀ꦡꦷ꧉​​ꦱꦸꦩꦸꦱꦸꦭ꧀ꦭ​ꦏꦁ​​ꦭꦸꦔ꧉​​ꦱꦸꦗꦭ꧀ꦩ​ꦫꦤ꧀ꦤꦶꦥꦸꦤ꧀꧉​​ꦥꦸꦥꦸꦠꦿꦤ꧀ꦤꦺ​ꦗꦪꦱꦺꦴꦤ꧀ꦡ꧉​​ꦲꦭꦶꦠ꧀ꦩꦶꦭ​ꦥꦶꦤꦸꦥꦸ​ꦏꦾꦲꦶ​ꦲꦥꦠꦷꦃ꧉​​ꦭꦶꦂ​ꦲꦤ꧀ꦡꦸꦏ꧀ꦲꦶꦁ​​ꦲꦪꦺꦴꦒ꧉

꧄​​ꦏꦶ​ꦱꦸꦗꦭ꧀ꦩ​ꦭꦭꦶ​ꦪꦪꦃ​ꦧꦶꦧꦷ꧉​​ꦩꦸꦁ​​ꦏꦶ​ꦥꦠꦶꦃ​ꦪꦪꦃ​ꦫꦺꦤꦤ꧀ꦤꦶꦫ꧉​​ꦩꦁ​ꦏꦾ​ꦥꦶꦤ꧀ꦤꦼꦝꦺꦴꦠ꧀ꦡꦽꦱ꧀ꦤꦤ꧀ꦤꦻ꧉​​ꦩꦸꦁ​​ꦫꦝꦺꦤ꧀ꦏꦁ​​ꦏꦲꦺꦠꦸꦁ​꧉​​ꦱꦲꦩ꧀ꦧꦼꦏ꧀ꦡ​ꦲꦼꦩꦱ꧀ꦱꦼꦏꦠꦷ꧉​​ꦭꦸꦩꦏ꧀ꦮ​ꦥꦥꦭꦪ꧀ꦮꦤ꧀꧉​​ꦮꦸꦱ꧀ꦥꦿꦥ꧀ꦡꦺꦁ​​ꦮꦤ​ꦒꦸꦁ​꧉​​ꦏꦮꦂꦤ​ꦥꦫ​ꦥꦤ꧀ꦝꦶꦠ꧉​​ꦥꦿ​ꦱꦼꦤ꧀ꦡꦤ​ꦲꦱ꧀ꦛ​ꦩꦼꦁ​ꦒꦭ​ꦲꦤ꧀ꦤꦁ​ꦏꦷꦭ꧀꧉​​ꦗꦼꦗꦼꦭ꧀ꦲꦶꦁ​​ꦥꦤ꧀ꦤꦁ​ꦏꦶꦭ꧀ꦭꦤ꧀꧉​​

꧄ꦏꦮꦂꦤꦲ​ꦏꦁ​ꦗꦼꦁ​​ꦱꦿꦶ​ꦧꦸꦥꦠꦷ꧉​​ꦥꦤ꧀ꦥꦶꦤ꧀ꦤꦫꦏ꧀ꦲꦤ꧀ꦤꦺꦁ​​ꦱꦶꦔꦱꦤ꧉​​ꦱꦼꦏ꧀ꦱꦸꦩꦺꦫꦸ​ꦗꦿꦺꦴꦝꦿꦶꦪꦤ꧀ꦤꦻ꧉​​ꦔꦤ꧀ꦢꦶꦏ​ꦗꦼꦁ​​ꦱꦁ​​ꦥꦿꦧꦸ꧉​​ꦠꦶꦩ꧀ꦧꦭ꧀ꦭꦤ​ꦏꦏꦁ​​ꦲꦥꦠꦷꦃ꧉​​ꦏꦁ​​ꦠꦩ꧀ꦥꦶ​ꦥꦁꦔꦤ꧀ꦢꦶꦏ꧉​​ꦚꦶ​ꦝꦼꦩꦁ​​ꦭꦸꦩꦪꦸ꧉​​ꦏꦝꦾ​ꦩꦼꦤ꧀ꦗꦔꦤ꧀ꦏꦼꦠꦮꦁ​꧉​​ꦚꦶꦁ​ꦏꦸꦂ​ꦮꦼꦝꦸꦁ​​ꦲꦤ꧀ꦡꦤ꧀ꦤꦺ​ꦲꦠꦸꦝꦶꦁ​​ꦠꦸꦝꦷꦁ꧉​​ꦥꦶꦪꦏ꧀ꦱꦒꦸꦁ​​ꦤꦶꦪꦏ꧉

꧄​​ꦠꦶꦩ꧀ꦧꦭ꧀ꦭꦤ꧀ꦢꦊꦩ꧀ꦉꦏꦾꦤ​ꦥꦠꦷꦃ꧉​​ꦗꦼꦁꦔꦤ꧀ꦢꦶꦏ​ꦲꦶꦁꦔꦤ꧀ꦢꦶꦏꦤ꧀ꦲꦺꦁ​ꦒꦭ꧀꧉​​ꦒꦼꦥꦃ​ꦩꦼꦤ꧀ꦝꦥꦭꦩ꧀ꦥꦃꦲꦻ꧉​​ꦮꦼꦝꦸꦁꦔꦶꦫ​ꦱꦸꦩꦸꦱꦸꦭ꧀꧉​​ꦩꦶꦮꦶꦂ​ꦏꦸꦤ꧀ꦕ​ꦲꦤ꧀ꦤꦶꦏꦼꦭ꧀ꦮꦂꦠꦷ꧉​​ꦏꦺꦫꦶꦝ꧀ꦩꦿꦶꦁ​​ꦚꦲꦶ​ꦝꦼꦩꦁ​꧉​​ꦱꦼꦩꦁ​ꦏꦺꦴ​ꦭꦸꦩꦼꦧꦸ꧉​​ꦮꦸꦱ꧀ꦡꦸꦩꦩꦺꦁ​​ꦔꦧꦾꦤ꧀ꦡꦫ꧉​​ꦤꦶꦏꦼꦭ꧀ꦮꦂꦠꦶ​ꦩꦸꦏ​ꦭꦶꦂ​ꦏꦺꦴꦤ꧀ꦗꦼꦩ꧀ꦥꦿꦠꦶꦮꦷ꧉​​ꦱꦿꦶ​ꦠꦤ꧀ꦏꦼꦤ꧀ꦤ​ꦔꦤ꧀ꦢꦶꦏ꧉

꧄​​ꦠꦿꦶ​ꦥꦤ꧀ꦢꦸꦫꦠꦲꦁꦒꦤ​ꦱꦁ​​ꦲꦗꦷ꧉​​ꦏꦾꦤ​ꦥꦠꦶꦃ​ꦤꦼꦩ꧀ꦧꦃ​ꦠꦸꦂ​ꦥꦿꦪꦺꦴꦒ꧉​​ꦲꦤ꧀ꦡꦸꦏ꧀ꦤꦭꦶꦏ​ꦲꦠꦸꦫꦻ꧉​​ꦏꦮꦸꦭ​ꦤꦸꦮꦸꦤ꧀ꦧꦼꦤ꧀ꦢꦸ꧉​​ꦥꦠꦶꦏ꧀ꦲꦗꦶ​ꦔꦸꦁ​ꦏꦸꦭ꧀ꦭꦸꦁ​ꦏꦸꦭ꧀ꦭꦷ꧉​​ꦲꦶꦁ​​ꦗꦼꦁ​​ꦥꦝꦸꦏ​ꦤꦠ꧉​​ꦥꦿꦪꦺꦴꦒꦶ​ꦱꦶꦤꦸꦱꦸꦭ꧀꧉​​ꦱꦶꦤꦼꦧꦂ​ꦮꦝ꧀ꦮ​ꦱꦼꦥꦿꦗ꧉​​ꦱꦁꦒꦺꦤ꧀ꦤꦶꦥꦸꦤ꧀ꦤꦿꦝꦺꦤ꧀ꦥꦸꦤꦶꦏ​ꦏꦥꦁ​ꦒꦷꦃ꧉​​ꦱꦁ​​ꦤꦠ​ꦲꦁꦔꦤ꧀ꦢꦶꦏ꧉

꧄​​ꦲꦶꦪ​ꦧꦼꦤ꧀ꦤꦼꦂ​ꦲꦠꦸꦂꦫꦶꦫ​ꦥꦠꦷꦃ꧉​​ꦤꦁꦔꦶꦁ​​ꦱꦶꦫ​ꦲꦸꦭꦠ꧀ꦡꦤ​ꦲꦶꦏ꧉​​ꦏꦠꦼꦩꦸꦮ​ꦪꦺꦤ꧀ꦤꦠꦶꦤꦻ꧉​​ꦲꦤ꧀ꦤꦏ꧀ꦏꦶꦫ​ꦠꦤ꧀ꦱꦸꦫꦸꦝ꧀꧉​ꦝꦺꦤ꧀ꦚ​ꦱꦸꦥꦺ​ꦠꦶꦔꦭ꧀ꦭꦶꦁ​​ꦥꦩꦿꦷꦃ꧉​​ꦭꦸꦔ​ꦩꦤ꧀ꦤꦶꦁ​​ꦏꦶ​ꦥꦸꦠꦿ꧉​​ꦠꦤ꧀ꦥꦼꦒ​ꦠꦾꦱ꧀ꦲꦶꦁ​ꦱꦸꦤ꧀꧉​​ꦥꦿꦶꦃꦲꦠꦶꦤ꧀ꦲꦔꦸꦂ​ꦫꦶꦁ​​ꦩꦁ​ꦏꦾ꧉​​ꦱꦸꦤ꧀ꦥꦼꦒꦠ꧀ꦡꦺ​ꦠꦽꦱ꧀ꦤ​ꦔꦺꦴꦁ​​ꦱꦸꦤ꧀ꦤꦱꦿꦃ​ꦝꦶꦫꦷ꧉​​ꦭꦁ​ꦏꦸꦁ​​ꦥꦫꦺꦤ꧀ꦡꦃꦲꦶꦁ​​ꦪ꧀ꦮꦁ​꧉

꧄​​ꦪꦺꦤ꧀ꦤꦿꦶꦤꦼꦏ꧀ꦱ​ꦱꦥ​ꦏꦁ​​ꦩꦠꦺꦤ꧀ꦤꦷ꧉​​ꦪꦺꦤ꧀ꦤꦿꦶꦤꦸꦱꦏ꧀ꦱꦥ​ꦱꦁ​ꦒꦸꦥ꧀ꦔꦽꦏ꧀ꦱ꧉​​ꦤꦝꦾꦤ꧀ꦱꦶ​ꦲꦤ​ꦲꦶꦁ​​ꦏꦺꦤꦻ꧉​​ꦲꦥ​ꦭꦾꦤꦄꦭ꧀ꦭꦃ​ꦩꦼꦁ​ꦏꦸ꧉​​ꦏꦾꦤ​ꦥꦠꦶꦃ​ꦝꦼꦏꦸ​ꦔꦧꦼꦏ꧀ꦡꦷ꧉​​ꦏꦭꦸꦲꦸꦂꦫꦤ꧀ꦤꦶꦁ​​ꦱꦼꦧ꧀ꦢ꧉​​ꦭꦸꦮꦂꦫꦤ꧀ꦱꦁ​​ꦥꦿꦧꦸ꧉​​ꦱꦩꦾ​ꦩꦤ꧀ꦡꦸꦏ꧀ꦲꦱ꧀ꦩꦸ​​ꦮꦱ꧀ꦥ꧉​​ꦏꦮꦂꦤꦲ​ꦱꦸꦗꦭ꧀ꦩ​ꦭꦩ꧀ꦥꦃꦚ​ꦥꦿꦥ꧀ꦡꦷ꧉​​ꦲꦶꦁ​​ꦩꦂꦒ​ꦥꦤ꧀ꦤꦸꦁ​ꦒꦭ꧀ꦭꦤ꧀꧉​

꧄​ꦲꦫꦂ​ꦪ꧀ꦮꦤ꧀ꦱꦶꦫ​ꦔꦤ꧀ꦡꦶ​ꦲꦶꦁ​​ꦮꦼꦔꦷ꧉​​ꦮꦸꦱ꧀ꦱꦸꦩꦸꦫꦸꦥ꧀ꦮꦶꦭꦧ​ꦒꦸꦩꦤ꧀ꦡꦾ꧉​​ꦱꦼꦱꦺꦴꦁ​ꦏ​ꦩꦼꦭꦺꦴꦏ꧀ꦥꦝꦁꦔꦻ​​ꦥꦸꦂꦤꦩ​ꦏꦥꦠ꧀ꦡꦶꦥꦸꦤ꧀꧉​​ꦱꦶꦫ​ꦫꦝꦾꦤ꧀ꦡꦸꦩꦸꦫꦸꦤ꧀ꦤꦫꦷꦱ꧀꧉​​ꦱꦁ​ꦏꦶꦁ​​ꦮꦽꦏ꧀ꦱ​ꦭꦸꦩꦩ꧀ꦥꦃ꧉​​ꦱꦶꦫ​ꦔꦤ꧀ꦡꦸꦤ꧀ꦤꦤ꧀ꦡꦸꦤ꧀꧉​​ꦠꦤ꧀ꦱꦃ​ꦏꦕꦶꦥ꧀ꦡꦺꦁ​​ꦮꦂꦝꦪ꧉​​ꦏꦁ​​ꦊꦁ​ꦒꦤ​ꦲꦶꦁ​​ꦪꦪꦃ​ꦫꦺꦤ​ꦱ꧀ꦩꦸ​ꦠꦁꦔꦷꦱ꧀꧉​​ ꦤꦔꦶꦁ​​ꦩꦺꦫꦁ​​ꦮꦁ​ꦱꦸꦭ꧀ꦭ꧉​

꧄​ꦱꦭꦁ​ꦏꦃ​ꦭꦁ​ꦏꦃ​ꦩꦤ꧀ꦝꦼꦒ꧀ꦲꦤ꧀ꦤꦺꦴꦭꦷꦃ꧉​​ꦏꦁ​​ꦠꦶꦤ꧀ꦤꦺꦴꦭꦶꦃ​ꦏꦁ​​ꦠꦶꦤꦶꦭꦂ​ꦧꦿꦺꦴꦁ​ꦠ꧉​​ꦲꦤ꧀ꦕꦭ​ꦱꦼꦤ꧀ꦝꦸ​ꦠꦶꦤ꧀ꦢꦏ꧀ꦏꦻ꧉​​ꦲꦩ꧀ꦩꦸꦫꦁ​​ꦩꦸꦫꦁꦔꦼꦤ꧀ꦤꦸ꧉​​ꦠꦤ꧀ꦢꦸꦝꦸꦒ​ꦱꦁꦔꦒꦼꦁ​​ꦏꦶꦁ​ꦏꦷꦤ꧀꧉​​ꦲꦱꦺꦴꦁ​ꦱꦺꦴꦁ​​ꦭꦫꦱ꧀ꦩꦫ꧉​​ꦲꦠꦼꦏꦼꦤ꧀ꦭꦸꦭꦸꦠ꧀ꦏꦸꦁ​꧉​​ꦏꦁ​​ꦔꦿꦶꦧꦼꦝ꧀ꦢꦶ​ꦮꦂꦝꦪꦤ꧀ꦚ꧉​​ꦲꦫꦶꦤꦶꦫ​ꦠꦤ꧀ꦱꦃ​ꦩꦸꦊꦠ꧀ꦏꦸꦭꦸꦁ​​ꦒꦭꦷꦃ꧉​​ꦝꦺꦤ꧀ꦤꦶꦫꦂꦱ​ꦠꦸꦩꦸꦠ꧀ꦡ꧉

꧄​​ꦩꦁ​ꦏꦾ​ꦲꦫꦮꦠ꧀ꦮꦱ꧀ꦥ​ꦱꦩꦂꦒꦷ꧉​​ꦤꦔꦶꦁ​​ꦱꦁꦔꦼꦠ꧀ꦮꦿꦠ꧀ꦡꦶꦁ​​ꦱꦼꦝꦾꦤ꧀ꦤꦶꦫ꧉​​ꦱꦶꦤ꧀ꦤꦼꦩ꧀ꦧꦝ꧀ꦢꦤ꧀ꦥꦩꦼꦱꦸꦤꦻ꧉​​ꦲꦶꦁ​​ꦩꦤ꧀ꦤꦃ​ꦝꦺꦤ꧀ꦚ​ꦠꦽꦤ꧀ꦚꦸꦃ꧉ꦝꦝꦾꦱꦶꦭꦶꦧ꧀ꦧꦾꦠ꧀ꦡꦽꦱ꧀ꦤ​ꦔꦿꦪꦷ꧉​​ꦱꦶꦤꦱꦧ꧀ꦧꦤ꧀ꦔꦗꦿꦶꦃꦚ꧉​​ꦏꦤ꧀ꦝꦥ꧀ꦥꦶꦁ​​ꦔꦥꦸꦁ​ꦒꦸꦁ​꧉​​ꦭꦸꦭꦸꦱ꧀ꦔꦶꦱ꧀ꦏꦶ​ꦱꦫꦺꦃꦲꦶꦁ​​ꦪ꧀ꦮꦁ​꧉​​ꦫꦒ​ꦱꦶꦂꦤ​ꦏꦮꦪꦁ​​ꦏꦁ​​ꦏꦂꦪ​ꦝꦶꦫꦷ꧉​​ꦥꦤ꧀ꦮꦸꦱ꧀ꦮ​​ꦱ꧀ꦥꦝꦺꦁꦠꦶꦠꦃ꧉

꧄​​ꦭꦁ​ꦏꦸꦁ​​ꦔꦶꦁ​​ꦥꦤ꧀ꦤꦸꦁ​ꦒꦭꦤ꧀ꦤꦶꦁ​​ꦩꦂꦒꦷ꧉​​ꦏꦶ​ꦱꦸꦗꦭ꧀ꦩ​ꦮꦶꦏꦤ꧀ꦤꦶꦁ​​ꦫꦃꦲꦝꦾꦤ꧀꧉​​ꦱꦶꦒꦿ​ꦩꦸꦝꦸꦤ꧀ꦱꦏꦶꦁ​​ꦒꦺꦴꦤ꧀ꦤꦻ꧉​​ꦩꦼꦤ꧀ꦤꦺ​ꦏꦠꦺꦴꦤ꧀ꦡꦸꦠ꧀ꦥꦸꦁ​ꦏꦸꦂ꧉​​ꦥꦤ꧀ꦤꦺꦴꦫ​ꦪꦸꦤ꧀ꦏꦠꦺꦴꦤ꧀ꦤꦔꦶꦫꦶꦁ​꧉​​ꦧꦶꦭꦶꦃ​ꦝꦺꦝꦺ​ꦏꦁ​​ꦏꦂꦱ꧉​ꦝꦸꦭꦸ​ꦠꦤ꧀ꦢꦶꦤꦸꦭꦸ꧉​​ꦩꦁ​ꦏꦾ​ꦫꦝꦾꦤ꧀ꦏꦉꦱ꧀ꦱꦤ꧀꧉​​ꦲꦤ꧀ꦤꦺꦁ​​ꦱꦺꦭ​ꦱꦸꦩꦪꦺꦴꦤ꧀ꦤꦏꦺꦝꦿꦤ꧀ꦮꦫꦷꦃ꧉​​ꦏꦱꦺꦴꦔꦤ꧀ꦤꦶꦁ​​ꦔꦱꦺꦴꦏ꧉

꧄​​ꦏꦁ​​ꦭꦶꦤꦺꦤ꧀ꦝꦺꦪꦤ꧀ꦢꦺꦤ꧀ꦤꦶꦁ​​ꦱꦁ​​ꦧꦿꦁ​ꦠꦷ꧉​​ꦲꦤ꧀ꦤꦺꦁ​ꦱꦺꦭ​ꦲꦤ​ꦱꦁ​​ꦔꦸꦫꦩ꧀ꦧꦁ​꧉​​ꦲꦶꦁ​​ꦠꦶꦂꦠ​ꦲꦩꦿꦶꦃ​ꦩꦁ​ꦱꦤ꧀ꦤꦺ꧉​​ꦥꦼꦏ꧀ꦱꦶ​ꦲꦱꦿꦁ​​ꦲꦱꦼꦭꦸꦂ꧉​​ꦕꦶꦥ꧀ꦡꦤ꧀ꦤꦶꦫ​ꦩꦁ​ꦏꦾ​ꦔꦫꦸꦃꦲꦷ꧉​​ꦩꦼꦫꦏ꧀ꦏꦝꦾ​ꦲꦁꦔꦤ꧀ꦝꦥ꧀꧉​​ꦥꦸꦂꦮꦏ​ꦥꦶꦠꦸꦠꦸꦂ꧉​​ꦲꦠꦸꦂꦫꦶꦁ​​ꦥꦼꦏ꧀ꦱꦶ​ꦏꦸꦏꦶꦭ꧉​​ꦲꦁꦭꦶꦭꦤ꧀ꦤꦶ​ꦏꦂꦱꦤ꧀ꦤꦺ​ꦫꦃꦲꦝꦾꦤ꧀ꦩꦤ꧀ꦡꦿꦷ꧉​​ꦏꦝꦾꦏꦺꦤ꧀ꦭꦸꦩꦫꦶꦱ꧀ꦱ꧉​​

꧄ꦒꦸꦂꦤꦁ​​ꦏꦉꦁꦔ꧀ꦮ​ꦱ꧀ꦮꦫꦤ꧀ꦤꦶꦁ​​ꦥꦼꦏ꧀ꦱꦷ꧉​​ꦱꦩꦾ​ꦲꦤ꧀ꦤꦕꦺꦴꦂ​ꦮꦺꦴꦃ​ꦏꦫꦱꦸꦭ꧉​​ꦲꦤ꧀ꦡꦾ​ꦮꦸꦫꦃꦲꦤ꧀ꦱ꧀ꦮꦫꦤ꧀ꦤꦻ꧉​​ꦮꦼꦤ꧀ꦤꦺꦃ​ꦮꦺꦴꦃꦲꦺꦝꦺꦤ꧀ꦕꦸꦕꦸꦏ꧀꧉​​ꦠꦶꦧꦺꦁ​​ꦠꦺꦴꦪ​ꦩꦶꦤ꧀ꦤ​ꦲꦩ꧀ꦧꦸꦏ꧀ꦡꦷ꧉​​ꦥꦶꦤꦼꦱ꧀ꦛꦶ​ꦝꦠꦤ꧀ꦤꦺꦴꦮꦃ꧉​​ꦧꦼꦏ꧀ꦱꦤ​ꦠꦶꦤꦼꦩꦸ꧉​​ꦏꦭꦺꦴꦕꦶꦥ꧀ꦡꦝꦺꦤ꧀ꦤꦶꦁ​​ꦫꦝꦾꦤ꧀꧉​​ꦱꦏꦛꦲꦶꦁ​​ꦠꦶꦤꦶꦠꦃ​ꦱꦶꦤꦸꦁꦔꦤ꧀ꦧꦸꦏ꧀ꦡꦷ꧉​​ꦥꦶꦤꦼꦱ꧀ꦛꦶ​ꦝꦠꦤ꧀ꦤꦺꦴꦮꦃ꧉

꧄​​ꦮꦺꦴꦤ꧀ꦡꦼꦤ꧀ꦏꦲꦂꦱ​ꦩꦤ꧀ꦤꦸꦏ꧀ꦩꦤꦶꦠꦷ꧉​​ꦠꦸꦩꦶꦭꦶꦁ​​ꦮꦺ​ꦪꦺꦏ​ꦫꦁꦔꦸꦫꦁꦔꦤ꧀꧉​​ꦮꦱ꧀ꦥꦝ​ꦲꦶꦁ​​ꦥꦤ꧀ꦤꦩ꧀ꦧꦺꦫꦻ꧉​​ꦏꦝꦶ​ꦠꦤ꧀ꦤꦤ​ꦭꦸꦥꦸꦠ꧀꧉​​ꦮꦸꦱ꧀ꦥꦼꦱ꧀ꦛꦶ​ꦧꦼꦏ꧀ꦱꦤ​ꦥꦶꦤꦁ​ꦒꦷꦃ꧉​​ꦩꦶꦮꦃ​ꦥꦠꦶꦤꦶꦁ​​ꦩꦶꦤ꧉​​ꦠꦔꦶꦁ​ꦱꦶꦂ​ꦠꦶꦤꦼꦩꦸ꧉​​ꦮꦸꦱ꧀ꦱꦤ​ꦩꦤ꧀ꦤꦶꦠꦶ​ꦥꦼꦗꦃ꧉​​ꦱꦶꦤꦩ꧀ꦧꦼꦂ​ꦫꦶꦁꦮꦪꦱ​ꦫꦝꦾꦤ꧀ꦤꦶꦁ​ꦔꦭ꧀ꦭꦷ꧉​​ꦱꦩ꧀ꦥꦸꦤ꧀ꦮꦱ꧀ꦥꦝꦺꦁ​​ꦕꦶꦥ꧀ꦡ꧉

꧄​​ꦱꦪꦼꦏ꧀ꦡꦶ​ꦪꦼꦏ꧀ꦡꦶꦤꦶꦁ​​ꦏꦂꦱ​ꦗꦠꦷ꧉​​ꦊꦁ​ꦏꦼꦥ꧀ꦲꦏꦂꦪ​ꦱꦏꦂꦱꦤ꧀ꦤꦶꦁꦫ꧉​​ꦝꦠꦤ꧀ꦭꦮꦤ꧀ꦏꦮꦶꦒꦾꦤ꧀ꦤꦻ꧉​​ꦫꦝꦺꦤ꧀ꦱꦪ​ꦲꦁꦔ꧀ꦭꦁꦔꦸꦠ꧀꧉​​ꦥꦱꦿꦃꦲꦶꦫ​ꦩꦫꦁ​​ꦪ꧀ꦮꦁ​​ꦮꦶꦝꦷ꧉​​ꦥꦤ꧀ꦮꦸꦱ꧀ꦮꦿꦸꦃ​ꦱꦼꦱ꧀ꦩꦶꦠꦤ꧀ꦚ꧉​​ꦭꦩ꧀ꦥꦃꦲꦺ​ꦭꦸꦩꦗꦸ꧉​​ꦠꦾꦱ꧀ꦱꦶꦫ​ꦲꦁꦭꦸꦒꦱ꧀ꦫꦒ꧉​​ꦫꦒ​ꦭꦶꦭ​ꦭꦺꦤ꧀ꦝꦺꦲꦤ꧀ꦏꦲꦂꦫꦶꦁ​​ꦮꦶꦝꦷ꧉​​ꦲꦔꦶꦁ​​ꦠꦾꦱ꧀ꦏꦫꦺꦥꦺꦴꦠꦤ꧀꧉​​

꧄ꦫꦺꦥꦺꦴꦠ꧀ꦡꦶꦁ​​ꦭꦩ꧀ꦥꦃ​ꦲꦩꦶꦁ​ꦒꦶꦂ​ꦮꦫꦷꦃ꧉​​ꦲꦁ​ꦫꦶꦫꦶꦃꦲꦶ​ꦩꦤ꧀ꦤꦃ​ꦏꦥꦸꦠꦸꦁꦔꦤ꧀꧉​​ꦲꦶꦁ​​ꦤꦭ​ꦠꦤ꧀ꦏꦼꦤ​ꦭꦶꦭꦻꦃ꧉​​ꦲꦁꦭꦶꦭ​ꦲꦶꦁ​​ꦱꦏꦪꦸꦤ꧀꧉​​ꦲꦪꦸꦤ꧀ꦮꦶꦏꦤ꧀ꦮꦼꦏꦱ꧀ꦱꦶꦁ​​ꦱꦤ꧀ꦢꦷ꧉​​ꦱꦤ꧀ꦢꦶ​ꦏꦿꦩꦤ꧀ꦤꦶꦁ​​ꦤꦠ꧉​​ꦲꦤ​ꦠ​ꦏꦝꦸꦭꦸ꧉​​ꦏꦶ​ꦱꦸꦗꦭ꧀ꦩ​ꦏꦒꦾꦠ꧀ꦫꦝꦾꦤ꧀꧉​​ꦕꦶꦥ꧀ꦡꦤ꧀ꦤꦶꦫ​ꦧꦪ​ꦲꦏꦺꦃ​ꦏꦁ​​ꦤꦸꦱꦸꦭ꧀ꦭꦷ꧉​​ꦮꦶꦤ꧀ꦤꦁꦮꦁ​​ꦩꦸꦁ​​ꦥꦿꦶꦪꦺꦴꦁ​ꦒ꧉​​

꧄ꦏꦂꦱꦤ꧀ꦤꦶꦫ​ꦱꦶꦭꦸꦩ꧀ꦩꦤ​ꦲꦸꦒꦷ꧉​​ꦤꦔꦶꦁ​​ꦏꦺꦥꦾꦤ꧀ꦮꦸꦱ꧀ꦏꦥꦉꦏ꧀ꦥꦽꦤ꧀ꦤꦃ꧉​​ꦠꦼꦩꦃꦲꦤ꧀ꦤꦼꦩꦃ​ꦫꦃꦲꦻꦴꦝꦺꦤ꧀꧉​​ꦱꦸꦗꦭ꧀ꦩ​ꦲꦥꦶ​ꦠꦤ꧀ꦮꦿꦸꦃ꧉​​ꦏꦒꦺꦠ꧀ꦭꦗꦼꦁ​​ꦧꦼꦏ꧀ꦡꦶ​ꦩꦤ꧀ꦤꦁꦔꦷꦱ꧀꧉​​ꦠꦶꦤ꧀ꦤꦤ꧀ꦚ​ꦝꦺꦤꦶꦁ​​ꦫꦝꦾꦤ꧀꧉​​ꦩꦿꦶꦁ​​ꦔꦼꦤ꧀ꦢꦶ​ꦱꦶꦫ​ꦪꦸꦤ꧀꧉​​ꦏꦁ​​ꦱꦸꦗꦭ꧀ꦩ​ꦠꦤ꧀ꦥ​ꦫꦺꦴꦮꦁ​꧉​​ꦱꦁ​​ꦭꦶꦤꦶꦁ​ꦔꦤ꧀ꦔꦿꦁꦏꦸꦭ꧀ꦥꦝ​ꦠꦸꦂ​ꦮꦺꦴꦂ​ꦠꦁꦔꦷꦱ꧀꧉​​ꦝꦸꦃ​ꦒꦸꦱ꧀ꦡꦶꦏꦸ​ꦥꦁꦔꦺꦫꦤ꧀꧉​​

꧄ꦠꦤ꧀ꦤꦤ꧀ꦢꦶꦥꦺ​ꦠ​ꦏꦮꦸꦭ​ꦒꦸꦱ꧀ꦡꦷ꧉​​ꦝꦺꦤꦶꦁ​​ꦥꦝ​ꦏꦼꦥꦁ​ꦒꦶꦃ​ꦲꦶꦁ​​ꦮꦤ꧉​​ꦥꦸꦤꦥ​ꦏꦁ​​ꦥꦝꦸꦏꦥꦿꦺꦃ꧉​​ꦝꦱꦶꦃ​ꦠꦤ꧀ꦮꦺꦴꦤ꧀ꦡꦼꦤ꧀ꦡꦸꦩꦸꦠ꧀꧉​​ꦝꦾꦤ꧀ꦔꦤ꧀ꦢꦶꦏ​ꦭꦃ​ꦱꦶꦫ​ꦲꦶꦏꦷ꧉​​ꦏꦏꦁ​​ꦥꦫꦤ꧀ꦒꦮꦺꦤ꧀ꦡ꧉​​ꦏꦶ​ꦱꦸꦗꦭ꧀ꦩ​ꦩꦠꦸꦂ꧉​​ꦏꦮꦸꦭ​ꦒꦸꦱ꧀ꦡꦶꦝꦶꦤꦸꦏꦤ꧀꧉ꦝꦺ​ꦥꦸꦤ꧀ꦧꦥ​ꦥꦠꦶꦃ​ꦭꦩꦶꦤꦶꦥꦸꦤ꧀ꦤꦿꦸꦤ꧀ꦡꦷꦏ꧀꧉​​ꦩꦸꦁ​​ꦩꦁ​ꦏꦺ​ꦭꦁ​ꦏꦸꦁ​​ꦥꦸꦮꦱ꧀꧉

꧄​​ꦠꦤ꧀ꦤꦶꦁꦔꦁ​ꦏꦼꦤ꧀ꦡꦼꦤ꧀ꦤꦪ​ꦠꦸꦂ​ꦱꦂꦮꦷ꧉​​ꦔꦸꦩꦤ꧀ꦤꦸꦩꦤ꧀ꦡꦶꦤꦸꦤ꧀ꦝꦸꦁ​​ꦏꦮꦸꦭ꧉ꦪꦺꦤ꧀ꦡꦤ꧀ꦏꦺꦱꦃꦲ​ꦥꦶꦤ꧀ꦤꦠꦺꦤ꧀꧉​​ꦮꦶꦤ꧀ꦤꦱ꧀ꦡꦤ꧀ꦤꦤ꧀ꦥꦸꦭꦁ​ꦪꦸꦤ꧀꧉​​ꦭꦤ꧀ꦏꦁ​​ꦱꦼꦭꦶꦂ​ꦏꦁ​​ꦠꦼꦊꦁꦔꦶꦁ​​ꦱꦷꦃ꧉​​ꦔꦁꦒꦼꦥ꧀ꦡꦸꦂꦫꦶꦥꦸꦤ꧀ꦕꦺꦴꦫꦃ꧉​​ꦮꦶꦫꦁ​​ꦏꦮꦸꦭ​ꦒꦸꦁ​꧉​​ꦮꦶꦤꦱ꧀ꦡꦤ꧀ꦲꦁꦔꦭꦥ꧀ꦧꦶꦪꦁ​꧉​​ꦱꦿꦸ​ꦠꦶꦤꦸꦤ꧀ꦝꦸꦁ​​ꦏꦮꦸꦭ​ꦱꦸꦥꦺ​ꦲꦶꦁ​​ꦒꦸꦱ꧀ꦡꦷ꧉​​ꦠꦤ꧀ꦔꦤ꧀ꦡꦺꦴꦱ꧀ꦩꦶꦠ꧀ꦡꦶꦁ​​ꦥꦝ꧉

꧄​​ꦲꦶꦁ​​ꦩꦁ​ꦏꦺ​ꦒꦸꦱ꧀ꦡꦶ​ꦏꦸꦭ​ꦲꦩꦷꦠ꧀꧉​​ꦩꦺꦫꦁ​​ꦩꦸꦭꦠ꧀ꦲꦶꦁ​​ꦤꦒꦿꦶ​ꦥꦝꦸꦏ꧉​​ꦱꦸꦏ​ꦥꦼꦗꦃ​ꦔ꧀ꦮꦤ​ꦫꦗꦻꦁꦁꦁꦁꦁ꧉​​ꦏꦺꦤ꧀ꦢꦼꦭ꧀ꦩꦾꦂꦱ​ꦝꦾꦤ꧀ꦱꦸꦤꦸ꧉​​ꦲꦶꦁ​​ꦔꦠꦸꦂꦫꦶꦁ​​ꦱꦸꦗꦭ꧀ꦩ​ꦝꦺꦤ꧀ꦤꦷꦁ​꧉​​ꦠꦤ꧀ꦤꦂꦱ​ꦏꦕꦶꦤꦲ꧉​​ꦱꦼꦠꦾ​ꦭꦲꦶꦂꦫꦶꦥꦸꦤ꧀꧉​​ꦤꦁꦔꦶꦁ​​ꦫꦃꦲꦝꦾꦤ꧀ꦲꦸꦤꦶꦁꦔ꧉​​ꦲꦶꦪ​ꦫꦤ꧀ꦤꦺ​ꦱꦸꦤ꧀ꦮꦊꦱꦺ​ꦲꦸꦗꦂ​ꦩꦤ꧀ꦤꦷꦱ꧀꧉​​ꦲꦫꦸꦩ꧀ꦮꦶꦗꦶꦭ꧀ꦭꦶꦁꦱꦼꦧ꧀ꦢ꧉

꧄​​ꦏꦏꦁ​​ꦱꦸꦤ꧀ꦩꦶꦭꦸ​ꦲꦶꦁ​​ꦱꦶꦫ​ꦲꦸꦒꦷ꧉​​ꦲꦩ꧀ꦭꦱ꧀ꦱꦏꦼꦤ꧀ꦱꦶꦫ​ꦠꦤ꧀ꦥ​ꦫꦺꦮꦁ​꧉​​ꦩꦤ꧀ꦢꦃꦲꦶꦁ​​ꦗꦤ​ꦲꦸꦕꦥ꧀ꦥꦻ꧉​​ꦲꦸꦗꦂꦫꦺ​ꦫꦝꦺꦤ꧀ꦱꦸꦤꦸ꧉​​ꦩꦿꦶꦁ​​ꦮꦂꦒꦤ꧀ꦤꦺ​ꦲꦭꦸꦭꦸꦠ꧀ꦲꦱꦷꦃ꧉​​ꦲꦺꦤ꧀ꦢꦃ​ꦲꦥ​ꦲꦮꦺꦪ꧉​​ꦥꦂꦥꦠ꧀ꦏꦁ​​ꦠꦸꦠ꧀ꦥꦸꦁ​ꦏꦸꦂ꧉​​ꦩꦼꦁ​ꦏꦺꦴꦤꦺꦴ​ꦲꦸꦗꦂꦫꦶꦁ​​ꦗꦤ꧉​​ꦝꦝꦶ​ꦩꦼꦁ​ꦏꦺꦴ​ꦱꦸꦤ꧀ꦩꦶꦭꦸ​ꦱꦼꦭ꧀ꦭꦫꦥꦠꦷ​꧉​​ꦤꦶꦫ​ꦮꦿꦸꦃ​ꦲꦶꦁ​​ꦱꦶꦫ꧉​​

꧄ꦲꦼꦁ​ꦒꦺꦴꦤ꧀ꦤꦶꦁ​ꦱꦸꦤ꧀ꦤꦩꦊꦱ꧀ꦱ​ꦲꦶꦁ​​ꦱꦷꦃ꧉​​ꦧꦶꦪꦁ​​ꦔꦶꦤ꧀ꦚ​ꦱꦸꦤ꧀ꦮꦊꦱ꧀ꦱꦶꦁ​​ꦱꦶꦫ꧉​​ꦱꦸꦗꦭ꧀ꦩ​ꦏꦸꦩꦼꦗꦺꦴꦠ꧀ꦡꦾꦱ꧀ꦱꦻ꧉​​ꦱꦸꦩꦸꦁ​ꦏꦼꦩ꧀ꦥꦝꦩꦸꦮꦸꦤ꧀꧉​​ꦱꦂꦪ​ꦩꦠꦸꦂ​ꦲꦩꦼꦭꦱ꧀ꦱꦱꦷꦃ꧉​​ꦝꦸꦃ​ꦥꦁꦔꦺꦫꦤ꧀ꦏꦠꦸꦭꦾꦤ꧀꧉​​ꦱꦼꦧ꧀ꦢꦤ꧀ꦡ​ꦥꦸꦏꦸꦭꦸꦤ꧀꧉​​ꦲꦶꦭ​ꦲꦶꦭ​ꦥꦸꦤ꧀ꦱꦸꦗꦭ꧀ꦩ꧉​​ꦏꦲꦶꦫꦶꦁꦔ​ꦝꦺꦤ꧀ꦤ꧀ꦤꦶꦁ​​ꦒꦸꦱ꧀ꦡꦶ​ꦏꦶꦫꦁ​​ꦏꦶꦛꦷꦁ​꧉​​ꦠ​ꦏꦮꦸꦭ​ꦥꦁꦔꦺꦫꦤ꧀꧉​​ ꦥꦶꦁ​​ꦱꦥ꧀ꦡ​ꦗꦭ꧀ꦝꦝꦺꦴꦱ꧀ꦱꦝꦱꦷꦃ꧉​​ꦗꦼꦁ​​ꦫꦃꦲꦝꦾꦤ꧀ꦤꦶꦁ​​ꦱꦼꦠꦾ​ꦏꦮꦸꦭ꧉​​ꦲꦝꦂꦧꦺꦪ​ꦱꦼꦝꦾ​ꦩꦮꦻꦴꦤ꧀꧉

꧄​​ꦲꦤ꧀ꦚꦩꦺꦤ꧀ꦤꦶ​ꦥꦸꦏꦸꦭꦸꦤ꧀꧉​​ꦪ꧀ꦮ​ꦩꦁꦒꦾꦪꦸ​ꦱꦩꦂꦒꦶ​ꦝꦱꦷꦃ꧉​​ꦲꦶꦁ​​ꦥꦤ꧀ꦚꦶꦥ꧀ꦡ​ꦏꦮꦸꦭ꧉​​ꦭꦁ​ꦒꦼꦁꦔ​ꦩꦁꦔꦸꦭꦸꦤ꧀꧉​​ꦲꦶꦁ​​ꦥꦝꦸꦏ​ꦮꦁ​ꦱꦸꦭ꧀ꦡꦸꦮꦤ꧀꧉​​ꦏꦝꦺꦴꦱ꧀ꦥꦸꦤ꧀ꦢꦶ​ꦏꦂꦱ​ꦥꦝ​ꦏꦁ​ꦗꦼꦁ​​ꦒꦸꦱ꧀ꦡꦷ꧉​​ꦲꦧ꧀ꦢꦶ​ꦤꦸꦮꦸꦤ꧀ꦏꦗꦂꦮꦤ꧀꧉

꧄​​ꦩꦸꦒꦶ​ꦥꦫꦶꦁꦔ​ꦮꦿꦶꦤ꧀ꦏꦂꦱ​ꦗꦠꦷ꧉​​ꦝꦺꦤ꧀ꦤꦶꦁ​​ꦒꦸꦱ꧀ꦡꦶ​ꦏꦁ​​ꦥꦁ​ꦒꦷꦃ​ꦲꦶꦁ​​ꦮꦤ꧉​​ꦥꦸꦤꦥ​ꦏꦶꦤꦂꦱꦏ꧀ꦲꦏꦻ꧉​​ꦝꦾꦤ꧀ꦭꦶꦁ​​ꦏꦏꦁ​​ꦮꦏ꧀ꦏꦶꦁ​ꦱꦸꦤ꧀꧉​​ꦥꦤ꧀ꦥꦶꦤꦽꦝꦶꦝꦝꦶ​ꦤꦂꦥꦠꦷ꧉​​ꦥꦼꦠꦼꦁꦔꦺ​ꦲꦠꦶꦤꦶꦁꦮꦁ​꧉​​ꦝꦺꦝꦸꦫꦸꦁ​​ꦮꦿꦶꦤ꧀ꦡꦤ꧀ꦢꦸꦏ꧀꧉​​ꦠꦠꦏꦿꦩ​ꦝꦸꦫꦸꦁ​​ꦮꦶꦏꦤ꧀꧉​​ꦥꦫꦺꦤ꧀ꦡꦃ​ꦩꦾꦁ​​ꦩꦤ꧀ꦤꦱ꧀ꦱꦶ​ꦮꦝꦾ​ꦠꦤ꧀ꦧꦁ​ꦏꦷꦠ꧀꧉​​ꦲꦶꦏꦸ​ꦮꦶꦫꦁ​ꦏꦸ​ꦏꦏꦁ꧉

꧄ꦲꦁ​ꦏꦃ​ꦲꦶꦁ​ꦱꦸꦤ꧀ꦏꦏꦁ​​ꦠꦸꦤ​ꦧꦸꦝꦷ꧉​​ꦲꦁ​ꦒꦼꦒꦮ​ꦩꦫꦁ​​ꦔꦶꦧꦸ​ꦫꦩ꧉​​ꦝꦝꦾ​ꦱꦸꦤ꧀ꦮꦤ꧀ꦡꦶꦁ​ꦮꦤ꧀ꦡꦁ​ꦔꦻ꧉​​ꦲꦮꦏ꧀ꦏꦶꦁ​ꦱꦸꦤ꧀ꦢꦶꦩꦺꦤ꧀ꦮꦿꦸꦃ꧉​​ꦭꦫ​ꦲꦁꦔ꧀ꦭꦶꦃ​ꦲꦶꦏꦶ​ꦱꦸꦤ꧀ꦥꦁ​ꦒꦷꦃ꧉​​ꦮꦺꦴꦁ​ꦔꦸꦒꦸꦁꦔꦤ꧀ꦒꦼꦁ​​ꦩꦺꦤ꧀ꦢꦿ꧉​​ꦩꦼꦁ​ꦏꦺꦤꦺ​ꦱꦸꦤ꧀ꦡꦼꦩꦸ꧉​​ꦱꦸꦗꦭ꧀ꦩ​ꦲꦫꦶꦱ꧀ꦲꦠꦸꦂꦚ꧉​​ꦪꦺꦤ꧀ꦱꦼꦩ꧀ꦧ​ꦝ​ꦥꦿꦪꦺꦴꦒꦶ​ꦝꦢꦺꦴꦱ꧀ꦤꦂꦥꦠꦷ꧉​​ꦥꦤ꧀ꦮꦺꦴꦤ꧀ꦡꦼꦤ꧀ꦭꦶꦤꦤ꧀ꦗꦫꦤ꧀꧉​

꧄​ꦥꦠꦶꦃ​ꦠꦸꦩꦼꦁ​ꦒꦸꦁ​​ꦗꦼꦏ꧀ꦱ​ꦩꦾꦁ​​ꦉꦱꦷ꧉​​ꦥꦤ꧀ꦥꦸꦤꦶꦏ​ꦏꦁ​​ꦩꦸꦭꦁ​​ꦤꦫꦺꦤ꧀ꦢꦿ꧉​​ꦩꦺꦴꦁ​ꦱ​ꦱꦩꦶꦪ​ꦭꦤ꧀ꦤꦿꦗꦻꦁ​꧉​​ꦲꦶꦁ​​ꦮꦶꦕꦼꦏ꧀ꦱꦤ꧀ꦤꦤ꧀ꦤꦶꦥꦸꦤ꧀꧉​​ꦲꦁꦔꦶꦁ​​ꦮꦺꦴꦤ꧀ꦡꦺꦤ꧀ꦏꦁꦝꦶꦥꦸꦤ꧀ꦤꦶꦫꦷꦧ꧀꧉​​ꦱꦏꦶꦫꦁꦔꦶꦥꦸꦤ꧀ꦩꦶꦤ꧀ꦡ꧉​​ꦫꦺꦃ​ꦫꦩꦤ꧀ꦡ​ꦥꦿꦧꦸ꧉​​ꦩꦸꦩ꧀ꦥꦸꦁ​​ꦤꦠꦝꦺꦫꦺꦁ​​ꦱꦺꦝ꧉​​ꦭꦶꦁ​​ꦫꦃꦲꦝꦾꦤ꧀ꦲꦶꦪ​ꦲꦶꦏꦸ​ꦮꦶꦫꦁ​​ꦩꦩꦷ꧉​​ꦩꦶꦱꦶꦃ​ꦏꦔꦺꦭꦤ꧀ꦤꦿꦩ꧉

꧄​​ꦲꦫꦃ​ꦲꦶꦁ​ꦱꦸꦤ꧀ꦪꦺꦤ꧀ꦗꦸꦩꦼꦤ꧀ꦤꦼꦁꦔꦗꦷ꧉​​ꦱꦏꦺꦕꦲ​ꦫꦩ​ꦲꦸꦭꦃ​ꦩꦸꦭꦾ꧉​​ꦲꦗ​ꦏꦮꦺꦴꦮꦺꦴꦫꦤ꧀ꦔ​ꦏꦻ꧉​​ꦱꦸꦗꦭ꧀ꦩ​ꦲꦠꦸꦂꦫꦶꦥꦸꦤ꧀꧉​ꦝꦠꦤ꧀ꦮꦺꦴꦤ꧀ꦡꦼꦤ꧀ꦤꦿꦠꦸ​ꦏꦁ​​ꦩꦶꦫꦷꦧ꧀꧉​​ꦏꦁ​ꦗꦼꦁ​​ꦱꦿꦶ​ꦫꦩ​ꦠꦸꦮꦤ꧀꧉​​ꦲꦶꦁ​​ꦗꦒꦠ꧀ꦥꦸꦏꦸꦭꦸꦤ꧀꧉​​ꦲꦩꦸꦁ​​ꦏꦁ​ꦗꦼꦁ​​ꦱꦿꦶ​ꦤꦫꦺꦤ꧀ꦢꦿ꧉​​ꦏꦁ​​ꦭꦶꦤꦁ​ꦏꦸꦁ​​ꦲꦁꦭꦶꦁ​​ꦫꦝꦾꦤ꧀ꦤꦶꦏꦸ​ꦱꦸꦤ꧀ꦥꦿꦷꦃ꧉​​ꦏꦏꦁ​​ꦱꦶꦫ​ꦩꦸꦭꦶꦪ꧉

꧄​​ꦪꦺꦤ꧀ꦮ​ꦥꦠꦶꦃ​ꦠꦤ꧀ꦧꦁꦔꦼꦠ꧀ꦏꦁ​​ꦫꦸꦤ꧀ꦡꦷꦏ꧀꧉​​ꦪꦼꦏ꧀ꦡꦶ​ꦱꦶꦫ​ꦏꦏꦁ​​ꦏꦁ​​ꦝꦺꦤ꧀ꦤꦿꦫꦃ꧉​​ꦱꦸꦗꦭ꧀ꦩ​ꦲꦠꦸꦂ​ꦱꦼꦩ꧀ꦧꦃꦲꦻ꧉​​ꦤꦝꦾꦤ꧀ꦭꦶꦥꦸꦂ​ꦏꦁ​​ꦧꦼꦤ꧀ꦢꦸ꧉​​ꦔꦶꦁ​​ꦏꦮꦸꦭ​ꦮꦶꦫꦁ​​ꦔꦶꦁ​​ꦗꦭ꧀ꦩꦷ꧉​​ꦮꦶꦤꦱ꧀ꦡꦤ꧀ꦔꦿꦺꦴꦁꦔꦱ꧀ꦩꦫ꧉​​ꦲꦩ꧀ꦧ​ꦭꦮꦤ꧀ꦤꦶꦧꦸ꧉​​ꦏꦫꦤ꧀ꦥꦠꦶꦏ꧀ꦧꦿ​ꦊꦁ​ꦒꦤ꧉​​ꦪꦺꦤ꧀ꦩꦤ꧀ꦡꦸꦏ꧀ꦏ​ꦫꦝꦺꦤ꧀ꦤꦼꦧ꧀ꦢ​ꦭꦃ​ꦱꦸꦤ꧀ꦤꦶꦫꦷꦁ​꧉​​ꦪꦺꦤ꧀ꦱꦶꦫ​ꦏꦼꦝꦃ​ꦭꦸꦔ꧉

꧄​ꦥꦪꦺꦴ​ꦏꦏꦁ​​ꦤꦩꦸꦂ​ꦭꦏꦸ​ꦪꦼꦏ꧀ꦡꦷ꧉​​ꦲꦗ​ꦲꦤ​ꦲꦧ꧀ꦧꦱ​ꦲꦏꦿꦩ꧉​​ꦱꦶꦫ​ꦲꦶꦁ​ꦱꦸꦤ꧀ꦧꦲꦺ​ꦧꦲꦻ꧉​​ꦧꦱ​ꦲꦝꦶ​ꦩꦫꦶꦁ​​ꦱꦸꦤ꧀꧉​​ꦱꦸꦗꦭ꧀ꦩ​ꦔ꧀ꦭꦶꦁ​​ꦲꦤ꧀ꦤꦸꦲꦸꦤ꧀ꦏꦩꦷ꧉​​ꦪꦺꦤ꧀ꦢꦝꦺꦴꦱ꧀ꦱ​ꦏꦁ​​ꦱꦼꦥꦃ꧉​​ꦏꦮꦸꦭ​ꦏꦁ​​ꦠꦶꦩꦸꦂ꧉​​ꦩꦏ꧀ꦱꦶꦪ​ꦧꦼꦏ꧀ꦡꦶ​ꦲꦶꦁ​​ꦥꦝ꧉​​ꦫꦝꦺꦤ꧀ꦤꦁꦭꦷꦁ​​ꦲꦶꦪ​ꦏꦏꦁ​​ꦥꦝ​ꦔꦭꦷꦃ꧉​​ꦱꦶꦫ​ꦤꦺꦴꦩ꧀ꦱꦸꦤ꧀ꦏꦁ​​ꦠꦸꦮ꧉​​

꧅ ꦚ꧀ꦖ ꧅

↑ ↑ ↑

← 05

07 →