ꦱꦼꦫꦠ꧀ꦗꦪꦊꦁꦏꦫꦮꦸꦭꦁ/03

꧁ꦩꦱ꧀ꦏꦸꦩꦩ꧀ꦧꦁ꧂

꧄ꦮꦶꦗꦶꦭ꧀ꦭꦶꦁ​​ꦔ꧀ꦭꦶ​​ꦭꦶꦂꦫꦶꦁꦔꦺ​ꦲꦱꦼꦥꦼꦠ꧀ꦒꦼꦤ꧀ꦝꦷꦱ꧀꧉​​ꦏꦱ꧀ꦩꦫꦤ꧀ꦏꦁ​​ꦩꦸꦭꦠ꧀꧉​​ꦱꦁ​​ꦝꦾꦃ​ꦕꦶꦠꦿꦤ꧀ꦤꦺ​ꦥꦤ꧀ꦭꦸꦮꦷꦃ꧉​​ꦱꦺꦴꦂ​ꦝꦺꦮꦶ​ꦫꦠꦶꦃ​ꦲꦶꦁ​​ꦱ꧀ꦮꦂꦒ꧉​​​

꧄ꦪꦺꦤ꧀ꦱꦶꦤꦮꦁ​​ꦪꦪꦃ​ꦩꦸꦏ꧀ꦱ꧀ꦮꦲ​ꦩꦿꦶꦁ​​ꦭꦁꦔꦷꦠ꧀꧉​​ꦩꦼꦤ꧀ꦕꦫꦺꦴꦁ​​ꦫꦃꦲꦶꦤ꧉​​ꦩꦼꦭꦶꦏ꧀ꦩꦼꦭꦶꦏ꧀ꦭꦩꦸꦤ꧀ꦮꦼꦁꦔꦷ꧉​​ꦭꦶꦂ​ꦭꦶꦤ꧀ꦡꦁ​ꦏꦠꦿꦁꦔꦤ꧀ꦩꦺꦒ꧉​​

꧄ꦩꦁꦔꦸꦤ꧀ꦏꦺꦱ꧀ꦮ​ꦱꦁ​​ꦝꦾꦃ​ꦏꦠꦺꦴꦤ꧀ꦤ​ꦱꦸꦮꦮꦷ꧉​​ꦩꦁꦔꦽꦱ꧀ꦏꦂꦱꦤ꧀ꦤꦶꦁ​​ꦭꦾꦤ꧀꧉​​ꦝꦺꦮꦶ​ꦫꦒꦱ꧀ꦩꦫ​ꦭꦸꦮꦷꦃ꧉​​ꦱꦼꦩꦸꦤꦺ​ꦲꦤ꧀ꦡꦼꦁ​​ꦗꦼꦠ꧀ꦩꦶꦏ꧉​

꧄​​ꦲꦱ꧀ꦩꦸ​ꦭꦸꦁꦔꦶꦝ꧀ꦲꦶꦁ​​ꦕꦶꦥ꧀ꦡ​ꦠꦸꦂ​ꦲꦁꦔꦼꦤ꧀ꦡꦺꦤ꧀ꦤꦷ꧉​​ꦩꦤ꧀ꦤꦃꦲꦶꦁ​​ꦏꦮꦸꦭ꧉​​ꦮꦒꦼꦝ꧀ꦤꦶꦂꦏꦼꦤ꧀ꦤꦶꦁ​​ꦠꦾꦱ꧀ꦧꦿꦁ​ꦠꦷ꧉​​ꦩꦿꦶꦃ​ꦥꦾꦸꦃ​ꦱꦒꦸꦁꦔꦶꦁ​​ꦕꦺꦛꦶꦚ꧉​

꧄​​ꦲꦺꦩꦤ꧀ꦡꦤ꧀ꦥꦤ꧀ꦢꦸꦭꦸ​ꦱꦸꦏꦤ꧀ꦤꦶꦁꦫꦺꦁꦔꦗꦷ꧉​​ꦏꦃ​ꦲꦩ꧀ꦧꦺꦁꦔꦤ꧀ꦧꦿꦺꦴꦁ​ꦠ꧉​​ꦏꦫꦤ꧀ꦩꦿꦶꦃ​ꦝꦿꦶꦪ​ꦱꦁ​​ꦝꦺꦮꦷ꧉​​ꦝꦺ​ꦫꦏ​ꦩꦔꦸꦤ꧀ꦱꦸꦁ​ꦏꦮ꧉​

꧄ꦫꦝꦺꦤ꧀ꦗꦪꦊꦁ​ꦏꦫ​ꦲꦤ꧀ꦤꦸꦮꦸꦤ꧀ꦥꦩꦷꦠ꧀꧉​​ꦩꦠꦸꦂ​ꦫꦶꦁ​​ꦫꦩꦺꦤ꧀ꦢꦿ꧉​​ꦪꦺꦤ꧀ꦤꦂꦱ​ꦩꦶꦁ​ꦒꦃ​ꦲꦶꦁ​​ꦮꦸꦏꦷꦂ꧉​​ꦲꦂꦱ​ꦲꦁꦤ꧀ꦢꦺꦴꦤ꧀ꦲꦁ​ꦊꦭꦤ꧉​​​

꧄ꦏꦫꦤ꧀ꦤꦤ꧀ꦡ​ꦥꦠꦶꦏ꧀ꦧꦿ​ꦩꦶꦠ꧀ꦲꦒꦼꦁ​​ꦗꦸꦠꦷ꧉​​ꦥꦝꦸ​ꦱꦿꦶ​ꦤꦫꦺꦤ꧀ꦢꦿ꧉​​ꦒꦼꦁ​​ꦊꦭꦤ​ꦥꦠꦶꦏ꧀ꦲꦗꦷ꧉​​ꦫꦺꦃ​ꦭꦁ​ꦏꦸꦁ​​ꦕꦸꦥꦼꦠ꧀ꦥꦠꦶꦏ꧀ꦧꦿ꧉​

꧄​​ꦱꦶꦤꦪꦸꦠ​ꦤ꧀ꦤꦿꦃꦲꦝ꧀ꦢꦺꦤ꧀ꦤꦩꦼꦏ꧀ꦱ​ꦲꦩꦷꦠ꧀꧉​​ꦏꦁ​​ꦫꦪꦶ​ꦠꦫꦸꦤ꧉​​ꦱꦶꦫ​ꦫꦃꦲꦝꦺꦤ꧀ꦱꦸꦧꦼꦏ꧀ꦡꦷ꧉​​ꦏꦼꦝꦃ​ꦠꦸꦩꦸꦠꦸꦂꦫꦶꦫꦁꦏ꧉​

꧄ꦝꦢꦾ​ꦏꦺꦮꦿꦤ꧀ꦢꦾꦤ꧀ꦗꦪꦊꦁꦏꦫ​ꦝꦺꦤ꧀ꦤꦷꦁ꧉​ꦪꦺꦤ꧀ꦤꦿꦶꦠꦸꦩꦸꦠꦸꦂ​ꦫ꧉​ꦲꦸꦮꦸꦱ꧀ꦢꦺꦤꦺꦗꦼꦁ​ꦫꦩ​ꦗꦷ꧉ꦝꦲꦠ꧀ꦩꦂꦩ​ꦱꦿꦸ​ꦠꦤ꧀ꦱꦸꦏ꧉

꧄ꦲꦶꦁꦱꦸꦤ꧀ꦕꦶꦝꦿꦏ꧀ꦏꦼꦤ​ꦏꦁꦗꦼꦁ​ꦱꦿꦶ​ꦫꦩ​ꦗꦷ꧉​ꦫꦶ​ꦩꦱ꧀ꦏꦪ​ꦔꦥ꧉​ꦪꦺꦤ꧀ꦡꦸꦩꦸꦠꦸꦂꦫ​ꦩꦱ꧀ꦪꦪꦷ꧉ꦠꦤ꧀ꦮꦿꦶꦤ꧀ꦩꦂꦒ​ꦥꦫꦤ꧀ꦤꦶꦁꦮꦁ꧉​

꧄ꦪꦼꦏ꧀ꦡꦶ​ꦥꦶꦱꦃ​ꦪꦪꦶ​ꦠꦤ꧀ꦮꦿꦶꦤ꧀ꦥꦫꦤ꧀ꦩꦩꦷ꧉​ꦝꦝꦾꦱꦼꦩꦁꦱꦼꦩꦁ꧉​ꦲꦸꦠꦮꦶ​ꦤꦭ​ꦫꦩ​ꦗꦷ꧉​ꦲꦮꦸꦮꦸꦃ​ꦥꦿꦶꦃꦲꦠꦶꦤ꧀ꦤꦶꦫ꧉​

꧄ꦝꦺꦤꦺ​ꦝꦠꦤ꧀ꦲꦤ​ꦲꦶꦁꦏꦁ​ꦝꦺꦤ꧀ꦡꦶꦁꦔꦭ꧀ꦭꦷ꧉​ꦲꦶꦁꦱꦸꦤ꧀ꦢꦸꦒꦺꦁ​ꦤꦭ꧉​ꦮꦸꦮꦸꦃ​ꦮꦶꦁꦔꦶꦠ꧀ꦗꦼꦁ​ꦫꦩ​ꦗꦷ꧉​ꦝꦝꦾ​ꦩꦿꦶꦃ​ꦩꦂꦒ​ꦱꦶꦁꦔ꧀ꦭꦺꦴꦤ꧀ꦤꦤ꧀꧉​

꧄ꦫꦗꦥꦸꦠꦿ​​ꦲꦶꦁ​ꦠꦾꦱ꧀ꦩꦿꦶꦃ​ꦠꦸꦁꦏꦸꦭ꧀ꦭꦶꦁ​ꦔꦧ꧀ꦢꦷ꧉​ꦱꦩ꧀ꦥꦸꦤ꧀ꦡꦶꦒꦁ​ꦕꦺꦴꦤ꧀ꦢꦿ꧉​ꦠꦤ꧀ꦱꦃ​ꦒꦼꦁ​ꦩꦺꦤ꧀ꦢꦿ​ꦩꦺꦴꦁ​ꦉꦱ꧀ꦩꦷ꧉​ꦠꦤ꧀ꦥꦼꦒꦠ꧀ꦲꦁꦭꦶꦥꦸꦂ​ꦏꦂꦱ꧉​

꧄​ꦏꦂ​ꦪꦱꦤ꧀ꦢꦶ​ꦤꦼꦫꦩ꧀ꦧꦃ​ꦲꦁꦔꦿꦏꦼꦠ꧀ꦢꦱꦷꦃ꧉​ꦔꦤ꧀ꦢꦶꦏꦤ꧀ꦩꦾꦁ​ꦠꦶꦤ꧀ꦢꦏ꧀꧉​ꦩꦿꦶꦁ​ꦮꦶꦱ꧀ꦩꦤ꧀ꦤꦺ​ꦒꦶꦤꦒꦼꦤ꧀ꦡꦷ꧉​ꦭꦶꦁꦱꦺꦤ꧀ꦲꦁꦊꦭꦤ꧀ꦡꦶꦃ​ꦭꦩ꧀ꦥꦃ꧉

꧄ꦱꦼꦁꦔꦝꦶꦤ꧀ꦚ​ꦏꦱꦸꦏꦤ꧀ꦤꦮꦸꦁ​ꦩꦾꦁ​ꦗꦸꦝꦷ꧉​ꦱꦭꦶꦂꦫꦶꦁ​ꦲꦧꦼꦤ꧀ꦤꦤ꧀꧉ꦲꦶꦁꦔꦺꦴꦤ꧀ꦡꦸꦮꦶꦤ꧀ꦏꦁ​ꦲꦶꦁꦔꦸꦭꦷꦒ꧀꧉​ꦥꦸꦤꦶꦏ​ꦤꦮꦸꦁ​ꦲꦂꦠꦶꦤ꧀ꦚ꧉

꧄​ꦱꦏꦛꦃꦲꦶꦁ​ꦏꦱꦸꦏꦤ꧀ꦏꦁ​ꦉꦧꦠ꧀ꦧꦁꦏꦷꦠ꧀꧉​ꦔꦧꦼꦤ꧀ꦏꦮꦒꦼꦝꦤ꧀꧉​ꦥꦸꦤꦶꦏ​ꦏꦁ​ꦮꦱ꧀ꦡ​ꦗꦸꦝꦷ꧉​ꦪꦺꦤ꧀ꦤꦶꦩ꧀ꦧꦭ꧀ꦭꦶ​ꦠꦤ꧀ꦥꦿꦧꦺꦝ꧉ ​

꧄ꦩꦾꦁ​ꦱꦼꦩꦺꦴꦮꦤ꧀ꦮꦼꦤꦺꦃ​ꦲꦤ​ꦫꦶꦁꦒꦶꦠ꧀ꦗꦭ꧀ꦩꦷ꧉​ꦩꦮꦶ​ꦧꦸꦫꦺꦴꦤ꧀ꦮꦤ꧉​ꦫꦶꦤꦺꦏ​ꦩꦿꦶꦃ​ꦱꦸꦏꦺꦁ​ꦒꦭꦷꦃ꧉​ꦱꦿꦸꦤꦶꦁ​ꦝꦺꦤ꧀ꦚ​ꦤꦩꦸꦤ꧀ꦢꦿꦶꦪ꧉​

꧄ꦫꦶꦁ​ꦥꦤ꧀ꦢꦸꦭꦸꦤꦶꦁ​ꦮꦝꦾ​ꦥꦸꦁꦒꦮ​ꦩꦤ꧀ꦡꦿꦷ꧉​ꦮꦸꦱ꧀ꦭꦶꦥꦸꦂ​ꦏꦁ​ꦏꦂꦱ꧉​ꦱꦁꦏꦶꦁ​ꦮꦒꦼꦝ꧀ꦤꦩꦸꦤ꧀ꦏꦥ꧀ꦡꦷ꧉​ꦩꦶꦱꦪꦺꦁ​ꦭꦶꦩ꧀ꦥꦺꦤꦶꦁ​ꦚꦤ꧉​

꧄ꦭꦁꦏꦸꦁ​ꦤꦫꦃ​ꦫꦺꦃꦲꦶꦁ​ꦫꦩ​ꦲꦶꦧꦸ​ꦱꦺꦴꦫꦷ꧉​ꦏꦮꦂꦤ​ꦱꦁ​ꦤꦠ꧉​ꦭꦒꦾꦂꦱ​ꦩꦶꦪꦺꦴꦱ꧀ꦡꦶꦤꦁ​ꦏꦷꦭ꧀꧉​​ꦝꦤ꧀ꦤꦿꦶꦤꦁ​ꦏꦸꦭ꧀ꦥꦝꦤ꧀ꦤꦶꦫ꧉

​​꧄ꦝꦺꦫ​ꦫꦶꦱꦁ​​ꦏꦁ​ꦗꦼꦁ​​ꦱꦿꦶ​ꦩꦃꦥꦿꦩꦺꦱ꧀ꦮꦫꦷ꧉​​ꦏꦭꦶꦃ​ꦲꦶꦁ​ꦏꦁ​​ꦥꦸꦠꦿ꧉​​ꦏꦠꦶꦒ​ꦫꦝꦺꦤ꧀ꦱꦸꦧꦼꦏ꧀ꦡꦷ꧉​​ꦏꦠꦿꦶꦚ​ꦱꦩꦾ​ꦔꦸꦝꦿꦱ꧉​​

꧄ꦱꦺꦴꦠꦾ​ꦧꦭꦸꦠ꧀ꦱꦪ​ꦲꦶꦩ꧀ꦧꦃ​ꦩꦼꦭꦝ꧀ꦲꦠꦷ꧉​​ꦲꦔꦽꦱ꧀ꦡꦾꦱ꧀ꦤꦫꦺꦤ꧀ꦢꦿ꧉​​ꦲꦠꦸꦂꦫꦺ​ꦱꦿꦶ​ꦥꦿꦩꦺꦱ꧀ꦮꦫꦷ꧉​​ꦥꦸꦏꦸꦭꦸꦤ꧀ꦏꦝꦺꦴꦱ꧀ꦥꦸꦤꦥ꧉

꧄ꦏꦼꦭꦏꦺꦴꦤꦥꦫꦤ꧀ꦥꦺꦴꦭꦃ​ꦥꦠꦶꦏ꧀ꦲꦗꦷ꧉​​ꦪꦺꦤ꧀ꦥꦸꦠꦿ​ꦥꦝꦸꦏ꧉​​ꦠꦤ꧀ꦱꦃ​ꦏꦃ​ꦲꦁꦔꦼꦤ꧀ꦤꦶꦁꦔꦠꦷ꧉​​ꦱꦶꦤ꧀ꦡꦼꦤ꧀ꦒꦸꦩꦤ꧀ꦡꦾ​​ꦤꦫꦺꦤ꧀ꦢꦿ꧉

꧄ꦪꦺꦤ꧀ꦱꦸꦫꦸꦝ꧀ꦢ​ꦲꦶꦁ​​ꦠꦼꦩ꧀ꦧꦺ​ꦥꦝꦸꦏ​ꦲꦗꦷ꧉​​ꦝꦾꦤ꧀ꦥꦸꦠꦿꦶ​ꦭꦤ꧀ꦥꦸꦠꦿ꧉​​ꦏꦫꦸꦤ​ꦏꦠꦿꦶ​ꦧꦸ​ꦱꦺꦴꦫꦷ꧉​​ꦕꦼꦔꦼꦁ​​ꦠꦾꦱ꧀ꦱꦿꦶ​ꦤꦫꦤꦠ꧉

꧄​​ꦥꦿ​​ꦩꦺꦱ꧀ꦮꦫꦶ​ꦩꦠꦸꦂ​ꦱꦸꦩꦼꦭ​ꦲꦶꦁ​​ꦠꦔꦷꦱ꧀꧉​ꦪꦺꦤ꧀ꦡꦸꦭꦸꦱ꧀ꦱ​ꦤꦠ꧉​​ꦏꦏꦶ​ꦩꦤ꧀ꦡꦿꦶ​ꦠꦶꦭꦂꦥꦸꦫꦶ꧉​​ꦏꦮꦸꦭꦂꦱ​ꦠꦸꦩꦸꦠꦸꦂꦫ꧉​​

꧄ꦥꦠꦶꦏ꧀ꦲꦗꦶ​ꦠꦤ꧀ꦤꦂꦱ​ꦲꦤꦤ꧀ꦤꦺꦁꦤꦼꦒꦫꦷ꧉​​ꦱꦸꦏ​ꦪꦺꦤ꧀ꦭꦶꦤꦲ꧉​​ꦏꦮꦸꦭ​ꦲꦶꦁ​​ꦮꦤ​ꦒꦶꦫꦷ꧉​​ꦝꦾꦤ꧀ꦥꦸꦠꦿꦶ​ꦲꦱꦿꦸ​ꦥꦤ꧀ꦗꦿꦶꦠꦾ꧉

꧄ꦏꦸꦭ​ꦲꦶꦧꦸ​ꦲꦶꦁ​ꦒꦶꦃ​ꦝꦠꦤ꧀ꦧꦶꦱ​ꦏꦫꦷ꧉​​ꦱꦁ​​ꦤꦠ​ꦔꦤ꧀ꦢꦶꦏ꧉​​ꦲꦭ​ꦱꦶꦫ​ꦝꦺꦤ꧀ꦤꦶꦁ​​ꦩꦩꦷ​​ꦱꦿꦸꦤꦶꦁ​​ꦩꦂꦩꦺꦁ​​ꦝꦿꦶꦪꦤ꧀ꦤꦶꦁꦮꦁ​꧉​​

꧄ꦤꦁꦔꦶꦁ​​ꦪꦪꦶ​ꦠꦤ꧀ꦤꦤ​ꦭꦸꦥꦸꦠ꧀ꦡꦶꦁ​​ꦏꦥ꧀ꦡꦷ꧉​​ꦏꦥ꧀ꦡꦶꦤꦺ​ꦏꦶ​ꦥꦸꦠꦿ꧉​​ꦲꦩꦼꦩꦠꦶ​ꦲꦶꦁ​ꦏꦁ​​ꦝꦶꦫꦷ꧉​​ꦮꦼꦠꦫꦤ꧀ꦤꦶꦁꦱꦸꦤ꧀ꦏꦶ​ꦥꦸꦠꦿ꧉

꧄​​ꦤꦺꦴꦫ​ꦭꦶꦥꦸꦂ​ꦲꦁꦔꦸꦂ​ꦏꦺꦱꦃꦲꦺ​ꦏꦶ​ꦩꦤ꧀ꦡꦿꦷ꧉​​ꦊꦲꦼꦁ​​ꦭꦶꦭꦤ꧀ꦤꦤ꧉​​ꦱꦶꦤꦸꦁ​​ꦩꦤ꧀ꦡꦿꦶꦏꦁꦠꦸꦠ꧀ꦮꦸꦫꦷ꧉​​ꦝꦶꦩꦺꦤ꧀ꦮꦿꦸꦃ​ꦲꦶꦁ​​ꦥꦽꦤ꧀ꦤꦃꦲꦶꦫ꧉

꧄ꦩꦾꦁ​​ꦥꦫꦤ꧀ꦤꦺ​ꦱꦁ​ꦏꦤ꧀ꦤꦺ​ꦲꦤ​ꦲꦸꦝꦤ꧀ꦤꦷ꧉​​ꦲꦶꦏꦸ​ꦏꦁ​​ꦠꦸꦂ​ꦮꦶꦏꦤ꧀꧉​​ꦪꦺꦤ꧀ꦏꦶꦤꦺꦴꦭꦸꦁꦔ​ꦔ꧀ꦭꦼꦱ꧀ꦧꦺꦤ꧀ꦗꦷꦁ꧉​​ꦱꦿꦸ​ꦱꦸꦩꦼꦭꦁ​​ꦝꦿꦶꦪꦤ꧀ꦤꦶꦁꦮꦁ​꧉​​

꧄ꦤꦼꦱꦼꦭ꧀ꦡꦁꦔꦶꦱ꧀ꦩꦭꦶꦃ​ꦠꦸꦂ​ꦫꦺ​ꦗꦼꦁ​​ꦱꦿꦶ​ꦱꦺꦴꦫꦷ꧉​​ꦲꦩ꧀ꦧ​ꦱꦿꦸ​ꦊꦁ​ꦒꦤ꧉​​ꦫꦶꦁ​​ꦏꦂꦱꦤ꧀ꦡꦥꦤ꧀ꦥꦸꦠꦿ​ꦗꦷ꧉​​ꦏꦁ​​ꦩꦤ꧀ꦤꦃ​ꦱꦪ​ꦲꦤ꧀ꦢꦝꦿ꧉​​

꧄ꦱꦿꦶ​ꦤꦫꦺꦤ꧀ꦢꦿꦝꦲꦠ꧀ꦮꦒꦸꦒꦼꦤ꧀ꦤꦶꦁ​​ꦒꦭꦷꦃ꧉​​ꦥꦫꦤ꧀ꦏꦂꦱꦤ꧀ꦤꦶꦫ꧉​​ꦥꦿꦩꦺꦱ꧀ꦮꦫꦶ​ꦠꦤ꧀ꦏꦼꦤ꧀ꦤꦁꦭꦷꦁ​꧉​​ꦱꦁ​​ꦤꦠ​ꦩꦭꦶꦃ​ꦔꦤ꧀ꦢꦶꦏ꧉

꧄ꦠꦸꦂ​ꦪ​ꦱꦥ​ꦏꦁ​​ꦮꦿꦸꦃꦲꦺꦁ​​ꦥꦽꦤ꧀ꦤꦃꦲꦺ​ꦲꦸꦒꦷ꧉​​ꦤꦁꦔꦶꦁ​​ꦲꦔꦸꦂ​ꦱꦶꦫ꧉​​ꦝꦶꦭꦭꦃꦲꦼꦤ꧀ꦤ​ꦏꦶ​ꦩꦤ꧀ꦡꦿꦷ꧉​​ꦗ​ꦱꦶꦤꦸꦁ​​ꦩꦤ꧀ꦡꦿꦶ​ꦏꦁ​​ꦩꦶꦭ꧀ꦮ꧉

꧄​​ꦮꦸꦱ꧀ꦥꦼꦒꦠ꧀ꦡꦼꦤ꧀ꦪꦪꦶ​​ꦠꦽꦱ꧀ꦤꦤ꧀ꦡ​ꦱꦮꦶꦗꦷ꧉​​ꦱꦿꦃꦲꦼꦤ꧀ꦤꦺꦁ​​ꦥꦁꦔꦺꦫꦤ꧀꧉​​ꦮꦿꦸꦃꦲ​ꦠꦏ꧀ꦢꦶꦂꦫꦶꦁ​ꦪ꧀ꦮꦁ​​ꦮꦶꦝꦷ꧉​​ꦏꦮꦸꦭ​ꦝꦂꦩ​ꦥꦸꦤꦥ꧉​​

꧄ꦏꦮꦿꦸꦃꦲꦤ​ꦲꦫꦶ​ꦱꦫꦺꦃꦤꦶꦁꦝꦸꦩꦝꦷ꧉​​ꦗꦼꦤ꧀ꦤꦼꦁꦔꦶꦁ​​ꦏꦮꦸꦭ꧉​​ꦱꦸꦏ​ꦝꦸꦏ​ꦭꦫꦥꦠꦷ꧉​​ꦥꦶꦤꦤ꧀ꦕꦶ​ꦠꦏ꧀ꦢꦶꦂꦫꦶꦁ​​ꦱꦸꦏ꧀ꦩ꧉​​

꧄​ꦏꦫꦤ꧀ꦢꦱꦶꦃ​ꦠꦤ꧀ꦏꦼ​ꦤ꧀ꦤꦤꦩ꧀ꦥꦶꦏ꧀ꦲꦩꦶꦭꦷꦃ꧉​​ꦫꦺꦃ​ꦏꦼꦝꦃ​ꦱꦸꦩꦫꦃ꧉​​ꦱꦥ​ꦤꦸꦭꦏ꧀ꦪꦺꦤ꧀ꦮꦸꦱ꧀ꦥꦼꦱ꧀ꦛꦷ꧉​​ꦭꦶꦤ​ꦧꦭꦶꦏ꧀ꦪꦺꦤ꧀ꦤꦿꦃꦲꦂꦗ꧉

꧄ꦠꦶꦠꦃꦲꦶꦁ​​ꦪ꧀ꦮꦁ​​ꦲꦗ​ꦏꦒꦺꦠ꧀ꦱꦶꦫ​ꦪꦪꦷ꧉​​ꦥꦿꦤ꧀ꦢꦺꦤꦺ​ꦤꦏ꧀ꦏꦶꦫ꧉​​ꦪꦺꦤ꧀ꦤ​ꦤ​ꦱꦶꦃꦲꦶꦁ​​ꦪ꧀ꦮꦁ​​ꦮꦶꦝꦷ꧉​​ꦥꦸꦠꦿꦤ꧀ꦤꦶꦫ​ꦩꦁ​ꦒꦶꦃ​ꦲꦂꦗ꧉​​

꧄ꦥꦤ꧀ꦥꦶꦤꦁ​ꦒꦶꦃꦏꦼꦤ꧀ꦩꦭꦶꦃ​ꦭꦤ꧀ꦱꦶꦫ​ꦪꦪꦷ꧉​​ꦭꦸꦔꦤ꧀ꦤꦺꦤꦏ꧀ꦏꦶꦫ꧉​​ꦏꦪ​ꦲꦺꦴꦫ​ꦩꦿꦶꦃ​ꦠꦤ꧀ꦪꦸꦏ꧀ꦡꦷ꧉​​ꦥꦤ꧀ꦢꦸꦝꦸꦫꦫꦺ​ꦚꦭꦸꦤ꧀ꦛꦁ​꧉​​

꧄ꦥꦱꦼꦩꦺꦴꦤ꧀ꦤꦺꦔꦸꦭꦂꦫꦶ​ꦝꦂꦩ​ꦏꦁ​​ꦱꦸꦕꦷ꧉​​ꦭꦤ꧀ꦑꦿꦩꦤ꧀ꦤꦶꦁ​​ꦤꦠ꧉​​ꦥꦿꦩꦺꦱ꧀ꦮꦫꦶ​ꦠꦤ꧀ꦏꦼꦤ꧀ꦤꦁ​ꦭꦷꦁ​꧉​​ꦮꦼꦏꦱ꧀ꦱꦤ꧀ꦮꦠꦸꦂ​ꦱꦸꦁ​ꦏꦮ꧉

꧄​​ꦗꦼꦁ​​ꦤꦫꦺꦤ꧀ꦢꦿ​ꦥꦸꦏꦸꦭꦸꦤ꧀ꦥꦸꦠꦿ​ꦤꦂꦥꦠꦷ꧉​​ꦱꦩ꧀ꦥꦸꦤ꧀ꦤꦿꦶꦤꦺꦴꦗꦺꦴꦔꦤ꧀꧉​​ꦲꦶꦁ​ꦒꦶꦃ​ꦱꦩ꧀ꦥꦸꦤ꧀ꦱꦶꦤꦸꦁ​​ꦩꦤ꧀ꦡꦿꦷ꧉​​ꦩꦭꦃ​ꦩꦺꦫꦁꦔ​ꦲꦶꦁ​​ꦩꦂꦒ꧉

꧄​ꦱꦺꦴꦏꦸꦂ​ꦝꦺꦤ꧀ꦚ​ꦏꦺꦱꦃ​ꦮꦤ꧀ꦢꦺꦪ​ꦏꦶ​ꦩꦤ꧀ꦡꦿꦷ꧉​​ꦲꦗꦿꦶꦃꦲ​ꦲꦶꦁ​​ꦩꦂꦒ꧉​​ꦮꦶꦒꦸꦒꦼꦤ꧀ꦱꦿꦶ​ꦤꦫꦥꦠꦷ꧉​​ꦥꦸꦠꦼꦏ꧀ꦱꦗꦿꦺꦴꦤꦶꦁ​​ꦮꦂꦝꦪ꧉

꧄ꦏꦺꦮꦿꦤ꧀ꦤꦶꦁ​​ꦠꦾꦱ꧀ꦢꦺ​ꦱꦺꦴꦫꦶ​ꦠꦤ꧀ꦮꦿꦶꦤ꧀ꦥꦩꦁ​ꦒꦷꦃ꧉​​ꦤꦸꦭꦾ​ꦲꦁꦔꦤ꧀ꦢꦶꦏ꧉​​ꦩꦶꦤ꧀ꦢꦼꦭ꧀ꦭ​ꦪꦪꦶ​ꦏꦫꦶꦪꦶꦤ꧀꧉​​ꦲꦶꦁ​ꦱꦸꦤ꧀ꦩꦶꦗꦶꦭ꧀ꦱꦶꦤꦺꦮꦏ꧉꧐꧉

↑ ↑ ↑

← 02

04 →