ꦮꦱꦶꦡꦲꦢꦶ

[ 5 ] 

ꦮꦱꦶꦡꦲꦢꦶ

 

 

DINAS KEBUDAYAAN (KUNDHA KABUDAYAN)

DAERAH ISTIMEWA YOGYAKARTA

2024

[ 6 ]

Serat Wasita Adi
Pangripta: Indra Oktora

Cithakan 1, Februari 2024

Penerbit
Dinas Kebudayaan (Kundha Kabudayan)
Daerah Istimewa Yogyakarta
Jalan Cendana nomor 11 Yogyakarta 55166
Telepon 0274 562628
Fax 0274 564945

Sub Kegiatan Pembinaan, Pengembangan Bahasa dan Sastra
Seksi Bahasa dan Sastra
Bidang Pemeliharaan dan Pengembangan Sejarah, Bahasa Sastra, dan Permuseuman

Penanggung Jawab:
Dian Lakshmi Pratiwi, S.S., M.A.

Pemimpin Program:
Budi Husada

Pelaksana Program:
Setya Amrih Prasaja, S.S.

Kurator:
F. Galih Adi Utama, M.A.
Bayu Nerviadi Ciptadi, S.T.

Penyelia:
Arif Budiarto

llustrator:
Aulia Imroatulatifah

Staf Program:
Zita Uttungga Dewi
Hayu Avang Darmawan
Siti Nurhilmi Nihayati
YD Yustiananta
Tinto Bondan Reksoprojo
Noviani Lestari

[ 7 ]

꧄ꦥꦩ꧀ꦧꦸꦏ꧄

ꦏꦼꦥꦭꦣꦶꦤꦱ꧀ꦏꦼꦧꦸꦣꦪꦄꦤ꧀ ꧌ꦏꦸꦤ꧀ꦝꦏꦧꦸꦢꦪꦤ꧀꧍

ꦣꦌꦫꦃꦆꦱ꧀ꦠꦶꦩꦺꦮꦪꦺꦴꦒꦾꦏꦂꦠ

꧋ꦥꦗꦶꦱꦺꦴꦏꦸꦂꦏꦺꦴꦚ꧀ꦗꦸꦏ꧀ꦔꦂꦱꦢꦔ꧀ꦤꦩ꧀ꦒꦸꦱ꧀ꦠꦶꦄꦭꦃꦲꦶꦁꦏꦁꦲꦏꦂꦪꦗꦒꦢ꧀ꦲꦶꦁꦏꦁꦱꦩ꧀ꦥꦸꦤ꧀ꦥꦫꦶꦁꦱꦼꦩ꧀ꦥꦸꦭꦸꦂꦫꦶꦁꦏꦿꦶꦣꦱꦼꦢꦪꦭꦩ꧀ꦥꦃꦔꦿꦤ꧀ꦠꦩ꧀ꦢꦸꦩꦸꦒꦶꦚꦮꦶꦱ꧀ꦱꦏꦼꦤ꧀ ꦱꦼꦫꦠ꧀ꦮꦱꦶꦠꦲꦢꦫꦶꦥ꧀ꦠꦤ꧀ꦤꦶꦥꦸꦤ꧀ ꦆꦤ꧀ꦢꦿꦮ꧀ꦢꦏ꧀ꦠꦺꦴꦫꦣꦶꦤꦱ꧀ꦏꦼꦧꦸꦣꦪꦄꦤ꧀ ꧌ꦏꦸꦤ꧀ꦝꦏꦧꦸꦢꦪꦤ꧀꧍ ꦣꦌꦫꦃꦆꦱ꧀ꦠꦶꦩꦺꦮꦪꦺꦴꦒꦾꦏꦂꦠꦠꦤ꧀ꦱꦃꦩꦼꦂꦱꦸꦔꦽꦩ꧀ꦧꦏꦏꦤꦤꦶꦁꦏꦧꦸꦢꦪꦤ꧀ꦭꦱꦸꦱꦱ꧀ꦠꦿꦤ꧀꧈ ꦩ꧀ꦭꦶꦒꦤꦶꦥꦸꦤ꧀ꦏꦶꦣꦤꦶꦥꦸꦤ꧀ꦥꦫꦥꦩꦂꦱꦸꦢꦶꦱꦱ꧀ꦠꦿꦗꦮ꧉ ꦧꦸꦢꦪꦲꦶꦁꦏꦁꦩꦮꦸꦗꦸꦢ꧀ꦲꦶꦁꦧꦱꦱꦱ꧀ꦠꦿꦭꦤ꧀ꦲꦏ꧀ꦱꦫꦗꦮꦠꦤ꧀ꦱꦃꦢꦢꦺꦴꦱ꧀ꦕꦶꦫꦶꦮꦚ꧀ꦕꦶꦒꦼꦱꦁꦔꦶꦁꦧꦼꦧꦿꦪꦤ꧀ꦲꦒꦼꦁꦗꦮ꧈ ꦥꦿꦩꦶꦭꦣꦶꦤꦱ꧀ꦏꦼꦧꦸꦣꦪꦄꦤ꧀꧌ꦏꦸꦤ꧀ꦝꦏꦧꦸꦢꦢꦪꦤ꧀꧍ꦣꦌꦫꦃꦆꦱ꧀ꦠꦶꦩꦺꦮꦪꦺꦴꦒꦾꦏꦏꦂꦠꦥꦸꦤꦶꦏꦪꦼꦏ꧀ꦠꦶꦤꦼꦂꦧꦶꦠ꧀ꦠꦏꦼꦤ꧀ꦱꦼꦫꦠ꧀ꦱꦼꦫꦠ꧀ꦥꦼꦩꦼꦤꦁꦱꦪꦼꦩ꧀ꦧꦫꦥꦼꦤꦸꦭꦶꦱ꧀ꦱꦤ꧀ꦱꦼꦫꦠ꧀ꦠꦲꦸꦤ꧀꧇꧒꧐꧒꧓꧇꧉

꧋ꦏꦤ꧀ꦛꦶꦥꦶꦫꦤ꧀ꦠꦶꦧꦱꦭꦤ꧀ꦲꦏ꧀ꦱꦫꦗꦮ꧈ ꦩꦱꦫꦏꦠ꧀ꦗꦮꦠꦤ꧀ꦱꦃꦲꦩꦼꦩꦪꦸꦲꦪꦸꦤꦶꦁꦧꦮꦤꦲꦸꦒꦶꦩꦸꦗꦸꦢ꧀ꦢꦏꦼꦤ꧀ꦲꦁꦒꦺꦤ꧀ꦤꦶꦥꦸꦤ꧀ꦠꦽꦱ꧀ꦤꦩꦫꦁꦧꦸꦢꦪꦗꦮ꧉ ꦩꦺꦴꦁꦏꦺꦴꦒ꧀ꦒꦶꦁꦩꦤꦃ꧈ ꦥꦩꦸꦥꦸꦱꦪꦼꦩ꧀ꦧꦫꦕꦏꦛꦃꦥꦫꦮꦶꦫꦤꦺꦩ꧀꧈ ꦥꦿꦩꦸꦣꦠꦸꦩꦫꦸꦤꦥꦸꦤꦶꦏꦠꦩ꧀ꦠꦸꦏꦺꦩꦮꦺꦴꦤ꧀ꦢꦢꦺꦴꦱ꧀ꦱꦠꦸꦁꦒꦭꦶꦁꦒꦺꦴꦭꦺꦴꦁꦔꦤ꧀ꦤꦶꦁꦩꦱꦫꦏꦠ꧀ꦲꦶꦁꦏꦁꦧꦣꦺꦚꦁꦒꦭꦤ꧀ꦔꦽꦩ꧀ꦧꦏꦏ꧀ꦲꦏꦼꦤ꧀ꦧꦱꦭꦤ꧀ꦱꦱ꧀ꦠꦿꦗꦮꦏꦤ꧀ꦛꦶꦩꦤꦺꦏꦕꦫꦲꦶꦁꦏꦁꦏꦿꦺꦪꦠꦶꦥ꧀ꦭ꦳ꦤ꧀ꦠꦼꦥꦠ꧀ꦒꦸꦤ꧉

꧋ꦧꦺꦴꦠꦼꦤ꧀ꦱꦼꦢꦪꦫꦶꦥ꧀ꦠꦤ꧀ꦱꦼꦫꦠ꧀ꦲꦶꦁꦏꦁꦏꦏꦶꦤ꧀ꦠꦸꦤ꧀ꦝꦠꦼꦁꦥꦤꦶꦠꦶꦪꦱꦒꦼꦢ꧀ꦱꦼꦢꦪꦏꦥꦕꦏ꧀ꦲꦮꦶꦠ꧀ꦮꦺꦴꦤ꧀ꦠꦼꦤ꧀ꦥꦲꦸꦒꦼꦂꦫꦤ꧀ꦠꦺꦩꦲꦶꦁꦏꦁꦏꦼꦢꦃꦢꦶꦥꦸ [ 8 ]ꦤ꧀ꦲꦸꦒꦼꦩ꧀ꦩꦶꦭꦤ꧀ꦥꦲꦸꦒꦼꦂꦫꦤ꧀ꦏꦱꦸꦱꦱ꧀ꦠꦿꦤ꧀ꦭꦤ꧀ꦠꦠꦧꦱꦲꦏ꧀ꦱꦫꦲꦶꦁꦏꦁꦏꦼꦢꦃꦢꦶꦥꦸꦤ꧀ꦲꦸꦒꦼꦩ꧀ꦩꦶ꧉ꦲꦤꦔꦶꦁ꧈ꦏꦛꦃꦲꦶꦁꦥꦫꦥꦱꦂꦠꦲꦶꦁꦏꦁꦔꦶꦤ꧀ꦠꦸꦤ꧀ꦫꦶꦥ꧀ꦠꦤ꧀ꦕꦕꦃ꧇꧒꧑꧇ꦱꦼꦫꦠ꧀ꦲꦶꦁꦏꦁꦲꦤ꧀ꦢꦢꦺꦴꦱ꧀ꦱꦏꦼꦤ꧀ꦩꦺꦴꦁꦏꦺꦴꦒ꧀ꦒꦶꦁꦩꦤꦃ꧉ꦲꦶꦁꦥꦁꦏꦱ꧀ꦱꦤ꧀ꦲꦠꦸꦂ꧈ꦣꦸꦩꦠꦼꦁꦥꦫꦥꦫꦒ꧈ꦏꦸꦫꦠꦺꦴꦂ꧈ꦭꦤ꧀ꦲꦺꦣꦶꦠꦺꦴꦂ꧈ꦣꦶꦤꦱ꧀ꦏꦼꦧꦸꦣꦪꦄꦤ꧀꧌ꦏꦸꦤ꧀ꦝꦏꦧꦸꦢꦪꦤ꧀꧍ꦣꦌꦫꦃꦆꦱ꧀ꦠꦶꦩꦺꦮꦪꦺꦴꦒꦾꦏꦂꦠꦔꦠꦸꦂꦫꦏꦼꦤ꧀ꦲꦒꦸꦁꦔꦶꦁꦥꦤꦸꦮꦸꦤ꧀꧈ꦱꦸꦩꦁꦒꦥꦫꦱꦸꦠꦽꦱ꧀ꦤꦏꦠꦸꦂꦫꦤ꧀ꦩꦲꦺꦴꦱ꧀ꦭꦤ꧀ꦱꦩꦶꦏꦱ꧀ꦢꦸꦥꦫꦶꦁꦥꦚꦫꦸꦮꦺ꧉

ꦔꦪꦺꦴꦒꦾꦏꦂꦠ꧈ꦥ꦳ꦺꦧꦿꦸꦮꦫꦶ꧇꧒꧐꧒꧔꧇
ꦣꦶꦪꦤ꧀ꦭꦏ꧀ꦱ꧀ꦩꦶꦥꦿꦠꦶꦮꦶ꧈ꦌꦱ꧀​ꦌꦱ꧀꧈ꦌꦩ꧀​ꦄ
ꦣꦶꦤꦱ꧀ꦏꦼꦧꦸꦣꦪꦄꦤ꧀​꧌ꦏꦸꦤ꧀ꦝꦏꦧꦸꦢꦪꦤ꧀꧍ꦣꦌꦫꦃꦆꦱ꧀ꦠꦶꦩꦺꦮꦪꦺꦴꦒꦾꦏꦂꦠ

[ 9 ]

꧄ꦲꦶꦱꦶꦤꦶꦁꦱꦼꦫꦠ꧀꧄

ꦉꦝꦏ꧀ꦱꦶ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

i

ꦥꦩ꧀ꦧꦸꦏ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

iii

ꦲꦶꦱꦶꦤꦶꦁꦱꦼꦫꦠ꧀ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

v

ꦱꦼꦫꦠ꧀ꦮꦱꦶꦠꦲꦢꦶ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

1

[ 11 ]

꧄ꦧ꧀ꦕ꧄

꧄​ ꦥꦸꦂꦮ꧀ꦮꦤꦶꦔ꧀ꦮꦱꦶꦡꦲꦢꦶ꧈ꦥꦶꦱꦸꦁꦱꦸꦁꦥꦸꦗꦲꦶꦁ​ꦄꦱ꧀ꦩ꧈​ꦄꦭ꧀ꦭꦃꦠꦔ꦳ꦭꦏꦺꦴꦚ꧀ꦗꦸꦏ꧀ꦏꦺ꧈ꦩꦲꦭꦸꦲꦸꦂꦠꦩ꧀ꦠꦸꦩꦶꦫꦃ꧈ꦏ꧀ꦮꦱꦺꦁꦱꦢꦪꦔꦭꦩ꧀​ꦥꦤ꧀ꦱꦶꦤ꧀ꦤꦼꦩ꧀ꦧꦃꦭꦶꦪꦤ꧀ꦤꦶꦏꦸ꧈ꦩꦶꦤꦺꦴꦁꦏꦧꦿꦺꦴꦁꦠꦲꦸꦠꦩ꧉

|| Purwwaniŋ wasița hadi,/ Pisuŋsun puja hiŋ asma,/ Allah ta'ala konjukké, Maha luhur tamtu miraḥ, / Kwasèŋ sadaya nalam // Pan sinněmbaḥ liyanniku, / Minoŋka broŋta hutama./

꧄ ꦱꦶꦤ꧀ꦤꦼꦏꦂꦫꦤ꧀ꦱ꧀ꦮꦫꦤ꧀ꦤꦶꦁꦠꦾꦱ꧀​​ꦉꦉꦁꦒꦤ꧀ꦮꦸꦪꦸꦁꦥꦸꦥꦸꦗꦤ꧀​​ꦫꦸꦩ꧀ꦩꦼꦱꦼꦥ꧀ꦲꦤꦺꦁꦏꦭ꧀ꦧꦸꦤꦺ꧈ꦲꦶꦁꦠꦾꦱꦲꦸꦒꦧꦢꦤ꧀ꦤꦶꦫ꧈ꦩꦸꦒꦾꦭꦸꦩ꧀ꦩꦺꦧꦺꦂꦲꦂꦗ꧈ꦏꦁꦩꦼꦚ꧀ꦕꦺꦴꦫꦺꦴꦁꦱꦸꦂꦪꦤ꧀ꦤꦶꦥꦸꦤ꧀​​ꦏꦢꦾꦦꦸꦂꦤꦩꦭꦶꦂꦱꦸꦂꦪ꧉

|| Sinněkaŕran smarannin tyas // Rṛngan wuyuŋ pupujan // Rumměsěp hanèŋ kalbuné, 7 Hiŋ tyas huga badannira, / Mugya lummèbèŕ harja, / Kaŋ měñcoroŋ suryannipun // Kadya Puŕnama lir suŕya./

꧄ ꦆꦤ꧀ꦢꦿꦶꦪꦱꦤ꧀ꦢꦶꦤꦶꦁꦒꦸꦫꦶꦠ꧀​​ꦮꦠꦤ꧀ꦥꦺꦴꦚ꧀ꦕꦲꦂꦒꦛ꧈ꦧꦿꦩ꧀ꦧꦾꦤꦤ꧀ꦚꦼꦫꦠ꧀ꦢꦸꦤꦸꦁꦔꦺ꧈ꦠꦼꦔꦼꦤ꧀ꦏꦫꦡꦺꦴꦤ꧀ꦨꦏ꧉ꦕꦫꦶꦏꦾꦗꦤ꧀ꦩꦩꦸꦣ꧈ꦱꦸꦗꦭ꧀ꦩꦭꦸꦮꦶꦃꦲꦶꦔ꧀ꦭꦏꦸ꧈ꦭꦭꦏꦸꦏꦮꦺꦲꦸꦃꦲꦒꦩ꧉

[ 12 ]

|| Indřiya sandiniŋ gurit // Watan poñca haṙga kuṭa, / Bṙambyanan ñërat dunuŋné, / Těněn Karathon Ḅaka, / Carikña janma muḍa,/ Sujalma luwiḥ hiŋ laku, / Lalaku kawṙuḥ hagama./

꧄ ꦢꦸꦏ꧀ꦏꦭꦮꦶꦮꦶꦠ꧀ꦠꦶꦤ꧀ꦤꦸꦭꦶꦱ꧈ꦕꦺꦴꦤ꧀ꦢꦿꦤ꧀ꦤꦶꦥꦸꦤ꧀ꦥꦶꦔ꧀ꦮꦺꦴꦭꦸꦭꦱ꧀​​ꦲꦁꦒꦫꦗꦼꦤꦂꦢꦶꦤ꧀ꦠꦼꦤ꧀ꦤꦺ꧈ꦗꦶꦩ꧀ꦩꦮꦭ꧀ꦠꦲꦸꦤ꧀ꦩꦼꦤ꧀ꦠꦫꦩ꧀​ꦮꦸꦭꦤ꧀ꦫꦧꦶꦔꦸꦭ꧀ꦭꦮꦭ꧀​ꦩꦣꦁꦏꦸꦁꦔꦤ꧀ꦮꦸꦏꦸꦤꦶꦥꦸꦤ꧀​ꦠꦸꦩ꧀ꦩꦶꦧꦲꦶꦁꦩꦺꦴꦁꦱꦏꦥꦠ꧀

ll Duk kala wiwit tinnulis // Condřannipun piŋ wolulas // Hangara jěnaŕ dintěnné,/ Jimmawal tahun mĕntaram // Wulan rabinullawal // Maḍaŋkunnan wukunipun // Tummiba hiŋ moŋsa kapat./

꧄ ꦱꦏꦭꦶꦩꦮꦫꦲꦗꦶ꧈ꦩꦶꦤꦺꦴꦁꦏꦱꦼꦁꦏꦭ꧀ꦭꦤꦠꦺꦴꦤ꧀ꦝ꧈ꦱꦩꦾꦢꦺꦤ꧀ꦤꦺꦔꦼꦠ꧀ꦠꦏꦧꦺꦃ꧈ꦒꦶꦤ꧀ꦤꦪꦸꦃꦱꦸꦢꦶꦧꦾꦺꦔ꧀ꦭꦩ꧀ꦥꦃ꧈ꦫꦸꦩ꧀ꦩꦼꦱꦼꦥ꧀ꦲꦤꦺꦁꦟꦭ꧈ꦥꦤ꧀ꦧꦶꦱꦱꦶꦫꦭꦏꦺꦴꦤ꧀ꦤꦶ꧈ꦭꦶꦤ꧀ꦤꦼꦧꦼꦠ꧀ꦗꦤ꧀ꦩꦲꦸꦠꦩ

|| Saka lima wara haji, (saka 7, lima : 5, wara buka 9, ji aji) 1957 Jawa/ Minoŋka sěŋkallan tonḍa,/ Samya dènnènětta kabèḥ,/ Ginnayuḥ sudibyèn lampaḥ,/ Rumměsěp hanèŋ nala, / Pan bisa sira lakonni,/ Linnĕbět janma hutama./

[ 13 ]

꧃ ꦮꦱꦶꦛ​ꦲꦢꦶ​ꦤꦸꦠꦸꦂꦫꦶ\ꦱꦸꦢꦶꦪ​ꦏꦮꦲꦺꦴꦱ꧀ꦱꦶꦫ\ꦩꦲꦺꦴꦱ꧀​ꦲꦢꦶ​ꦢꦢꦭꦤ꧀ꦤꦺ\ꦱꦤꦺꦥꦤꦺ​ꦠꦤ꧀​ꦠꦶꦤ꧀ꦤꦸꦭꦢ꧀\\ꦪꦺꦏꦸ​ꦭꦤ꧀ꦠꦶꦥ꧀​ꦮꦱ꧀ꦏꦶꦠ\ꦧꦺꦴꦪ​ꦱꦶꦫ​ꦠꦤ꧀​ꦏꦺꦱꦩ꧀ꦥꦂ\ꦱꦫꦶꦩ꧀ꦥꦺꦠ꧀​ꦭꦮꦤ꧀​ꦥꦿꦪꦺꦴꦒ\\

Wasitha hadi nutuṙri,/ Sudiya kawahossira,/Mahos hadi dadalanné,/Sanépané tan tinnulad,//Yèku lantip waskiṭa,/Boya sira tan kesampaṙ,/Sarimpĕt lawan pṙayoga.//

꧃ ꦮꦸꦭꦤ꧀​ꦮꦸꦫꦸꦏ꧀​ꦲꦺꦏ​ꦲꦢꦶ\ꦣꦸꦏ꧀ꦱꦶꦤ꧀ꦤꦔꦺꦤꦶꦤ꧀​ꦥꦥꦤ꧀ꦤ\ꦓꦶꦤ꧀ꦤꦩ꧀ꦧꦫꦺꦱ꧀ꦠꦿꦶ​ꦮꦸꦗꦸꦢ꧀ꦢꦺ\ꦑꦢꦸꦤꦸꦤ꧀ꦤꦤ꧀​ꦒꦸꦮ​ꦒꦂꦧ\ꦩꦶꦗꦶꦭ꧀ꦏꦼꦤ꧀​ꦧꦗꦤ꧀​ꦥꦸꦠꦿ\ꦒꦶꦤ꧀ꦤꦪꦸꦃ​ꦲꦚ꧀ꦗꦂꦮꦤꦶꦥꦸꦤ꧀\ꦩꦔ꧀ꦒꦺꦴꦭꦺꦴꦔ​ꦱꦶꦧꦸ​ꦫꦩꦚ\

Wulaŋ wuruk héka hadi,/ Duksiŋnangèniŋ papanña, / Ginnambarèstṙi wujuddé,/Kadunuŋṅan guwa gaṙḅa, / Mijilkĕn bajaŋ putṙa,/ginnayuḥhañjaṙwanipun,/Maŋgoloŋ sibu ramaña./

꧃ ꦖꦶꦛꦂ​ꦮꦫꦺꦴꦏ꧀​ꦫꦤ꧀ꦤꦶꦔ​ꦩꦂꦒꦶ\ꦬꦲꦺꦴꦱ꧀​ꦏꦺꦕꦸꦠ꧀​ꦥꦶꦔ꧀ꦒꦶꦂ​ꦫꦠꦤ꧀\ꦬꦺꦴꦤ꧀​ꦩꦸꦝ​ꦲꦺꦚ꧀ꦗꦔ​ꦠꦶꦩ꧀ꦧꦸꦭ꧀ꦭꦺ\ꦟꦺꦴꦩ꧀​ꦤꦺꦴꦩ꧀ꦩꦤ꧀​ꦱꦼꦔꦏꦸꦠ꧀​ꦩꦏꦂꦪ\ꦟꦼꦔꦱꦼꦩ꧀ꦏꦺ​ꦠꦤ꧀ꦢꦔ꧀ꦤꦶꦫ\ꦯꦼꦏꦸꦭ꧀​ꦮꦸꦔꦏꦸꦱ꧀​ꦮꦝꦃ​ꦏꦸꦮꦸꦔ\ꦑꦼꦥꦺꦤꦏ꧀​ꦲꦤꦺꦔ​ꦮꦚ꧀ꦕꦶꦚ\

Ciṭaṙ warok ranniŋ maṙgi,/Rahos kĕcut piŋgir ratan,/Ron muḍa heñjaŋ timbullé,/Nom nomman sěŋkut makaṙya,/Něŋsěmké tandaŋnira, /Sěkul wuŋkus waḍaḥ kuwuŋ,/Kĕpénak hanèŋ wañciña./

[ 14 ]

꧄ꦤꦺꦴꦫꦥꦺꦃꦥꦸꦠꦿꦥꦿꦶꦧꦢꦶ꧈ꦩꦿꦶꦃꦫꦶꦫꦶꦣꦸꦭꦏꦸꦤ꧀ꦤꦶꦁꦠꦾꦤ꧀ ꦩꦶꦤꦁꦏꦺꦁꦠꦶꦤ꧀ꦢꦏ꧀ꦭꦸꦥꦸꦠ꧀ꦠꦺ꧈ꦮꦼꦭꦶꦁꦔꦭꦏꦸꦥꦪꦺꦴꦒ꧈ꦗꦱꦶꦫꦭꦏꦸꦤꦶꦱ꧀ꦛ꧈ꦮꦮꦫꦃꦏꦢꦾꦥꦸꦠꦿꦩꦸ꧈ꦏꦺꦭꦶꦚꦸꦠ꧀ꦏꦪꦸꦤ꧀ꦤꦶꦁꦱꦶꦂꦤ꧉

|| Nora pèh putṙa pṙibadi,/ Mṙih ṙiṙiḍu lakunniŋ tỿas // Minaŋkèŋ tindak luputté, / Wěliŋṅa laku pṙayoga, / Ja sira laku nisṭa, / Wawaraḥ kadỵa putṙamu, / Kèli ñut kayunniŋ siṙna./

꧄ꦏꦭꦮꦤ꧀ꦱꦶꦫꦩꦶꦪꦂꦱꦶ꧈ꦥꦶꦠꦸꦠꦸꦂꦱꦁꦏꦶꦁꦮꦶꦠ꧀ꦠꦶꦏ꧈ꦲꦺꦱ꧀ꦠꦸꦭꦏꦸꦱꦸꦫꦱꦤ꧀ꦤꦺ꧈ꦲꦗꦱꦶꦫꦏꦭꦶꦫꦸꦮ꧈ꦭꦏꦸꦢꦢꦭꦤ꧀ꦊꦥꦠ꧀ ꦣꦸꦩ꧀ꦩꦮꦃꦮꦶꦁꦏꦶꦁꦏꦼꦢꦸꦮꦸꦁ꧈ꦥꦸꦤ꧀ꦤꦶꦏꦒꦫꦶꦱ꧀ꦱꦶꦁꦔꦭ꧀ꦭꦃ꧉

|| Kawalan sira miyaṙsi,/ Pitutuṙ saŋkiŋ wittika, / Hèstu laku surasanné,/ Haja sira kaliruwa,/ Laku dadalan ịpat // Ḍummawaḥ wiŋkiŋ kêduwuŋ,/ Punnika garissiŋ Ṅallaḥ./

꧅ꦩꦤ꧀ꦤꦶꦫꦤꦸꦠꦸꦂꦫꦶꦩꦭꦶꦃ꧈ꦒꦶꦤ꧀ꦤꦩ꧀ꦧꦂꦫꦤ꧀ꦠꦸꦠꦸꦮꦸꦃꦲꦤ꧀ ꦠꦶꦤ꧀ꦤꦤ꧀ꦢꦸꦂꦏꦶꦭꦺꦤ꧀ꦱꦶꦱꦶꦃꦲꦺ꧈ꦗꦶꦤ꧀ꦤꦺꦗꦺꦂꦏꦶꦢꦸꦭ꧀ꦩꦸꦗꦸꦂꦚ꧈ꦭꦫꦸꦩ꧀ꦱꦸꦩꦽꦧꦏ꧀ꦒꦺꦴꦤ꧀ꦢ꧈ꦒꦠꦺꦏ꧀ꦤꦥꦶꦠꦸꦠꦸꦂꦫꦶꦏꦸ꧈ꦏꦧꦧꦂꦢꦺꦤ꧀ꦤꦶꦁꦮꦁꦱꦭ꧀ꦭꦤ꧀꧉

[ 15 ]

‖ Mannira nutuṙri malih, / Ginnambaṙran tutuwuḥhan // Tinnandur kilén sisiḥhé,/ Jinnèjér kidul mujurña, / Harum sumṙbak gonda,/ Gatékna pituturriku, / Kababar dénniŋ wangsallan ./

꧃ ꦥꦤ꧀ꦤꦤ​ꦱꦭꦺꦴꦏ​ꦩꦤꦶꦤ꧀\ꦏꦮꦿꦸꦃꦲꦺ​ꦧꦏꦭ꧀​ꦥꦶꦒꦸꦤ\ꦦꦸꦤ꧀ꦤꦶꦏ​ꦲꦸꦗꦂ​ꦧꦺꦕꦶꦏ꧀ꦏꦺ\ꦱꦩ꧀ꦥꦂ​ꦢꦺꦤ꧀​ꦠꦼꦩꦸ​ꦲꦮꦺꦴꦤ꧀ꦚ​ꦩꦂꦱꦸꦢꦶ​ꦲꦶꦔ꧀ꦤꦺꦴꦔ​ꦏꦺꦴꦤ꧀ꦝ\ꦓꦠꦺꦏ꧀ꦤ​ꦱꦶꦫ​ꦥꦸꦤ꧀ꦤꦶꦏꦸ\ꦡꦸꦠꦸꦂ​ꦭꦸꦲꦸꦂ​ꦭꦶꦂ​ꦭꦸꦥꦶꦠ꧉

‖ Pannana saloka maniŋ, / Kawṙuhhe bakal piguna, / Punnika hujaṙ becikké, / Sampaṙ dén těmu awonña,/ Maṙsudi hiŋṅoŋ konḍa,/ Gatèkna​ sira punniku, / Tutuṙ luhuṙ liṙ lupita./

꧃ ꦱꦶꦤ꧀ꦤꦺꦧꦸꦠ꧀​ꦥꦮꦺꦴꦤ꧀ꦤꦤ꧀ꦤꦺꦱ꧀ꦠꦷ\ꦲꦺꦱ꧀ꦠꦿꦶ​ꦥꦱꦸꦂꦪꦤ꧀​ꦏꦤ꧀​ꦫꦫꦱ꧀​\\​ꦫꦫꦱ꧀ꦱꦶꦤ꧀​ꦏꦶꦚ꧀ꦕꦤ꧀​ꦮꦂꦤꦤꦺ\ꦮꦂꦤ​ꦗꦺꦤꦺ​ꦥꦺꦤꦶ​ꦲꦺꦤ꧀ꦢꦃ\ꦌꦤ꧀ꦢꦃ​ꦒꦼꦭꦸꦔ​ꦫꦶꦤ꧀ꦤꦼꦩ꧀ꦧꦾꦔ\ꦬꦶꦤ꧀ꦤꦼꦩ꧀ꦧꦾꦔ​ꦭꦸꦱ꧀ꦱꦶꦔ​ꦩꦫꦸꦛ꧈​​/​ꦩꦫꦸꦛ​ꦠꦤ꧀​ꦱꦺꦥ꧀ꦥꦶꦔ​ꦟꦭ꧉​

‖ Sinnébut pawoŋnannéstṙi,/ éstṙi pasuṙyan kaŋ raras // Rarassiŋ kiñcloŋ waṙnané, / Waṙna jéné péni éndah, / éndah gěluŋ rinněmbỿaŋ, /​​ Rinněmbỿaŋ lussiŋ marutha, / Marutha tan séppiŋ ṇala./

[ 16 ]

꧄ꦫꦫꦱ꧀ꦱꦶꦁꦭꦸꦥ꧀ꦠꦲꦤ꧀ꦢꦢꦶ꧈ꦤꦸꦭꦶꦲꦤ꧀ꦢꦂꦧꦺꦧꦢꦤ꧀ꦤꦾ꧈ꦠꦿꦥ꧀ꦥꦺ꧈ꦥꦶꦤ꧀ꦤꦶꦃꦗꦼꦗꦼꦒ꧀ꦧꦺꦴꦤ꧀ꦝꦚ꧈ꦔꦱꦺꦴꦂꦫꦏꦺꦩꦿꦶꦁꦭꦶꦪꦤ꧀ ꦥꦁꦔꦁꦒꦼꦥ꧀ꦏꦭꦢꦸꦏ꧀ꦝꦸꦮꦸꦂ꧈ꦲꦪ꧀ꦮꦏꦥꦶꦉꦁꦮꦮꦫꦃ꧉

‖ Rarassiŋ lupta handadi,/ Nuli handaṙbé badanña, / Kěwěntaṙ kita patṙappé, / Pinniliḥ jějěg bonḍaña,/ Ṅasoṙraké mṙiŋ liyan // Paŋṅaṇgěp kaladuk ḍuwuṙ,/ Haỵwa kapiṛŋ wawaraḥ./

꧄ꦥꦥꦕꦏ꧀ꦏꦤ꧀ꦱꦶꦪꦁꦫꦠꦿꦶ꧈ꦔꦸꦥꦶꦪꦏꦠꦼꦩꦸꦫꦫꦱ꧀ ꦩꦸꦱ꧀ꦥꦿꦱꦧꦫꦁꦏꦭ꧀ꦭꦤꦺ꧈ꦥꦮꦺꦴꦤ꧀ꦭꦮꦤ꧀ꦏꦢꦸꦩꦸꦏ꧀ꦏꦤ꧀ ꦏꦏꦶꦠꦿꦺꦁꦕꦼꦩ꧀ꦩꦼꦏꦼꦭ꧀ꦭꦤ꧈ꦱꦺꦴꦛꦶꦭ꧀ꦥꦚ꧀ꦕꦶꦮꦗꦤ꧀ꦔꦫꦸ꧈ꦏꦭꦶꦉꦤ꧀ꦕꦱꦤꦤ꧀ꦤꦶꦫꦏ꧉

‖ Papacakkan siyaṇ ratṙi,/ Ṅupiya katěmu raras // Muspṙa sabaraŋ kallané,/ Pawon lawan kadumukkan // Kakitṙèŋ cěmměkěllan // Soṭil panci wajan ṅaru,/ Kaliṛn wusannannira./

꧄ꦫꦏꦲꦺꦴꦱ꧀ꦗꦭ꧀ꦩꦏꦭ꧀ꦭꦤ꧀ꦤꦶꦁ꧈ꦤꦺꦴꦫꦠꦁꦒꦥ꧀ꦥꦢꦩꦼꦭ꧀ꦭꦤ꧀ ꦲꦪ꧀ꦮꦏꦺꦴꦁꦱꦶꦩꦿꦏ꧀ꦲꦠꦶꦤꦺ꧈ꦭꦶꦂꦮꦲꦲꦶꦁꦱꦧꦫꦁꦧꦫꦁ꧈ꦱꦱꦠ꧀ꦥꦤ꧀ꦠꦼꦒꦼꦱ꧀ꦏꦂꦪ꧈ꦫꦸꦁꦒꦶꦲꦸꦥ꧀ꦭꦩ꧀ꦥꦃꦲꦶꦥꦸꦤ꧀ ꦠꦼꦩ꧀ꦩꦃꦲꦤ꧀ꦤꦺꦗꦸꦚ꧀ꦗꦸꦁꦫꦫꦱ꧀꧉

‖ Rakahos jalma kallaniŋ,/ Nora taŋgap padaměllan // Haywa koŋsi mṙak hatiné,/ Liṙwa hiŋ sabaraŋ baraŋ,/ Sasat pan tègès kaṙya,/ Ruŋgi hurip lampaḥhipun // Těmmaḥanné juñjuŋ raras./

[ 17 ]

꧄ꦠꦤ꧀ꦭꦾꦚ꧀ꦕꦫꦶꦠꦥꦤ꧀ꦤꦺꦱ꧀ꦠꦿꦶ꧈ꦠꦧꦼꦫꦶꦔꦸꦥꦪꦲꦸꦥ꧈ꦭꦤ꧀ꦠꦶꦥ꧀ꦭꦃꦲꦺꦴꦭꦃꦥꦮꦺꦴꦤ꧀ꦤꦺ꧈ꦒꦩ꧀ꦥꦁꦱꦥꦽꦭꦸꦥꦿꦏꦫ꧈ꦠꦤ꧀ꦏꦶꦱꦿꦸꦃꦲꦶꦁꦱꦱꦩ꧈ꦩꦿꦶꦃꦏꦂꦪꦺꦁꦥꦿꦶꦧꦢꦶꦤꦺꦏꦸ꧈ꦥꦶꦠꦪꦩꦺꦴꦁꦏꦮꦤꦶꦠ꧉

ǁ Tan lỿañcarita pannèstṙi, / Taběri ṅupaya hupa, / Lantip laḥ-holaḥ pawonné, / Gampaŋ sapṙlu pṙakara, / Tan kisṙuḥhiŋ sasama, / Mṙiḥ karyèŋ pṙibadinéku, / Pitaya moŋka wanita, /

꧄ꦢꦺꦤ꧀ꦏꦂꦪꦚꦢꦢꦾꦔ꧀ꦭꦭꦶ꧈ꦭꦸꦭꦁ​ꦭꦶꦂꦱꦂꦥꦏꦼꦟꦏ꧈ꦏꦸꦏꦸꦱ꧀ꦧꦼꦭꦸꦱ꧀ꦱꦶꦤ꧀ꦤꦤ꧀ꦝꦶꦁꦔꦤ꧀​ꦤꦺꦴꦫꦱꦮꦁꦱꦶꦤ꧀ꦤꦤ꧀ꦝꦁꦔꦤ꧀​ꦫꦶꦏ꧀ꦩꦤꦺꦮꦸꦭ꧀ꦭꦮꦸꦭ꧀ꦭꦤ꧀​ꦗꦼꦮꦺꦴꦮꦿꦺꦴꦒ꧀ꦏꦶꦛꦶꦏ꧀ꦥꦤ꧀ꦤꦺꦠꦸꦁ꧈ꦥꦭꦸꦃꦩꦩ꧀ꦧꦼꦠ꧀ꦧꦢꦤ꧀ꦤꦶꦫ꧉

ǁ Dèn kaṙyaña dadya ṅlali, / Lulaŋ liṙ saṙpakěnaka, / Kukus bělus sinnanḍiŋṅan // Nora sawaŋ sinnanḍaŋṅan // Rikmané wul lawullan // Jěwowṙog kiṭik pan nètuŋ, / Paluḥ mambêt badannira./

꧄ꦩꦤꦸꦁꦱꦲꦗꦿꦶꦃꦥꦉꦏ꧀ꦏꦶ꧈ꦥꦤ꧀ꦩꦤ꧀ꦢꦶꦫꦺꦁꦥꦿꦶꦧꦢꦶꦚ꧈ꦭꦩꦸꦤ꧀ꦏꦫꦤꦧꦢꦤ꧀ꦤꦺ꧈ꦢꦢꦾꦏꦶꦏꦿꦶꦏ꧀ꦏꦢꦾꦱꦶꦩ꧈ꦩꦸꦱꦧꦧ꧀ꦕꦶꦭꦶꦏ꧀ꦲꦶꦁꦠꦾꦱ꧀​ꦱꦶꦤ꧀ꦤꦶꦁꦏꦶꦂꦗꦤ꧀ꦩꦫꦶꦤꦈ꧈ꦏꦫꦤꦤꦸꦭꦶꦧꦧꦢꦤ꧀꧉

[ 18 ]

ǁ Manuŋsa hajṙiḥ paṛkki, / Pan mandirèŋ přibadiña, / Lamun karana badanné, / Dadya kikṙik kadya sima, / Musabab cilik hiŋ tyas, / Sinniŋkiṙ janma rinauḥ, / Karana nuli babadan. /

꧄ꦥꦤ꧀ꦢꦼꦊꦁꦔꦶꦱꦺꦴꦂꦭꦩ꧀ꦥꦃꦚ꧈ꦥꦥꦿꦺꦗꦺꦁꦔꦤ꧀ꦠꦸꦭꦏ꧀ꦫꦸꦥ꧈ꦠꦸꦩ꧀ꦩꦶꦤ꧀ꦢꦏ꧀ꦤꦺꦴꦫꦩꦶꦉꦁꦏꦺ꧈ꦒꦸꦒꦸꦏꦉꦥ꧀ꦥꦺꦧꦢꦤ꧀ꦚ꧈ꦏꦕꦶꦭꦏꦤ꧀ꦠꦸꦩ꧀ꦩꦶꦧ꧈ꦩꦿꦶꦁꦢꦢꦭꦤ꧀ꦥꦶꦭꦶꦃꦭꦸꦥꦸꦠ꧀​ꦥꦮꦺꦱ꧀ꦠꦿꦶꦧꦺꦢꦏꦭꦶꦃꦚ꧉

ǁ Panděḷŋ ṅisoṙ lampaḥña,/ Papŕèjèŋṅan tulak rupa, / Tummindak nora miṛŋké, / Gugu kaṛppé badanña, / Kacilakan tummiba, / Mṙiŋ dadalan piliḥ luput // Pawèstṙi béda kaliḥña./

꧄ꦧꦧꦺꦴꦒꦶꦤ꧀ꦤꦪꦸꦃꦮꦺꦴꦃꦲꦶꦁꦏꦂꦠꦶ꧈ꦲꦶꦁꦱꦸꦤ꧀ꦝꦮꦸꦃꦲꦶꦁꦱꦭꦺꦴꦏ꧈ꦱꦼꦁꦱꦼꦩ꧀ꦥꦤ꧀ꦤꦺꦱ꧀ꦠꦿꦶꦠꦼꦒꦼꦱ꧀ꦱꦺ꧈ꦥꦶꦤ꧀ꦤꦶꦭꦶꦃꦲꦶꦁꦢ꧀ꦮꦶꦥꦿꦏꦫ꧈ꦏꦲꦺꦏꦲꦢꦶꦫꦫꦱ꧀​ꦩꦤ꧀ꦝꦶꦫꦶꦏꦥꦶꦤ꧀ꦝꦺꦴꦲꦶꦏꦸ꧈ꦏꦥꦿꦨꦩꦸꦥꦾꦤ꧀ꦤꦶꦁꦩꦤꦃ꧉

ǁ Babo ginnayuḥ woḥhiŋ kaṙti,/ Hiŋsun ḍawuḥ hiŋ saloka, / Sěŋsěm pannèstṙi těgĕssé, / Pinniliḥ hiŋ dwi prakara,/ Kahéka hadi raras / / Manḍiri kapinḍo hiku, / Kapraḅa mulyanniŋ manaḥ./

[ 19 ]

꧄ ꦪ꧀ꦮ​ꦱꦶꦫ​ꦥꦫ​ꦭꦤꦤ꧀​ꦗꦶꦮ\ꦏꦏꦭꦶꦃ​ꦱꦶꦱꦶꦃ​ꦥꦶꦭꦶꦃ꧀ꦚ\ꦭꦩꦸꦤ꧀​ꦱꦶꦫ​ꦏꦺꦤ꧀​ꦥꦶꦭꦶꦃꦲꦺ꧈​​/​ꦏꦥꦶꦤ꧀ꦢꦺꦴ​ꦥꦶꦤ꧀ꦤꦶꦭꦶꦃ​ꦫꦱ꧈​\ꦭꦔꦏꦸꦔ​ꦒꦩ꧀ꦥꦶꦭ꧀​ꦲꦩ꧀ꦧꦼꦤꦼꦂꦤ\ꦏꦭꦮꦤ꧀​ꦤꦸꦫꦸꦠ꧀ꦠꦶ​ꦤꦼꦥ꧀ꦱꦸ\​ꦮꦮꦫꦃ​ꦱꦼꦔꦱꦼꦩ꧀​ꦠꦶꦤ꧀ꦤꦸꦭꦢ꧀\

|| Ywa sira para lanaŋ jiwa,/ Kakaliḥ sisiḥ piliḥña, / Lamun sira kèn piliḥhé, / Kapinḍo pinniliḥ rasa, / Laŋkuŋ gampil hamběněrna, / Kalawan nurutti nĕpsu, / Wawaraḥ sĕŋsĕm tinnulad./

꧄ ꦮꦺꦴꦤ꧀ꦠꦼꦤ꧀ꦩꦭꦶꦃ​ꦏꦮꦿꦸꦃ​ꦏꦏꦶ\ꦕꦶꦤ꧀ꦤꦏꦂ​ꦫꦺꦴꦱ​ꦩꦤ꧀ꦤꦤ꧀ꦢꦥ꧀\ꦠꦸꦮꦸꦃ​ꦱꦼꦏꦂ​ꦫꦸꦩ꧀​ꦒꦺꦴꦤ꧀ꦢꦤꦺ\ꦗꦺꦤꦺ​ꦱꦶꦤ꧀ꦤꦸꦩ꧀ꦧꦸꦫꦠ꧀ꦥꦼꦛꦏ꧀ ꦉꦱꦶꦏ꧀ꦱꦱ꧀ꦩꦶꦠꦤ꧀ꦤꦶꦫ\ꦱꦶꦤ꧀ꦤꦚ꧀ꦗꦸꦤ꧀​ꦱꦸꦕꦶ​ꦪ​ꦭꦸꦲꦸꦂ\ꦏꦸꦮꦗꦶꦧ꧀ꦧꦤ꧀ꦫꦸꦩ꧀​ꦄꦱ꧀ꦩꦚ꧉​

|| Wontĕn maliḥ kawruḥ kaki,/ Cinnakaṙ rosa maŋṅanḍap / / Tuwuḥ sêkaṙ rum gondané, / Jĕné sinnumburat pĕṭak / / Ṛsik sasmitannira, / Sinnañjuŋ suci ya luhuṙ,/ Kuwajibban rum Asmaña./

꧄ ꦢꦸꦂꦧꦭ​ꦱꦶꦫ​ꦱꦶꦤ꧀ꦏꦶꦂꦫꦶ\\ꦩꦿꦶꦃ​ꦭꦸꦥꦸꦠ꧀​ꦪ꧀ꦮ​ꦫꦶꦤ꧀ꦤꦏꦺꦠꦤ꧀\\ꦱꦸꦩꦿꦧꦏ꧀​ꦒꦸꦔ꧀ꦤꦶꦔ​ꦲꦱ꧀ꦩꦤ꧀ꦤꦺ\ꦠꦸꦩ꧀ꦩꦶꦤ꧀ꦢꦏ꧀​ꦧꦺꦕꦶꦏ꧀​ꦭꦩ꧀ꦥꦃ꧀ꦚ\ꦢꦼꦢꦼꦒ꧀​ꦩꦢꦼꦒ꧀​ꦠꦤ꧀​ꦲꦺꦴꦪꦼꦒ꧀\\ꦏꦺꦤ꧀ꦢꦺꦭ꧀​ꦩꦫꦸꦛ​ꦏꦭꦤ꧀ꦏꦸꦤ꧀\ꦥꦥꦫꦧ꧀​ꦠꦚ꧀ꦗꦸꦤ꧀​ꦛꦫꦸꦚ\\

|| Durbala sira siŋkirri,/ Mrih luput ywa rinnakétan / / Sumrbak guŋniŋ asmanné, / Tummindak bécik lampaḥña, / Děděg maděg tan hoyěg / / Kéndél marutha kalaŋkuŋ, / Paparab tañjuŋ tharuña./

[ 20 ]

꧅ ꦲꦸꦢꦤꦼꦤ꧀ꦤꦸꦮꦸꦭꦁꦱꦼꦔꦶꦏꦼ꧈ ꦮꦺꦴꦃꦲꦶꦁꦠꦶꦤ꧀ꦤꦤ꧀ꦢꦸꦂꦫꦤ꧀ꦏꦛꦃ꧈ ꦧꦽꦤ꧀ꦢꦁꦥꦶꦤ꧀ꦤꦼꦛꦶꦏ꧀ꦏꦤ꧀ꦮꦺꦴꦲꦺ꧈ ꦏꦢꦾꦥꦶꦏꦶꦂꦒꦼꦩ꧀ꦩꦤ꧀ꦝꦶꦁꦔꦺ꧈ ꦧ꧀ꦔ꧀ꦤꦗꦺꦴꦒ꧀ꦒꦤ꧀ ꦔ꧀ꦒꦺꦤ꧀ꦠꦸꦩ꧀ꦩꦤ꧀ꦢꦏ꧀ ꦠꦸꦩ꧀ꦩꦶꦲꦠꦸꦩ꧀ꦩꦼꦁꦏꦠꦠꦸ꧈ ꦏ꧀ꦭꦤ꧀ꦱꦶꦂꦤꦢꦼꦉꦁꦔꦶꦁꦠꦾꦱ꧀꧉

‖ Hudaněn wuwulan niki,/ Woḥhiŋ tinnanduŕran kaṭaḥ, / Bṛndaŋ

pinněṭikkan woḥhé, / Kadya pikir gĕmmanḍiŋné,/ Bljoggan ṅggèn

tummindak // Tummiba tumměka tatu, / Klawan sirna děṛŋṅiŋ tyas. /

꧅ ꦠꦼꦠꦸꦠꦼꦤ꧀ꦤꦺꦩ꧀ꦥ꧀ꦭꦏ꧀ꦧꦿꦏꦶꦛꦶ꧈ ꦧꦁꦧꦁꦠꦼꦩ꧀ꦩꦶꦠꦶꦏꦧꦿꦼꦧꦼꦱ꧀ꦱꦤ꧀ ꦧꦺꦤ꧀ꦩꦭꦶꦂꦕꦶꦤ꧀ꦤꦺꦴꦏꦺꦴꦠ꧀ꦠꦤ꧀ꦤꦺ꧈ ꦩꦿꦶꦃꦭꦫꦭꦲꦤ꧀ꦩꦩꦭ꧈ ꦮꦺꦴꦃꦲꦺꦴꦁꦥꦸꦭꦸꦠ꧀ꦥꦸꦭꦸꦠ꧀ꦠꦤ꧀ ꦝꦝꦏ꧀ꦲꦫꦤ꧀ꦤꦶꦏꦸ꧈ ꦱꦸꦩ꧀ꦩꦼꦭꦁꦏꦢꦼꦩꦺꦴꦏ꧀ꦭꦸꦭꦁ꧉

‖ Taru tinnèmplèk bŕakiṭi, / Baŋ baŋ těmmitik braŋṅassan // Nénḍa liŕ

cinnokottanné, / Mriḥ lara lawan mamala, / Woḥhiŋ pulut puluttan / /

Ḍaḍak haranña punniku, / Summělaŋ kadĕmok lulaŋ. /

꧅ ꦱꦭꦺꦴꦏꦲꦸꦫꦶꦥ꧀ꦱꦪꦼꦏ꧀ꦠꦶ꧈ ꦱꦶꦫꦩꦤꦸꦁꦱꦥꦸꦤ꧀ꦤꦭꦂ꧈ ꦗꦸꦭ꧀ꦗꦶꦤ꧀ꦤꦸꦗꦸꦭ꧀ꦥꦕꦺꦴꦧꦤ꧀ꦤꦺ꧈ ꦝꦸꦃꦧꦧꦺꦴꦗꦁꦏꦃꦲꦺꦭꦶꦁꦔ꧈ ꦗꦗꦁꦏꦃꦲꦤ꧀ꦉꦩ꧀ꦧꦸꦒ꧀ꦚ꧈ ꦭꦶꦂꦮꦕꦶꦭꦏꦭꦏꦸꦩꦸ꧈ ꦠꦸꦤꦱꦶꦫꦠꦸꦥꦏꦫ꧉ ꦗꦼꦁꦧꦤ꧀ꦢꦶꦏꦣ

[ 21 ]

ꦮꦸꦃꦏꦤꦶ꧈ꦪꦱꦶꦫꦥꦫꦭꦭꦤꦁ꧈ꦭꦭꦤꦁꦱꦶꦤ꧀ꦤꦺꦴꦩ꧀ꦛꦸꦏꦸꦭ꧀ꦭꦺ꧈ꦛꦸꦏꦸꦭ꧀ꦭꦺꦩꦿꦶꦁꦥꦿꦮꦤꦶꦠ꧈ꦮꦤꦶꦠꦩꦥꦤ꧀ꦢꦸꦤꦸꦁꦚ꧈ꦢꦸꦢꦸꦁꦚꦮꦱꦶꦱ꧀ꦱꦠꦸꦲꦸ꧈​ꦱꦠꦸꦲꦸꦥꦺꦠꦸꦁꦔꦤ꧀ꦤꦶꦫ꧉

‖ Saloka hurip sayĕkti,/ Sira manuŋsa pun nalar, / Jul jinnujul​pacobanné,/ Ḍuḥ babo jaŋkaḥ hèliŋna,/ Jajaŋkaḥhan ṛmbugña, / Lirwa​cilaka lakumu, / Tuna sira nupakara. / ll Jěŋ nandika dawuḥ kaki, / Ya​sira para lalanaŋ, / Lalanaŋ sinom tukullé, / Ṭukullé mřin přa wanita, /​Wanita mapan dunuŋña, / Dunuŋña wasis satuhu, / Satuhu​ pétuŋṅannira. /

꧄ ꦏꦥꦶꦮꦤꦶꦠꦮꦫꦶꦃꦚ꧈ꦮꦫꦶꦃꦏꦶꦤ꧀ꦤꦼꦧꦏ꧀ꦱꦏꦫ꧈ꦪꦼꦏ꧀ꦠꦶꦏꦁꦔꦼꦠꦸꦠ꧀ꦠꦏꦺ꧈ꦥꦚ꧀ꦗꦊꦫ꧀ꦢꦢꦾꦮꦣꦃꦚ꧈ꦮꦣꦃꦚꦕꦸꦩ꧀ꦭꦺꦴꦫꦺꦴꦠ꧀ꦠꦤ꧀​ꦕꦸꦩ꧀ꦭꦺꦴꦠ꧀ꦮꦫꦶꦃꦚꦲꦸꦒ꧈ꦮꦼꦭꦶꦁꦔꦺꦧꦼꦕꦶꦏ꧀ꦥꦏꦺꦭ꧀ꦚ꧉

‖ Kapi wanita wariḥña, / Wariḥ kinnĕbak sakara, / Yěktinė kaŋ nětuttaké,/ Pañjalŕ dadya waḍaḥña, / Waḍaḥña cumlorottan // Cumlorot wariḥña huga, / Wělinné běcik pakèlña. /

꧄ ꦮꦺꦴꦤ꧀ꦠꦼꦤ꧀ꦩꦭꦶꦃꦱꦶꦤ꧀ꦤꦼꦧꦸꦠ꧀ꦠꦤ꧀ꦫꦺꦴꦤ꧀ꦤꦶꦁꦠꦺꦴꦱꦚ꧀ꦗꦶꦭꦸꦗꦸꦂꦫꦤ꧀​ꦥꦤ꧀ꦏꦥꦸꦤ꧀ꦝꦸꦃꦫꦸꦩ꧀ꦒꦺꦴꦤ꧀ꦢꦤꦺ꧈ꦱꦺꦏꦂꦲꦧꦿꦶꦠ꧀ꦠꦶꦤ꧀ꦤꦸꦩꦥꦸꦏ꧀ꦏꦤ꧀​ꦱꦱꦺꦴ

[ 22 ]

꧄ ꦤ꧀ꦠꦿꦺꦴꦠ꧀ꦊꦊꦧꦼꦠ꧀ꦚ꧈ꦱꦫꦺꦃꦲꦼꦤꦱꦶꦫꦲꦸꦭꦸ꧈ꦩꦿꦶꦃꦱꦫꦺꦃꦩꦤꦶꦱ꧀ꦏꦠꦺꦴꦩ꧀ꦥ꧉

ll Wontěn maliḥ sinněbuttan // Ronniŋ tosan jilujurran // Pan kapunḍuḥ rum gondané, / Sěkar habrit tinnumpukkan / / Sasontrot llbětña, / Sarèḥhěna sira hulu, / Mřiḥ sarèḥ manis katompa. /

꧄ ꦭꦩꦸꦤ꧀ꦱꦶꦫꦢꦶꦮꦱꦄꦏ꦳ꦻꦂ꧈ꦥꦸꦂꦮꦲꦸꦥꦪꦱꦫꦺꦃꦚ꧈ꦏ꧀ꦭꦮꦤ꧀ꦱꦶꦫꦩꦿꦶꦁ​ꦭꦸꦩꦸꦃꦲꦺ꧈ꦏꦸꦩ꧀ꦩꦮꦤ꧀ꦤꦶꦩꦿꦶꦁꦥꦿꦏꦫ꧈ꦢꦼꦢꦼꦒ꧀ꦤꦏꦧꦼꦕꦶꦏ꧀ꦏꦤ꧀​ꦏꦿꦤꦮꦸꦗꦸꦢ꧀ꦧꦼꦕꦶꦏ꧀ꦲꦶꦏꦸ꧈ꦤꦺꦴꦫꦩꦸꦔ꧀ꦭꦛꦶꦱꦚꦠ꧉

ll Lamun suk diwasa akhir, / Purwa hupaya sarèḥña, / Klawan sira mŕiŋ lumuḥhé, / Kummawanni mŕiŋ prakara, / Děděgna kaběcikkan // Krana wujud bĕcik hiku,/ Nora muŋ lați sañata. /

꧄ ꦤꦼꦁꦒꦶꦃꦱꦭꦺꦴꦏꦈꦤꦶꦚ꧈ꦮꦺꦴꦃꦲꦶꦁꦏ꧀ꦮꦺꦤꦶꦏꦧꦧꦂꦤ꧈ꦩꦶꦤꦺꦴꦁꦏꦠꦼꦒꦼꦱ꧀ꦮꦤꦶꦤꦺ꧈ꦱꦸꦩ꧀ꦩꦶꦁꦏꦶꦂꦥꦿꦠꦶꦁꦏꦃꦲꦭ꧈ꦲꦸꦠꦩꦤꦼꦫꦏ꧀ꦏꦩꦸꦭꦾꦤ꧀​​ꦥꦿꦕꦸꦤ꧀ꦤꦺꦴꦫꦭꦸꦫꦸꦒ꧀ꦒꦤ꧀​​ꦭꦭꦏꦺꦴꦤ꧀ꦤꦤ꧀ꦱꦢꦪꦚ꧉

ll Něŋgiḥ saloka uniña, / Woḥhiŋ kwèni kababarna, / Minoŋka těgěs waniné, / Summiŋkir pratiŋkaḥ hala, / Hutama nĕrak kamulyan / / Pracura nora luruggan // Lalakonnan sadayaña, /

[ 23 ]

꧄ ꦥꦸꦤꦶꦏ​ꦱꦭꦺꦴꦏ​ꦩꦭꦶꦃ\ꦱꦱ꧀ꦩꦶꦠ​ꦥꦿꦠꦶꦤ꧀ꦏꦃ​ꦗꦤ꧀ꦩ\ꦮꦺꦴꦃ​ꦮꦺꦴꦃꦲꦤ꧀​ꦲꦭꦶꦠ꧀​ꦩꦺꦢꦭ꧀ꦭꦺ\ꦱꦺꦴꦱꦺꦴꦏ꧀ꦭꦠ꧀ꦠꦤ꧀​ꦫꦸꦩ꧀​ꦒꦺꦴꦤ꧀ꦢꦚ\ꦠꦶꦤ꧀ꦤꦤ꧀ꦢꦸꦂꦫꦤ꧀​ꦥꦤ꧀​ꦱꦸꦢꦶꦧꦾ\ꦥꦤ꧀ꦤꦺꦭꦶꦤ꧀​ꦠꦸꦩ꧀ꦩꦶꦤ꧀ꦢꦏ꧀​ꦲꦶꦏꦸ\ꦮꦸꦱ꧀​ꦒꦶꦤ꧀ꦤꦫꦶꦱ꧀​ꦭꦤ꧀​ꦠꦸꦩ꧀ꦩꦠ\\

‖ Punika saloka maliḥ, / Sasmita pratiŋkaḥ janma, / Woh woḥhan halit médallé, / Sosoklattan rum gondaña, / Tinnandurran pan sudibya, / Paŋneliŋ tummindak hiku, / Wus ginnaris lan tummata. /

꧄ ꦊꦩ꧀ꦥꦼꦁꦔꦶꦁ​ꦠꦠ​ꦥꦸꦤ꧀ꦤꦶꦏꦶ\ꦠꦼꦒꦼꦱ꧀ꦊꦩ꧀ꦥꦼꦁꦧꦧꦿꦪꦤ꧀​\ꦥꦤ꧀ꦢꦼꦭ꧀ꦔꦁ​ꦲꦩꦿꦶꦃ​ꦱꦱꦩ\ꦭꦶꦂꦮ​ꦥꦿꦶꦧꦢꦶ​ꦲꦶꦤ꧀​ꦧꦺꦠꦃ\ꦠꦸꦩ꧀ꦩꦺꦏꦺꦤ꧀​ꦏꦧꦼꦕꦶꦏ꧀ꦏꦤ꧀​ꦥꦥꦫꦶꦁ​ꦱꦧꦫꦁ​ꦧꦫꦁ\​ꦱꦪꦺꦴꦒꦾꦤ꧀ꦤꦤꦺ​ꦠꦸꦩ꧀ꦩꦶꦤ꧀ꦢꦏ꧀\\

‖ Ḷmpéŋniŋ tata punniki,/ Tégés Impéŋniŋ babrayan / / Pandélŋ hamriḥ sasama, / Lirwa pribadi hiŋ bétah, / Tummékéŋ kabécikan / / Papariŋ sabaraŋ-baraŋ, / Sayogyanané tumindak. /

꧄ ꦲꦶꦪ​ꦏꦂꦥ꧀​ꦱꦮꦺꦴ​ꦏꦼꦕꦶꦭ꧀​/​/​ꦫꦠꦺꦤ꧀​ꦩꦤꦶꦱ꧀​ꦏꦫꦲꦺꦴꦱ꧀ꦔ\ꦏꦼꦕꦶꦏ꧀ꦏꦺ​ꦥꦤ꧀ꦤꦺꦠꦸꦤ꧀​ꦲꦏꦺꦃ\ꦭꦩꦸꦤ꧀​ꦱꦶꦫ​ꦥꦺꦤ꧀ꦤꦶꦤ꧀​ꦭꦩ꧀ꦥꦃ\ꦲꦔꦪꦸꦃ​ꦏꦧꦼꦕꦶꦏꦤ꧀\\ꦱꦶꦫ​ꦲꦸꦒ​ꦮꦺꦴꦤ꧀​ꦲꦸꦠꦩ\ꦲꦱꦶꦃ​ꦩꦿꦶꦔ​ꦱꦥꦝ​ꦥꦝ\\

‖ Hiya kaṙp sawo kěcil / / Ratéŋ manis karaosŋa, / Kěcikké pannétuŋ hakéḥ, / Lamun sira péŋniŋ lampaḥ, / Haŋgayuḥ kaběcikan / / Sira uga woŋ hutama,/ Hasiḥ mriŋ sapaḍa paḍa./

[ 24 ]

꧄ ​​ꦣꦮꦸꦃꦮꦫꦃꦠꦶꦪꦁꦗꦮꦶ꧈ꦤꦺꦴꦫꦥꦿꦱꦱꦠ꧀ꦠꦸꦮꦸꦃꦚ꧈ꦱꦱ꧀ꦱ꧀ꦩꦶꦠꦲꦶꦁꦥꦥꦫꦶꦁꦔ꧈ꦭꦭꦏꦸꦒꦪꦸꦃꦏꦮꦿꦸꦃꦚ꧈ꦥꦚ꧀ꦕꦶꦤꦶꦢꦿꦱꦱꦩ꧈ꦭꦩꦸꦤ꧀ꦠꦸꦩ꧀ꦩꦶꦤ꧀ꦢꦏ꧀ꦏꦁ​ꦭꦸꦲꦸꦂ꧈ꦪꦼꦏ꧀ꦠꦶꦠꦤ꧀ꦤꦩ꧀ꦥꦶꦩꦿꦶꦁꦗꦭ꧀ꦩ꧉

|| Ḍawuḥ waraḥ tiyaŋ jawi,/ Nora prasasat tuwuḥña, / Sasmita hiŋ papariŋé, / Lalaku gayuḥ kawruḥña, / Pañ cinidra sasama, / Lamun tummindak kaŋ luhur,/ Yěkti tannampi mŕiŋ jalma. /

꧄ ​​ꦮꦸꦭꦁꦁꦔꦼꦤ꧀ꦤꦏ꧀ꦥꦸꦠꦸꦏꦏꦶ꧈ꦢꦢꦭꦔꦸꦤꦲꦸꦠꦩ꧈ꦏ꧀ꦭꦮꦤ꧀ꦧꦼꦕꦶꦏ꧀ꦱꦶꦫꦏꦧꦺꦃ꧈ꦒꦩ꧀ꦥꦶꦭ꧀ꦲꦶꦫꦲꦶꦁꦥꦫꦶꦁꦔꦤ꧀​ꦩꦿꦶꦔ꧀ꦮꦮꦫꦃꦱꦼꦥꦸꦃꦚ꧈ꦔꦺꦭ꧀ꦭꦔꦺꦭ꧀ꦮꦼꦏꦱ꧀ꦏꦠꦸꦗꦸ꧈ꦱꦶꦮꦤꦺꦔꦺꦭ꧀ꦕꦶꦤ꧀ꦤꦤ꧀ꦛꦺꦭ꧀ꦭꦤ꧀꧈

|| Wulaŋněn nak putu kaki, / Dadalan guna hutama, / Klawan bĕcik sira kabèḥ, / Gampil hira iŋ pariŋnan // Mriŋ wawaraḥ sěpuḥña,/ Nèllanèl wěkas katuju, / Siwané nèl cinnanţèllan./

꧄ ꦮꦶꦠ꧀ꦠꦶꦩꦸꦂꦧꦼꦕꦶꦏ꧀ꦲꦶꦔ꧀ꦮꦸꦭꦁ꧈ꦱꦺꦴꦂꦭꦃꦧꦮꦭꦭꦤ꧀ꦝꦼꦱ꧀ꦱꦤ꧀​​ꦱꦪꦺꦴꦒꦾꦧꦼꦕꦶꦏ꧀ꦥꦠꦿꦥ꧀ꦥꦺ꧈ꦮꦺꦴꦁꦧꦼꦕꦶꦏ꧀ꦭꦤ꧀ꦠꦶꦥ꧀ꦲꦫꦤ꧀ꦚ꧈ꦭꦤ꧀ꦠꦶꦥ꧀ꦲꦫꦤ꧀ꦚꦲꦶꦏ꧈ꦲꦪ꧀ꦮꦱꦶꦫꦲꦁꦔ꧀ꦭꦏꦺꦴꦤ꧀ꦤꦶ꧈ꦲꦺꦭꦶꦁꦏꦼꦤ꧀ꦤꦏ꧀ꦥꦸꦠꦸꦱꦶꦫ꧉​​

[ 25 ]

‖ Wit timur bĕcik hin wulaŋ, / Solaḥ bawa lalanḍěssan // Sayogya bĕcik patrappé, / Woŋ bĕcik lantip haranña, / Lantip aranña hika, / Haywa sira haŋṅlakonni, / Héliŋkěn nak putu sira. /

꧄ꦏꦺꦃꦱꦸꦗꦤ꧀ꦩꦔꦸꦢꦶꦔꦺꦭ꧀ꦩꦶ꧈ꦭꦮꦤ꧀ꦒꦸꦭꦶꦁꦢꦠꦤ꧀ꦏꦼꦤ꧀ꦣꦠ꧀ ꦱꦗꦠꦶꦔꦸꦤ꧀ꦣꦸꦃꦏꦱꦶꦭ꧀ꦭꦺ꧈ꦠꦿꦥ꧀ꦱꦶꦭꦱꦸꦂꦗꦤꦺꦁꦒꦺꦴꦣ꧈ꦱꦸꦢꦶꦏꦭꦢꦸꦏ꧀ꦧꦺꦴꦤ꧀ꦣ꧈ꦭꦩꦸꦤ꧀ꦩꦶꦤ꧀ꦠꦼꦂꦫꦶꦱꦥꦣ꧈ꦫꦱꦱꦥꦠꦶꦤꦶꦁꦫꦱ꧉

‖ Kèḥ sujanma ṅudi ṅèlmi, / Lawan guliŋ datan kěnḍat // Sajati ṅunḍuḥ kasillé, / Trapsila durjanèŋ goḍa, / Sudi kaladuk bonḍa,/ Lamun mintĕṙri sapaḍa, / Rasa sapatiniŋ rasa. /

꧄ꦥꦺꦴꦩꦱꦶꦫꦢꦺꦤ꧀ꦱꦶꦁꦏꦶꦂꦫꦶ꧈ꦭꦭꦏꦸꦱꦶꦤ꧀ꦤꦼꦫꦠ꧀ꦮꦫꦃ꧈ꦥꦿꦱꦱꦠ꧀ꦱꦂꦮꦩꦲꦶꦢꦺꦴ꧈ꦧꦧꦺꦴꦱꦶꦫꦢꦤ꧀ꦤꦺꦭꦶꦁꦔ꧈ꦱꦧ꧀ꦢꦤꦶꦁꦮꦫꦃꦥꦸꦤ꧀ꦤꦶꦏ꧈ꦮꦶꦮꦶꦱꦶꦏ꧀ꦢꦺꦴꦔꦠꦤ꧀ꦏꦿꦸꦔꦸ꧈ꦲꦶꦱꦶꦤꦺꦥꦸꦗꦩꦿꦶꦁꦔꦭ꧀ꦭꦃ꧉

‖ Poma sira dèn siŋkiṙri,/ Lalaku sinnĕrat waraḥ,/ Pṙasasat saṙwa mahido, / Babo sira dèn nèliŋṅa, / Sabdaniŋ waraḥ punika,/ Wiwisik doṅa tan kruṅu, / Hisiné puja mŕiŋ Ṅallaḥ. /

[ 26 ]

꧄ꦱꦶꦫꦏꦧꦺꦃꦩꦁꦔꦼꦂꦠꦺꦤ꧀ꦤꦶ꧈ꦒꦒꦺꦪꦱꦶꦫꦭꦏꦺꦴꦤ꧀ꦤꦶ꧈ꦒꦼꦠꦸꦤ꧀ꦠꦶꦧꦤꦺꦁꦩ꧀ꦧꦸꦫꦶꦤꦺ꧈ꦔꦺꦭ꧀ꦭꦺꦪꦺꦭ꧀ꦭꦥꦿꦠꦺꦴꦤ꧀ꦣꦚ꧈ꦲꦺꦭꦶꦁꦔꦥꦸꦠꦿꦮꦪꦃ꧈ꦲꦗꦶꦥꦺꦠꦸꦁꦠꦤ꧀ꦲꦣꦥꦸꦂ꧈ꦛꦸꦏꦸꦭ꧀ꦭꦺꦤꦺꦴꦫꦏꦢꦸꦒ꧉

‖ Sira kabèḥ maŋnĕrtènni, / Gagéya sira lakokna, / Gětun tibanèŋ mburiné, / Nèl èyèla pratonḍaña, / Héliŋna putra wayaḥ, / Haji pétun tanpa ḍapuṙ, /Ṭukullé nora kaduga./

꧄ꦪꦼꦏꦠꦶꦱꦶꦫꦲꦁꦔ꧀ꦭꦏꦺꦴꦤ꧀ꦤꦶ꧈ꦱꦧꦫꦁꦮꦫꦃꦏꦧꦧꦂ꧈ꦧꦏꦭ꧀ꦠꦶꦤ꧀ꦤꦼꦩꦸꦫꦼꦱꦼꦥ꧀ꦥꦺ꧈ꦮꦮꦫꦃꦤꦺꦴꦫꦩꦸꦁꦏꦺꦴꦕꦥ꧀ ꦏꦺꦴꦚ꧀ꦗꦸꦏ꧀ꦢꦺꦴꦔꦠꦸꦠꦸꦭꦏ꧈ꦠꦼꦩ꧀ꦩꦣꦃꦲꦤ꧀ꦲꦱ꧀ꦠꦤ꧀ꦤꦶꦥꦸꦤ꧀ ꦱꦂꦠꦔꦸꦱꦥ꧀ꦥꦶꦮꦱ꧀ꦥꦚ꧉

‖ Yěkti sira aŋnlakonni,/ Sabaraŋ waraḥ kababaṙ,/ Bakal tinněmu ṛsěppé, / Wawaraḥ nora muŋ kocap // Konjuk doṅa tutulak / /Těmmaḍaḥhan hastannipun// Sarta ṅusapi waspaña. /

꧄ꦥꦣꦱꦶꦫꦒꦸꦤꦔꦺꦭ꧀ꦩꦶ꧈ꦩꦿꦶꦁꦧꦼꦕꦶꦏ꧀ꦠꦤ꧀ꦢꦁꦭꦏꦸꦚ꧈ꦲꦪ꧀ꦮꦱꦶꦫꦚꦶꦢꦿꦏ꧀ꦏꦏꦺ꧈ꦚꦶꦢꦿꦤ꧀ꦤꦶꦱꦥꦣꦥꦣ꧈ꦥꦺꦠꦁꦔꦤ꧀ꦤꦶꦥꦸꦤ꧀ꦥꦣ꧈ꦤꦼꦣꦤ꧀ꦤꦶꦮꦫꦼꦒ꧀ꦧꦼꦧꦼꦤ꧀ꦢꦸ꧈ꦩꦸꦭꦱꦩꦾꦲꦺꦱ꧀ꦠꦺꦴꦏ꧀ꦏꦺꦴꦤ꧉

‖ Paḍa sira guna ṅèlmi,/ Mriŋ becik tandaŋ lakuña, / Haywa sira nyidrakkaké, / Nyidranni sapaḍa paḍa, / Pétaŋnannipun paḍa, / Něḍanni waṛg bĕběndu, / Mula samỿa hèstokkana. /

[ 27 ]

꧄ꦥꦺꦴꦢꦺꦴꦲꦩꦼꦤꦼꦥ꧀ꦥꦲꦶꦏꦶ꧈ꦭꦏꦸꦤ꧀ꦤꦺꦲꦼꦤꦶꦁꦔꦶꦁꦏꦺꦴꦤ꧀ꦣ꧈ꦎꦤꦼꦁꦲꦼꦤꦼꦁꦔꦶꦁꦕꦶꦥ꧀ꦠꦤ꧀ꦤꦺ꧈ꦭꦸꦩ꧀ꦩꦏꦸꦫꦩꦺꦠꦶꦤ꧀ꦢꦏ꧀ꦚ꧈ꦠꦤ꧀ꦔꦱꦺꦴꦂꦫꦏꦺꦱꦱꦩ꧈ꦥꦸꦤ꧀ꦤꦶꦏꦸꦭꦏꦸꦏꦁꦭꦸꦲꦸꦁ꧈ꦥꦤ꧀ꦋꦭꦺꦢꦣꦮꦸꦃꦲꦶꦫ꧉

‖ Poḍoha měněppa kaki, / Lakunné hěniŋniŋ konḍa, / Oněn hěněŋniŋ ciptané, Lummaku ramé tindakña, / Tan nasorraké sasama, / punniku laku kan luhun, / Pan lêléda dawuḥhira./

꧄ꦭꦾꦏꦼꦩ꧀ꦩꦸꦤꦶꦁꦤꦸꦠꦸꦂꦫꦶ꧈ꦥꦏꦼꦤ꧀ꦤꦶꦫꦥꦤ꧀ꦮꦱ꧀ꦏꦶꦛ꧈ꦭꦤ꧀ꦠꦶꦥ꧀ꦭꦤ꧀ꦣꦼꦥ꧀ꦭꦃꦥꦺꦴꦭꦃꦲꦺ꧈ꦭꦭꦤ꧀ꦣꦼꦥ꧀ꦥꦤ꧀ꦤꦶꦁꦱꦸꦮꦫ꧈ꦱꦸꦮꦤ꧀ꦠꦼꦤ꧀ꦭꦶꦫꦶꦃꦏꦺꦴꦤ꧀ꦣ꧈ꦥꦔꦶꦭꦺꦴꦤ꧀ꦤꦠꦶꦭꦤ꧀ꦫꦱ꧈ꦫꦱꦩꦼꦤ꧀ꦤꦼꦥ꧀ꦏꦫꦼꦥ꧀ꦥꦤ꧉

‖ HỾa kěmmuniŋ nutuṙri, /Pakĕnnira pan waskiṭa, / Lantip lanḍĕp laḥ polaḥhé,/ Lalanḍěppan niŋ suwara, / Suwantěn liriḥ konḍa, / Paṅilon nati lan rasa, / Rasa měnnĕp kaṛppana. /

ꦮꦺꦴꦤ꧀ꦠꦼꦤ꧀ꦥꦠꦸꦭꦣꦤ꧀ꦏꦏꦶ꧈ꦥꦣꦱꦶꦫꦲꦺꦱ꧀ꦠꦺꦴꦏ꧀ꦏꦤ꧈ꦩꦁꦏꦺꦴꦤꦺꦴꦱꦠꦺꦴꦏꦥꦶꦤꦺ꧈ꦕꦺꦭꦺꦁꦲꦼꦤ꧀ꦣꦸꦠ꧀ꦢꦺꦴꦢꦺꦴꦭꦤ꧀ꦤꦤ꧀ ꦏꦶꦤꦚ꧀ꦕꦤ꧀ꦤꦤ꧀ꦱꦥꦣ꧈ꦱꦸꦮꦺꦴꦤ꧀ꦢꦤ꧀ꦤꦱꦂꦮꦩꦿꦶꦃꦫꦼꦒꦼꦢ꧀ ꦤ꧀ꦣꦸꦠ꧀ꦕꦕꦮꦸꦂꦫꦤ꧀꧉

[ 28 ]

‖ Wontěn patulaḍan kaki, / Paḍa sira hèstokkana, / Maŋkono sato kapiné, / Cèlèŋ ĕnḍut dodolannan // Kinañcannan sapaḍa, /Suwandané sarwa luwuḥ, / Mriḥ ṛgěd nḍut cacawurran. /

꧄ꦭꦗꦸꦕꦺꦭꦺꦁꦠꦤ꧀ꦤꦺꦴꦚ꧀ꦕꦠ꧀ꦚ꧈ꦗꦶꦤ꧀ꦤꦁꦏꦃꦕꦺꦭꦺꦁꦩꦿꦶꦁꦯꦺꦤ꧈ꦲꦚꦼꦫꦏ꧀ꦏꦶꦩꦿꦶꦁꦯꦺꦤꦤꦺ꧈ꦕꦭꦛꦸꦩꦿꦶꦁꦥꦫꦩꦸꦣ꧈ꦲꦶꦁꦱꦸꦤ꧀ꦱꦼꦏ꧀ꦠꦶꦱꦚꦠ꧈ꦤꦤ꧀ꦢꦾꦕꦶꦭꦶꦏ꧀ꦧꦢꦤ꧀ꦤꦶꦁꦱꦸꦤ꧀ ꦢꦠꦤ꧀ꦯꦺꦤꦮꦤꦶꦤꦼꦫꦏ꧀꧉

‖Laju cèlèŋ tan noñcatña,/Jinnaŋkaḥ cèlèŋ mŕiŋ śéna, / Hanyĕrakki mṙiŋ ṥénané,/ Calațu mŕiŋ para muḍa, / Hiŋsun sěkti sañata, / Nandỿa cilik badanniŋsun // Datan śéna wani nĕrak./

꧄ꦈꦩꦸꦏꦱꦶꦤ꧀ꦤꦩ꧀ꦥ꧀ꦭꦸꦏ꧀ꦩꦸꦱ꧀ꦠꦏꦶ꧈ꦱꦼꦁꦔꦸꦁꦒꦸꦩ꧀ꦩꦼꦤ꧀ꦣꦸꦁꦱꦶꦥꦠ꧀ ꦱꦶꦤ꧀ꦤꦏꦏ꧀ꦏꦤ꧀ꦏꦮꦼꦠꦸꦤꦺ꧈ꦢꦶꦤ꧀ꦤꦼꦊꦁꦱꦂꦠꦧꦠꦶꦃꦚ꧈ꦏꦭꦮꦤ꧀ꦱꦶꦤꦿꦮꦸꦁꦔꦤ꧀ ꦲꦩ꧀ꦧꦾꦸꦂꦩꦸꦩꦸꦂꦢꦺꦤ꧀ꦏꦱꦸꦁꦏꦸꦂ꧈ꦭꦸꦩꦺꦴꦁꦫꦸꦩ꧀ꦲꦫꦸꦩ꧀ꦒꦺꦴꦤ꧀ꦢꦚ꧉

‖ Umuk sinnampluk mustaki, / Sênuŋ gumměnḍuŋ sipat // Cinnakakkan kawětuné, / Dinněḷŋ saṙta batiḥña, / Kalawan sinṙawuŋṅan // Hambyur mumuṙ dèn kasuŋkuṙ, / Lumoŋ rum harum gondaña, /

[ 29 ]

꧄ꦩꦁꦱꦃꦯꦺꦤꦥꦤ꧀ꦱꦸꦩ꧀ꦩꦶꦁꦏꦶꦂ꧈ꦲꦪ꧀ꦮꦥꦶꦤ꧀ꦤꦼꦱꦸꦮꦸꦢ꧀ꦚ꧈ꦫꦩ꧀ꦥꦺꦴꦒ꧀ꦒꦤ꧀ꦠꦼꦏꦮꦼꦠꦸꦤꦺ꧈ꦥꦤ꧀ꦢꦼꦊꦁꦱꦁꦏꦤꦶꦁꦤꦺꦠꦿ꧈ꦥꦶꦠꦏꦺꦴꦤ꧀ꦤꦺꦥꦿꦯꦺꦤ꧈ꦱꦺꦴꦱꦺꦴꦁꦔꦂꦫꦤ꧀ꦕꦺꦭꦺꦁꦮꦶꦏꦸ꧈ꦢꦸꦩ꧀ꦩꦢꦼꦒ꧀ꦲꦉꦥ꧀ꦥꦶꦁꦯꦺꦤ꧉

‖ Maŋsaḥ śéna pan summiŋkir,/ Haywa pinněsu wujudña, / Rampoggan těka wětuné, / Panděḷŋ saŋkanniŋ nétra, / Pitakonné přa śéna, / Sěsoŋṅaran cèlèŋniku, / Dumaděg haṛppin śéna. /

꧄ꦱꦶꦒꦿꦯꦺꦤꦲꦩ꧀ꦩꦁꦱꦸꦭ꧀ꦭꦶ꧈ꦥꦶꦤ꧀ꦤꦼꦢꦏ꧀ ꦤ꧀ꦢꦃꦲꦺꦒꦸꦩ꧀ꦩꦩ꧀ꦥꦁ꧈ꦩꦿꦶꦃꦕꦺꦭꦺꦁꦕꦶꦭꦶꦏ꧀ꦲꦁꦒꦤꦺ꧈ꦲꦁꦒꦩꦩꦶꦠꦶꦤ꧀ꦤꦤ꧀ꦣꦶꦂꦔꦤ꧀ ꦥꦤ꧀ꦱꦸꦏꦸꦤꦶꦁꦭꦺꦴꦫꦺꦴꦚ꧈ꦥꦶꦤ꧀ꦤꦼꦢꦏ꧀ꦲꦶꦱꦤ꧀ꦏꦱꦸꦁꦏꦸꦂ꧈ꦱꦒꦸꦃꦩꦩꦶꦲꦁꦮ꧀ꦭꦶꦂꦮꦏ꧀ꦤꦺ꧉

‖ Sigra śéna hammaŋsulli,/Pinnědak ndaḥhé gummampaŋ,/ Mriḥ cèlèŋ cilik haŋgané, / Haŋga mami tinnanḍiŋṅan / / Pan sukuniŋ loroña,/ Pinnědak pisan kasuŋkur, / Saguḥ mami aŋṅlirwakna. /

꧄ꦥꦤ꧀ꦯꦺꦤꦏꦺꦤ꧀ꦢꦼꦝ꧀ꦲꦩ꧀ꦩꦼꦭ꧀ꦲꦩ꧀ꦩꦶꦭꦶꦃ꧈ꦪ꧀ꦮꦱꦒꦸꦃꦱꦸꦤ꧀ꦥꦶꦥꦶꦢꦏ꧀ꦏꦤ꧀ ꦏꦫꦤꦠꦢꦤ꧀ꦚꦏꦼꦩ꧀ꦥꦿꦺꦴꦃ꧈ꦱ꧀ꦭꦮꦢ꧀ꦯꦺꦤ꧀ꦥꦶꦤ꧀ꦤꦶꦢꦏ꧀ꦚ꧈ꦏꦼꦩ꧀ꦥꦿꦺꦴꦃꦩꦺꦭꦸꦱꦚꦠ꧈ꦏꦭꦏꦺꦴꦤ꧀ꦤꦤ꧀ꦕꦺꦭꦺꦁꦮꦲꦸ꧈ꦲꦪ꧀ꦮꦕꦺꦭꦺꦁꦏꦢꦾꦯꦺꦤ꧉

[ 30 ]

‖ Pan śéna kènděl hammiliḥ, / Ywa saguḥ sun pipidakkan / / Karana badanña kĕmproḥ, / Klawan śéna pinnidakña, / Kĕmproḥ mèlu sañata, / Kalakonnan cèlèŋ wahu, / Haywa cèlèŋ kadỿa śéna. /

꧄ ꦥꦸꦤ꧀ꦤꦶꦏ​ꦱꦤꦺꦥꦤ꧀​ꦏꦥꦶ\ꦥꦶꦮꦭ꧀ꦱ꧀​ꦠꦸꦩ꧀ꦩꦶꦤ꧀ꦢꦏ꧀​ꦕꦶꦢꦿ\ꦱꦪꦺꦏ꧀ꦠꦶ​ꦲꦭ​ꦮꦸꦗꦸꦢ꧀ꦢꦺ\ꦗ​ꦱꦶꦫ​ꦮꦭ꧀ꦱ꧀ꦱꦶ​ꦲꦭ\ꦢꦠꦤ꧀​ꦮꦭ꧀ꦱ꧀​ꦠꦶꦤ꧀ꦢꦏ꧀ꦚ\ꦱꦲꦺ​ꦤꦶꦤ꧀​ꦮꦭ꧀ꦱꦤ꧀ꦤꦶꦏꦸ\ꦱꦧꦼꦕꦶꦏ꧀​ꦧꦼꦕꦶꦏ꧀​ꦠꦸꦩ꧀ꦩꦶꦤ꧀ꦢꦏ꧀\\

‖ Punnika sanépan kapi, / Piwaḷs tummindak cidṙa, / Sayĕkti hala wujuddé, / Ja sira waḷssi hala, / Datan waḷs tindakña, / Sahé niŋ waḷsanniku, / Saběcik běcik tummindak./

꧄ ꦥꦶꦪꦤ꧀ꦢꦺꦭ꧀​ꦥꦫ​ꦥꦿꦶꦪꦪꦶ\ꦒꦿꦺꦒꦃ​ꦩꦿꦶꦔ​ꦥꦶꦏꦶꦂ​ꦮꦱ꧀ꦏꦶꦠ\ꦱꦶꦔꦏꦶꦂꦏꦼꦤ꧀​ꦏꦱꦸꦱꦸ​ꦒꦒꦺ\ꦥꦤ꧀​ꦤꦺꦴꦫ​ꦏ꧀ꦭ꧀ꦩꦼꦠ꧀​ꦲꦔ꧀ꦒꦺꦴꦤ꧀ꦚ\ꦲꦶꦏꦸ​ꦮꦸꦫꦸꦏ꧀​ꦱꦶꦔꦏꦶꦂꦤ\ꦮꦸꦗꦸꦢ꧀ꦢꦺ​ꦥꦠꦿꦥ꧀​ꦏꦔ​ꦩꦸꦔꦏꦸꦂ\ꦥꦤ꧀ꦢꦮꦸꦤꦸꦏꦭꦤꦶꦁꦔꦭ\\

‖ Piyandĕl para pṙiyayi, / Grégaḥ mṙiŋ pikiṙ waskiṭa, / Siŋkirkěn kasusu gagé, / Pan nora kḷmět haŋgonña,/ Hiku wuruk siŋkiṙna, / Wujuddé patrap kaŋ muŋkuṙ, / Pan daṅu kalanniŋ ṅala. /

[ 31 ]

꧄ ꦮꦶꦕꦏ꧀ꦱꦤ​ꦲꦚ꧀ꦗꦠ꧀ꦮꦤꦶ\ꦱꦠꦸꦲꦸ​ꦏꦺꦥꦺꦭ꧀​ꦲꦫꦤꦶꦪ\ꦒꦸꦩ꧀ꦩꦤ꧀ꦢꦸꦭ꧀ꦭꦤ꧀​ꦮꦺꦴꦃ​ꦮꦺꦴꦃꦲꦤ꧀ꦤꦺ\ꦥꦤꦸꦤ꧀ꦠꦸꦤ꧀​ꦏꦸꦏꦸꦃ​ꦱꦤ꧀ꦠꦺꦴꦱ\ꦮꦶꦠ꧀​ꦤ꧀ꦢꦸꦭ꧀​ꦥꦿ​ꦏꦮꦸꦭ\ꦱꦕꦶꦥ꧀ꦠ​ꦱꦧꦫꦤ꧀​ꦥꦼꦔꦏꦸꦃ\ꦩꦶꦤꦤ꧀ꦏꦺꦤ꧀​ꦲꦺꦴꦪꦺꦴꦠ꧀ꦠꦶꦤ꧀​ꦥꦿꦗ\\

‖ Wicaksana hanjaṙwani, / Satuhu képél haranña, / Gummanḍullan woh woḥhanne, / Panuntun kukuḥ santosa, / Wit nḍul pra kawula, / Sacipta sabaraŋ péŋkuh,/ Minaŋkén oyottiŋ praja. /

꧄ ꦯꦿꦶ​ꦟꦭꦺꦤ꧀ꦢꦿ​ꦏꦺꦢꦃ​ꦱꦤ꧀ꦠꦺꦴꦱ\ꦮꦺꦤꦶꦤ꧀​ꦥꦶꦏꦶꦂ​ꦂꦱꦶꦏ꧀​ꦧꦢꦤ꧀\ꦱꦤ꧀​ꦤꦛ​ꦩꦢꦺꦒ꧀​ꦤꦂꦥ꧀ꦥꦺ\ꦭꦭꦧꦸꦃꦲꦤ꧀​ꦏꦫꦲꦂꦗꦤ꧀\\ꦩꦿꦶꦃ​ꦫꦲꦂꦗꦺꦤ꧀​ꦏꦮꦸꦭ\ꦠꦤ꧀​ꦥꦿꦶꦧꦢꦶ​ꦧꦶꦤꦃꦲꦶꦥꦸꦤ꧀\ꦥꦶꦤ꧀ꦢꦤ꧀ꦤꦺ​ꦏ꧀ꦭꦮꦤ꧀​ꦲꦩꦤꦃ\\

‖ śri ṇaléndra kédah santosa, / Wéniŋ pikir ŗsik badan / / Saŋ ṇatha madég narppé, / Lalabuḥhan karaharjan // Mriḥ raharjéŋ kawula, / Tan pribadi binaḥhipun // Pinḍanné klawan amanaḥ. /

꧄ ꦯꦿꦶꦟꦡ​ꦢꦢꦾ​ꦣꦫꦤꦶ\ꦱꦼꦥꦸꦤ꧀​ꦏ꧀ꦭꦮꦤ꧀​ꦱꦼꦱꦼꦥꦸꦃꦲꦤ꧀\\ꦪꦼꦏ꧀ꦠꦶ​ꦭꦤ꧀ꦠꦶꦥ꧀​ꦥꦶꦏꦶꦂꦫꦤ꧀ꦤꦺ\ꦏꦭꦩ꧀ꦥꦃ​ꦱꦩ꧀ꦥꦸꦤ꧀​ꦢꦶꦮꦱ\ꦏꦶꦤ꧀ꦤꦺꦥꦺꦭ꧀ꦝꦣꦲꦂꦫꦤ꧀​ꦩꦠꦼꦁꦔꦶꦁ​ꦱꦊꦧꦼꦠ꧀ꦠꦶꦥꦸꦤ꧀​ꦱꦏꦺꦕ​ꦢꦲꦂꦫꦤ꧀ꦤꦶꦫ\\

‖ śri ņatha dadya ḍarani, / Sěpun klawan sěsěpuḥhan // Yěkti lantip pikirranné,/ Kalampaḥ sampun diwasa, / Kinnépél ḍaḍaharran / / Matéŋ niŋ saḷbéttipun, / Sakéca ḍaharrannira. /

[ 32 ]

꧄ ꦯꦿꦶꦟꦡꦥꦁꦔ꧀ꦭꦶꦥꦸꦂꦩꦩꦶ꧈ꦮꦂꦤꦮꦤꦤ꧀ꦤꦶꦁꦏꦮꦸꦭ꧈ꦱꦶꦤꦺꦴꦩ꧀ꦩꦸꦣꦤꦶꦁꦏꦼꦥꦼꦭ꧀ꦭꦺ꧈ꦧꦁꦧꦁꦔꦤ꧀ꦩꦸꦣꦮꦂꦤꦚ꧈ꦥꦤ꧀ꦢꦼꦊꦁꦱꦂꦠꦮꦌꦤ꧀ꦢꦃ꧈ꦱꦠꦾꦠꦸꦲꦸꦏꦶꦤ꧀ꦤꦂꦪꦤ꧀ꦤꦤ꧀​​

ꦉꦩꦼꦤ꧀ꦝꦼꦩꦼꦤ꧀ꦧꦸꦔꦃꦩꦤꦃ꧉

ll śri ṇatha paŋnlipur mami, / Waṙna waṙnanniŋ kawula, / Sinom muḍa niŋ kěpěllé, / Baŋ-baŋñan muḍa warnaña, / Pandělŋ saṙwa éndaḥ / Satya tuhu kinnaṙyannan // Ṛměn ḍěměn buṅaḥ manaḥ /

꧄ ꦮꦺꦴꦤ꧀ꦠꦺꦤ꧀ꦩꦭꦶꦃꦮꦼꦏꦱ꧀ꦩꦩꦶ꧈ꦏꦭꦸꦫꦺꦴꦤ꧀ꦤꦶꦁꦯꦿꦶꦟꦫꦺꦤ꧀ꦢꦿ꧈ꦟꦡꦭꦩ꧀ꦧꦁꦢꦽꦱꦤꦤꦺ꧈ꦮꦺꦴꦃꦔꦽꦩ꧀ꦧꦸꦪꦸꦁꦏꦛꦃ꧈ꦒꦶꦤ꧀ꦤꦼꦫꦺꦴꦩ꧀ꦧꦺꦴꦭ꧀ꦭꦤ꧀ꦩꦼꦢꦭ꧀​​ꦏꦢꦾꦏꦮꦸꦭꦔ꧀ꦭꦸꦭꦸꦫꦸꦒ꧀​​ꦫꦺꦴꦤ꧀ꦱꦒꦭꦶꦃꦲꦶꦁꦔꦱꦼꦩ꧀ꦚ꧉

ll Wontěn maliḥ wěkas mami, / Kaluronniŋ śri Ṇaréndṛa, / Ņatha lambaŋ dṛsanané, / Woḥ abrit ṅṛmbuyuŋ kaṭaḥ, / Ginnĕrombollan mědal // Kadỿa kawula ṅlulurug // Rosa galiḥhiŋ ṅasěmña. /

꧄ ꦤꦶꦠꦶꦃꦠꦶꦠꦶꦠꦶꦠꦶꦱ꧀ꦱꦸꦂꦠꦶ꧈ꦏꦗꦸꦩ꧀ꦧꦸꦃꦱꦶꦱꦶꦃꦲꦩ꧀ꦥꦶꦁꦔꦤ꧀​​ꦒꦸꦒꦸꦭꦁꦧꦸꦢꦶꦭꦸꦲꦸꦂꦫꦺ꧈ꦮꦮꦫꦃꦥꦸꦥꦸꦤ꧀ꦝꦺꦤ꧀ꦏꦶꦠ꧈ꦤꦶꦱ꧀ꦛꦩꦢꦾꦲꦸꦠꦩꦤ꧀ꦤꦺ꧈ꦭꦶꦁꦱꦼꦩ꧀ꦕꦼꦏꦥ꧀ꦭꦁꦏꦸꦁꦠꦠ꧈ꦮꦶꦭꦸꦗꦼꦁꦏꦽꦠꦫꦲꦂꦗ꧉

[ 33 ]

Nitiḥ titi titis suṙti, / Kajumbuḥ sisiḥ ampiŋṅan // Gugulaŋ budi luhuṙré, / Wawaraḥ pupunḍèn kita, / Nisṭa madỿa hutamanné, / Liŋsém cěkap laŋkuŋ tata, / Wilujĕŋ kṛta rahaṙja. /

꧄ ꦠꦿꦶꦠꦫꦸꦥꦣꦲꦫꦤ꧀ꦤꦶ꧉ꦱꦶꦤ꧀ꦤꦼꦧ꧀ꦭꦺꦴꦏ꧀ꦩꦿꦶꦁꦠꦼꦔꦼꦤ꧀ꦤꦶꦏ꧈ꦕꦕꦃꦤꦼꦩꦧꦺꦃꦲꦺꦠꦸꦁꦔꦺ꧈ꦱꦶꦤ꧀ꦤꦁꦒꦶꦠ꧀ꦥꦫꦥꦸꦗꦺꦴꦁꦒ꧈ꦤꦺꦴꦫꦠꦸꦩ꧀ꦩꦶꦤ꧀ꦢꦏ꧀ꦲꦭ꧈ꦔꦶꦱꦺꦴꦂꦠꦼꦁ​ꦏ꧀ꦭꦮꦤ꧀ꦞꦸꦮꦸꦂ꧈ꦭꦸꦭꦸꦫꦸꦏꦺꦴꦤ꧀ꦢꦸꦂꦧꦢꦤ꧀ꦚ꧉

‖ Tri taru paḍa haranni, / Cinněblok mriŋ těŋěnnika, / Cacaḥ něm kabèh hétuŋné, / Sinnaŋgit para pujoŋga, / Nora tummindak hala, / Nisor těṅaḥ klawan ḍuwur / Luluru konduṙ badanña. /

꧄ ꦮꦫꦶꦁꦔꦶꦤ꧀ꦕꦕꦃꦚꦏꦭꦶꦃ꧈ꦢꦺꦮꦤ꧀ꦢꦫꦸꦱꦶꦱꦶꦃꦮꦺꦠꦤ꧀​ꦮꦶꦗꦪꦤ꧀ꦢꦤꦸꦏꦸꦭꦺꦴꦤ꧀ꦤꦺ꧈ꦗꦶꦩꦠ꧀ꦠꦶꦁꦭꦸꦭꦸꦲꦸꦂꦚꦠ꧈ꦮꦫꦶꦱ꧀ꦱꦶꦁꦦꦗꦗꦫꦤ꧀ꦲꦸꦒꦮꦶꦭ꧀​ꦮ꧀ꦮꦫꦶꦏ꧀ꦜꦶꦏꦸꦮꦿꦶꦁꦔꦶꦤ꧀ꦏꦸꦫꦸꦁꦏꦮꦤ꧀ꦠꦤ꧀ꦤꦤꦤ꧀꧉

‖ Wariṅin cacaḥña kaliḥ, / Déwandaru sisiḥ wétan // Wijayandanu ​kulonné, Jimattiŋ luluhur ñata, / Warissiŋ pajajaran /​/ Huga​​ wilwwatiktha hiku, / Wriṅin kuruŋ kawastanan. /

[ 34 ]

꧄ ꦏꦢꦾꦱꦺꦴꦁꦱꦺꦴꦁꦚꦊꦒꦼꦂꦚ꧈ꦗꦸꦩ꧀ꦩꦼꦤꦼꦁꦠꦼꦔꦃꦲꦶꦁꦦꦿꦗ꧈ꦤꦸꦁꦒꦭ꧀ꦏꦭꦸꦭ꧀ꦓꦸꦱ꧀ꦡꦶꦤꦺ꧈ꦱꦸꦱꦸꦮꦸꦤ꧀ꦩꦿꦶꦁꦱꦁꦏꦤ꧀ꦥꦫꦤ꧀​ꦱꦿꦸꦁꦩꦫꦁꦱꦥꦣ꧈ꦲꦶꦏꦸꦠꦼꦒꦼꦱ꧀ꦮꦺꦴꦁꦏꦔ꧀ꦭꦸꦲꦸꦂ꧈ꦧꦼꦕꦶꦏ꧀ꦧꦸꦢꦶꦠꦠꦤ꧀ꦤꦶꦁꦠꦾꦱ꧀꧉

ll Kadỿa soŋson balgĕrña. / Jumměněŋ těŋnahiŋ pṙaja, / Nuŋgal kawula ​​Gusthiné, / Sěsuwun mŕiŋ saŋkan paran // Srawuŋ maraŋ sapaḍa, / Hiku ​těgĕs woŋ kaŋ luhuṙ, / Běcik budi tataniŋ tyas. /

꧄ ꦔꦭꦸꦤ꧀ꦤꦭꦸꦤ꧀ꦲꦔ꧀ꦭꦶꦠꦼꦂꦫꦶ꧈ꦱꦼꦮꦶꦢꦏ꧀ꦥꦥꦠ꧀ꦕꦕꦃꦚ꧈ꦏꦢꦾꦤ꧀ꦗꦼꦁꦟꦨꦶꦪꦸꦱ꧀ꦮꦤꦺ꧈ꦥꦠꦸꦭꦣꦤ꧀ꦏꦁꦱꦚꦠ꧈ꦢꦢꦭꦤ꧀ꦤꦸꦫꦶꦥ꧀ꦥꦶꦁꦟꦱ꧀​ꦮꦼꦭꦱ꧀ꦱꦱꦸꦒ꧀ꦠꦶꦤ꧀ꦢꦏ꧀ꦏꦶꦥꦸꦤ꧀​ꦕꦕꦁꦏꦶꦔ꧀ꦮꦸꦭꦁꦏꦁꦩꦸꦭꦾ꧉

ll ṅalunnalun haŋnlitĕrri,/ Sĕwidak papat cacaḥña, / Kadỿa Njěŋ ṇaḅi ​yuswané,/ Patulaḍan kaŋ sañata, / Dadalannurippiŋ nas // Wělassasiḥ ​tindakkipun / / Cacaŋkin wulaŋ kaŋ mulya./

꧄ ꦱꦺꦴꦁꦱꦺꦴꦁꦒꦶꦭꦥ꧀ꦲꦤ꧀ꦤꦼꦒꦼꦱ꧀ꦱꦶ꧈ꦥꦶꦤ꧀ꦤꦸꦚ꧀ꦗꦸꦭ꧀ꦢꦿꦗꦠ꧀ꦥꦁꦏꦪ꧀ꦚ꧈ꦗꦪꦟ꧀ꦢꦫꦸꦱꦭꦺꦴꦏꦤꦺ꧈ꦏꦥꦿꦨꦤ꧀ꦏꦁꦩꦲꦠꦸꦁꦓꦭ꧀​ꦱꦸꦩ꧀ꦩꦸꦭꦸꦂꦱꦶꦃꦢꦺꦮꦡ꧈ꦔꦢꦶꦭ꧀ꦭꦱꦶꦃꦲꦱꦃꦲꦱꦸꦃꦩꦸꦭꦾꦏꦮꦸꦭꦫꦲꦺꦴꦱ꧀ꦚ꧉

ll Soŋsoŋ gilap hannegessi, / Pinunjul drajat paŋkatña, / Jayandaru​ salokané, Kapřaḅan kaŋ maha Tuŋgal // Summuluŕ siḥ déwatha,/​Ṅadillasiḥ hasaḥ hasuḥ, / Mulya kawula raosña. /

[ 35 ]

꧄ ꦮꦺꦴꦤ꧀ꦠꦼꦤ꧀ꦮꦶꦠ꧀ꦏꦼꦧꦼꦤꦥꦸꦁꦏꦱꦶ꧈ꦏꦭꦶꦃꦥꦥꦤ꧀ꦠꦶꦤꦤ꧀ꦢꦸꦂꦫꦤ꧀​ꦱꦠꦸꦁꦒꦭ꧀ꦱꦶꦡꦶꦁꦒꦶꦭ꧀​ꦔꦒꦺꦴꦤ꧀ꦤꦺ꧈ꦏꦭꦶꦃꦲꦺꦲꦶꦁꦏꦩꦤ꧀ꦝꦸꦁꦔꦤ꧀ꦲꦁꦔꦿꦸꦁꦏꦼꦧ꧀ꦧꦶꦩꦿꦶꦁꦗꦤ꧀ꦩ꧈ꦧꦣꦩ꧀ꦩꦶꦠꦸꦩ꧀ꦩꦶꦤ꧀ꦢꦏ꧀ꦏꦶꦥꦸꦤ꧀​​ꦪꦲꦶꦏꦸꦠꦼꦒꦼꦱ꧀ꦱꦶꦁꦩꦸꦭꦾ꧉

|| Wontěn wit kěběn puŋkassi, / Kaliḥ papan tinnandurran // Satuŋngal​ sithiŋgil ṅgonné, / Kaliḥhé hiŋ kamanḍuŋṅan // Haŋnruŋkbĕbi mŕiŋ janma, / Baḍammi tummindakkipun // Ya hiku těgěssiŋ mulỿa./

꧄ ꦪꦺꦏꦸꦲꦫꦤ꧀ꦮꦸꦫꦸꦏ꧀ꦩꦩꦶ꧈ꦲꦶꦤ꧀ꦥꦫꦩꦸꦣꦲꦠ꧀ꦩꦗ꧈ꦭꦤ꧀ꦥꦣꦲꦺꦭꦶꦁꦔꦏꦧꦺꦃ꧈ꦥꦿꦭꦸꦭꦸꦲꦸꦂꦏꦔ꧀ꦮꦱ꧀ꦏꦶꦛ꧈ꦢꦶꦒ꧀ꦢꦪꦭꦏꦸꦠꦥ꧈ꦏ꧀ꦭꦮꦤ꧀ꦤꦺꦤ꧀ꦢꦿꦢꦠꦤ꧀ꦔꦸꦭꦸ꧈ꦫꦶꦤꦮꦼꦤꦶꦲꦺꦭꦶꦁꦔꦤ꧉

|| Yèku haran wuruk mami,/ Hiŋ para muḍa hatmaja,/ Lan paḍa héliŋa​​ kabèḥ,/ Pṙa luluhuṙ kaŋ waskiṭa,/ Digdaya laku tapa, / Klawan néndṙa ​datan ṅulu, / Rina wěṅi héliŋṅana. /

꧄ ꦆꦠ꧀ꦠꦶꦤ꧀ꦤꦶꦔ꧀ꦮꦸꦭꦔꦤ꧀ꦤꦶꦏꦶ꧈ꦔꦲꦢ꧀ꦭꦩꦥꦃꦢꦶꦤ꧀ꦠꦼꦤ꧀ꦚ꧈ꦱꦶꦧ꧀ꦥ꦳꧀ꦔꦭꦸꦏꦸꦂꦲꦶꦁꦠꦁꦒꦭ꧀ꦭꦺ꧈ꦫꦧꦶꦔꦸꦭ꧀ꦭꦮꦭ꧀ꦲꦶꦗꦿꦶꦪꦃꦣꦮꦃꦩꦺꦴꦁꦱꦏꦭꦶꦩ꧈ꦥꦁꦔꦺꦭꦶꦁꦩꦫꦁꦏꦔ꧀ꦭꦸꦲꦸꦂ꧈ꦥꦤ꧀ꦱꦸꦥꦺꦲꦺꦁꦒꦭ꧀ꦭꦺꦭꦶꦁꦔ꧉ [ 36 ]

‖ Ittinniŋ wulaŋṅanniki,/ Ṅahad lampaḥ dintěnña, / Soŋṅalikuŕ hiŋ taŋgallé, / Rabiṅullawal hijŕiyaḥ, / Ḍawaḥ moŋsa kalima, / Paŋṅéliŋ maraŋ kaŋ luhuŕ, / Pan supé héŋgal lèliŋṅa./

꧅ ꦆ ꧅