ꦥꦥꦤꦔꦶꦁꦧꦼꦒ꧀ꦗ

[ Cover ]

ꦥꦥꦤꦔꦶꦁꦧꦼꦒ꧀ꦗ

꧋ꦏꦫꦁꦔꦤ꧀ꦤꦺ

ꦫꦢꦺꦤ꧀​ꦔꦤ꧀ꦠꦺꦤ꧀꧇ꦱꦶꦤ꧀ꦢꦸꦥꦿꦩꦤ꧈
ꦔꦪꦺꦴꦒꦾꦏꦂꦠ꧉

Druk Ribbens Dk.

[ 1 ]

1 ꧋ꦧꦸꦠꦸꦃꦥꦔꦸꦁꦱꦺꦤ꧀꧈

꧋ꦛꦺꦁ꧈ꦛꦺꦁ꧈ꦛꦺꦁ......꧉

ꦣꦼꦁ꧈ꦣꦼꦁ꧈ꦣꦼꦁ.......꧉ꦗꦩ꧀ꦫꦺꦴꦭꦱ꧀꧈

꧋ꦲꦶꦁꦱꦢꦭꦤ꧀ꦢꦭꦤ꧀ꦮꦺꦴꦁꦥꦣꦱꦩ꧀ꦧꦠ꧀꧇ꦲꦣꦸꦃ꧈ꦥꦤꦱ꧀ꦱꦺ...꧉ꦱꦶꦁꦲꦁ ꦒꦮꦥꦪꦸꦁꦱꦗꦿꦺꦴꦤꦶꦁꦲꦠꦶꦤꦺꦩꦸꦤꦶ꧇ꦠꦸꦗꦸꦤꦺꦲꦁꦒꦮꦥꦪꦸꦁ꧉ꦱꦶꦁꦲꦺꦴꦫꦲꦁ ꦒꦮ꧇ꦮꦃ꧈ꦩꦲꦸꦲꦁꦒꦮꦲꦥꦪꦸꦁ꧉ꦧꦼꦒ꧀ꦗꦤꦺꦱꦶꦁꦧꦶꦱꦔꦤ꧀ꦝꦺꦴꦁ꧉ꦱꦶꦁꦩꦸꦁꦥꦣ ꦤꦸꦁꦒꦁꦏꦥꦭ꧀ꦱꦶꦏꦶꦭ꧀ꦥꦣꦩ꧀ꦭꦶꦥꦶꦂꦩ꧀ꦭꦶꦥꦶꦂ꧈ꦒꦺꦴꦭꦺꦏ꧀ꦢꦭꦤ꧀ꦱꦶꦁꦫꦢꦲꦺꦪꦸꦧ꧀꧈

꧋ꦢꦺꦤ꧀ꦔꦤ꧀ꦠꦺꦤ꧀ꦩꦁꦏꦸꦩꦼꦤ꧀ꦠꦱ꧀​ꦧ꧀ꦭꦺꦴꦚ꧀ꦗꦲꦶꦁꦥꦱꦂꦒꦼꦣꦺ꧉ꦚꦁꦏꦶꦁꦕꦁꦏ꧀ꦭꦺꦴꦁꦲꦩ꧀ꦧꦼꦤ꧀ꦝꦶ ꦪꦼꦠ꧀꧈ꦠꦸꦏꦺꦴꦤ꧀ꦭꦶꦪꦤꦺꦢꦶꦒꦺꦤ꧀ꦝꦺꦴꦁꦔꦽꦁꦒꦶꦪꦼꦒ꧀ꦢꦺꦤꦶꦁꦲꦧ꧀ꦢꦶꦤꦺ꧉ꦱꦏꦫꦺꦴ ꦤꦺꦏꦠꦺꦴꦤ꧀ꦩꦔꦂꦩꦔꦂ꧈ꦏꦿꦶꦔꦼꦠ꧀ꦠꦺꦒꦸꦩꦿꦺꦴꦧꦾꦺꦴꦱ꧀꧈

꧇ꦲꦪꦺꦴ꧈ꦲꦼꦩ꧀ꦧꦺꦴꦏ꧀​ꦪꦺꦴ꧈ꦤꦿꦧꦱ꧀ꦏꦩ꧀ꦥꦸꦁꦔꦤ꧀ꦏꦺꦤꦺꦧꦲꦺ꧈ꦱꦼꦥꦶꦠꦸꦂ ꦲꦺꦪꦸꦧ꧀꧈ꦏꦠꦶꦩ꧀ꦧꦁꦣꦸꦮꦶꦠ꧀ꦱꦏꦼꦛꦶꦥ꧀ꦢꦶꦲꦼꦁꦒꦺꦴꦔꦤ꧀ꦝꦺꦴꦁ꧈ꦫꦏ꧀ꦭꦺꦴꦮꦸꦁꦢꦶꦠꦸ ꦏꦺꦴꦏ꧀ꦲꦏꦺꦏꦠꦺꦱ꧀ꦧꦲꦺ꧈ꦪ꧈ꦧꦶꦱꦩꦉꦒ꧀ꦒꦶꦭꦤ꧀ꦚꦼꦒꦼꦂꦫꦶꦮꦺꦴꦁꦱꦲꦺꦴ ꦩꦃ꧉ꦲꦶꦪꦲꦺꦴꦫ꧈ꦲꦼꦩ꧀ꦧꦺꦴꦏ꧀꧈

꧇ꦲꦶꦁꦒꦶꦃꦩꦺꦴꦁꦒꦩꦮꦺꦴꦤ꧀꧈ꦩ꧀ꦭꦩ꧀ꦥꦃꦩꦁꦏꦺꦢꦔꦸꦢꦔꦸꦫꦏ꧀ꦲꦶꦁꦒꦶꦃꦢꦸꦩꦸꦒꦶ꧉

ꦫꦸꦥꦫꦸꦥꦱꦶꦁꦢꦶꦒꦸꦤꦼꦩ꧀ꦠꦸꦫꦸꦠ꧀ꦢꦭꦤ꧀​ꦏꦁꦒꦺꦴꦚ꧀ꦭꦩꦸꦂꦏꦼꦱꦼꦭ꧀ꦭꦤ꧀ꦥꦤꦱ꧀꧈ꦮꦺꦴꦁꦠꦮꦮꦂꦤꦮꦂꦤꦲꦺꦴꦫꦥꦣꦢꦶꦫꦺꦮꦺꦱ꧀꧈ꦏꦁꦢꦶꦒꦒꦱ꧀ꦱꦸꦥꦪꦲꦺꦁꦒꦭ꧀ꦠꦼꦏ ꦤ꧀ꦔꦺꦴꦩꦃ꧈ꦧꦚ꧀ꦗꦸꦂꦧꦶꦱꦔꦱꦺꦴꦭꦤ꧀ꦔꦺꦴꦩ꧀ꦧꦺ꧉

꧋ꦢꦸꦩꦢꦏ꧀ꦏꦤ꧀​ꦧꦉꦁꦠꦼꦏꦤ꧀ꦒꦺꦴꦮꦺꦴꦁꦔꦤ꧀ꦲꦤꦧꦺꦴꦕꦃꦮꦢꦺꦴꦤ꧀​ꦤꦿꦺꦴꦚ꧀ꦗꦺꦴꦭ꧀ꦧꦲꦺꦏꦫꦺꦴꦩꦸꦤꦶ꧇ꦎ꧈ꦤ꧀ꦢꦫ꧈ꦚꦸꦮꦸꦤ꧀ꦏꦮ꧀ꦭꦱ꧀ꦱꦤ꧀꧈

꧋ꦢꦺꦤ꧀ꦔꦤ꧀ꦠꦺꦤ꧀ꦩꦁꦏꦸꦲꦺꦴꦫꦥꦠꦶꦔꦿꦺꦮꦺꦱ꧀꧈ꦲꦺꦴꦭꦺꦃꦲꦺꦩꦁꦱꦸꦭ꧀ꦭꦶꦒꦼꦊꦩ꧀ꦲꦺꦴꦫꦲꦺꦴꦫ꧇ꦫꦤ꧈ꦚꦁꦲꦼꦁꦒꦺꦴꦤ꧀ꦏꦸꦏꦤ꧈ꦪꦺꦤ꧀ꦲꦉꦥ꧀ꦲꦚ꧀ꦗꦭꦸꦏ꧀ꦗꦭꦸꦏ꧀꧈

꧋ꦕꦭꦛꦸꦩꦁꦏꦺꦴꦤꦺꦴꦏꦫꦺꦴꦠꦼꦫꦸꦱ꧀​ꦩ꧀ꦭꦏꦸ꧉ꦧꦺꦴꦕꦃꦮꦢꦺꦴꦤ꧀ꦮꦶꦱ꧀ꦲꦺꦴꦫꦏꦥꦶꦏꦶꦂ꧉ [ 2 ]꧋ꦲꦺꦴꦫꦏꦕꦿꦶꦠꦭꦏꦸꦤꦺꦲꦤꦲꦶꦁꦢꦭꦤ꧀​ꦮꦶꦱ꧀ꦠꦼꦏꦤ꧀ꦏꦩ꧀ꦥꦸꦁꦧꦸꦔꦸꦂꦫꦤ꧀꧈ꦲꦤꦲꦶꦁꦱꦔꦉꦥ꧀ꦥꦶꦁꦲꦺꦴꦩꦃꦗꦺꦴꦒ꧀ꦭꦺꦴꦩꦤ꧀ꦝꦼꦒ꧀​ꦒꦽꦒ꧀꧈ꦲꦶꦁꦣꦸꦮꦸꦂꦫꦶꦁꦫꦺꦒꦺꦴꦭ꧀ꦲꦤꦧ꧀ꦭꦧꦒ꧀ꦏꦁꦲꦤꦠꦸꦭꦶꦱ꧀ꦱꦤ꧀ꦤꦺꦩꦁꦏꦺꦤꦺ꧇

꧇ꦥꦤ꧀ꦠꦶꦥꦥ꧈ꦒꦿꦶꦪꦥꦔꦸꦁꦱꦺꦤ꧀​ꦏꦁꦒꦺꦠꦶꦪꦁꦭꦤ꧀ꦭꦫꦺꦲꦺꦱ꧀ꦠꦿꦶꦲꦶꦁꦏꦁꦏꦼꦱꦿꦏꦠ꧀꧈

꧋ꦫꦺꦒꦺꦴꦭ꧀ꦢꦶꦮꦼꦔꦏ꧀ꦲꦏꦺ꧉ꦲꦼꦩ꧀ꦧꦺꦴꦏ꧀​ꦏꦤ꧀ꦛꦶꦤꦺ꧈ꦩ꧀ꦭꦼꦧꦸꦣꦶꦱꦶꦏ꧀꧈ꦢꦺꦤ꧀ꦔꦤ꧀ꦠꦺꦤ꧀ꦩꦁꦏꦸꦏꦫꦶ꧈ꦲꦉꦥ꧀ꦔꦶꦤꦼꦧ꧀ꦧꦏꦺꦫꦺꦒꦺꦴꦭ꧀꧈

꧇ꦤ꧀ꦢꦫ.....

꧋ꦱꦶꦁꦢꦶꦱꦥꦲꦚ꧀ꦗꦸꦩ꧀ꦧꦸꦭ꧀꧈ꦧꦧꦂꦥꦶꦱꦤ꧀ꦲꦺꦴꦫꦚꦤꦚꦤ꧈ꦪꦺꦤ꧀ꦲꦶꦁꦧꦸꦫꦶꦤꦺꦲꦤꦮꦺꦴꦁ꧉ꦧꦉꦁꦢꦶꦠꦺꦴꦭꦺꦃ꧈ꦱꦥꦶꦫꦒꦸꦩꦸꦤ꧀ꦤꦺ꧈ꦢꦺꦤꦺꦏꦁꦔꦼꦠꦸꦠ꧀ꦠꦏꦺꦩꦲꦸꦧꦺꦴꦕꦃꦮꦢꦺꦴꦤ꧀ꦏꦁꦏꦼꦥꦼꦛꦸꦏ꧀ꦲꦤꦲꦶꦁꦒꦺꦴꦮꦺꦴꦁꦔꦤ꧀꧈

꧇ꦲꦼꦭꦺꦴ꧈ꦠꦼꦏꦏꦺꦴꦮꦺ꧈ꦒꦼꦤ꧀ꦝꦸꦏ꧀꧈ꦫꦏ꧀ꦱꦶꦁꦏꦼꦠꦼꦩꦸꦤꦺꦁꦒꦺꦴꦮꦺꦴꦁꦔꦤ꧀ꦩꦲꦸꦏꦲꦺ꧈ꦠ꧉

꧇ꦲꦶꦁꦒꦶꦃ꧈ꦤ꧀ꦢꦫ꧉

꧇ꦮꦶꦱ꧀​ꦲꦼꦚ꧈ꦠꦏ꧀ꦏꦺꦏ꧀ꦏꦶꦗꦗꦤ꧀꧈

꧋ꦕꦭꦛꦸꦩꦏꦺꦴꦤꦺꦴꦏꦫꦺꦴꦔꦸꦭꦸꦁꦔꦶꦣꦸꦮꦶꦠ꧀ꦱꦱꦺꦤ꧀꧈ꦠꦔꦤ꧀ꦏꦶꦮꦚꦼꦏꦼꦭ꧀ꦭꦶꦭꦮꦁꦫꦺꦒꦺꦴꦭ꧀​ꦱꦸꦩꦼꦢꦾꦢꦶꦲꦶꦤꦼꦧ꧀꧈ꦤꦔꦶꦁꦲꦁꦒꦸꦩꦸꦤ꧀ꦤꦏꦺꦠꦼꦩꦼꦤ꧀​ꦧꦺꦴꦕꦃꦩꦲꦸꦲꦺꦴꦫꦒꦶꦠꦤꦩ꧀ꦥꦤ꧀ꦤꦶꦣꦸꦮꦶꦠ꧀ꦠꦺ꧉ꦩꦭꦃꦩꦠꦸꦂ꧇

꧇ꦩꦤꦮꦶꦏꦼꦥꦉꦁ꧈ꦧꦣꦺꦲꦤ꧀ꦝꦺꦫꦺꦏ꧀ꦥꦚ꧀ꦗꦼꦤꦼꦁꦔꦤ꧀ꦩꦮꦺꦴꦤ꧀꧈

꧋ꦢꦺꦤ꧀ꦔꦤ꧀ꦠꦺꦤ꧀ꦩꦁꦏꦸꦭꦒꦶꦮꦶꦮꦶꦠ꧀ꦤꦩꦠ꧀ꦠꦏꦺꦧꦺꦴꦕꦃꦲꦺ꧉ꦱꦤ꧀ꦝꦁꦔꦤ꧀ꦤꦺꦥꦠꦶꦁꦱꦽꦩ꧀ꦥꦭ꧀꧈ꦲꦮꦏ꧀ꦏꦺꦱꦶꦁꦲꦺꦴꦫꦏꦠꦸꦠꦸꦥ꧀ꦥꦤ꧀ꦏꦠꦺꦴꦤ꧀ꦧꦶꦭꦸꦂꦧꦶꦭꦸꦂꦭꦤ꧀ꦒꦼꦱꦼꦁꦒꦼꦱꦼꦁ꧉ꦩꦁꦏꦺꦴꦤꦺꦴꦲꦸꦒꦫꦲꦶꦤꦺ꧉ꦱꦗꦏ꧀ꦏꦺꦩꦼꦤ꧀ꦠꦱ꧀ꦢꦶꦥꦶꦭꦫ꧉

꧋ꦢꦺꦤ꧀ꦔꦤ꧀ꦠꦺꦤ꧀ꦩꦁꦏꦸꦠꦸꦮꦸꦃꦮꦼꦭꦱ꧀ꦱꦺ꧉

꧋ꦱꦪꦃ꧈ꦔꦼꦭꦏ꧀ꦭꦤ꧀ꦔꦼꦭꦶꦃꦮꦶꦱ꧀ꦲꦺꦴꦫꦢꦶꦫꦱꦏ꧀ꦲꦏꦺꦩꦤꦺꦃ꧉ꦱꦶꦁꦢꦶꦥꦶꦏꦶꦂ [ 3 ]ꦩꦸꦁ꧇ꦏꦲꦤꦤ꧀ꦤꦺꦧꦺꦴꦕꦃꦮꦢꦺꦴꦤ꧀ꦏꦁꦩꦼꦩꦼꦭꦱ꧀ꦲꦶꦏꦸ꧉ꦧꦺꦴꦏ꧀ꦩꦤꦮꦧꦺꦴꦕꦃꦲꦶꦏꦸꦲꦶꦪꦲꦺꦮꦺꦴꦤ꧀ꦤꦶꦁꦕꦼꦩ꧀ꦥꦺꦤꦺꦓꦸꦱ꧀ꦡꦶꦏꦁꦏꦠꦿꦶꦮꦭ꧀꧈

꧋ꦥꦤ꧀ꦠꦶꦥꦥ꧈ꦧꦼꦤꦼꦂꦩꦸꦁꦲꦺꦴꦩꦃꦥꦿꦱꦗ꧈ꦤꦔꦶꦁꦱꦒꦸꦃꦩꦺꦤꦺꦃꦲꦶꦥꦔꦺꦪꦸꦧ꧀ꦧꦤ꧀ꦩꦫꦁꦧꦺꦴꦕꦃꦏꦁꦏꦥꦶꦂꦫꦤ꧀ꦲꦶꦏꦸ꧉

꧋ꦲꦶꦁꦥꦤ꧀ꦠꦶꦥꦥꦮꦺꦴꦁꦭꦤ꧀ꦧꦺꦴꦕꦃꦏꦁꦥꦣꦲꦺꦴꦫꦔꦼꦂꦠꦶꦩꦫꦁꦏꦠꦽꦱ꧀ꦤꦤ꧀​ꦥꦣꦢꦶꦠꦸꦢꦸꦃꦲꦏꦺꦱꦶꦃꦲꦺꦓꦸꦱ꧀ꦡꦶꦪꦺꦯꦸꦱ꧀꧈

꧋ꦧꦺꦴꦕꦃꦲꦺꦢꦶꦲꦗꦏ꧀​ꦩ꧀ꦭꦼꦧꦸꦲꦶꦁꦲꦺꦴꦩꦃ꧈ꦲꦉꦥ꧀ꦢꦶꦢꦔꦸꦲꦏꦺꦃꦲꦏꦺꦃ꧉

---

² ꧋ꦠꦸꦒꦶꦫꦃꦤꦼꦩꦸꦥꦔꦸꦁꦱꦺꦤ꧀꧈

꧇ꦭꦸꦁꦒꦸꦃꦲꦣꦶꦁꦏ꧀ꦭꦶꦏ꧀ꦏꦺꦴꦤꦺꦴ꧈ꦭꦤ꧀ꦲꦏꦸꦏꦼꦥꦺꦔꦶꦤ꧀ꦮꦼꦫꦸꦃꦗꦼꦤꦼꦁꦩꦸꦱꦥ꧉ꦩꦁꦏꦺꦴꦤꦺꦴꦔꦼꦤ꧀ꦢꦶꦏꦤꦺꦢꦺꦤ꧀ꦔꦤ꧀ꦠꦺꦤ꧀ꦩꦁꦏꦸ꧉

ꦱꦶꦁꦢꦶꦢꦔꦸꦩꦸꦁꦠꦸꦩꦸꦁꦏꦸꦭ꧀ꦧꦲꦺ꧈ꦲꦺꦴꦫꦩꦁꦱꦸꦭ꧀ꦭꦶꦱꦏꦼꦕꦥ꧀꧈

꧇ꦌ꧈ꦤ꧀ꦝꦸꦏ꧀​ꦗꦼꦤꦼꦁꦩꦸꦱꦥ꧉

꧋ꦥꦶꦠꦏꦺꦴꦤ꧀ꦤꦺꦢꦧꦭꦺꦤ꧀ꦤꦶ꧈ꦧꦺꦴꦏ꧀ꦩꦤꦮꦪꦺꦤ꧀ꦧꦺꦴꦕꦃꦲꦺꦫꦢꦱꦸꦢꦫꦸꦔꦺꦴꦤ꧀꧈ꦤꦔꦶꦁꦩꦼꦏ꧀ꦱꦲꦺꦴꦫꦲꦺꦴꦭꦺꦃꦮꦁꦱꦸꦭ꧀ꦭꦤ꧀꧈ꦧꦺꦴꦕꦃꦲꦺꦩꦭꦃꦏꦠꦺꦴꦤ꧀ꦧꦶꦔꦸꦁ꧉

꧇ꦭꦺꦴ꧈ꦏꦥꦿꦶꦪꦺ꧈ꦠ꧈ꦢꦶꦠꦏꦺꦴꦤ꧀ꦤꦶꦠꦼꦏꦩꦼꦤꦼꦁꦧꦲꦺ꧈ꦭꦃꦪꦺꦤ꧀ꦔꦺꦴꦤꦺꦴ꧈ꦫꦤ꧈ꦭꦸꦔꦧꦲꦺ꧉ꦲꦏꦸꦲꦺꦴꦫꦧꦶꦱꦏꦁꦒꦺꦴꦤ꧀ꦤꦤ꧀ꦧꦺꦴꦕꦃꦱꦶꦁꦒꦮꦺꦤꦺꦩꦸꦁꦲꦩ꧀ꦧꦶꦱꦸꦔꦺꦴꦤꦺꦴ꧉

꧋ꦔꦼꦤ꧀ꦢꦶꦏꦩꦁꦏꦺꦴꦤꦺꦴꦏꦫꦺꦴꦩꦼꦚꦠ꧀ꦲꦉꦥ꧀ꦩꦼꦠꦸꦱꦏꦏꦤ꧀ꦠꦺꦴꦂꦫꦤ꧀ꦩꦲꦸ꧉

꧋ꦧꦉꦁꦩꦁꦏꦺꦴꦤꦺꦴꦧꦺꦴꦕꦃꦲꦺꦩꦲꦸꦤꦔꦶꦱ꧀ꦏꦫꦺꦴꦩꦠꦸ‍꧇

꧇ꦎ꧈ꦤ꧀ꦢꦫ꧈ꦲꦶꦁꦒꦶꦃ꧈ꦲꦶꦁꦒꦶꦃ꧈ꦧꦣꦺꦩꦠꦸꦂ꧉ꦤꦔꦶꦁꦏꦸꦭꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦥꦚ꧀ꦗꦼꦤꦼꦁꦔꦤ꧀ꦝꦮꦸꦃꦲꦶꦏꦺꦱꦃꦱꦏꦶꦁꦔꦿꦶꦏꦶ꧉

꧇ꦤꦃ꧈ꦫꦏ꧀ꦪꦔꦺꦴꦤꦺꦴ꧈ꦢꦶꦢꦔꦸꦏꦸꦮꦶꦏꦸꦢꦸꦩꦁꦱꦸꦭ꧀ꦭꦶ꧉ꦲꦏꦸꦒꦼꦭꦩ꧀ꦒꦼꦊꦩ꧀ꦧꦲꦺ [ 4 ]ꦤꦸꦭꦸꦁꦔꦶ꧈ꦤꦔꦶꦁꦫꦏ꧀ꦏꦸꦢꦸꦔꦼꦂꦠꦶꦣꦶꦱꦶꦏ꧀ꦗꦼꦤꦼꦁꦭꦤ꧀ꦱꦁꦏꦤ꧀ꦩꦸ꧉

꧇ꦎ꧈ꦲꦺꦱ꧀ꦠꦸ꧈ꦲꦶꦁꦒꦶꦃꦤ꧀ꦢꦫ꧈ꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦏꦸꦭꦥꦚ꧀ꦗꦼꦤꦼꦁꦔꦤ꧀ꦥꦱꦿꦃꦲꦏꦼꦤ꧀ꦥꦸꦭꦶꦱꦶꦲꦸꦠꦮꦶꦧꦥꦏ꧀ꦏꦸꦭ꧉ꦏꦸꦭꦱꦩ꧀ꦥꦸꦤ꧀ꦲꦗꦿꦶꦃꦱꦔꦼꦠ꧀꧈

꧇ꦭꦺꦴ꧈ꦥꦿꦏꦫꦏꦪꦔꦺꦴꦤꦺꦴꦏꦸꦮꦶꦲꦏꦸꦲꦺꦴꦫꦧꦶꦱꦗꦚ꧀ꦗꦶꦱꦢꦸꦫꦸꦁꦔꦺ꧉ꦩꦸꦁꦧꦲꦺ꧈ꦲꦁꦒꦼꦂꦏꦺꦴꦮꦺꦩꦠꦸꦂꦱꦧ꧀ꦭꦏꦤꦺ꧈ꦭꦤ꧀ꦲꦏꦸꦧꦶꦱ꧈ꦩꦱ꧀ꦛꦶꦏꦺꦴꦮꦺꦢꦏ꧀ꦠꦸꦭꦸꦁꦔꦶꦱꦏꦸꦮꦠ꧀ꦏꦸꦮꦠ꧀ꦏꦸ꧉ꦮꦶꦱ꧀​ꦏꦤ꧀ꦝꦏ꧀ꦤꦯꦶꦱꦶꦏ꧀ꦗꦼꦤꦼꦁꦩꦸ꧉

꧇ꦏꦸꦭꦥꦸꦤꦶꦏꦭꦫꦺꦏꦼꦠꦸꦭꦠꦸꦭꦏꦺꦴꦏ꧀​ꦤ꧀ꦢꦫ꧉ꦤꦩꦸꦁꦒꦺꦛꦸꦛꦸꦏ꧀ꦏꦤ꧀ꦩꦮꦺꦴꦤ꧀꧈ꦩꦤꦮꦶꦧꦺꦴꦠꦼꦤ꧀ꦱꦒꦼꦢ꧀ꦲꦁꦱꦭ꧀ꦲꦁꦱꦭ꧀ꦭꦤ꧀ꦏꦛꦃ꧈ꦭꦗꦼꦁꦢꦶꦥꦸꦤ꧀ꦒꦼꦧꦒ꧀ꦒꦶ꧉

꧇ꦭꦺꦴ꧈ꦏꦺꦴꦱꦶꦏ꧀​ꦠ꧈ꦱꦶꦏ​ꦢꦏ꧀ꦚꦼꦭꦤ꧀ꦤꦶ꧇ꦲꦁꦱꦭ꧀ꦲꦁꦱꦭ꧀ꦭꦤ꧀ꦏꦥꦿꦶꦪꦺꦠ꧉ꦲꦥꦔꦸꦠꦶꦭ꧀ꦔꦺꦴꦤꦺꦴ꧉

꧇ꦲꦶꦁꦒꦶꦃꦧꦺꦴꦠꦼꦤ꧀ꦔꦸꦠꦶꦭ꧀ꦔꦠꦼꦤ꧀​ꦤ꧀ꦢꦫ꧉ꦤꦩꦸꦁꦩꦼꦤ꧀ꦝꦼꦠ꧀ꦧꦫꦁꦮꦺꦴꦤ꧀ꦠꦼꦤ꧀ꦝꦱꦂꦫꦤ꧀꧈ꦱꦺꦴꦏ꧀ꦲꦸꦭꦩ꧀​ꦲꦸꦠꦮꦶꦠꦼꦠꦼꦣꦤ꧀ꦫꦸꦥꦶꦫꦸꦥꦶ꧈ꦩꦤꦮꦶꦏ꧀ꦭꦼꦉꦱ꧀ꦲꦶꦁꦒꦶꦃꦲꦂꦠ꧉ꦤꦩꦸꦁꦱꦏꦼꦕꦼꦥꦼꦁꦔꦶꦥꦸꦤ꧀ꦏꦺꦩꦮꦺꦴꦤ꧀꧈

꧋ꦢꦺꦤ꧀ꦔꦤ꧀ꦠꦺꦤ꧀ꦩꦁꦏꦸꦒꦺꦣꦺꦒ꧀ꦒꦺꦣꦺꦒ꧀꧈ꦲꦭꦶꦱ꧀ꦱꦺꦢꦶꦠꦼꦥꦸꦁꦔꦏꦺ꧈ꦏꦩ꧀ꦧꦶꦔꦤ꧀ꦢꦶꦏ꧇

꧇ꦭꦃꦪꦏꦸꦮꦶꦔꦸꦠꦶꦭ꧀ꦗꦼꦤꦼꦁꦔꦺ꧉ꦲꦚ꧀ꦗꦸꦥꦸꦏ꧀ꦢꦸꦢꦸꦢꦸꦮꦺꦏ꧀ꦏꦺ꧈ꦠꦸꦂꦠꦤ꧀ꦥꦤꦼꦩ꧀ꦧꦸꦁꦏꦸꦮꦶꦥꦣꦧꦲꦺꦏꦫꦺꦴꦚꦺꦴꦭꦺꦴꦁ꧉ꦏꦸꦮꦶꦒꦮꦺꦪꦤ꧀ꦤꦺꦩꦭꦶꦁ꧉ꦲꦥꦏꦺꦴꦮꦺꦱꦼꦤꦼꦁꦢꦢꦶꦩꦭꦶꦁ꧉

꧇ꦲꦶꦁꦒꦶꦃꦧꦺꦴꦠꦼꦤ꧀꧈ꦏꦸꦭꦲꦶꦁꦒꦶꦃꦤꦩꦸꦁꦱꦢꦼꦂꦩꦔ꧀ꦭꦩ꧀ꦥꦃꦲꦶ꧉ꦢꦩꦼꦭ꧀ꦭꦶꦥꦸꦤ꧀ꦤꦩꦸꦁꦢꦶꦥꦸꦤ꧀ꦒꦼꦧꦒ꧀ꦒꦶꦏꦺꦩꦮꦺꦴꦤ꧀꧈ꦪꦺꦤ꧀ꦧꦺꦴꦠꦼꦤ꧀ꦱꦒꦼꦢ꧀ꦲꦁꦱꦭ꧀ꦏꦛꦃ꧈ꦭꦗꦼꦁꦢꦶꦥꦸꦤ꧀ꦭꦧꦿꦒ꧀ꦧꦥꦏ꧀꧈ꦪꦺꦤ꧀ꦏꦊꦉꦱ꧀ꦥꦸꦤꦶꦏꦏꦺꦴꦗꦸꦂꦠꦶꦏꦼꦭ꧀ꦠꦼꦏꦸꦏ꧀ꦧꦢꦤ꧀ꦏꦸꦭ꧉ꦢꦺꦫꦺꦁꦲꦁꦱꦭ꧀ꦲꦁꦱꦭ꧀ꦭꦤ꧀ꦱꦩ꧀ꦥꦸꦤ꧀ꦏꦺꦴꦤꦁꦔꦤ꧀ꦲꦶꦁꦏꦁꦒꦣꦃ꧉ꦧꦼꦒ꧀ꦗꦧꦼꦒ꧀ꦗꦤꦶꦥꦸꦤ꧀ꦤꦩꦸꦁꦢꦶꦤ꧀ꦥꦶꦱꦸꦃꦲꦶ꧉ꦱꦺꦴꦏ꧀ꦱꦺꦴꦏ꧀ꦢꦶꦥꦸꦤ꧀ꦥꦼꦤ꧀ꦛꦸꦁ꧉ꦥꦸꦤꦶꦏꦮꦲꦸꦕꦶꦭꦏꦱꦔꦼꦠ꧀ꦧꦢꦤ꧀ꦏꦸ [ 5 ]ꦭ꧉ꦏꦸꦭꦱꦮꦼꦒ꧀ꦏꦺꦩꦮꦺꦴꦤ꧀ꦔꦿꦁꦒꦺꦃꦱꦺꦪꦺꦏ꧀ ​ꦏꦺꦴꦤꦁꦔꦤ꧀ꦲꦶꦁꦏꦁꦒꦣꦃ꧉ ꦮꦃ꧈ꦏꦸꦭꦢꦶꦥꦸꦤ꧀ꦢꦸꦒꦁꦔꦶꦏꦭꦶꦪꦤ꧀ꦢꦶꦥꦸꦤ꧀ꦲꦸꦗꦂꦲꦸꦗꦂꦫꦶ꧉ꦔꦤ꧀ꦠꦺꦴꦱ꧀ꦱꦏꦺꦚ꧀ꦗꦶꦁꦔꦺꦧꦺꦴꦠꦼꦤ꧀ꦱꦒꦼꦢ꧀ꦲꦁꦱꦭ꧀ꦲꦁꦱꦭ꧀ꦭꦤ꧀꧈ꦧꦥꦏ꧀ꦏꦸꦭꦩꦸꦫꦶꦁꦩꦸꦫꦶꦁ꧈ꦏꦸꦭꦢꦶꦥꦸꦤ꧀ꦥꦼꦤ꧀ꦛꦸꦁꦔꦶꦔꦤ꧀ꦠꦺꦴꦱ꧀ꦏꦱꦺꦴꦱ꧀ꦔꦠꦼꦤ꧀ꦥꦸꦤꦶꦏ꧉ꦩꦶꦭ꧈ꦤ꧀ꦢꦫꦩꦏꦸꦭꦲꦤ꧀ꦝꦺꦫꦺꦏ꧀ꦥꦚ꧀ꦗꦼꦤꦼꦁꦔꦤ꧀ꦩꦮꦺꦴꦤ꧀꧈ꦥꦸꦤ꧀ꦝꦮꦸꦃꦲꦶꦥꦸꦤꦥꦏꦺꦩꦮꦺꦴꦤ꧀ꦥꦸꦫꦸꦤ꧀ꦱꦩ꧀ꦥꦸꦤ꧀​ꦲꦁꦒꦼꦂꦫꦶꦥꦸꦤ꧀ꦧꦺꦴꦠꦼꦤ꧀ꦥꦚ꧀ꦗꦼꦤꦼꦁꦔꦤ꧀ꦝꦮꦸꦃꦲꦶꦮꦁꦱꦸꦭ꧀꧈ꦱꦩ꧀ꦥꦸꦤ꧀ꦗꦶꦩ꧀ꦧꦶꦠ꧀ꦲꦺꦱ꧀ꦠꦸ.....꧉

꧋ꦩꦶꦉꦁꦩꦠꦸꦂꦫꦤ꧀ꦏꦪꦩꦁꦏꦺꦴꦤꦺꦴ꧈ꦢꦺꦤ꧀ꦔꦤ꧀ꦠꦺꦤ꧀ꦩꦁꦏꦸꦱꦪꦮꦸꦮꦸꦃꦮꦼꦭꦱ꧀ꦱꦺ꧉ꦧꦺꦴꦕꦃꦱꦩꦺꦴꦤꦺꦴ꧈ꦏꦸꦫꦁꦭꦸꦮꦶꦃꦭꦒꦶꦲꦸꦩꦸꦂꦱꦥꦸꦭꦸꦃꦠꦲꦸꦤ꧀ꦤꦤ꧀ꦠꦼꦏꦮꦶꦱ꧀ꦢꦶꦏꦺꦴꦤ꧀ꦢꦢꦶꦩꦭꦶꦁ꧉ꦲꦺꦩꦤ꧀ꦲꦺꦩꦤ꧀ꦧꦔꦼꦠ꧀꧈ꦩꦸꦭꦱꦪꦏꦼꦚ꧀ꦕꦼꦁꦠꦺꦏꦢ꧀ꦢꦺꦲꦼꦁꦒꦺꦴꦤ꧀ꦤꦺꦲꦉꦥ꧀ꦔꦪꦺꦴꦩ꧀ꦩꦶꦧꦺꦴꦕꦃꦲꦶꦏꦸ꧉

꧇ꦭꦃ꧈ꦱꦲꦶꦏꦶꦲꦏꦸꦱꦶꦛꦶꦏ꧀ꦱꦶꦛꦶꦏ꧀ꦮꦶꦱ꧀ꦔꦼꦂꦠꦶꦏꦲꦤ꧀ꦤꦤ꧀ꦩꦸ꧉ꦩꦸꦁꦧꦲꦺ꧈ꦗꦼꦤꦼꦁꦩꦸꦱꦥ꧈ꦭꦤ꧀ꦧꦥꦏ꧀ꦩꦸꦱꦥ꧉

꧇ꦎ꧈ꦤ꧀ꦢꦫ꧈ꦏꦸꦭꦧꦣꦺꦲꦤ꧀ꦝꦺꦫꦺꦏ꧀ꦥꦚ꧀ꦗꦼꦤꦼꦁꦔꦤ꧀ꦩꦮꦺꦴꦤ꧀꧈ꦠꦶꦊꦩ꧀ꦮꦺꦴꦤ꧀ꦠꦼꦤ꧀ꦏꦼꦧꦺꦴꦤ꧀ꦲꦶꦁꦒꦶꦃꦥꦸꦫꦸꦤ꧀꧈

꧋ꦢꦶꦢꦔꦸꦗꦼꦤꦼꦁꦔꦺꦩꦭꦃꦫꦸꦥꦫꦸꦥꦮꦁꦱꦸꦭ꧀ꦭꦤ꧀ꦤꦺꦏꦫꦺꦴꦩꦶꦩ꧀ꦧꦏ꧀ꦩꦶꦩ꧀ꦧꦶꦏ꧈

꧇ꦗꦼꦤꦼꦁꦩꦸꦣꦶꦱꦶꦏ꧀ꦏꦤ꧀ꦝꦏ꧀ꦤ꧉ꦲꦗꦏ꧀ꦮꦠꦶꦂ꧈ꦠ꧈ꦪꦺꦤ꧀ꦲꦏꦸꦏ꧀ꦮꦒꦁ꧈ꦏꦺꦴꦮꦺꦲꦺꦴꦫꦲꦺꦴꦫꦤꦺꦢꦏ꧀ꦠꦺꦒꦏ꧀ꦲꦏꦺ꧉

꧋ꦧꦉꦁꦢꦶꦪꦼꦩ꧀ꦪꦼꦩ꧀ꦩꦶꦩꦁꦏꦺꦴꦤꦺꦴ꧈ꦧꦺꦴꦕꦃꦩꦲꦸꦭꦒꦶꦒꦼꦊꦩ꧀ꦲꦩ꧀​ꦧꦏꦏ꧀ꦲꦏꦺꦪꦺꦤ꧀ꦗꦼꦤꦼꦁꦔꦺ꧇ꦠꦸꦒꦶꦫꦃ꧈ꦲꦤꦏ꧀ꦏꦺꦥꦏ꧀ꦧꦼꦢꦺꦴꦂ꧉ꦲꦺꦴꦩꦃꦲꦺꦲꦶꦁꦏꦩ꧀ꦥꦸꦁꦩꦺꦴꦠꦺꦴꦁꦔꦤ꧀꧈ꦏꦩ꧀ꦥꦸꦁꦱꦶꦁꦮꦶꦱ꧀ꦏꦕꦼꦭꦸꦏ꧀ꦲꦼꦁꦒꦺꦴꦤ꧀ꦏꦼꦣꦸꦁꦔꦺꦴꦁꦥꦶꦲꦭ꧉ꦲꦼꦁꦒꦺꦴꦤ꧀ꦤꦺꦮꦺꦴꦁꦲꦢꦸꦗꦒꦺꦴ꧈ꦧꦺꦴꦠꦺꦴꦃꦲꦤ꧀​ꦲꦼꦁꦒꦺꦴꦤ꧀ꦥꦤꦔꦝꦼꦭꦶꦏ꧀ꦏꦤ꧀ꦩꦭꦶꦁ꧈ꦭꦤ꧀ꦭꦶꦪꦭꦶꦪꦤꦺ꧉ꦫꦶꦁꦏꦼꦱ꧀ꦲꦼꦁꦲꦺꦴꦤ꧀ꦱꦶꦁꦢꦶꦱꦶꦫꦶꦏ꧀ꦮꦺꦴꦁꦲꦏꦺꦃ꧈ꦤꦔꦶꦁꦢꦶꦒꦺꦴꦭꦺꦏ꧀ꦏꦶꦧꦺꦴꦁꦱꦮꦺꦴꦁꦏꦁꦱꦼꦤꦼꦁꦩꦼꦚꦁꦥꦁꦒꦮꦺꦲꦭ꧉

꧇ꦎ꧈ꦤ꧀ꦢꦫ꧈ꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦏꦸꦭꦢꦶꦥꦸꦤ꧀ꦲꦤ꧀ꦠꦸꦏ꧀ꦏꦏꦼꦤ꧀ꦩꦿꦶꦏꦸ꧈ꦲꦸꦠꦮꦶꦢꦶꦥꦸꦤ꧀ꦥ [ 6 ]ꦱꦿꦃꦲꦏꦼꦤ꧀ꦥꦸꦭꦶꦱꦶ꧉ ꦏꦸꦭꦮꦺꦴꦤ꧀ꦠꦼꦤ꧀ꦔꦿꦶꦏꦶꦩꦮꦺꦴꦤ꧀꧈

꧇ꦲꦗꦏ꧀ꦮꦠꦶꦂ꧈ ꦫꦃ꧈ ꦲꦏꦸꦱꦶꦁꦔꦪꦺꦴꦩ꧀ꦩꦶꦏꦺꦴꦮꦺ꧉ꦲꦁꦒꦼꦂꦏꦺꦴꦮꦺꦒꦼꦊꦩ꧀ꦩꦤꦸꦠ꧀ꦥꦶꦠꦸꦠꦸꦂꦏꦸ꧈ ꦩꦱ꧀ꦛꦶꦲꦺꦴꦫꦲꦤꦲꦥꦲꦥ꧈ꦭꦤ꧀ — ꦏꦺꦴꦮꦺꦧꦶꦱꦢꦢꦶꦧꦺꦴꦕꦃꦧꦼꦕꦶꦏ꧀꧈ ꦒꦼꦊꦩ꧀ꦲꦺꦴꦫ꧉

꧇ꦲꦶꦁꦒꦶꦃꦤ꧀ꦢꦫ꧈ꦲꦶꦁꦒꦶꦃ꧈ ꦏꦸꦭꦧꦣꦩꦤꦸꦠ꧀꧈

꧋ꦢꦶꦤꦲꦶꦏꦸꦲꦸꦒꦢꦶꦫꦩ꧀ꦥꦸꦁꦫꦩ꧀ꦥꦸꦁꦔꦶꦥꦶꦱꦤ꧀꧈ ꦢꦺꦤ꧀ꦔꦤ꧀ꦠꦺꦤ꧀ꦩꦁꦏꦸꦱꦺꦴꦮꦤ꧀ꦩꦼꦚꦁꦏꦺꦴꦩꦶꦱ꧀ꦱꦫꦶꦱ꧀ꦱꦤ꧀ꦥꦼꦂꦭꦸꦔ꧀ꦭꦥꦸꦂꦫꦏꦺ꧈ ꦪꦺꦤ꧀ꦤꦼꦩꦸꦧꦺꦴꦕꦃꦮꦢꦺꦴꦤ꧀꧈ꦭꦤ꧀ꦚꦸꦮꦸꦤ꧀ꦏꦭꦪꦤ꧀ꦲꦢꦽꦁ꧈ ꦱꦸꦥꦪꦧꦺꦴꦕꦃꦩꦲꦸꦏꦼꦥꦉꦁꦢꦶꦏꦸꦏꦸꦧ꧀ꦲꦤꦲꦶꦁꦥꦤ꧀ꦠꦶꦥꦥ꧉

꧋ꦥꦸꦭꦶꦱꦶꦱꦒꦸꦃꦔꦸꦫꦸꦱ꧀ꦱꦥꦼꦂꦭꦸꦤꦺ........꧉

꧋ꦏꦪꦔꦥꦕꦸꦩꦼꦥ꧀ꦭꦺꦴꦁꦔꦺ꧈ꦧꦉꦁꦭꦶꦪꦢꦶꦤꦲꦺꦴꦭꦺꦃꦏꦠꦿꦁꦔꦤ꧀ꦪꦺꦤ꧀ꦮꦶꦱ꧀ꦲꦺꦴꦫꦲꦤꦥꦿꦏꦫꦏꦁꦔꦭꦁꦲꦭꦁꦔꦶꦠꦸꦒꦶꦫꦃꦔꦺꦪꦸꦧ꧀ꦲꦶꦁꦥꦤ꧀ꦠꦶꦥꦥ꧇ ꦩꦂꦒꦧꦥꦏ꧀ꦏꦺꦠꦸꦒꦶꦫꦃꦮꦶꦱ꧀ꦢꦶꦠꦸꦠꦸꦥ꧀ꦲꦤꦲꦶꦁꦏꦸꦚ꧀ꦗꦫ꧉ ꦩꦼꦤ꧀ꦠꦱ꧀ꦏꦺꦴꦤꦁꦔꦤ꧀ꦲꦺꦴꦭꦺꦃꦲꦺꦚꦺꦴꦭꦺꦴꦁꦒꦼꦣꦺꦤ꧀ꦒꦼꦣꦺꦤ꧀꧈

꧋ꦏꦪꦲꦥꦧꦸꦔꦃꦲꦺꦠꦸꦒꦶꦫꦃ꧈ꦲꦺꦴꦫꦏꦼꦤꦢꦶꦏꦶꦫꦏꦶꦫ꧉ ꦲꦶꦁꦱꦗꦿꦺꦴꦤꦶꦁꦲꦠꦶꦤꦺꦛꦸꦏꦸꦭ꧀ꦏꦼꦱꦒꦸꦃꦲꦤ꧀ꦫꦸꦥꦫꦸꦥ꧉

    ꧋ꦲꦏꦸꦲꦉꦥ꧀ꦱꦽꦒꦼꦥ꧀ꦚꦩ꧀ꦧꦸꦠ꧀ꦒꦮꦺ........꧉

    ꧋ꦲꦏꦸꦲꦼꦩꦺꦴꦃꦔꦸꦠꦶꦭ꧀ꦩꦤꦺꦃ........꧉

    ꧋ꦲꦏꦸ........

      ꦮꦶꦱ꧀ꦠ꧈ꦲꦏꦺꦃꦲꦏꦺꦃꦕꦼꦏꦏ꧀ꦏꦺ꧉

꧋ꦏꦥꦿꦶꦪꦺꦚꦠꦤꦺ꧉

---

³ ꧋ꦲꦤꦲꦶꦁꦥꦤ꧀ꦠꦶꦥꦥ꧉

꧋ꦲꦶꦁꦮꦪꦃꦧꦼꦔꦶ꧈ꦔꦉꦥ꧀ꦥꦏꦺꦩꦥꦤ꧀ꦠꦸꦫꦸ꧈ ꦠꦸꦒꦶꦫꦃꦢꦶꦠꦶꦩ꧀ꦧꦭ꧀ꦭꦶꦢꦺꦤ꧀ꦔꦤ꧀ꦠꦺꦤ꧀ꦩꦁ [ 7 ]ꦏꦸꦲꦤꦲꦶꦁꦏꦤ꧀ꦠꦺꦴꦂꦫꦤ꧀꧈

꧇ꦠꦸꦒꦶꦫꦃ........꧉

꧇ꦏꦸꦭ꧈ꦤ꧀ꦢꦫ꧉

꧇ꦏꦺꦴꦮꦺꦮꦶꦮꦶꦠ꧀ꦢꦶꦤꦲꦶꦏꦶꦢꦢꦶꦧꦠꦶꦃꦏꦸ꧈ ꦢꦢꦶꦕꦃꦥꦤ꧀ꦠꦶꦥꦥ꧉

꧋ꦏꦧꦺꦃꦱꦶꦁꦲꦤꦲꦶꦁꦲꦺꦴꦩꦃꦲꦶꦏꦶꦢꦢꦶꦢꦸꦭꦸꦂꦩꦸꦲꦼꦤꦺꦴꦩ꧀ꦭꦤ꧀ꦠꦸꦮ꧉ ꦮꦺꦴꦁꦮꦺꦴꦁꦲꦶꦏꦸꦏꦧꦺꦃꦪꦏꦪꦏꦺꦴꦮꦺ꧇ꦧꦸꦠꦸꦃꦥꦶꦠꦸꦭꦸꦁꦔꦤ꧀ꦏꦠꦽꦱ꧀ꦤꦤ꧀ꦤꦶꦁꦭꦶꦪꦤ꧀꧈ ꦥꦣꦢꦺꦤꦺꦮꦺꦴꦁꦲꦺꦴꦫꦢꦸꦮꦺ꧉ ꦮꦺꦴꦁꦩ꧀ꦭꦫꦠ꧀꧈ ꦲꦺꦴꦫꦩꦸꦁꦩꦸꦁꦒꦸꦃꦱꦤ꧀ꦝꦁꦭꦤ꧀ꦥꦔꦤ꧀​ꦤꦔꦶꦁꦩ꧀ꦭꦫꦠ꧀ꦚꦮꦤꦺ꧉

꧋ꦔꦼꦂꦠꦶꦪ꧈ꦲꦏꦸꦭꦤ꧀ꦏꦺꦴꦮꦺꦲꦶꦏꦸꦥꦣꦮꦺꦴꦁꦢꦺꦴꦱ꧉ ꦥꦼꦂꦭꦸꦢꦶꦲꦸꦏꦸꦩ꧀ꦓꦸꦱ꧀ꦡꦶꦄꦭ꧀ꦭꦃꦲꦶꦁꦱꦭꦮꦱ꧀ꦭꦮꦱ꧀ꦱꦺ꧉ ꦩꦸꦭꦲꦏꦸꦥꦣꦧꦸꦠꦸꦃꦗꦸꦫꦸꦱ꧀ꦭꦩꦼꦠ꧀꧈ ꦠꦤ꧀ꦥꦥꦶꦠꦸꦭꦸꦁꦔꦤ꧀ꦤꦺꦗꦸꦫꦸꦱ꧀ꦭꦩꦼꦠ꧀꧇ꦲꦏꦸꦥꦣꦲꦺꦴꦫꦧꦶꦱꦭꦸꦮꦂꦱꦏꦢꦺꦴꦱꦭꦤ꧀ꦥꦲꦸꦏꦸꦩ꧀ꦩꦤ꧀꧈ ꦲꦏꦸꦮꦸꦱ꧀ꦠꦼꦥꦸꦁꦏꦫꦺꦴꦗꦸꦫꦸꦱ꧀ꦭꦩꦼꦠ꧀꧈ ꦩꦸꦭꦏꦼꦥꦺꦔꦶꦤ꧀ꦚꦫꦶꦠꦤ꧀ꦤꦶꦏꦺꦴꦮꦺꦏꦧꦺꦃ꧈ ꦱꦸꦥꦪꦏꦺꦴꦮꦺꦪꦧꦶꦱꦮꦤꦸꦃꦏꦫꦺꦴꦏꦁꦩꦫꦶꦁꦔꦶꦥꦔ꧀ꦭꦸꦮꦂꦫꦤ꧀꧈ ꦏꦺꦴꦮꦺꦏꦶꦫꦤꦺꦏꦼꦥꦺꦔꦶꦤ꧀ꦲꦺꦴꦫ꧉ ꦢꦢꦶꦧꦺꦴꦕꦃꦱꦶꦁꦧꦼꦒ꧀ꦗ꧉

꧇ꦲꦶꦁꦒꦶꦃꦥꦺꦔꦶꦤ꧀ꦱꦔꦼꦠ꧀​ꦤ꧀ꦢꦫ꧉ ꦏꦸꦭꦥꦸꦤꦶꦏꦠꦼꦫꦸꦱ꧀ꦕꦶꦭꦏꦩꦮꦺꦴꦤ꧀꧈

꧋ꦩꦠꦸꦂꦩꦁꦏꦺꦴꦤꦺꦴꦠꦸꦒꦶꦫꦃꦲꦺꦴꦭꦺꦃꦲꦺꦭꦸꦁꦒꦸꦃꦱꦪꦔꦁꦱꦼꦒ꧀ꦲꦤꦲꦶꦁꦔꦂꦱꦤꦺꦧꦼꦤ꧀ꦢꦫꦤꦺ꧈ ꦱꦶꦭꦲꦁꦒꦼꦛꦼꦥꦼꦱ꧀꧈

꧇ꦱꦸꦏꦸꦂ꧈ ꦪꦺꦤ꧀ꦏꦺꦴꦮꦺꦏꦼꦥꦺꦔꦶꦤ꧀ꦢꦢꦶꦧꦺꦴꦕꦃꦧꦼꦒ꧀ꦗ꧉ꦤꦔꦶꦁꦏꦸꦢꦸꦱꦶꦤꦲꦸꦲꦏꦺꦃꦧꦔꦼꦠ꧀​ꦭꦺꦴ꧈

꧇ꦱꦶꦤꦲꦸꦥꦸꦤꦥ꧈ꦤ꧀ꦢꦫ꧉ ꦥꦸꦤꦥꦲꦶꦁꦒꦶꦃꦲꦩ꧀ꦧꦼꦏ꧀ꦠꦱꦧꦏ꧀ꦏꦭꦶꦪꦤ꧀ꦒꦼꦫꦶꦥ꧀ꦏꦢꦺꦴꦱ꧀ꦭꦫꦺꦭꦫꦺꦱꦏꦺꦴꦭꦃꦥꦸꦤꦶꦏ꧉

꧋ꦠꦸꦒꦶꦫꦃꦥꦚ꧀ꦕꦺꦤ꧀ꦧꦺꦴꦼꦃꦏꦼꦤ꧀ꦢꦼꦭ꧀​ꦲꦺꦴꦫꦲꦶꦱꦶꦤ꧀ꦤꦤ꧀꧈

꧋ꦧꦼꦤ꧀ꦢꦫꦤꦺꦩꦺꦱꦼꦩ꧀​ꦧꦚ꧀ꦗꦸꦂꦔꦤ꧀ꦢꦶꦏ꧇

꧇ꦧꦺꦴꦏ꧀ꦩꦤꦮ꧈ꦫꦃ꧉ꦤꦔꦶꦁꦱꦶꦁꦥꦼꦂꦭꦸꦣꦺꦮꦺꦏꦺꦴꦮꦺꦱꦶꦤꦲꦸꦢꦢꦶꦧꦺꦴꦕꦃꦲ [ 8 ]ꦩ꧀ꦧꦔꦸꦤ꧀ꦠꦸꦫꦸꦠ꧀꧈ ꦱꦶꦤꦲꦸꦚꦶꦁꦏꦶꦂ​ꦫꦶꦥꦶꦲꦭ꧈ꦏꦪꦠ꧇ ꦒꦺꦴꦫꦺꦴꦃ꧈ ꦕ꧀ꦭꦶꦩꦸꦠ꧀

ꦏꦼꦱꦺꦢ꧀​ꦱꦼꦩ꧀ꦧꦿꦤꦭꦤ꧀ꦭꦶꦪꦭꦶꦪꦤꦺ꧉ ​ꦲꦥꦩꦤꦺꦃꦱꦶꦤꦲꦸꦫꦸꦏꦸꦤ꧀ꦏꦫꦺꦴꦏꦺꦴ

ꦚ꧀ꦕ꧉ ​ꦏꦫꦺꦴꦧꦼꦤ꧀ꦢꦫꦱꦶꦁ​ꦔꦗꦺꦤ꧀ꦤꦶ꧈ ꦩꦁꦏꦺꦴꦤꦺꦴꦲꦸꦒꦏꦫꦺꦴꦮꦺꦴꦁꦠꦸꦮ꧉ ꦱꦶꦁ

ꦧꦶꦱꦫꦸꦏꦸꦤ꧀ꦭꦤ꧀ꦠꦽꦤ꧀ꦤ꧉ ꦲꦗꦝꦼꦩꦼꦤ꧀ꦏꦼꦉꦁꦔꦤ꧀꧈​ꦔꦼꦂꦠꦶ꧉ ꦮꦶꦱ꧀​ꦱꦩꦺꦤꦺꦝꦶꦱꦶꦏ꧀ꦥꦶꦠꦸ

ꦠꦸꦂꦏꦸ꧉​ ꦱꦲꦶꦏꦶꦩꦥꦤ꧀ꦤꦠꦸꦫꦸ꧉ ​ꦱꦺꦱꦸꦏ꧀ꦠꦔꦶꦱꦶꦔꦺꦱꦸꦏ꧀꧈ ꦥꦼꦠꦸꦫꦺꦴꦤ꧀ꦤꦺꦠꦼꦫꦸ

ꦱ꧀ꦢꦶꦠꦼꦧꦃꦲꦶꦭꦤ꧀ꦢꦶꦠꦠ꧈ꦪ꧉ ​ꦧꦚ꧀ꦗꦸꦂ​ꦲꦢꦸꦱ꧀ꦱꦶꦁꦉꦱꦶꦏ꧀꧈ ꦱꦤ꧀ꦝꦁꦔꦤ꧀ꦲꦺꦴꦭꦺꦃ

ꦏꦸꦩꦫꦶꦁꦩꦲꦸꦢꦶꦲꦼꦁꦒꦺꦴꦒꦤ꧀ꦠꦶ꧈ ꦱꦶꦁꦉꦒꦼꦢ꧀ꦲꦺꦁꦒꦭ꧀ꦢꦶꦏꦸꦩ꧀ꦧꦃ꧉ ꦲꦥ꧀ꦒꦮꦺꦪꦤ꧀ꦭꦶ

ꦪꦤꦺꦱꦺꦱꦸꦏ꧀ꦧꦲꦺꦢꦶꦠꦠꦩꦤꦺꦃ꧉​ ꦮꦶꦱ꧀ꦔꦼꦂꦠꦶꦏꦺꦴꦮꦺ꧉

꧇ꦲꦶꦁꦒꦶꦃꦱꦩ꧀ꦥꦸꦤ꧀​ꦤ꧀ꦢ​ꦫ꧉

꧇ꦪ꧈ꦮꦶꦱ꧀​​ꦫꦢꦩꦸꦤ꧀ꦢꦸꦂ꧉

꧋ꦠꦸꦒꦶꦫꦃꦩ꧀ꦭꦼꦧꦸꦲꦶꦁꦏꦩꦂꦠꦸꦫꦸ꧉​ ꦲꦶꦁꦏꦺꦴꦤꦺꦴꦏꦚ꧀ꦕꦤꦺꦱꦭꦺꦴꦔ꧀ꦮꦶꦱ꧀ꦥꦝꦩ

ꦥꦤ꧀ꦲꦶꦔꦩ꧀ꦧꦺꦤ꧀ꦤꦺꦝꦺꦮꦺꦝꦺꦮꦺ꧉ ​ꦠꦸꦒꦶꦫꦃꦲꦺꦴꦭꦺꦃꦥꦥꦤ꧀ꦲꦶꦁꦥꦺꦴꦗꦺꦴ

ꦏ꧀ꦝꦺꦮꦺ꧉ ꦲꦶꦁ​ꦮꦶꦮꦶꦠ꧀ꦠꦤ꧀ꦫꦢꦩꦶꦁꦒꦿꦶꦁꦲꦺꦴꦭꦺꦃꦲꦺꦲꦉꦥ꧀ꦩꦥꦏ꧀ꦏꦏꦺꦱꦶꦫꦃ

ꦲꦺꦲꦤꦲꦶꦁꦧꦤ꧀ꦠꦭ꧀​​ꦲꦮꦶꦠ꧀ꦱꦭꦮꦱ꧀ꦱꦺꦲꦺꦴꦫꦏꦸꦭꦶꦤꦔꦁꦒꦺꦴꦧꦤ꧀ꦠ

ꦭ꧀​​ꦲꦥꦩꦤꦺꦃꦧꦤ꧀ꦠꦭ꧀ꦏꦁꦢꦮꦲꦸꦫꦸꦁ​ꦥꦸꦠꦶꦃꦩꦼꦩ꧀ꦥ꧀ꦭꦏ꧀꧈ ꦧꦉꦔ꧀ꦮꦼꦫꦸꦃꦏꦚ꧀ꦕꦤꦺ

ꦱꦗꦏ꧀ꦏꦼꦥꦺꦤꦏ꧀ꦧꦲꦺ꧈ ꦭꦒꦶꦮꦤꦶꦲꦁꦒꦭꦺꦛꦏ꧀꧈ ꦱꦸꦮꦺꦲꦺꦴꦫꦧꦶꦱꦠꦸꦫꦸ

ꦠꦸꦫꦸ꧉​ ꦲꦼꦩ꧀ꦧꦸꦃꦩꦂꦒꦱꦏꦏꦥꦺꦤ꧀ꦠ꧀ꦏꦺꦲꦼꦁꦒꦺꦴꦤ꧀ꦤꦺ꧈ ꦲꦼꦲꦼꦩ꧀ꦧꦸꦃꦏꦥꦿꦶꦪꦺ꧉ ꦫꦸꦥ

ꦫꦸꦥꦱꦶꦁꦒꦒꦱ꧀꧈

꧋ꦏꦚ꧀ꦕꦤꦺꦥꦝꦲꦤꦱꦶꦁꦲꦸꦩꦾꦼꦒ꧀ꦒꦸꦤꦼꦩ꧀ꦩꦤ꧀꧈ ꦲꦺꦴꦫꦲꦤ꧀ꦠꦫꦱꦸꦮꦺꦫꦸꦔꦸꦱ꧀ꦮꦫ

ꦝꦺꦮꦺꦝꦺꦮꦺ꧉ ​ꦮꦶꦮꦶꦠ꧀ꦏꦁꦲꦤꦲꦶꦁꦥꦺꦴꦗꦺꦴꦏ꧀ꦏꦶꦢꦸꦭ꧀​ꦔꦤ꧀ꦠꦶꦠꦼꦏꦤ꧀ꦲꦶꦁꦥꦺꦴꦗꦺꦴ

ꦏ꧀ꦭꦺꦴꦂꦢꦶꦥꦿꦶꦏ꧀ꦱꦏꦧꦺꦃ꧉ ꦢꦶꦪꦤ꧀ꦤꦺꦢꦸꦭꦶꦢꦶꦱꦶꦉꦥ꧀​ꦩꦸꦁꦠꦺꦤ꧀ꦠꦺꦴꦏ꧀ꦏꦁꦲꦤꦲꦶꦁ

ꦗꦧꦤ꧀ꦏꦩꦂꦢꦶꦥꦚ꧀ꦗꦼꦂ꧉ [ 9 ]꧋ꦲꦶꦔ꧀ꦮꦪꦃꦲꦺꦱꦸꦏ꧀ ꦱꦽꦔꦺꦔꦺꦢꦸꦫꦸꦁ​ꦲꦚ꧀ꦗꦼꦝꦸꦭ꧀ꦮꦶꦱ꧀ꦥꦝꦢꦶꦲꦺꦴꦥꦾꦏ꧀ꦲꦺꦴ

ꦥꦾꦏ꧀ꦠꦔꦶ꧉​ ꦏꦧꦺꦃꦥꦝꦚꦤ꧀ꦝꦏ꧀ꦥꦒꦮꦺꦪꦤ꧀ꦤꦺꦝꦺꦮꦺꦝꦺꦮꦺ

ꦤꦺꦴꦲꦸꦒꦱꦶꦠꦸꦒꦶꦫꦃ꧈ ꦱꦤꦗꦤ꧀ꦧꦺꦴꦕꦲꦚꦂ​ꦫꦤ꧀​ꦤꦔꦶꦁꦠꦤ꧀ꦢꦁꦔꦺꦠꦺꦴ

ꦤ꧀ꦲꦤ꧀ꦢꦼꦩꦼꦤꦏ꧀ꦏꦏꦺ꧉ ꦕꦺꦏꦠ꧀ꦕꦺꦏꦼꦠ꧀ꦭꦤ꧀ꦱꦠꦶꦠꦶ꧉​ ꦪꦺꦤ꧀ꦢꦶꦝꦮꦸꦃꦲꦶꦲꦥꦲ

ꦥꦲꦶꦁꦒꦠꦺꦏ꧀ꦲꦏꦺꦭꦤ꧀ꦲꦺꦁꦒꦭ꧀ꦩ​ꦔꦼꦂꦠꦶ꧉​ ꦠꦸꦒꦶꦫꦃꦏꦠꦶꦠꦶꦏ꧀ꦧꦺꦴꦕꦃꦏꦁ

ꦥꦿꦶꦒꦺꦭ꧀ꦭꦤ꧀ꦱꦽꦒꦺꦥ꧀​ꦱꦥꦺꦴꦭꦃꦠꦶꦁꦏꦃꦲꦺꦢꦶꦲꦸꦭꦠ꧀ꦠꦏꦺꦢꦺꦤ꧀ꦔꦤ꧀ꦠꦺꦤ꧀ꦩꦁꦏꦸ꧈

ꦪꦲꦶꦏꦸꦥꦁꦒꦼꦝꦺꦭꦤ꧀ꦧꦥꦧꦧꦸꦤꦺꦮꦺꦴꦁꦱꦥꦤ꧀ꦠꦶꦥꦥ꧉ ꦱꦤꦗꦤ꧀ꦲꦺꦴꦫꦢꦶꦏ꧀

ꦠꦺꦴꦤ꧀ꦤꦏꦺ꧈ ꦤꦤꦶꦁꦢꦺꦤ꧀ꦔꦤ꧀ꦠꦺꦤ꧀ꦩꦁ​ꦏꦸꦏꦼꦱꦸꦒꦧꦔꦼꦠ꧀ꦩꦫꦁꦧꦺꦴꦕꦲꦚꦂꦩꦲꦸ꧉

꧋ꦩꦸꦁꦧꦲꦺꦱꦶꦔꦁꦒꦸꦩꦸꦤ꧀ꦤꦏꦺ꧈ ꦢꦺꦤꦺꦠꦼꦏꦧꦺꦴꦭꦧꦭꦶꦲꦩ꧀ꦧꦼꦤꦏ꧀ꦏꦏꦺꦏꦼ

ꦤ꧀ꦝꦶꦠ꧀​ꦏꦪꦠꦪꦲꦤ꧀ꦱꦶꦁꦢꦶꦒꦺꦩ꧀ꦧꦺꦴꦭ꧀ꦪꦺꦤ꧀ꦥꦶꦤꦸꦗꦸꦲꦶꦗꦺꦤ꧀ꦩ꧀ꦭꦪꦸꦧꦿ

ꦧꦠ꧀꧈ ꦩꦤꦮꦮꦶꦱ꧀ꦫꦩ꧀ꦥꦸꦁꦥꦒꦮꦺꦪꦤ꧀ꦤꦺ꧈​ ꦲꦺꦁꦒꦭ꧀ꦲꦺꦁꦒꦭ꧀ꦩꦼꦚꦁꦏꦩꦂꦩꦤꦺꦃ꧈

ꦔꦤ꧀ꦠꦶꦱꦸꦮꦺꦲꦺꦴꦫꦩꦼꦠꦸꦩꦼꦠꦸ꧉ ꦏꦼꦉꦥ꧀ꦧꦲꦺꦢꦢꦶꦒꦺꦴꦭꦺꦏ꧀ꦏꦤ꧀꧈ ​ꦏꦺꦴꦤꦁ

ꦏꦺꦴꦤꦁꦔꦤ꧀ꦪꦩꦼꦱ꧀ꦛꦶꦲꦤꦲꦶꦁꦏꦩꦂ꧈​ ꦛꦼꦔꦸꦏ꧀ꦛꦼꦔꦸꦏ꧀ꦲꦤꦲꦶꦔꦩ꧀ꦧꦺꦤ꧀ꦤꦺ꧉​ ꦏꦼꦉꦥ꧀ꦧ

ꦲꦺꦢꦶꦲꦼꦪꦺꦴꦠ꧀ꦠꦏꦺꦏꦚ꧀ꦕꦤꦺꦲꦸꦠꦮꦢꦶꦢꦸꦏꦤ꧀ꦤꦶ​ꦤ꧀ꦢꦫꦤꦺ꧉

꧇ꦲꦗꦥꦶꦗꦼꦂꦲꦤ꧀ꦝꦼꦭꦶꦏ꧀ꦲꦤꦲꦶꦁꦏꦩꦂꦧꦲꦺ꧈ꦠ꧈ꦠꦸꦒꦶꦫꦃ꧉ ꦏꦺꦤꦺ꧈ꦲꦼꦁ

ꦒꦺꦴꦤ꧀ꦱꦶꦁꦥꦝꦁ꧉ ꦪꦺꦔꦮꦺꦪꦤ꧀ꦩꦸꦮꦶꦫꦩ꧀ꦥꦸꦁ꧈ ꦚꦤ꧀ꦝꦏ꧀ꦏꦭꦶꦪꦤꦺ꧈ ꦲꦏꦸꦲꦺꦴ

ꦫꦱꦼꦤꦺꦤꦼꦪꦺꦤ꧀ꦠꦼꦫꦸꦱ꧀ꦩꦼꦚꦁꦏꦩꦂꦠꦤ꧀ꦥꦲꦤꦥꦼꦂꦭꦸꦤꦺ꧉

꧋ꦗꦂꦫꦺꦲꦶꦪꦩꦠꦸꦂ꧇ ꦲꦶꦁꦒꦶꦃ꧇ ꦤꦔꦶꦁꦪꦺꦤ꧀ꦏꦼꦭꦶꦩ꧀ꦥꦺ꧈ ꦩꦼꦱ꧀ꦠ꧀ꦛꦶꦩꦼꦚꦁꦏꦩꦂꦩꦤꦺꦃ꧈

ꦱꦗꦏ꧀ꦏꦺꦠꦼꦫꦸꦱ꧀ꦏꦠꦫꦸꦲꦶꦏ꧀ꦩꦿꦤꦧꦲꦺ꧉

꧋ꦱꦏꦗꦸꦝꦼꦒ꧀ꦒꦺ꧈ ꦔꦤ꧀ꦢꦫꦤꦺꦔꦤ꧀ꦠꦶꦔꦼꦤ꧀ꦢꦶꦏ꧇

ꦠꦸꦒꦶꦫꦃ꧈ ꦱꦥꦶꦱꦤ꧀ꦲꦼꦁꦏꦱ꧀ꦏꦺꦴꦮꦏꦺꦴꦤꦁꦔꦤ꧀​ꦩ꧀ꦭꦼꦧꦸꦏꦩꦂꦩꦤꦺꦃꦠꦤ꧀ꦱ

ꦲꦤꦥꦼꦂꦭꦸꦤꦺ꧈ ꦢꦏ꧀ꦊꦧꦺꦴꦏ꧀ꦲꦏꦺꦲꦶꦁꦒꦸꦝꦁ꧈ ​ꦧꦚ꧀ꦗꦸꦂꦱꦢꦶꦤꦱꦮꦼ

ꦔꦶ꧉ ꦔꦼꦂꦠꦶ꧉ ꦱꦲꦶꦏꦶꦫꦤ꧈ ꦩꦼꦚꦁꦥꦮꦺꦴꦤ꧀​​ꦔꦿꦺꦮꦁꦔꦶꦥꦼꦛꦶꦏ꧀ꦥꦼꦛꦶꦏ꧀ꦗꦔꦤ꧀ꦤꦤ꧀꧈ [ 10 ]꧋ꦠꦸꦒꦶꦫꦃꦩꦼꦚꦁꦥꦮꦺꦴꦤ꧀​ꦔꦿꦺꦮꦁꦔꦶꦲꦤꦲꦶꦁꦏꦺꦴꦤꦺꦴ꧉ ꦱꦶꦁꦢꦶꦏꦚ꧀ꦕꦤ꧀ꦤꦶꦱꦼ

ꦤꦼꦁ꧈ꦩꦂꦒꦠꦸꦒꦶꦫꦃꦏꦸꦮꦶꦲꦺꦴꦮꦼꦒꦃꦲꦤ꧀​​ ꦢꦶꦏꦺꦴꦤ꧀ꦔꦭꦺꦴꦂ꧈ꦔꦭꦺꦴꦂ꧈ꦔꦶ

ꦢꦸꦭ꧀ꦪꦔꦶꦢꦸꦭ꧀​ꦠꦸꦂꦲꦸꦭꦠ꧀ꦠꦺꦱꦸꦩꦺꦃ꧉

---

^4. ꧋ꦱꦥꦩꦭꦶꦁꦔꦺ꧉

꧇ꦪꦸ꧈ ​ꦪꦸꦫꦤ..........꧉

꧋ꦩꦫꦶꦪꦼꦩ꧀ ​ꦏꦁꦒꦮꦺꦤꦺꦢꦺꦴꦤ꧀ꦢꦺꦴꦩ꧀​ ꦕꦼꦭꦸꦏ꧀ꦕꦼꦭꦸꦏ꧀​ꦏꦫꦺꦴꦩ꧀ꦭꦪꦸꦒꦸꦥꦸꦃ

ꦩꦼꦚꦁꦒꦸ꧒꧑ꦝꦁ꧉

꧇ꦪꦸꦫꦤ꧈ ꦤꦺꦁꦒꦸꦝꦁ꧈ ꦭꦒꦶꦲꦁꦒꦺꦴꦭꦺꦏ꧀ꦏꦶꦲꦼꦤ꧀ꦝꦺꦴꦒ꧀ꦱꦶꦁꦲꦶꦭꦁ꧉ ​ꦒꦼꦤꦃ

ꦲꦶꦭꦁꦱꦶꦗꦶꦔꦺꦤꦺꦗꦫꦺꦲꦼꦤ꧀ꦝꦶꦒ꧀ꦏꦸ꧈ ꦲꦺꦴꦫꦔꦿꦱꦏ꧀ꦲꦏꦺꦏꦺꦴꦮꦺꦏꦸ

ꦮꦶ꧉​ ꦤꦺꦁꦔꦥꦠ꧈ ꦠꦼꦏꦧꦼꦔꦏ꧀ꦧꦼꦔꦺꦴꦏ꧀ꦔꦺꦴꦤꦺꦴ꧉

ꦲꦤꦸꦪꦸ꧈ ꦏꦺꦴꦮꦺꦩꦲꦸꦲꦥꦮꦼꦫꦸꦃꦲꦶꦏꦭ꧀ꦭꦤ꧀ꦧꦺꦴꦭꦃ꧉ ​ꦲꦺꦭꦶꦁꦏꦸꦩꦲꦸꦢ

ꦏ꧀ꦱꦺꦭꦺꦃꦩꦺꦗꦏꦺꦤꦺ꧈ꦱꦲꦶꦏꦶꦠꦼꦏꦲꦺꦴꦫꦲꦤ꧉ ​ꦧꦺꦴꦏ꧀ꦩꦤꦮꦪꦺ

ꦤ꧀ꦠꦶꦧ꧈ ꦧꦚ꧀ꦗꦸꦂꦏꦺꦴꦮꦺꦮꦼꦫꦸꦃ꧈ꦠ꧈ꦪꦸ꧉

꧇ꦲꦺꦴꦫꦮꦼꦫꦸꦃꦏꦶꦪꦼꦩ꧀꧈ꦲꦏꦸ꧉ꦲꦏꦸꦝꦏꦺꦱꦸꦏ꧀ꦩꦁꦩꦸꦛꦼꦒ꧀ꦲꦤꦒꦸꦝꦔ꧀ꦭꦤ꧀

ꦮꦺꦴꦤ꧀​​ꦲꦶꦁꦒꦺꦴꦭꦺꦏ꧀ꦏꦶꦲꦼꦤ꧀ꦝꦺꦴꦒ꧀ꦏꦸ꧉ ꦲꦺꦴꦭꦺꦃꦲꦺꦩꦸꦤ꧀ꦝꦸꦠ꧀​​ꦤ꧀ꦢꦫꦏꦧꦺꦃ

ꦩꦲꦸꦱꦥꦸꦭꦸꦃ꧉ ꦠꦏ꧀ꦠꦩ꧀ꦥꦤ꧀ꦤꦶ꧈ ꦧꦚ꧀ꦗꦸꦂꦢꦏ꧀ꦱꦺꦭꦺꦃꦤꦺꦁꦔꦉꦥ꧀ꦭꦮꦁꦏꦺꦤꦺ꧉

ꦭꦒꦶꦢꦏ꧀ꦠꦶꦁꦒꦭ꧀ꦚꦸꦒꦺꦴꦏ꧀ꦏꦏꦺꦒꦼꦤꦶ꧈ ꦗꦼꦧꦸꦭ꧀ꦲꦏꦸꦧꦭꦶꦮꦶꦱ꧀ꦏꦭꦺꦴꦁꦱꦶꦗꦶ꧉

ꦪꦩꦸꦁꦠꦸꦒꦶꦫꦃꦩꦲꦸꦏꦲꦺ꧈ ꦝꦶꦁ꧈ꦤꦔꦶꦁꦩꦸꦔ꧀ꦭꦶꦪꦠ꧀ꦧꦲꦺ꧉

꧇ꦎ꧈ꦩꦱꦧꦺꦴꦝꦺꦴꦮ꧈ꦪꦸ꧉ ꦏꦺꦴꦮꦺꦧꦶꦔꦸꦔꦁꦒꦺꦴꦭꦺꦏ꧀ꦏꦶꦲꦺꦤ꧀ꦝꦺꦴꦒ꧀

ꦲꦏꦸꦫꦶꦧꦸꦠ꧀ꦲꦁꦒꦺꦴꦭꦺꦏ꧀ꦏꦶꦧꦺꦴꦭꦃ꧉​ ꦪꦺꦤ꧀ꦲꦺꦴꦫꦏꦼꦠꦼꦩꦸꦥꦝꦠꦺꦴ [ 11 ]ꦩ꧀ꦥꦱꦏꦤ꧀ꦢꦫ꧈​ꦲꦶꦏꦶꦩꦼꦏꦺꦴ꧉

꧋ꦭꦒꦶꦥꦝꦲꦸꦩꦾꦼꦏ꧀ꦔꦺꦴꦏꦺꦲꦺꦴꦭꦺꦃꦲꦺꦏꦺꦭꦁꦔꦤ꧀​ꦢꦸꦩꦢꦏ꧀ꦏꦤ꧀ꦩ

ꦫꦶꦪꦼꦩ꧀ꦢꦶꦠꦶꦩ꧀ꦧꦭ꧀ꦭꦶꦤ꧀ꦢꦫꦤꦺ꧇

꧇ꦩꦫꦶꦪꦼꦩ꧀.........

꧇ꦏꦸꦭ꧈ꦤ꧀ꦢꦫ꧉

꧇ꦫꦺꦤꦺꦪ꧈ ꦏꦺꦴꦮꦺꦲꦥꦮꦼꦫꦸꦃꦝꦸꦮꦶꦠ꧀ꦱꦸꦱꦸꦏ꧀ꦲꦤꦩꦺꦗꦏꦺꦤꦺꦩꦲꦸ꧉

ꦧꦺꦁꦒꦺꦴꦭ꧀ꦱꦶꦗꦶꦭꦤ꧀ꦱꦺꦤ꧀ꦭꦶꦩ꧉

꧇ꦭꦺꦴ꧈ ꦏꦸꦭꦠꦼꦏꦧꦺꦴꦠꦼꦤ꧀ꦱꦸꦩꦼꦉꦥ꧀​​ꦤ꧀ꦢꦫ꧉ ​ꦱꦸꦩꦼꦉꦥ꧀ꦥꦫꦏ꧀ꦠꦼꦩ꧀ꦠꦸꦱꦩ꧀ꦥꦸ

ꦤ꧀ꦏꦸꦭꦲꦠꦸꦂꦫꦏꦼꦤ꧀꧈ ​ꦩꦭꦃꦏꦸꦭꦥꦶꦪꦩ꧀ꦧꦏ꧀ꦲꦶꦁꦒꦶꦃꦱꦮꦼꦒ꧀ꦧꦶꦔꦸꦁ​ꦩꦢꦺꦴꦱ꧀ꦱꦶ

ꦧꦺꦴꦭꦃꦔꦠꦼꦤ꧀​ꦤ꧀ꦢꦫ꧉ ​ꦭꦤ꧀ꦪꦸꦫꦤꦮꦲꦸꦠꦼꦏꦕꦫꦶꦪꦺꦴꦱ꧀ꦏꦺꦕꦭ꧀ꦭꦤ꧀ꦠꦶꦒꦤ꧀ꦱ

ꦠꦸꦁꦒꦭ꧀꧈

꧇ꦲꦥꦲꦶꦪ꧉ ꦠꦼꦏꦔꦤꦺꦃꦫꦺꦃꦲꦶꦠꦼꦩꦼꦤ꧀​꧈ ꦄꦃ꧈ꦥꦼꦂꦭꦸꦢꦶꦲꦸꦫꦸꦱ꧀ꦱꦶꦠꦼ

ꦤꦤ꧀꧈ ꦩꦲꦸꦲꦥꦲꦺꦴꦫꦲꦤꦮꦺꦴꦁꦩꦿꦺꦤꦺ꧉

꧇ꦏꦢꦺꦴꦱ꧀ꦏꦢꦺꦴꦱ꧀ꦧꦺꦴꦠꦼꦤ꧀꧈

꧇ꦭꦃ꧈ ꦪꦺꦤ꧀ꦔꦺꦴꦤꦺꦴꦪꦩꦸꦁꦱꦛꦼꦏ꧀​ꦏ꧀ꦭꦸꦮꦼꦂꦫꦶꦁ​ꦲꦺꦴꦩꦃꦧꦲꦺ꧉

꧋ꦲꦶꦁꦱꦗꦿꦺꦴꦤꦶꦁꦥꦁꦒꦭꦶꦃꦢꦺꦤ꧀ꦔꦤ꧀ꦠꦺꦤ꧀ꦩꦁꦏꦸꦮꦶꦱ꧀ꦱꦠꦼꦔꦃꦲꦤ꧀ꦢꦸꦩꦸꦏ꧀ꦠꦸꦒꦶꦫꦃ꧉ ​ꦱꦗ

ꦏ꧀ꦱꦗꦏ꧀ꦏꦺꦧꦺꦴꦕꦃꦲꦶꦏꦸꦲꦺꦴꦫꦧꦺꦫꦺꦱ꧀꧈

꧋ꦲꦥꦠꦼꦒꦼꦱ꧀ꦱꦺꦲꦺꦴꦭꦺꦃꦲꦺꦏꦼꦉꦥ꧀ꦲꦩ꧀ꦧꦼꦤꦏ꧀ꦏꦏꦺꦏꦼꦤ꧀ꦝꦶꦠ꧀꧈

ꦭꦤ꧀ꦲꦥꦥꦼꦂꦭꦸꦤꦺꦠꦼꦏꦏꦸꦢꦸꦠꦼꦫꦸꦱ꧀ꦩꦼꦚꦁꦏꦩꦂꦧꦲꦺ꧉

꧋ꦩꦼꦁꦏꦺꦴꦒꦺꦏꦾꦠꦸꦒꦶꦫꦃꦠꦼꦤꦤ꧀꧈

꧋ꦧꦼꦕꦶꦏ꧀ꦢꦏ꧀ꦲꦸꦭꦠ꧀ꦤꦺꦱꦶꦁꦠꦼꦤꦤ꧀꧈

꧋ꦩꦺꦩ꧀ꦥꦼꦂꦪꦺꦤ꧀ꦧꦺꦴꦕꦃꦏꦸꦮꦶꦱꦶꦁꦲꦚ꧀ꦗꦸꦥꦸꦏ꧀꧈ ꦩꦤꦮꦧꦲꦺꦠꦧꦼꦠ꧀ꦠꦧꦼꦠ꧀ꦠꦺ

ꦲꦺꦴꦭꦺꦃꦲꦺꦱꦺꦴꦏ꧀ꦔꦸꦠꦶꦭ꧀ꦧꦶꦪꦺꦤ꧀ꦲꦶꦱꦶꦃ꧉ ꦮꦺꦴꦁ​ꦮꦺꦴꦁꦥꦤ꧀ꦠꦶꦥꦝꦭꦶꦪꦤꦺꦮꦶ

ꦱ꧀ꦱꦸꦮꦺꦏꦠꦶꦠꦶꦏ꧀ꦠꦼꦩꦼꦤ꧀ꦠꦼꦩꦼꦤ꧀꧈ ​ꦧꦶꦪꦺꦤ꧀​ꦝꦺꦏ꧀ꦭꦒꦶꦲꦚꦂꦫꦤ꧀ꦪꦱꦺꦴ [ 12 ]ꦏ꧀ꦲꦢꦶꦱꦶꦁꦢꦮꦠꦔꦤ꧀ꦤꦺ꧉​ꦤꦔꦶꦁꦱꦲꦶꦏꦶꦏꦪꦏꦪꦮꦶꦱ꧀ꦥꦝꦒꦼꦊꦩ꧀ꦩꦔꦤ꧀ꦥꦶ

ꦠꦸꦠꦸꦂꦧꦼꦕꦶꦏ꧀꧈​ꦭꦤ꧀ꦪꦥꦝꦔꦼꦂꦠꦶꦪꦺꦤ꧀ꦚꦺꦴꦭꦺꦴꦁꦏꦸꦮꦶꦢꦺꦴꦱ꧉ꦩꦁꦏꦺꦴꦤꦺꦴ

ꦕꦶꦥ꧀ꦠꦤꦺꦢꦺꦤ꧀ꦔꦤ꧀ꦠꦺꦤ꧀ꦩꦁꦏꦸ꧉

---

⁵ ꧋ꦩꦭꦶꦁꦔꦺꦏꦼꦠꦼꦩꦸ꧉

꧋ꦏꦺꦴꦕꦥ꧀ꦥ꧈ ꦧꦉꦔ꧀ꦭꦒꦶꦲꦉꦥ꧀​ꦩ꧀ꦭꦼꦧꦸꦏꦩꦂ꧈ ꦗꦼꦧꦸꦭ꧀ꦥꦶꦂꦱꦲꦤꦧꦺꦴꦕꦃ

ꦛꦼꦔꦸꦏ꧀ꦛꦼꦔꦸꦏ꧀ꦲꦶꦁꦲꦩ꧀ꦧꦺꦤ꧀ꦥꦺꦴꦗꦺꦴꦏ꧀ꦝꦺꦮꦺ꧉ ​ꦢꦺꦤ꧀ꦔꦤ꧀ꦠꦺꦤ꧀ꦩꦁꦏꦸꦲꦺꦴꦫꦥꦔ꧀ꦭꦶꦁ

ꦪꦺꦤ꧀ꦲꦶꦏꦸꦠꦸꦒꦶꦫꦃ꧉ ꦧꦺꦴꦕꦃꦲꦺꦲꦺꦴꦲꦺꦴꦭꦺꦃꦲꦺꦭꦸꦁꦒꦸꦃꦔꦸꦁꦏꦸꦂꦫꦏꦺꦭ

ꦮꦁ꧈ ꦢꦢꦶꦲꦺꦴꦫꦮꦼꦫꦸꦃꦪꦺꦤ꧀ꦲꦶꦁꦧꦸꦫꦶꦤꦺꦲꦤꦱꦶꦁꦩꦶꦂꦱꦤ꧀ꦤꦶ꧉ ꦲꦥꦱꦱꦺꦴꦭꦃ

ꦲꦺꦏꦠꦺꦴꦚ꧀ꦕꦼꦛ꧉ ​ꦪꦔꦤ꧀ꦤꦺꦠꦼꦫꦸꦱ꧀ꦲꦸꦮꦼꦏ꧀ꦧꦲꦺ꧉ ꦢꦶꦧ꧀ꦭꦸꦝꦸꦏ꧀ꦏꦏꦺꦔꦶꦱꦺꦴꦂ

ꦧꦤ꧀ꦠꦭ꧀​ꦢꦶꦢꦸꦢꦸꦠ꧀ꦩꦤꦺꦃ꧈ ꦔꦶꦭꦶꦁꦲꦶꦭꦶꦁꦔꦶꦧꦫꦁꦱꦶꦁꦢꦶꦕꦼꦏꦼꦭ꧀ꦏꦩ꧀ꦧꦶꦩꦤ꧀ꦛꦸꦏ꧀ꦩꦤ꧀ꦛꦸꦏ꧀꧈

ꦩꦁꦏꦺꦴꦤꦺꦴꦔꦤ꧀ꦠꦶꦱꦸꦮꦺ꧉​ ꦢꦺꦤ꧀ꦔꦤ꧀ꦠꦺꦤ꧀ꦩꦁꦏꦸꦠꦼꦫꦁꦧꦔꦼꦠ꧀꧇ꦱꦶꦁꦢꦶꦝꦼꦭꦶꦏ꧀ꦏꦏꦺ

ꦲꦤꦲꦶꦁꦔꦶꦱꦺꦴꦂꦧꦤ꧀ꦠꦭ꧀ꦗꦼꦧꦸꦭ꧀ꦲꦼꦤ꧀ꦝꦺꦴꦒ꧀ꦥꦶꦠꦶꦏ꧀​​ꦧꦺꦴꦭꦃ꧈ ꦱꦸꦮꦺꦭ꧀ꦭꦤ꧀ꦧꦠ

ꦭ꧀​ꦝꦸꦮꦶꦠ꧀ꦧꦺꦁꦒꦺꦴꦭ꧀ꦭꦤ꧀ꦱꦺꦤ꧀ꦱꦺꦤ꧀꧈ ​ꦏꦧꦺꦃꦧꦫꦁꦱꦶꦁꦢꦶꦒꦺꦴꦭꦺꦏ꧀ꦏꦶ꧉

꧋ꦌ꧈ꦌ꧈ꦌ꧈ ꦢꦢꦶꦏꦪꦩꦼꦁꦏꦺꦴꦤꦺꦴ꧉ ꦲꦺꦴꦭꦺꦃꦲꦺꦱꦺꦴꦏ꧀ꦲꦩ꧀ꦧꦼꦤꦏ꧀ꦧꦼꦤꦏ꧀ꦏ

ꦏꦺꦏꦼꦤ꧀ꦝꦶꦠ꧀ꦏꦸꦮꦶꦗꦼꦧꦸꦭ꧀ꦩꦂꦒꦔꦸꦩ꧀ꦥꦼꦠ꧀ꦠꦏꦺꦧꦫꦁꦧꦫꦁꦱꦶꦁꦒꦸꦩ꧀ꦭꦺꦛꦏ꧀꧈ꦭꦤ꧀ꦲꦺꦴ

ꦭꦺꦃꦲꦺꦥꦶꦗꦼꦂꦏꦸꦢꦸꦩ꧀ꦭꦪꦸꦩꦼꦚꦁꦏꦩꦂꦫꦺꦏꦸꦮꦶ꧈ꦩꦂꦒꦢꦸꦮꦺꦱꦶꦩ꧀ꦥꦼꦤ꧀ꦤꦤ꧀ꦏꦪ

ꦔꦺꦴꦤꦺꦴ꧉ꦭꦪꦏ꧀ꦧꦲꦺ..........꧉

꧋ꦎ꧈ꦓꦸꦱ꧀ꦡꦶꦪꦺꦯꦸꦱ꧀​ꦏꦂꦱꦲꦩꦼꦭꦱ꧀ꦱꦶꦲꦸꦒꦶꦝꦸꦩꦠꦼꦁꦠꦸꦒꦶꦫꦃ꧈ ꦱꦸꦥꦢꦺꦴ

ꦱ꧀ꦲꦤ꧀ꦝꦺꦫꦺꦏ꧀ꦢꦢꦺꦴꦱ꧀ꦏꦒꦸꦁꦔꦤ꧀ꦡꦸꦮꦤ꧀꧈

꧋ꦩꦁꦏꦺꦴꦤꦺꦴꦱꦩ꧀ꦧꦠ꧀ꦠꦺꦢꦺꦤ꧀ꦔꦤ꧀ꦠꦺꦤ꧀ꦩꦁꦏꦸꦩꦫꦶꦁꦓꦸꦱ꧀ꦡꦶ꧈ ꦏꦁꦒꦺꦴꦠꦸꦒꦶꦫꦃ꧉

꧋ꦱꦶꦔ꧀ꦭꦒꦶꦏꦱꦼꦁꦱꦼꦩ꧀ꦩꦶꦭꦁꦔꦶꦧꦤ꧀ꦝꦤꦺꦤꦸꦭꦶꦢꦶꦱꦥꦏꦫꦺꦴꦢꦶꦕꦼꦏꦼꦭ꧀ꦥꦸꦤ꧀ꦝꦏ꧀ꦏꦺ꧉

꧇ꦠꦸꦒꦶꦫꦃ꧉

꧋ꦧꦺꦴꦕꦃꦲꦺꦲꦚ꧀ꦗꦼꦁꦒꦶꦫꦠ꧀ꦏꦫꦺꦴꦤꦺꦴꦭꦺꦃ꧉ ꦱꦥꦶꦫꦏꦒꦺꦠ꧀ꦠꦺ꧈​ꦧꦉꦁ​ꦮꦼ [ 13 ]ꦫꦸꦃꦧꦤ꧀ꦢꦫꦤꦺꦮꦶꦱ꧀ꦲꦤꦲꦶꦁꦧꦸꦫꦶꦤꦺ꧉ ꦤꦔꦶꦁ꧈ ꦱꦝꦺꦭꦧꦭꦺꦮꦶꦱ꧀ꦩꦫꦶꦏ

ꦒꦺꦠ꧀꧈ ꦩꦼꦚꦠ꧀ꦤꦠ꧀ꦱ꧀ꦏꦲꦺꦴꦭꦺꦃꦲꦺꦭꦸꦁꦒꦸꦃ꧈ ​ꦏꦫꦺꦴꦩꦺꦱꦺꦩ꧀ꦩꦺꦱꦼꦩ꧀ꦩꦸꦤꦶ꧇

꧇ꦮꦺ꧈ꦈꦫ꧉

꧋ꦤꦔꦶꦁꦢꦶꦁꦢꦶꦲꦗꦏ꧀ꦩꦺꦱꦼꦩ꧀ꦩꦚ꧀ꦕꦼꦉꦁ꧈ ꦏꦫꦺꦴꦔꦤ꧀ꦢꦶꦏ꧇

꧇ꦠꦸꦒꦸꦫꦃ꧈ꦲꦗꦲꦶꦁꦒꦸꦪꦸꦲꦁꦒꦸꦪꦸ꧈ ꦏꦺꦴꦮꦺ꧉ ꦏꦼꦤꦔꦥꦠꦺꦴꦮꦺꦤ꧀ꦲ꧀ꦔꦺ

ꦩꦂꦩꦤꦺꦃ꧉ꦲꦶꦏꦶꦫꦏ꧀ꦢꦸꦫꦸꦔ꧀ꦮꦪꦃꦲꦺꦠꦸꦫꦸ꧉ ꦲꦥꦩꦤꦺꦃ꧈ ꦏꦺꦴꦮꦺꦩꦲꦸꦲ

ꦤ꧀ꦢꦼꦊꦁꦔꦶꦲꦥ꧉

꧇ꦱꦤꦺꦱ꧀ꦥꦸꦤꦥꦥꦸꦤꦥ꧈ꦤ꧀ꦢꦫ꧉

꧇ꦠꦸꦒꦶꦫꦃ꧈ ꦲꦗꦒꦺꦴꦫꦺꦴꦃꦏꦺꦴꦮꦺ꧉ ꦲꦶꦏꦶꦲꦥ꧉

꧋ꦔꦤ꧀ꦢꦶꦏꦩꦁꦏꦺꦴꦤꦺꦴꦏꦫꦺꦴꦲꦩ꧀ꦧꦿꦺꦁꦏꦭ꧀ꦧꦤ꧀ꦠꦭ꧀꧈ ꦩꦺꦃꦔꦲꦺꦲꦼꦤ꧀ꦢꦺꦴꦒ꧀ꦭ

ꦲꦁꦒ꧀ꦭꦸꦤ꧀ꦝꦸꦁ꧉

꧋ꦢꦸꦮꦺꦠ꧀ꦏꦺꦱꦥꦏꦸꦮꦶ꧈ ꦫꦃ꧉ꦲꦲꦥꦢꦸꦮꦺꦏ꧀ꦩꦸ꧉

꧇ꦱꦤꦺꦱ꧀​ꦤ꧀ꦢꦫ꧉

꧇ꦏꦼꦤꦲꦥꦠꦼꦏꦏꦺꦴꦗꦸꦥꦸꦏ꧀꧈ ꦲꦲꦥ꧀ꦏꦼꦠꦒꦶꦃꦲꦔꦼꦧꦸꦒ꧀ꦏꦺꦴꦮꦺ꧉ ꦏꦼꦥꦺ

ꦔꦶꦤ꧀ꦢꦏ꧀ꦥꦱꦿꦃꦲꦏꦺꦥꦸꦭꦶꦱꦶ꧉

꧋ꦏꦿꦸꦔꦸꦩꦁꦏꦺꦴꦤꦺꦴ꧈ꦎ꧈ꦠꦸꦒꦶꦫꦃꦲꦤ꧀ꦝꦸꦝꦼꦒ꧀ꦮꦺꦭ꧀ꦩꦺꦭ꧀ꦭꦤ꧀​ꦱꦼꦝꦼꦏꦸꦲꦼꦝꦼꦏꦸ

ꦏꦫꦺꦴꦩꦠꦸꦂ꧇

꧇ꦎ꧈ꦤ꧀ꦢꦫ꧈ꦚꦸꦮꦸꦤꦔꦥꦸꦤ꧀ꦠꦼꦤ꧀꧈​ꦧꦺꦴꦠꦼꦤ꧀ꦩꦭꦶꦃꦩꦭꦶꦃ꧈ꦏꦸꦭ꧉ ꦏꦥꦺꦴꦏ꧀ꦲꦺ

ꦱ꧀ꦠꦸ꧉ꦱꦩ꧀ꦥꦸꦤ꧀ꦔꦤ꧀ꦠꦺꦴꦱ꧀ꦏꦸꦭꦢꦶꦥꦸꦤ꧀ꦲꦠꦸꦂꦫꦏꦼꦤ꧀ꦥꦸꦭꦶꦱꦶ꧉ ꦲꦝꦸꦃ꧈ꦏꦸꦭꦲꦗꦿꦶꦃ

ꦏꦼꦤ꧀ꦛꦺꦱ꧀ꦱꦶꦥꦸꦤ꧀꧈

꧇ꦠꦸꦒꦶꦫꦃ.............

ꦥꦔꦤ꧀ꦢꦶꦏꦤꦺꦢꦺꦤ꧀ꦔꦤ꧀ꦠꦺꦤ꧀ꦩꦁꦏꦸꦱꦲꦶꦏꦶꦱꦫꦺꦃ꧉

꧇ꦏꦺꦴꦮꦺꦮꦼꦢꦶꦏꦫꦺꦴꦥꦸꦭꦶꦱꦶ꧈ ꦤꦔꦶꦁꦏꦺꦴꦮꦺꦲꦺꦴꦫꦮꦼꦢꦶꦏꦫꦺꦴꦓꦸꦱ꧀ꦡꦶꦄ

ꦭ꧀ꦭꦃꦏꦁꦩꦲꦩꦶꦂꦱ꧉ ​ꦲꦺꦭꦶꦔ꧈ ꦫꦃ꧈ ꦱꦶꦁꦏꦺꦴꦏ꧀ꦭꦏꦺꦴꦤ꧀ꦤꦶꦏꦧꦺꦃꦩꦱ꧀ꦛꦶꦏꦥꦶꦂꦱ [ 14 ]ꦤ꧀ꦤꦤ꧀ꦢꦺꦤꦶꦁꦓꦸꦱ꧀ꦡꦶꦄꦭ꧀ꦭꦃ꧉ ꦎ꧈ꦲꦩ꧀ꦧꦺꦴꦏ꧀ꦏꦭꦶꦁꦏꦭꦶꦁꦔꦤ꧀ꦤꦒꦸꦤꦹꦁꦥꦶꦱꦤ꧀ꦠ꧈ꦲꦩ꧀ꦧꦺꦴꦏ꧀ꦲ

ꦤꦲꦶꦁꦥꦼꦠꦼꦁꦔꦤ꧀​ꦓꦸꦱ꧀ꦡꦶ​ꦫꦏ꧀ꦩꦶꦂꦱ꧉ ꦲꦮꦶꦠ꧀ꦠꦶꦔꦭ꧀ꦭꦓꦸꦱ꧀ꦡꦶꦭꦸꦮꦶꦃꦧꦧ꧀ꦭꦱ꧀꧈ꦏꦺꦴ

ꦮꦺꦲꦤꦲꦶꦁꦏꦺꦤꦺꦮꦶꦱ꧀ꦱꦮꦠꦫꦱꦱꦶ꧉ ꦱꦶꦛꦶꦏ꧀ꦱꦶꦛꦶꦏ꧀ꦮꦶꦱ꧀ꦔꦼꦂꦠꦶꦥꦶꦪꦺꦧꦶꦱ

ꦤꦺꦢꦢꦶꦧꦺꦴꦕꦃꦏꦁꦧꦼꦕꦶꦏ꧀꧈ ꦲꦺꦴꦫꦭꦶꦪ꧈ꦪꦺꦤ꧀ꦏꦺꦴꦮꦺꦲꦤ꧀ꦝꦺꦫꦺꦏ꧀ꦓꦸꦱ꧀ꦡꦶ

ꦪꦺꦯꦸꦱ꧀꧈ ꦦꦚ꧀ꦗꦼꦤꦼꦁꦔꦤ꧀ꦤꦺꦲꦱꦶꦃꦏꦫꦶꦏꦺꦴꦮꦺ꧈ꦤꦔꦶꦁꦲꦺꦴꦫꦏꦂꦱꦢꦶꦝꦺ

ꦫꦺꦏ꧀ꦏꦶ꧈ꦪꦪꦺꦤ꧀ꦲꦶꦝꦶꦃꦭꦏꦸꦉꦒꦼꦢ꧀​ꦒꦼꦊꦩ꧀ꦚꦺꦴꦭꦺꦴꦔ꧀ꦭꦔꦺꦴꦫꦺꦴꦃꦔꦺꦴ

ꦤꦺꦴ꧈ꦏꦺꦴꦮꦺꦫꦏ꧀ꦪꦮꦶꦱ꧀ꦔꦼꦂꦠꦶ꧈ꦠ꧉

꧋ꦲꦏꦺꦃꦥꦶꦠꦸꦠꦸꦂꦫꦺ꧈ ꦔꦤ꧀ꦠꦶꦠꦸꦒꦶꦫꦃꦔꦿꦸꦩꦁꦱꦤ꧀ꦤꦶꦭꦸꦥꦸꦠ꧀ꦠꦺ꧉ ꦧꦫꦁꦔꦺꦕꦺꦴ

ꦭꦺꦴꦁꦔꦤ꧀ꦢꦶꦧꦭꦺꦏ꧀ꦲꦏꦺꦲꦤꦲꦶꦔꦼꦁꦒꦺꦴꦤ꧀ꦤꦺꦝꦺꦮꦺꦝꦺꦮꦺ꧉

꧋ꦲꦶꦁꦏꦩꦂꦏꦺꦴꦤꦺꦴꦲꦺꦴꦫꦲꦤꦮꦺꦴꦁ​ꦭꦶꦪꦤꦺ꧈ ꦏꦗꦧꦢꦺꦤ꧀ꦔꦤ꧀ꦠꦺꦤ꧀ꦩꦁꦏꦸꦭ

ꦤ꧀ꦠꦸꦒꦶꦫꦃ꧉

꧋ꦮꦺꦴꦁ​ꦭꦺꦴꦫꦺꦴꦩꦲꦸꦱꦸꦗꦸꦢ꧀ꦗꦺꦁꦏꦺꦁꦲꦤꦲꦶꦁꦔꦂꦱꦓꦸꦱ꧀ꦡꦶꦏꦁꦥꦤꦫꦏ꧀ꦲꦶꦁꦱ꧀ꦮꦂ

ꦭ꧈ꦭꦤ꧀ꦏꦁꦔꦱꦶꦃꦲꦸꦒꦩꦫꦁꦧꦺꦴꦕꦃꦩꦶꦝ꧀ꦏꦶꦤ꧀ꦲꦶꦏꦸ꧉

---

^6​꧋ꦗꦸꦫꦸꦥꦔꦺꦴꦤ꧀ꦏꦁꦲꦸꦠꦩ꧉

꧋ꦱꦧꦼꦤ꧀ꦧꦼꦔꦶ꧈ ꦧꦸꦧꦂꦩꦔꦤ꧀​ꦮꦺꦴꦁ​ꦮꦺꦴꦁ​ꦲꦶꦁꦥꦤ꧀ꦠꦶꦥꦥꦢꦶꦕꦿꦶꦠꦤ꧀ꦤꦶꦭꦤ꧀ꦢꦶꦱꦶꦢꦶꦢꦲꦺꦴ

ꦤ꧀ꦤꦶꦔꦶꦢꦸꦁ꧉

꧋ꦮꦼꦏ꧀ꦠꦸꦏꦸꦮꦶꦏꦁꦒꦺꦴꦱꦶꦠꦸꦒꦶꦫꦃ꧈ꦮꦃ꧈ꦮꦼꦏ꧀ꦠꦸꦱꦶꦁꦢꦶꦱꦼꦤꦼꦁꦔꦶꦝꦺꦮꦺ꧉

꧋ꦤꦸꦗꦸꦱꦮꦶꦗꦶꦤꦶꦁꦢꦶꦤ꧈ꦢꦺꦤ꧀ꦔꦤ꧀ꦠꦺꦤ꧀ꦩꦁꦏꦸꦚꦿꦶꦠꦏ꧀ꦲꦏꦺꦮꦼꦝꦸꦱ꧀ꦏꦁꦏꦼꦠꦿꦶꦮꦭ꧀ꦭꦤ꧀ꦗꦸ

ꦫꦸꦥꦔꦺꦴꦤ꧀ꦏꦁꦲꦸꦠꦩ꧉

꧋ꦠꦸꦒꦶꦫꦃꦲꦺꦴꦭꦺꦃꦲꦺꦁꦫꦸꦔꦺꦴꦏ꧀ꦲꦏꦺꦔꦤ꧀ꦠꦶꦲꦤ꧀ꦢꦺꦴꦩ꧀​ꦧ꧀ꦭꦺꦴꦁ꧉ꦩꦿꦶꦥ

ꦠ꧀ꦠꦺꦏꦼꦝꦺꦥ꧀ꦠꦶꦱ꧀ꦩꦏ꧀꧈ ꦠꦼꦫꦸꦱ꧀ꦔꦮꦺꦱ꧀ꦱꦏꦺꦱꦱꦺꦴꦭꦶꦃꦲꦺꦏꦁꦕꦿꦶꦠ꧉

꧇ꦲꦤꦮꦼꦝꦸꦱ꧀ꦱꦒꦿꦺꦴꦩ꧀ꦧꦺꦴꦭ꧀​ꦢꦶꦒꦶꦫꦶꦁꦥꦔꦺꦴꦤ꧀ꦤꦺꦩꦼꦚꦁꦥꦥꦤ꧀ꦏꦁꦲꦏꦺꦃꦱꦸ

ꦏꦼꦠ꧀ꦠꦺ꧉ [ 15 ]ꦩꦁꦏꦺꦴꦤꦺꦴꦲꦺꦴꦭꦺꦃꦲꦺꦚꦿꦶꦠꦤ꧀ꦤꦶ꧉

꧇ꦥꦔꦺꦴꦤ꧀ꦩꦲꦸꦒꦸꦩꦠꦶꦧꦔꦼꦠ꧀ꦏꦫꦺꦴꦮꦼꦝꦸꦱ꧀ꦱꦺ꧉ꦲꦺꦴꦫꦭꦺꦫꦺꦤ꧀ꦭꦺꦫꦺꦤ꧀ꦲꦼꦁꦒꦺꦴꦤ꧀ꦤꦺꦔꦮꦠ꧀ꦲꦮꦠ꧀ꦠꦶ꧉​​ꦠꦼꦂꦏꦝꦁꦩ꧀ꦭꦏꦸꦲꦤꦲꦶꦁꦔꦉꦥ꧀​ꦠꦼꦂꦏꦝꦁꦤꦺꦁꦧꦸꦫꦶ꧈​ꦱꦺꦴꦏ꧀ꦱꦺꦴꦏ꧀ꦪꦲꦤꦲꦶꦁꦔꦶꦫꦶꦁꦔꦤ꧀꧈​ꦱꦗꦏ꧀ꦏꦲꦺꦴꦫꦲꦺꦠꦸꦁꦱꦪꦃꦲꦺꦴꦫ ꦧꦫꦁ꧉ꦲꦁꦒꦼꦂꦲꦤꦮꦼꦝꦸꦱ꧀ꦱꦶꦗꦶꦧꦲꦺꦏꦁꦲꦺꦴꦫꦲꦩ꧀ꦧꦉꦁꦔꦶꦭꦏꦸꦤꦺꦏꦚ꧀ꦕ ꦤꦺ꧈ꦲꦸꦠꦮꦱ꧀ꦭꦺꦮꦺꦁꦔꦤ꧀​​​ꦲꦺꦁꦒꦭ꧀ꦲꦺꦁꦒꦭ꧀ꦢꦶꦒꦶꦫꦶꦁꦔꦤ꧀ꦠꦶꦧꦶꦱꦩꦼꦠꦸꦢꦭꦤ꧀ꦱꦶꦁꦧꦼꦤꦼꦂꦩꦤꦺꦃ꧉ꦪꦺꦤ꧀ꦱꦗꦏ꧀ꦏꦮꦼꦝꦸꦱ꧀ꦱꦺꦲꦉꦥ꧀ꦤꦼꦩꦸꦧꦧꦪ꧈ꦢꦶꦲꦶꦤ꧀ꦝꦶꦏ꧀ꦏꦺ ꦮꦤ꧀ꦒꦭꦏ꧀ꦲꦸꦥꦩꦤꦺ꧈ꦩꦱ꧀ꦛꦶꦲꦺꦁꦒꦭ꧀ꦲꦺꦁꦒꦭ꧀ꦢꦶꦕꦼꦝꦏ꧀ꦏꦶ꧈ꦔꦤ꧀ꦠꦶꦲꦺꦴꦫꦱꦶꦢꦢꦶꦩꦺꦴꦁꦱꦏꦺꦮꦤ꧀ꦒꦭꦏ꧀꧈

꧋ꦮꦃ꧈ꦕꦼꦏꦏ꧀ꦏꦺ꧈ꦥꦔꦺꦴꦤ꧀ꦩꦲꦸꦒꦸꦩꦠꦶꦧꦔꦼꦠ꧀꧈

꧋ꦮꦼꦝꦸꦱ꧀ꦮꦼꦝꦸꦱ꧀ꦱꦺꦪꦥꦝꦤꦶꦠꦺꦤ꧀ꦤꦶ꧉​ꦱꦶꦁꦢꦶꦲꦸꦭꦠ꧀ꦠꦏꦺꦲꦺꦴꦫꦭꦶꦪꦪꦩꦸꦁ꧇

ꦩꦼꦚꦔꦼꦤ꧀ꦢꦶꦥꦫꦤ꧀ꦤꦺꦥꦔꦺꦴꦔꦺꦴꦤ꧀ꦤꦺ꧉

꧇ꦥꦝꦔꦼꦂꦠꦶ꧈ꦪꦺꦤ꧀ꦠꦼꦫꦸꦱ꧀ꦩꦤꦸꦠ꧀ꦥꦔꦺꦴꦤ꧀ꦤꦺ꧈ꦲꦺꦴꦫꦧꦏꦭ꧀ꦏꦥꦶꦂꦫꦤ꧀ꦲꦸꦠꦮ

ꦏꦕꦶꦭꦏꦤ꧀꧈

꧋ꦲꦺꦩꦤ꧀ꦤꦺꦲꦺꦴꦫꦏꦧꦺꦃꦱꦶꦁꦢꦸꦮꦺꦒꦒꦱ꧀ꦱꦤ꧀ꦩꦁꦏꦺꦴꦤꦺꦴ꧈ꦱꦺꦴꦏ꧀ꦲꦤꦲꦸꦒꦱꦶꦁꦤꦠꦭ꧀꧈ꦏꦼꦥꦺꦔꦶꦤ꧀ꦲꦁꦒꦸꦒꦸꦏꦉꦥ꧀ꦥꦺꦝꦺꦮꦺ꧈ꦩꦶꦭꦶꦃꦢꦭꦤ꧀ꦝꦺꦮꦺ꧈ꦧꦶꦱꦱ꧀ꦭꦺꦮꦺꦁꦔꦤ꧀​​ꦥꦼꦂꦭꦸꦤꦺꦪꦺꦤ꧀ꦲꦉꦥ꧀ꦲꦥꦲꦥ꧈ꦲꦺꦴꦫꦲꦤꦱꦶꦁ​ꦔꦺꦭꦶꦏ꧀ꦏꦏꦺ꧉

꧋ꦏꦃ꧈ꦪꦺꦤ꧀ꦏꦺꦴꦤꦁꦔꦤ꧀ꦥꦔꦺꦴꦤ꧀ꦤꦺ꧈ꦲꦺꦁꦒꦭ꧀ꦢꦶꦕꦤ꧀ꦝꦼꦠ꧀ꦏꦏꦉꦥ꧀ꦥꦤ꧀ꦤꦱꦶꦁꦲꦺꦴ

ꦫꦧꦼꦕꦶꦏ꧀ꦩꦲꦸ꧉

꧋ꦏꦕꦫꦶꦠ꧈ꦲꦤꦕꦼꦩ꧀ꦥꦺꦱꦶꦁꦤꦏꦭ꧀ꦩꦁꦏꦺꦴꦤꦺꦴ꧉ꦒꦒꦱ꧀ꦱꦤꦺ꧇

ꦄꦃ꧈ꦲꦏꦸꦏꦼꦥꦺꦔꦶꦤ꧀ꦠꦼꦩꦼꦤ꧀​​ꦩ꧀ꦭꦪꦸꦩ꧀ꦭꦪꦸꦢꦸꦫꦸꦠ꧀ꦠꦶꦱꦱꦼꦤꦼꦁꦏꦸ꧈ꦲꦺꦴꦫꦱꦸꦱꦃ

ꦲꦩ꧀ꦧꦉꦁꦔꦶꦏꦚ꧀ꦕꦏꦸ꧈ꦭꦤ꧀ꦲꦺꦴꦫꦱꦃꦏꦶꦏꦶꦤ꧀ꦛꦶꦭ꧀ꦥꦔꦺꦴꦤ꧀꧈​ꦲꦏꦸꦲꦺꦴꦫ

ꦱꦼꦤꦼꦁꦠꦼꦩꦼꦤ꧀​ꦥꦶꦗꦼꦂꦢꦶꦲꦺꦭꦶꦏ꧀ꦲꦺꦭꦶꦏ꧀ꦏꦏꦺꦧꦲꦺ꧉ꦲꦏꦸꦏꦼꦥꦺꦔꦶꦤ꧀ [ 16 ]ꦩ꧀ꦭꦚ꧀ꦕꦺꦴꦁꦱꦶꦁꦲꦢꦺꦴꦃ꧈ꦒꦺꦴꦭꦺꦏ꧀ꦱꦸꦏꦼꦠ꧀ꦱꦶꦁ​ꦭꦸꦮꦶꦃꦲꦺꦤꦏ꧀꧈ꦮꦃ꧈ꦲꦶꦧ

ꦱꦼꦤꦼꦁꦔꦺꦧꦶꦱꦱꦏꦉꦥ꧀ꦏꦉꦥ꧀꧈......

꧋ꦢꦸꦮꦺꦒꦒꦱ꧀ꦱꦤ꧀ꦩꦁꦏꦺꦴꦤꦺꦴ꧈ꦧꦚ꧀ꦗꦸꦂꦩꦏ꧀​ꦗꦿꦤ꧀ꦛꦭ꧀​​ꦚꦶꦩ꧀ꦥꦁꦢꦭꦤ꧀꧈

ꦥꦼꦚ꧀ꦕꦺꦴꦭꦺꦴꦠ꧀ꦠꦤ꧀​​ꦗꦼꦁꦏꦼꦭꦶꦠ꧀ꦠꦤ꧀​​ꦲꦺꦴꦫꦲꦺꦠꦸꦁꦏꦶꦮꦠꦼꦔꦼꦤ꧀​ꦭꦤ꧀ꦲꦺꦴ​ꦫꦔꦿꦺꦮꦺꦱ꧀ꦢꦶꦕꦼꦭꦸꦏ꧀ꦏꦶꦥꦔꦺꦴꦤ꧀ꦤꦺ꧉

꧇ꦌ꧈ꦱꦶꦏ꧀​ꦩꦶꦏ꧀​​ꦲꦗꦲꦢꦺꦴꦃ​ꦲꦢꦺꦴꦃ​ꦏꦫꦺꦴꦲꦏꦸ꧉ꦩꦼꦁꦏꦺꦴꦏꦼꦱꦱꦂ꧈

ꦭꦺꦴ꧈ꦏꦺꦴꦮꦺ꧉ꦲꦸꦠꦮꦪꦺꦤ꧀ꦲꦢꦠꦺꦥꦤ꧀ꦒꦭꦏ꧀꧈..........

꧋ꦤꦔꦶꦁ​ꦮꦼꦝꦸꦱ꧀ꦏꦸꦩꦶꦤ꧀ꦠꦼꦂꦩꦲꦸꦩꦁꦱꦸꦭ꧀ꦭꦶ꧇

꧇ꦲꦼꦩ꧀ꦧꦺꦏ꧀ꦲꦼꦁꦩ꧀ꦧꦺꦏ꧀꧈

꧋ꦠꦼꦒꦼꦱ꧀ꦱꦺ꧇

꧇ꦲꦼꦩ꧀ꦧꦸꦃ꧈ꦲꦼꦩ꧀ꦧꦸꦃ꧈ꦲꦉꦥ꧀ꦱꦼꦤꦼꦁꦱꦼꦤꦼꦁ꧉

ꦤꦼꦫꦸꦱ꧀ꦱꦏꦺꦲꦺꦴꦭꦺꦃꦲꦺꦥꦼꦚ꧀ꦕꦺꦴꦭꦶꦠ꧀ꦠꦤ꧀

꧋ꦭꦏꦸꦤꦺꦱꦪꦲꦢꦺꦴꦃꦏꦫꦶꦲꦺꦴꦲꦔꦺꦴꦤ꧀ꦤꦺ꧈

ꦪꦲꦶꦱꦶꦃꦔꦿꦸꦔꦸꦤꦶꦕꦼꦭꦸꦏ꧀ꦏꦶ꧇​ꦲꦼꦩ꧀ꦧꦏ꧀ꦲꦼꦩ꧀ꦧꦺꦏ꧀꧈​ꦤꦔꦶꦁꦲꦺꦴꦫꦩꦼꦂꦢꦸꦭꦶ꧈​ꦔꦤ꧀ꦠꦶ

ꦲꦺꦴꦫꦫꦏꦺꦥꦿꦸꦔꦸꦩꦤꦺꦃꦱ꧀ꦮꦫꦤꦺꦥꦔꦺꦴꦤ꧀ꦏꦁꦠꦼꦫꦸꦱ꧀ꦲꦸꦤ꧀ꦢꦔꦸꦤ꧀ꦢꦁ꧉

ꦭꦃ꧈ꦫꦏ꧀ꦪꦔꦺꦤꦺ꧈ꦧꦶꦱꦱꦼꦤꦼꦁꦠꦼꦤꦤ꧀ꦲꦏꦸ꧉

꧋ꦩꦁꦏꦺꦴꦤꦺꦴꦒꦒꦱ꧀ꦱꦤ꧀ꦤꦺꦱꦶꦕꦼꦩ꧀ꦥꦺ꧉​ꦲꦤ꧀ꦢꦼꦊꦁꦔꦶꦮꦤꦼꦔꦼꦤ꧀​ꦮꦃ꧈​ꦱꦂꦮꦧꦼ

ꦢꦼꦔꦏꦺ꧉​ꦲꦺꦴꦫꦏꦸꦫꦁꦱꦸꦏꦼꦠ꧀ꦱꦶꦊꦝꦸꦁ​ꦊꦮꦸꦁ꧈ꦠꦂꦏꦝꦁ​ꦲꦺꦤꦏ꧀ꦏꦺꦔ꧀ꦭꦸꦮꦶꦃꦲꦶꦱꦶꦁ

ꦲꦸꦮꦶꦱ꧀ꦲꦸꦮꦶꦱ꧀꧈

꧋ꦱꦶꦮꦼꦝꦸꦱ꧀ꦧꦧꦂꦥꦶꦱꦤ꧀ꦲꦺꦴꦫꦒꦒꦱ꧀ꦱꦤ꧀ꦲꦉꦥ꧀ꦩꦭꦶꦃ꧉ꦏꦼꦱꦼꦤꦼꦁꦔꦼꦤ꧀​ꦩ꧀ꦭꦏꦸ

ꦩꦿꦤꦩꦿꦤ꧉​ꦮꦼꦫꦸꦃꦗꦼꦧꦸꦭ꧀ꦮꦶꦱ꧀ꦥꦼꦠꦼꦁ꧉

꧋ꦭꦃ꧈ꦱꦲꦶꦏꦶꦫꦢꦝꦼꦒ꧀ꦝꦼꦒ꧀ꦒꦤ꧀꧈​ꦢꦭꦤ꧀ꦤꦺꦢꦸꦫꦸꦁꦲꦥꦭ꧀​ꦢꦢꦶꦲꦤꦗꦸꦫꦁꦲꦸ

ꦠꦮꦲꦺꦴꦫ꧈ꦲꦺꦴꦫꦔꦼꦂꦠꦶ꧉ꦠꦩ꧀ꦧꦃꦠꦩ꧀ꦧꦃ꧈ꦲꦺꦴꦫꦲꦢꦺꦴꦃꦱꦏꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴꦏꦿꦸꦔꦸꦱ꧀ꦮꦫꦤꦺꦲꦺꦮꦤ꧀ꦒꦭꦏ꧀ꦥꦠꦶꦁꦒ꧀ꦊꦫꦺꦴ꧉ [ 17 ]꧋ꦮꦃ꧈ꦱꦪꦲꦺꦴꦭꦺꦃꦲꦺꦩꦼꦁꦏꦶꦫꦶꦒ꧀ꦒꦶꦛꦺꦴꦏ꧀ꦏꦺ꧉

꧋ꦲꦶꦁꦱꦗꦿꦺꦴꦤꦶꦁꦲꦠꦶꦒꦼꦠꦸꦤ꧀ꦧꦔꦼꦠ꧀​​​​ꦢꦺꦤꦺꦲꦺꦴꦫꦲꦮꦺꦴꦂꦥꦔꦺꦴꦤ꧀ꦭꦤ꧀ꦏꦚ꧀ꦕꦤꦺ꧉​ꦲꦉꦥ꧀ꦧꦭꦶꦲꦺꦴꦫꦮꦼꦫꦸꦃꦢꦭꦤ꧀ꦤꦺ꧈​ꦲꦉꦥ꧀ꦠꦼꦫꦸꦱ꧀​​ꦩꦼꦁꦏꦺꦴꦒꦺꦏ꧀ꦏꦺꦴꦤꦺꦴꦢꦶꦕꦼꦒꦠ꧀ꦏꦺꦮꦤ꧀ꦒꦭꦏ꧀꧈​ꦧꦶꦱꦲꦤꦔꦶꦱ꧀ꦩꦺꦴꦤꦺꦴ꧈ꦲꦪꦏ꧀ꦏꦺꦪꦤꦔꦶꦁꦱ꧀꧈

꧋ꦒꦶꦛꦺꦴꦏ꧀ꦏꦺꦠꦼꦫꦸꦱ꧀ꦥꦼꦁꦏꦶꦫꦒ꧀ꦥꦼꦁꦏꦶꦫꦶꦒ꧀꧈

꧋ꦮꦼꦫꦸꦃꦏꦺꦴꦤꦁꦏꦼꦭꦶꦥ꧀ꦏꦼꦭꦶꦥ꧀ꦧꦲꦺꦪ.....ꦠꦿꦠꦧ꧀꧈

꧋ꦏꦿꦸꦔꦸꦩꦏ꧀​ꦏꦿꦸꦱꦼꦏ꧀​​ꦪ​........ꦠꦿꦠꦧ꧀꧈

꧇ꦈ꧈ꦲꦏꦸꦩꦲꦸꦲꦁꦒꦸꦒꦸꦮꦏꦫꦺꦴꦥꦔꦺꦴꦤ꧀ꦏꦤ꧀ꦭꦤ꧀ꦏꦺꦴꦚ꧀ꦕꦏꦚ꧀ꦕꦏꦸ꧈​ꦮꦶꦱ꧀ꦧꦱ

ꦲꦺꦤꦏ꧀ꦲꦺꦤꦏ꧀ꦠꦸꦫꦸꦲꦤꦲꦶꦁꦏꦤ꧀ꦝꦁ꧉ꦱꦲꦶꦏꦶ................꧉

꧋ꦢꦸꦩꦢꦏ꧀ꦏꦤ꧀​ꦭꦒꦶꦲꦚ꧀ꦗꦁꦏꦃ꧈ꦩꦏ꧀​​ꦥ꧀ꦭꦺꦠꦿꦺ꧈ꦏꦼꦥ꧀ꦭꦺꦱꦺꦢ꧀​ꦧ

ꦚ꧀ꦗꦸꦂ꧇ꦒ꧀ꦭꦸꦤ꧀ꦝꦸꦁ꧈ꦒ꧀ꦭꦸꦤ꧀ꦝꦸꦁ꧈ꦒꦼꦤ꧀ꦠꦺꦪꦺꦴꦁ꧈ꦠꦶꦧ꧇ꦧꦺꦴꦏ꧀.................꧈

꧋ꦱꦩ꧀ꦧꦠ꧀ꦠꦺꦕꦼꦩ꧀ꦥꦺ꧇

꧇ꦲꦝꦸꦃ꧈ꦭꦫꦠꦼꦩꦼꦤ꧀ꦲꦮꦏ꧀ꦏꦸ꧉

꧋ꦲꦁꦒꦼꦂ​ꦲꦉꦥ꧀ꦔꦢꦼꦒ꧀​​ꦧꦽꦒ꧀​ꦠꦸꦧ꧉

꧋ꦱꦸꦗꦸꦏ꧀ꦏꦺꦗꦼꦧꦸꦭ꧀ꦥꦸꦠꦸꦁ꧉

꧇ꦲꦼꦩ꧀ꦧꦺꦏ꧀​ꦲꦼꦩ꧀ꦧꦺꦏ꧀​ꦠꦸꦭꦸꦁ꧈ꦠꦸꦭꦸꦁ..........꧉

꧇ꦎ꧈​ꦲꦏꦸꦩꦤꦸꦠ꧀ꦠ꧈ꦫꦏ꧀ꦲꦺꦴꦭꦪꦔꦺꦤꦺ꧉

_________

7 ꧋ꦠꦸꦠꦸꦒ꧀ꦒꦺꦗꦸꦫꦸꦥꦔꦺꦴꦤ꧀ꦏꦁꦲꦸꦠꦩ

꧋ꦱꦶꦮꦼꦝꦸꦱ꧀ꦩꦼꦩꦼꦭꦱ꧀ꦩꦲꦸꦩꦸꦁꦲꦃꦢꦼꦏꦼꦩ꧀ꦧꦲꦺꦲꦤꦲꦶꦁꦗꦸꦫꦁꦏꦁꦗꦼꦫꦺꦴꦭꦤ꧀ꦥꦼꦠꦼꦁ꧉ꦥꦔꦉꦥ꧀ꦲꦉꦥ꧀ꦧꦏꦭ꧀ꦠꦠꦸꦭꦸꦁꦔꦤ꧀ꦮꦶꦱ꧀ꦲꦺꦴꦫꦢꦸꦮꦺ꧉​ꦲꦺꦴꦭꦺꦃ​ꦲꦺꦱꦱꦩ꧀ꦧꦠ꧀ꦮꦶꦱ꧀ꦲꦺꦴꦫꦧꦶꦱꦱꦼꦫꦸ꧉​ꦒꦸꦭꦸꦤꦺ꧈ꦏꦭꦏꦭꦩꦸꦁꦁꦔꦿꦶꦤ꧀ꦠꦶꦃ꧈ꦎ꧈ꦒꦼ​ꦩ꧀ꦧꦿꦠ꧀ꦒꦼꦩ꧀ꦧꦿꦺꦠ꧀ꦏꦪꦩꦱ꧀ꦠꦶꦠꦤ꧀ꦥꦒꦸꦤ꧈​ꦱꦥꦱꦶꦁꦧꦏꦭ꧀​ꦏꦿꦸꦔꦸꦏꦤ꧀ꦤꦸꦭꦸꦔꦶ꧉ꦥꦔꦺꦴꦤ꧀ꦤꦺꦒꦼꦤꦃꦮꦶꦱ꧀ꦲꦢꦺꦴꦃꦩꦁꦏꦺꦴꦤꦺꦴ꧉ꦏꦺꦴꦚ꧀ꦕꦏꦚ꧀ꦕꦤꦺꦩꦱ꧀ꦛꦶꦏꦺꦮꦶꦱ꧀ [ 18 ]ꦝꦔꦤ꧀ꦝꦁ꧉​ꦩꦸꦁꦏꦫꦶꦲꦮꦏ꧀ꦏꦺꦝꦺꦮꦺ꧈ꦠꦤ꧀ꦥꦏꦺꦴꦤ꧀ꦝꦠꦤ꧀ꦥꦏꦤ꧀ꦛꦶ꧈ꦤꦤ꧀ꦝꦁ​​ꦭ

ꦫꦭꦤ꧀ꦱꦼꦝꦶꦃ꧈​ꦱꦥꦏꦩꦶꦏꦶꦂꦩꦫꦔ꧀ꦮꦼꦝꦸꦱ꧀ꦏꦁꦲꦺꦴꦫꦲꦩ꧀ꦧꦔꦸꦤ꧀ꦠꦫꦸꦠ꧀ꦔꦺꦴꦤꦺꦴ꧉ꦩꦼ

ꦱ꧀ꦛꦶꦤꦺꦲꦺꦴꦫꦲꦤ꧉

꧋ꦲꦥꦲꦺꦴꦫꦲꦶꦱꦶꦃꦲꦏꦺꦃꦮꦼꦝꦸꦱ꧀ꦭꦶꦪꦤꦺꦏꦁꦩꦤꦶꦱ꧀ꦭꦤ꧀ꦩꦤꦸꦠ꧀ꦩꦤꦸꦠ꧀꧈

꧋ꦲꦥꦥꦼꦂꦭꦸꦤꦺꦲꦁꦒꦼꦠꦸꦤ꧀ꦤꦶꦭꦤ꧀ꦲꦁꦒꦺꦴꦭꦺꦏ꧀ꦏꦶꦕꦼꦩ꧀ꦥꦺꦱꦶꦗꦶ꧈ꦠꦸꦂꦤꦏꦪ꧀ꦔꦺꦴ

ꦤꦺꦴ꧉

꧋ꦌ꧈ꦕꦼꦩ꧀ꦥꦺꦩꦸꦂꦝꦭ꧀​ꦱꦏꦥꦔꦶꦫꦩꦸꦲꦺꦴꦫꦲꦤꦱꦶꦁꦤꦸꦱꦸꦃꦲꦏꦺꦏꦺꦴꦮꦺ꧈

꧋ꦱꦥꦏꦲꦺꦱꦶꦁꦤ꧀ꦭꦸꦱꦸꦥ꧀​ꦤ꧀ꦭꦸꦱꦸꦥ꧀​​ꦱꦏꦥꦔꦶꦫꦩꦸꦲꦺꦴꦫꦲꦤꦱꦶꦁꦤꦸꦱꦃ​ꦲꦏꦺꦏꦺꦴꦮꦺ꧉

꧋ꦱꦥꦏꦲꦺꦱꦶꦁꦕꦼꦭꦸꦏ꧀ꦕꦼꦭꦸꦏ꧀ꦔꦁꦒꦺꦴꦱ꧀ꦮꦫꦏꦁꦩꦤꦶꦱ꧀​​ꦲꦼꦩꦶꦏ꧀​​ꦲꦼꦩꦶꦏ꧀​ꦕꦼ

ꦩ꧀ꦥꦺꦏꦸ꧈ꦏꦺꦴꦮꦺꦲꦤꦔꦺꦤ꧀ꦢꦶ꧉

꧋ꦲꦥꦢꦸꦢꦸꦥꦔꦺꦴꦤ꧀ꦩꦸꦏꦔ꧀ꦮꦶꦱ꧀ꦏꦺꦴꦠꦶꦁꦒꦭ꧀꧈

꧇ꦲꦼꦩꦶꦏ꧀​​ꦲꦼꦩꦶꦏ꧀​ꦏꦶꦫꦤꦺꦏꦺꦴꦮꦺꦤꦼꦩꦸꦱꦁꦱꦫ꧉​​ꦲꦏꦸꦠꦼꦏ꧈ꦲꦉꦥ꧀ꦤꦸ

ꦭꦸꦁꦔꦶ꧈.......

꧋ꦱꦶꦔꦤꦱꦗꦿꦺꦴꦤꦶꦁꦗꦸꦫꦁꦲꦺꦴꦫꦥꦔ꧀ꦭꦶꦁ꧈ꦪꦺꦤ꧀ꦲꦶꦏꦸꦱ꧀ꦮꦫꦤꦺꦥꦁꦔꦺꦴꦤ꧀ꦤꦺ꧉​ꦲꦮꦏ꧀ꦏꦺꦧꦼꦤꦼꦂꦮꦶꦱ꧀ꦭꦸꦁꦏꦿꦃꦧꦔꦼꦠ꧀​​ꦱ꧀ꦮꦫꦤꦺꦧꦼꦤꦼꦂꦮꦶꦱ꧀ꦱꦼꦉꦠ꧀​​ꦤꦔꦶꦁ​ꦧꦉꦁꦔꦼꦂꦠꦶꦧꦏꦭ꧀ꦲꦤꦥꦶꦠꦸꦭꦸꦁꦔꦤ꧀​​ꦏꦿꦱꦫꦢꦲꦩ꧀ꦧꦽꦒꦺꦁꦒꦺꦁꦩꦤꦺꦃ꧈ꦧꦚ꧀ꦗꦸꦂꦚꦸ​ꦮꦫ

꧇ꦲꦼꦩ꧀ꦧꦺꦏ꧀​​ꦲꦼꦩ꧀ꦧꦺꦏ꧀꧈

꧋ꦲꦗꦲꦥꦸꦠꦸꦁꦱꦶꦏꦶꦭ꧀ꦭꦺꦩꦱ꧀ꦛꦶꦩꦫꦤ꧀ꦤꦶꦥꦔꦺꦴꦤ꧀ꦤꦺ꧈​ꦤꦔꦶꦁꦲꦺꦩꦤ꧀ꦧꦔꦼꦠ꧀​ꦱꦲꦶꦏꦶꦲꦺꦴꦫꦧꦶꦱ꧉​ꦭꦒꦶꦏꦁꦒꦺꦴꦲꦺꦴꦧꦃꦧꦲꦺ꧈ꦱꦶꦏꦶꦭ꧀ꦭꦺꦮꦶꦱ꧀ꦏꦿꦱꦭꦫꦧꦔꦼꦠ꧀​​ꦲꦗꦩꦤꦺꦃꦏꦁꦒꦺꦴꦏꦛꦺꦏꦺꦭ꧀ꦭꦤ꧀ꦩꦤꦺꦏ꧀꧈ꦩꦸꦭꦩꦸꦁ​ꦲꦼꦧꦏ꧀ꦲꦼꦩ꧀ꦧꦺꦏ꧀꧉​ꦱꦸꦥꦪꦥꦔꦺꦴꦤ꧀ꦤꦺꦔꦼꦂꦠꦶ​ꦲꦤ​ꦔꦼꦤ꧀ꦢꦶꦲꦺꦴꦭꦺꦃꦲꦺꦏꦕꦶꦭꦏꦤ꧀

꧋ꦱꦝꦺꦭꦧꦲꦺꦮꦶꦱ꧀ꦏꦼꦠꦼꦩꦸ꧉ [ 19 ]꧋ꦱꦤꦗꦤ꧀ꦗꦸꦫꦁꦔꦺꦗꦼꦫꦺꦴꦭꦤ꧀ꦚꦩꦂꦫꦶꦧꦔꦼꦠ꧀ ꦲꦺꦮꦢꦺꦤꦺꦲꦺꦴꦫꦢꦶꦥꦶꦏꦶꦂ꧉ ꦱꦪꦃꦲꦺꦴꦫꦏꦲꦺꦠꦸꦁ꧉ ꦱꦶꦁꦢꦶꦥꦤ꧀ꦢꦁꦩꦸꦁꦕꦼꦩ꧀ꦥꦺꦤꦺ꧈ꦏꦁꦩꦲꦸꦤꦺꦏꦠꦿꦶꦮꦭ꧀ ꦱꦲꦶꦏꦶꦏꦼꦠꦼꦩꦸꦩꦤꦺꦃ꧉ ꧋ꦏ꧀ꦭꦮꦤ꧀ꦉꦏꦱꦥꦔꦺꦴꦤ꧀ꦩꦲꦸꦧꦶꦱꦩꦸꦝꦸꦤ꧀ꦲꦶꦁꦗꦸꦫꦁ꧉ ꦮꦼꦝꦸꦱ꧀ꦱꦺꦢꦶꦲꦶꦭꦁꦔꦶ꧈ ꦤꦸꦭꦶꦢꦶꦗꦸꦚ꧀ꦗꦸꦂꦏꦤ꧀ꦛꦶꦔꦠꦶꦲꦠꦶꦧꦔꦼꦠ꧀ ꦢꦶꦥꦁꦒꦸꦭ꧀ꦭꦤ꧀ꦢꦶꦲꦼꦤ꧀ꦠꦱ꧀ꦱꦏꦺꦱꦏꦗꦸꦫꦁ꧈ ꦧꦚ꧀ꦗꦸꦂꦢꦶꦒꦮꦩꦸꦭꦶꦃ꧉ ꦲꦥꦩꦤꦺꦃꦢꦶꦫꦸꦩꦠ꧀ꦠꦶꦮꦫꦱ꧀ꦧꦧꦂꦥꦶꦱꦤ꧀꧈

꧋ꦏꦠꦽꦱ꧀ꦤꦤ꧀ꦤꦺꦗꦸꦫꦸꦥꦔꦺꦴꦤ꧀ꦩꦫꦁꦕꦼꦩ꧀ꦥꦺꦤꦺꦲꦺꦴꦫꦲꦺꦴꦮꦃ꧈ꦱꦤꦗꦤ꧀ꦩꦼꦤ꧀ꦠꦱ꧀ꦢꦶꦤꦏꦭ꧀ꦭꦶ꧉

꧋ꦠꦸꦩꦿꦥ꧀ꦱꦶꦕꦼꦩ꧀ꦥꦺꦝꦺꦮꦺꦏꦥꦿꦶꦪꦺ꧉

꧋ꦮꦶꦱ꧀ꦩꦱ꧀ꦛꦶꦫꦸꦩꦺꦴꦁꦱꦏꦼꦢꦸꦮꦸꦁꦧꦔꦼꦠ꧀ ꦢꦺꦤꦺꦒꦱꦸꦱꦃꦲꦺꦥꦔꦺꦴꦤ꧀꧈ ꦭꦤ꧀ꦩꦱ꧀ꦛꦶꦤꦺꦲꦺꦴꦫꦧꦏꦭ꧀ꦩꦤꦺꦃꦩꦤꦺꦃ꧉

꧋ꦩꦁꦏꦺꦴꦤꦺꦴꦕꦿꦶꦠꦤꦺꦗꦸꦫꦸꦥꦔꦺꦴꦤ꧀ꦏꦁꦲꦸꦠꦩ꧈ꦭꦤ꧀ꦮꦼꦝꦸꦱ꧀ꦏꦁꦤꦏꦭ꧀꧈

꧋ꦗꦸꦫꦸꦥꦔꦺꦴꦤ꧀ꦏꦁꦲꦸꦠꦩ꧈ ꦪꦲꦶꦏꦸꦓꦸꦱ꧀ꦡꦶꦪꦺꦯꦸꦱ꧀꧈ ꦭꦤ꧀ꦲꦏꦸꦥꦝꦢꦢꦶꦮꦼꦝꦸꦱ꧀ꦱꦺꦏꦁꦧꦔꦼꦠ꧀ꦢꦶꦠꦽꦱ꧀ꦤꦤ꧀ꦤꦶ꧉

꧇ꦮꦃ꧈ꦩꦤꦮꦶꦩꦏꦠꦼꦤ꧀ ꦏꦸꦭꦧꦺꦴꦠꦼꦤ꧀ꦧꦝꦺꦤꦶꦭꦂꦓꦸꦱ꧀ꦡꦶꦪꦺꦯꦸꦱ꧀ ꦏꦢꦺꦴꦱ꧀ꦕꦼꦩ꧀ꦥꦺꦮꦲꦸ꧈ꦤ꧀ꦢꦫ꧉

꧋ꦢꦺꦤ꧀ꦔꦤ꧀ꦠꦺꦤ꧀ꦩꦁꦏꦸꦲꦺꦴꦫꦲꦤ꧀ꦢꦸꦏꦤ꧀ꦤꦶꦠꦸꦒꦶꦫꦃ꧈ ꦏꦁꦮꦤꦶꦮꦤꦶꦚꦼꦭꦚꦼꦭꦲꦠꦸꦁꦂꦩꦁꦏꦺꦴꦤꦺꦴ꧉ ꦩꦭꦃꦩꦺꦱꦼꦩ꧀ꦏꦩ꧀ꦧꦶꦔꦤ꧀ꦢꦶꦏ꧇

꧇ꦥꦝꦠꦤ꧀ꦱꦃꦚꦸꦚꦸꦮꦸꦤ꧀ꦤꦧꦲꦺ꧈ ꦱꦸꦥꦪꦧꦶꦱꦢꦢꦶꦮꦼꦝꦸꦱ꧀ꦏꦁꦩꦤꦸꦠ꧀꧈

________

8 ꧋ꦚꦶꦩ꧀ꦥꦁꦢꦭꦤ꧀꧈

꧋ꦮꦪꦃꦲꦺꦱꦸꦏ꧀ ꦏꦶꦫꦏꦶꦫꦗꦩ꧀ꦱꦼꦥꦸꦭꦸꦃ꧈ ꦠꦸꦒꦶꦫꦃꦛꦼꦛꦼꦔꦸꦏ꧀ꦲꦤꦲꦶꦁꦲꦺꦩ꧀ꦥꦺꦂꦧꦸꦫꦶꦏꦫꦺꦴꦠꦶꦱꦶꦏ꧀ꦠꦶꦱꦶꦏ꧀ꦭꦤ꧀ꦲꦚ꧀ꦗꦶꦛꦼꦏ꧀ꦠꦶꦱꦤ꧀ꦝꦁꦔꦤ꧀ꦏꦁꦥꦝꦱꦸꦮꦺꦴꦏ꧀꧈

꧋ꦠꦸꦒꦶꦫꦃꦏꦠꦺꦴꦤ꧀ꦩꦉꦩ꧀꧈ [ 20 ]꧋ꦏꦪꦔꦥꦧꦸꦔꦃꦲꦺꦧꦤ꧀ꦢꦫꦤꦺꦩꦼꦁꦏꦺꦴ꧈​ꦭꦤ꧀ꦥꦶꦂꦱꦠꦸꦩꦥꦸꦏ꧀ꦏꦤ꧀ꦢꦺꦴꦢꦺꦴꦩ꧀ꦩꦤ꧀ꦏꦔ꧀ꦮꦶꦱ꧀ꦫꦩ꧀ꦥꦸꦁ꧉

꧋ꦭꦒꦶꦏꦸꦏꦸꦢ꧀ꦏꦸꦏꦸꦢ꧀​​ꦏꦿꦸꦔꦸꦢꦶꦠꦶꦩ꧀ꦧꦭ꧀ꦭꦶ꧉

꧇ꦤꦸꦤ꧀​​ꦲꦶꦁꦒꦶꦃ꧈​ꦤ꧀ꦢꦫ꧈​ꦱꦮꦼꦒ꧀ꦔꦸꦏꦸꦢ꧀ꦢꦶꦫꦸꦩꦶꦪꦶꦤ꧀꧈

꧇ꦏꦺꦴꦮꦺꦢꦏ꧀ꦏꦺꦴꦁꦏꦺꦴꦤ꧀ꦚꦲꦺꦴꦱ꧀ꦱꦏꦺꦭꦪꦁꦲꦶꦏꦶꦩꦼꦚꦁꦢꦊꦩ꧀ꦩꦺ꧇ꦤ꧀ꦢꦫꦧꦿꦠ꧈ꦪ꧈ꦫꦃ꧉​ꦒꦼꦭꦶꦱ꧀ꦧꦲꦺꦗꦺꦴꦭꦺꦃꦲꦺꦩ꧀ꦭꦏꦸ꧉​ꦤꦺꦁꦢꦭꦤ꧀ꦲꦗꦩꦺꦴꦤ꧀ꦝꦒ꧀ꦩꦤ꧀ꦝꦼꦏ꧀ꦧꦫꦁ꧉​ꦲꦏꦸꦲꦺꦴꦫꦱꦼꦤꦼꦁꦪꦺꦤ꧀ꦢꦶꦲꦸꦠꦸꦱ꧀ꦧꦚ꧀ꦗꦸꦂꦱ꧀ꦭꦺꦮꦺꦁꦔꦤ꧀꧈​ꦪꦺꦤ꧀ꦮꦶꦱ꧀ꦢꦶꦕꦲꦺꦴꦱ꧀ꦱꦏꦺ꧈ꦲꦺꦁꦒꦭ꧀ꦩꦸꦭꦶꦃ꧈​ꦪ꧈

꧇ꦲꦶꦁꦒꦶꦃ꧈ꦤ꧀ꦢꦫ꧈ꦧꦺꦴꦠꦼꦤ꧀ꦩꦮꦶꦚꦸꦮꦸꦤ꧀ꦩꦁꦱꦸꦭ꧀ꦭꦤ꧀꧈

꧇ꦲꦺꦴꦫꦱꦸꦱꦃ꧉

꧋ꦠꦸꦒꦶꦫꦃꦩꦼꦚꦁꦏꦩꦂ꧈ꦲꦚ꧀ꦗꦸꦥꦸꦏ꧀​​ꦱ꧀ꦭꦺꦤ꧀ꦝꦁ꧈​​ꦤꦸꦭꦶꦩꦁꦏꦠ꧀꧈​​ꦭꦏꦸꦤꦺꦏꦼꦧꦠ꧀​​ꦲꦺꦴꦫꦤꦺꦴꦭꦺꦃꦤꦺꦴꦭꦶꦃ꧉

꧋ꦏꦺꦴꦕꦥ꧀ꦥ꧈​ꦧꦉꦁꦫꦢꦲꦢꦺꦴꦃꦱꦏꦔꦺꦴꦩꦃ꧈​​ꦢꦶꦒꦼꦠꦏ꧀ꦱꦏꦧꦸꦫꦶ꧈​​ꦩꦏ꧀​꧇​ꦢꦃ꧉

꧋ꦠꦸꦒꦶꦫꦃꦲꦚ꧀ꦗꦶꦁꦏꦠ꧀ꦏꦫꦺꦴꦤꦺꦴꦭꦺꦃ​꧉​ꦱꦶꦁꦲꦁꦒꦼꦠꦏ꧀ꦩꦲꦸꦗꦼꦧꦸꦭ꧀ꦠꦼꦥꦸꦁꦔꦤ꧀ꦤꦺꦭꦮꦱ꧀​​ꦧꦺꦴꦕꦃꦲꦸꦫꦏ꧀ꦏꦤ꧀​​ꦏꦼꦉꦥ꧀ꦢꦢꦶꦧꦸꦫꦺꦴꦤ꧀ꦥꦸꦭꦶꦱꦶ꧉

꧇ꦮꦃ꧈​ꦱꦫꦶꦗꦼꦩ꧀ꦔꦼꦒꦺꦛꦼꦒꦺꦠ꧀ꦠꦶꦠꦼꦩꦼꦤ꧀ꦏꦺꦴꦮꦺꦏꦸꦮꦶ꧈​​ꦲꦩ꧀ꦧꦺꦴꦏ꧀ꦲꦗꦱꦺꦴꦏ꧀ꦔꦺꦴꦤꦺꦴ꧉​ꦤꦺꦏ꧀ꦲꦤꦩꦺꦴꦤ꧀ꦠꦺꦴꦂꦫꦏ꧀ꦲꦶꦪꦱꦶꦢꦏꦼꦥ꧀ꦏꦶꦤ꧀ꦝꦼꦱ꧀ꦠꦼꦤꦤ꧀ꦲꦏꦸꦲꦶꦏꦶꦩꦲꦸ꧉

꧋ꦲꦠꦶꦤꦺꦠꦸꦒꦶꦫꦃꦩꦁꦏꦼꦭ꧀ꦠꦼꦩꦼꦤ꧀ꦤꦤ꧀​​ꦩꦸꦭꦏꦉꦥ꧀ꦥꦺꦲꦺꦴꦫꦲꦉꦥ꧀ꦔꦿꦺꦮꦺꦱ꧀꧈​ꦧꦼꦤꦼꦂꦧꦶꦪꦺꦤ꧀ꦏꦺꦴꦚ꧀ꦕ꧈​ꦢꦤ꧀ꦔꦶꦤ꧀ꦮꦶꦱ꧀ꦏꦝꦸꦁꦲꦚ꧀ꦗꦺꦴꦤ꧀ꦠꦺꦴꦁꦲꦠꦶꦤꦺ꧈​ꦩꦸꦭꦭꦏꦸꦤꦺꦱꦪꦢꦶꦫꦶꦏꦠ꧀ꦠꦏꦺ꧉​ꦱꦫꦶꦗꦼꦩ꧀ꦔꦝꦁꦲꦝꦁꦔꦶ꧈ꦏꦫꦺꦴꦩꦸꦤꦶ꧇

""ꦮꦝꦸꦃ꧈ꦲꦁꦒꦺꦏ꧀ꦏꦺꦲꦺꦴꦫꦗꦩꦏ꧀​​ꦭꦺꦴꦠꦸꦒꦶꦫꦃꦲꦶꦏꦶ꧉​​ꦢꦶꦏꦔꦼꦤ꧀ꦤꦶꦔꦪꦲꦪꦛꦶꦏ꧀ꦲꦺꦴꦫꦏꦼꦤ꧉​ꦮꦶꦱ꧀ꦭꦭꦶ꧈​ꦠ꧈​ꦏꦫꦺꦴꦩꦶꦠꦿꦤꦺꦭꦮꦱ꧀꧈ [ 21 ]꧇​ꦄꦃ꧈ꦲꦼꦩ꧀ꦧꦸꦃ꧈ꦲꦏꦸꦲꦺꦴꦫꦏꦺꦴꦧꦼꦂꦒꦸꦤꦼꦩ꧀ꦩꦤ꧀​​ꦮꦺꦴꦔ꧀ꦭꦒꦶꦢꦶꦲꦸꦠꦸꦱ꧀ꦧꦼꦤ꧀ꦢꦫꦏꦸ꧈ꦏꦺꦴꦏ꧀꧈

꧇ꦮꦝꦸꦃ꧈​ꦲꦁꦒꦼꦥ꧀ꦠꦼꦩꦼꦤ꧀ꦠꦺꦴ꧈​ꦲꦶꦪꦃ꧈ꦲꦩ꧀ꦧꦺꦴꦏ꧀ꦲꦗꦔꦺꦴꦤꦺꦴ꧈ꦲꦺꦴꦫꦲꦺꦭꦶꦁꦝꦺꦏ꧀ꦧꦶꦪꦤ꧀​​ꦲꦥ꧉​ꦢꦺꦤꦺ꧈​ꦲꦥꦲꦥꦤꦺꦏ꧀ꦲꦺꦴꦫꦏꦫꦺꦴꦲꦏꦸꦠꦼꦏꦲꦺꦴꦫꦱꦼꦤꦼꦁ꧉​ꦱꦶꦲꦶꦏꦶꦢꦸꦥꦺꦃꦲꦺꦴꦩꦃꦲꦺꦗꦼꦩ꧀ꦥꦺꦴꦭ꧀ꦧꦲꦺꦮꦶꦱ꧀ꦲꦼꦩꦺꦴꦃꦱꦤꦏ꧀ꦏꦤ꧀꧈​ꦲꦏꦸꦲꦶꦏꦶꦲꦺꦴꦭꦺꦃꦏꦸꦔꦪꦲꦪꦲꦁꦒꦺꦴꦭꦺꦏ꧀ꦏꦶꦏꦺꦴꦮꦺꦏꦸꦮꦶ꧈​ꦫꦏ꧀ꦲꦉꦥ꧀ꦢꦸꦮꦺꦥꦼꦂꦭꦸꦒꦼꦝꦺ꧉ꦏꦺꦴꦮꦺꦏꦼꦉꦥ꧀ꦧꦲꦺꦢꦏ꧀ꦏꦭꦶꦤ꧀ꦠꦼꦲꦺꦂꦫꦶꦤꦺꦁꦥꦺꦴꦤ꧀ꦝꦺꦴꦏ꧀ꦏꦤ꧀ꦩꦸ꧈​ꦢꦔꦶꦁꦠꦼꦏꦩꦱ꧀ꦛꦶꦲꦏꦺꦃꦲꦸꦮꦺꦴꦁ꧉​ꦢꦢꦶꦤꦺꦲꦏꦸ​ꦪꦲꦺꦴꦫꦱꦶꦢꦤꦼꦩꦺꦴꦤ꧀ꦤꦶ꧉

꧇ꦭꦃꦲꦩ꧀ꦧꦺꦴꦏꦾꦩ꧀ꦊꦧꦸꦧ꧀ꦊꦝꦼꦁ꧈​ꦔꦺꦴꦤꦺꦴꦧꦲꦺ꧈​ꦲꦁꦒꦼꦲꦺꦥꦩꦶꦠꦉꦥ꧀ꦤꦼꦩꦺꦴꦤꦤ꧀ꦤꦶꦲꦏꦸꦫꦏꦾꦲꦺꦴꦭꦺꦃꦲꦺꦴꦭꦺꦃꦧꦲꦺ꧉

꧋ꦒꦸꦤꦼꦩ꧀ꦩꦩꦁꦏꦺꦴꦤꦺꦴꦠꦸꦒꦶꦫꦃꦲꦺꦴꦭꦺꦃꦲꦺꦩ꧀ꦭꦏꦸꦱꦪꦫꦶꦤ꧀ꦝꦶꦏ꧀ꦲꦩ꧀ꦧꦉꦔꦶꦏꦚ꧀ꦕꦤꦺ꧉

꧇​ꦲꦼꦩꦺꦴꦃ꧈​ꦲꦏꦸꦮꦼꦢꦶꦏꦺꦴꦏ꧀​​ꦫꦃ꧈​ꦱꦗꦏ꧀ꦏꦺꦧꦼꦤ꧀ꦢꦫꦩꦸꦲꦺꦴꦭꦺꦃꦲꦺꦏꦼꦉꦁ꧉

꧇ꦲꦺꦴꦫꦧꦲꦺ꧈​ꦪꦺꦤ꧀ꦧꦼꦤ꧀ꦢꦫꦏꦸꦏꦼꦉꦁ꧈​ꦪꦺꦤ꧀ꦥꦼꦂꦭꦸꦏꦼꦉꦁ꧈​ꦪꦏꦼꦉꦁ꧉​ꦪꦺꦤ꧀ꦲꦺꦴꦫ꧈​ꦢꦺꦤꦺꦠꦼꦏꦪꦲꦥꦶꦏ꧀꧈​​ꦤꦺꦏ꧀ꦲꦤꦱꦶꦔ꧀ꦭꦸꦥꦸꦠ꧀ꦩꦱ꧀ꦛꦶꦤꦺꦪꦏꦸꦢꦸꦢꦶꦢꦸꦏꦤ꧀ꦤꦶ꧉​ꦮꦶꦱ꧀​​ꦏꦤ꧀ꦝꦏꦸ꧈​ꦏꦺꦴꦮꦺꦩꦲꦸꦲꦉꦥ꧀ꦢꦸꦮꦺꦥꦼꦂꦭꦸꦲꦥꦏꦫꦺꦴꦲꦏꦸ꧉

꧇ꦪꦩꦼꦁꦏꦺꦴꦝꦶꦱꦶꦏ꧀​​ꦲꦗꦏꦼꦱꦸꦱꦸ꧉​ꦤꦺꦁꦏꦺꦤꦺꦒꦼꦤꦃꦲꦏꦺꦃꦮꦺꦴꦁꦔꦺꦤꦺ꧉​ꦩꦸꦤ꧀ꦝꦏ꧀ꦢꦶꦫꦸꦔꦺꦴꦲꦏꦺ꧉​ꦲꦪꦺꦴ꧈​ꦠ꧈​ꦚꦶꦩ꧀ꦩ꧀ꦥꦁꦢꦭꦚ꧀ꦕꦶꦭꦶꦏ꧀ꦏꦺꦴꦤꦺꦴꦧꦲꦺ꧉​ꦲꦺꦴꦫꦱꦩꦂꦪꦺꦤ꧀ꦏꦺꦴꦤꦁꦔꦤ꧀꧉

꧇ꦭꦃ​ꦲꦏꦸꦩꦼꦏꦺꦴꦫꦏ꧀ꦏꦢꦺꦴꦃꦲꦤ꧀ꦭꦏꦸꦏꦸ꧉ꦩꦺꦴꦁꦏꦲꦏꦸꦮꦶꦱ꧀ꦢꦶꦮꦤ꧀ꦠꦶꦮꦤ꧀ꦠꦶꦏꦸꦢꦸꦲꦺꦁꦒꦭ꧀ꦧꦭꦶ꧉​ꦤꦺꦏ꧀ꦏꦼꦱꦸꦮꦺꦤ꧀ꦫꦏꦾꦢꦶꦢꦸꦏꦤ꧀ꦤꦶꦲꦏꦸꦩꦼꦁꦏꦺꦴ꧉ [ 22 ]꧇ꦲꦪꦃ꧈​ꦗꦶꦫꦶꦃꦩꦸꦠꦼꦏꦲꦺꦴꦫꦗꦩꦏ꧀꧈​ꦩꦼꦁꦏꦺꦴꦪꦺꦤ꧀ꦮꦶꦱ꧀ꦫꦩ꧀ꦥꦸꦁꦥꦼꦂꦭꦸꦩꦸꦏꦫꦺꦴꦲꦏꦸ꧈​ꦒꦺꦏ꧀ꦧꦚ꧀ꦗꦸꦂꦩ꧀ꦭꦪꦸꦮ꧈​ꦫꦏꦾꦧꦶꦱꦤꦸꦠꦸꦠ꧀ꦠꦶꦗꦩ꧀​​ꦲꦺꦴꦫꦏꦱꦺꦥ꧀​​ꦲꦺꦴꦫ꧈​ꦕꦼꦏꦏ꧀ꦏꦺ꧇​ꦒꦼꦊꦩ꧀ꦲꦺꦴꦫ꧈​ꦠ꧈ꦢꦶꦏꦤ꧀ꦝꦤ꧀ꦤꦶꦲꦥꦶꦏ꧀ꦲꦥꦶꦏ꧀ꦏꦤ꧀꧈​

꧋ꦔꦤ꧀ꦠꦶꦱꦸꦮꦺꦠꦸꦒꦶꦫꦃꦲꦺꦴꦗꦒ꧀ꦒꦗꦼꦒ꧀꧈​ꦲꦉꦥ꧀ꦠꦼꦫꦸꦱ꧀​ꦠꦼꦏꦲꦺꦩꦤ꧀ꦲꦺꦩꦤ꧀ꦠꦼꦩꦼꦤ꧀​​ꦮꦺꦴꦁꦪꦏꦼꦥꦺꦔꦶꦤ꧀ꦔꦼꦂꦠꦶꦱꦶꦁꦢꦶꦲꦶꦩꦶꦁꦲꦶꦩꦶꦁꦔꦏꦺꦱꦫꦶꦗꦼꦩ꧀꧈ꦩꦺꦭꦸꦱꦫꦶꦗꦼꦩ꧀​​ꦠꦼꦏꦫꦢꦲꦺꦴꦫꦏꦼꦥꦺꦤꦏ꧀꧈

꧋ꦲꦠꦶꦤꦺꦒꦺꦴꦪꦁ꧈​ꦱ꧀ꦮꦫꦲꦶꦁꦱꦗꦿꦺꦴꦤꦶꦁꦧꦠꦶꦤ꧀ꦤꦺꦲꦤꦱꦶꦁꦩꦸꦤꦶ꧇​ꦲꦺꦭꦶꦁ꧈​ꦭꦺꦴ꧈​ꦫꦃ꧈​ꦝꦮꦸꦃꦲꦺꦤ꧀ꦢꦫꦤꦺ꧉​ꦭꦤ꧀ꦲꦤꦲꦸꦒꦱꦶꦁꦩꦸꦤꦶ꧇ꦩꦸꦁꦱꦝꦺꦭꦧꦲꦺ꧈​ꦲꦺꦴꦫꦢꦢꦶꦔꦥ꧈ꦱꦫꦶꦗꦼꦩ꧀ꦢꦸꦮꦺꦧꦫꦁꦲꦥꦶꦏ꧀꧈ꦩꦼꦁꦏꦺꦴꦩ꧀ꦭꦏꦸꦥꦶꦫꦱꦸꦮꦺꦤꦺ꧉​ꦫꦏ꧀ꦪꦲꦺꦴꦫꦏꦱꦺꦥ꧀ꦠꦼꦏꦩꦸ꧉

꧋ꦱꦗꦿꦺꦴꦤꦺꦲꦶꦱꦶꦃꦧꦶꦔꦸꦁꦩꦁꦏꦺꦴꦤꦺꦴ꧈ꦱꦫꦶꦗꦼꦩ꧀ꦩꦸꦠꦸꦱ꧀ꦱꦶ꧇

꧇ꦲꦪꦺꦴ꧈​ꦠ꧈​ꦲꦼꦤ꧀ꦢꦁ꧈​ꦫꦃ꧈​ꦩꦼꦠꦶꦢꦭꦤ꧀ꦲꦶꦏꦶ꧉​ꦪꦺꦤ꧀ꦛꦼꦔꦂꦛꦼꦔꦶꦂꦧꦲꦺꦩꦭꦃꦏꦼꦤ꧀ꦠꦺꦏ꧀ꦏꦚ꧀ꦗꦩ꧀꧉

꧇ꦲꦶꦪꦠꦶꦲꦺꦲꦱ꧀​​ꦲꦪꦺꦴ ..............꧉

꧋ꦠꦸꦒꦶꦫꦃꦏꦺꦭꦸꦧꦸꦗꦸꦏ꧀ꦏꦤ꧀ꦤꦺꦱꦫꦶꦗꦼꦩ꧀꧈ꦢꦶꦒ꧀ꦭꦤ꧀ꦝꦁꦏꦚ꧀ꦗꦤꦺꦩꦸꦁꦩꦤꦸꦠ꧀ꦧꦲꦺ꧉​ꦏꦼꦥꦺꦔꦶꦤ꧀ꦧꦔꦼꦠ꧀ꦔꦼꦂꦠꦶꦱꦶꦁꦢꦶꦏꦤ꧀ꦝꦏ꧀ꦲꦏꦺꦩꦲꦸ꧉

꧋ꦧꦉꦁꦠꦶꦠ꧈​ꦲꦺꦴꦫꦲꦤꦮꦺꦴꦔ꧀ꦭꦶꦮꦠ꧀ꦲꦶꦁꦏꦺꦴꦩꦺꦴꦩ꧀꧈​ꦱꦫꦶꦗꦼꦩ꧀ꦔꦼꦠꦺꦴꦏ꧀ꦲꦏꦺꦏꦤ꧀ꦛꦺꦴꦁꦱꦏꦏꦤ꧀ꦛꦸꦠ꧀ꦠꦤ꧀ꦤꦺ꧈​ꦢꦶꦧꦸꦏꦏ꧀​​ꦗꦼꦧꦸꦭ꧀​​ꦏꦿꦶꦚ꧀ꦕꦶꦁꦏꦿꦶꦚ꧀ꦕꦶꦁ꧈ꦲꦶꦱꦶꦝꦸꦮꦶꦠ꧀ꦲꦏꦺꦃ꧈ꦏꦼꦛꦶꦥ꧀ꦏꦫꦺꦴꦠꦭꦺꦤ꧀꧈​ꦱꦫꦶꦗꦼꦩ꧀ꦩꦥꦤ꧀ꦭꦸꦁꦒꦸꦃ​ꦲꦤꦲꦶꦁꦥꦶꦁꦒꦶꦂꦢꦭꦤ꧀ꦏꦫꦺꦴꦚꦸꦤ꧀ꦠꦏ꧀ꦲꦶꦱꦶꦤꦶꦁꦏꦤ꧀ꦛꦺꦴꦁꦲꦤꦲꦶꦁꦥꦁꦏꦺꦴꦤ꧀ꦤꦺ꧉

꧋ꦠꦸꦒꦶꦫꦃꦱꦸꦩ꧀ꦊꦔꦼꦂꦉꦤ꧀ꦮꦼꦫꦸꦃꦝꦸꦮꦶꦠ꧀ꦲꦏꦺꦃꦲꦺꦱꦼꦩꦺꦴꦤꦺꦴ꧈​ꦧꦚ꧀ꦗꦸꦂꦠꦏꦺꦴꦤ꧀꧇

꧇ꦏꦸꦮꦶꦝꦸꦮꦶꦠ꧀ꦠꦺꦱꦥ꧉

꧇ꦪꦝꦸꦮꦶꦠ꧀ꦏꦸꦝꦺꦮꦺꦔꦺꦴꦤꦺꦴ꧉​ꦮꦶꦱ꧀ꦠ꧈​ꦲꦗꦠꦏꦺꦴꦤ꧀ꦲꦏꦺꦃꦲꦏꦺꦃ꧈​ꦩꦼꦁ [ 23 ]ꦏꦺꦴꦏꦺꦴꦮꦺꦩꦸꦤ꧀ꦝꦏ꧀ꦏꦱꦺꦥ꧀ꦠꦼꦏꦩꦸꦤꦺꦁꦥꦺꦴꦤ꧀ꦝꦺꦴꦏ꧀ꦏꦤ꧀꧉​ꦕꦼꦏꦏ꧀ꦏꦺ꧈​ꦪ꧈ꦝꦸꦮꦶꦠ꧀ꦲꦶꦏꦶꦢꦢꦶꦢꦸꦮꦺꦏ꧀ꦏꦸꦏꦫꦺꦴꦢꦸꦮꦺꦏ꧀ꦩꦸ꧉​ꦲꦶꦏꦶꦢꦏ꧀ꦠꦶꦠꦶꦥꦏꦺꦏꦺꦴꦮꦺꦏꦧꦺꦃ꧉​ꦩꦂꦒꦤꦺꦏ꧀ꦲꦏꦸꦱꦶꦁꦲꦁꦒꦮꦩꦸꦁꦲꦼꦤ꧀ꦠꦺꦏ꧀ꦢꦶꦲꦼꦁꦒꦺꦴꦩꦆꦤ꧀ꦱꦶꦩ꧀ꦧꦺꦴꦏ꧀​​ꦲꦏꦸꦱꦧꦼꦤ꧀ꦱꦺꦴꦫꦺꦩꦼꦚꦁꦲꦼꦁꦒꦺꦴꦤ꧀ꦩꦸ꧈ꦲꦚ꧀ꦗꦭꦸꦏ꧀ꦱꦥꦼꦂꦭꦸꦩꦺꦤꦲꦺ꧈;ꦲꦺꦴꦪꦤꦺꦠꦼꦫꦸꦱ꧀ꦱꦶꦩ꧀ꦥꦼꦤ꧀ꦤꦼꦤ꧀꧈​ꦭꦃꦏꦺꦴꦮꦺꦢꦏ꧀ꦥꦤ꧀ꦢꦸꦩ꧀ꦩꦶꦫꦺꦴꦁꦫꦸꦥꦶꦪꦃ꧉​ꦫꦏ꧀ꦲꦺꦤꦏ꧀​​ꦠ꧉ꦩꦸꦁꦚꦶꦩ꧀ꦥꦼꦤ꧀ꦏꦺ꧈ꦲꦺꦴꦫꦉꦏꦱ꧈​ꦲꦺꦴꦭꦺꦃꦫꦺꦴꦁꦫꦸꦥꦶꦪꦃ꧉​ꦮꦶꦱ꧀ꦲꦼꦚ꧈ꦲꦼꦤ꧀ꦢꦁꦏꦤ꧀ꦝꦸꦠ꧀ꦠꦼꦤ꧀꧈​ꦲꦶꦏꦶꦏꦧꦺꦃꦲꦤꦭꦶꦩꦁꦫꦸꦥꦶꦪꦃ꧉​ꦢꦢꦶꦲꦏꦸꦱꦶꦁꦠꦼꦭꦸꦁꦫꦸꦥꦶꦪꦃ꧉

꧋ꦏꦤ꧀ꦛꦺꦴꦁꦲꦶꦱꦶꦝꦸꦮꦶꦠ꧀ꦢꦶꦱꦼꦱꦼꦭ꧀ꦭꦏꦺꦲꦶꦁꦏꦼꦤ꧀ꦝꦶꦠ꧀ꦠꦺꦠꦸꦒꦶꦫꦃ꧉

꧋ꦠꦸꦒꦶꦫꦃꦏꦼꦥꦿꦶꦪꦺ꧉

꧋ꦝ​ꦱꦂꦲꦺꦴꦫꦠꦲꦸꦚꦼꦏꦼꦭ꧀ꦝꦸꦮꦶꦠ꧀​​ꦏꦛꦶꦏ꧀ꦱꦲꦶꦏꦶꦢꦶꦲꦶꦩꦶꦁꦲꦶꦩꦶꦁꦔꦶꦫꦺꦴꦁꦫꦸꦥꦶꦪꦃ꧉​ꦮꦃ꧈​ꦫꦸꦩꦺꦴꦁꦱꦧꦼꦒ꧀ꦗꦧꦔꦼꦠ꧀꧈ꦲꦺꦴꦫꦢꦶꦥꦶꦏꦶꦂꦢꦮ꧈​ꦧꦚ꧀ꦗꦸꦂꦚꦒꦸꦃꦲꦶ꧉​ꦱꦧꦼꦤ꧀ꦱꦺꦴꦫꦺꦗꦩ꧀ꦱꦼꦠꦼꦔꦃꦥꦶꦠꦸꦱꦫꦶꦗꦼꦩ꧀ꦲꦤꦗꦧꦤ꧀ꦥꦒꦼꦂꦥꦤ꧀ꦠꦶꦥꦥ꧇ꦥꦼꦂꦭꦸꦚꦝꦺꦴꦁꦝꦸꦮꦶꦠ꧀ꦩꦼꦚꦁꦠꦸꦒꦶꦫꦃ꧉

꧇ꦮꦶꦱ꧀ꦪ꧈​ꦫꦃꦢꦢꦶꦱꦺꦱꦸꦏ꧀ꦪ꧈​ꦗꦩ꧀ꦱꦼꦠꦼꦔꦃꦥꦶꦠꦸ꧉ꦤꦺꦁꦥꦺꦴꦗꦺꦴꦏ꧀ꦲꦼꦤ꧀ꦢꦶ꧈ꦏꦸꦭꦺꦴꦤ꧀ꦲꦥꦮꦺꦠꦤ꧀꧉

꧇ꦏꦸꦭꦺꦴꦤ꧀ꦧꦲꦺ꧈ꦱꦶꦁꦥꦼꦠꦼꦁ꧉​ ....

꧋ꦲꦶꦃ꧈ꦠꦸꦒꦶꦫꦃꦏꦒꦺꦠ꧀​​ꦔꦿꦸꦔꦸꦱ꧀ꦮꦫꦤꦺꦝꦺꦮꦺ꧉

꧇ꦲꦶꦪ​꧈​ꦲꦶꦪ꧈​ꦱꦶꦁꦥꦼꦠꦼꦁ꧈​ꦪ꧈​ꦠꦸꦒꦶꦫꦃ꧉​ꦥꦁꦒꦮꦺꦱꦶꦁꦲꦭꦏꦸꦮꦶꦩꦱ꧀ꦛꦶꦒꦺꦴꦭꦺꦏ꧀ꦲꦼꦁꦒꦺꦴꦤ꧀ꦱꦶꦁꦥꦼꦠꦼꦁ꧉​ ......

꧋ꦱꦫꦶꦗꦼꦩ꧀ꦔꦭꦺꦴꦂ꧈ꦠꦸꦒꦶꦫꦃꦔꦺꦠꦤ꧀​​ꦲꦉꦥ꧀ꦲꦩ꧀ꦧꦕꦸꦠ꧀ꦠꦏꦺꦭꦏꦸ꧉ꦲꦺꦴꦭꦺꦃꦲꦺꦩ꧀ꦭꦏꦸꦱꦶꦥꦠ꧀ꦏꦸꦥꦶꦁ꧈​ꦏꦪꦏꦪꦲꦤꦱꦶꦁꦔꦺꦴꦪꦏ꧀​​ꦔꦤ꧀ꦠꦶꦲꦉꦥ꧀ꦤꦸꦩ꧀ꦧꦸꦏ꧀ꦤꦸꦩ꧀ꦧꦸꦏ꧀ꦲꦸꦮꦺꦴꦔ꧀ꦭꦶꦮꦠ꧀꧉

꧋ꦥꦚ꧀ꦕꦺꦤ꧀ꦪꦲꦤꦱꦶꦁꦔꦺꦴꦪꦏ꧀​​ꦤꦔꦶꦁꦲꦺꦴꦫꦏꦠꦺꦴꦤ꧀꧈​​ꦪꦏꦸꦮꦶꦱ꧀ꦮꦫꦲꦤ [ 24 ]ꦗꦿꦺꦴꦤꦶꦁꦲꦠꦶꦤꦺ꧇

꧇ꦏꦺꦴꦮꦺꦮꦶꦮꦶꦠ꧀​ꦚ꧀ꦭꦺꦮꦺꦁ꧈ꦭꦺꦴ꧈​ꦫꦃ꧉​ꦏꦺꦴꦮꦺꦫꦏ꧀ꦔꦼꦂꦠꦶ꧈ꦠ꧈ꦱꦫꦶꦗꦼꦩ꧀ꦏꦸꦮꦶꦱꦥ꧈ꦭꦔꦮꦺꦤꦺꦔꦥ꧉

꧋ꦲꦺꦴꦫꦏꦕꦿꦶꦠꦭꦏꦸꦤꦺꦲꦤꦲꦶꦁꦢꦭꦤ꧀꧉

꧋ꦠꦸꦒꦶꦫꦃꦲꦼꦁꦒꦺꦴꦱ꧀ꦲꦼꦁꦒꦺꦴꦱ꧀​ꦮꦶꦱ꧀ꦠꦼꦏꦤ꧀ꦥꦤ꧀ꦠꦶꦥꦥ꧉ꦏꦿꦶꦔꦼꦠ꧀ꦠꦺꦒꦸꦩꦿꦺꦴꦧꦾꦺꦴꦱ꧀꧈ꦠꦸꦗꦸꦤꦺꦠꦼꦏꦤꦺꦲꦺꦴꦫꦏꦱꦺꦥ꧀꧈ꦩꦭꦃꦩꦭꦃꦢꦶꦲꦊꦩ꧀ꦢꦺꦤꦶꦁꦧꦤ꧀ꦢꦫꦤꦺ꧇

꧇ꦒꦼꦭꦶꦱ꧀ꦠꦼꦩꦼꦤ꧀ꦧꦭꦶ꧈​ꦏꦺꦴꦮꦺ꧈​ꦫꦃ꧉ꦏ꧀ꦏꦺꦴꦮꦺꦥꦚ꧀ꦕꦺꦤ꧀ꦧꦺꦴꦕꦃꦱꦶꦁꦲꦁꦒꦠꦺꦏ꧀ꦲꦏꦺꦩꦫꦁꦝꦮꦸꦃꦲꦺꦧꦼꦤ꧀ꦢꦫ꧉

꧋ꦱꦧꦼꦤ꧀ꦤꦺꦪꦺꦤ꧀ꦲꦺꦴꦭꦺꦃꦥꦼꦔꦊꦩ꧀ꦩꦁꦏꦺꦴꦤꦺꦴ꧈​ꦮꦃ꧈​ꦲꦠꦶꦤ꧀ꦤꦺꦠꦸꦒꦶꦫꦃꦩꦺꦴꦁꦏꦺꦴꦒ꧀​​ꦧꦚ꧀ꦗꦸꦂꦲꦁꦒꦸꦪꦸꦲꦁꦒꦸꦪꦸ꧉ꦤꦔꦶꦔ꧀ꦮꦏ꧀ꦠꦸꦏꦸꦮꦶꦲꦺꦴꦫ꧉ꦲꦺꦴꦭꦺꦃꦲꦺꦩꦺꦱꦼꦩ꧀ꦩꦸꦁꦒꦮꦺꦪꦤ꧀꧈​ꦲꦠꦶꦤꦺꦫꦱꦤꦺꦲꦺꦴꦫꦏꦼꦥꦺꦤꦏ꧀꧈

꧋ꦧꦼꦤ꧀ꦢꦫꦤꦺꦔꦶꦫꦩꦂꦒꦱꦏꦏꦼꦱꦼꦭ꧀ꦩꦼꦠꦱ꧀​​ꦩ꧀ꦭꦏꦸꦲꦢꦺꦴꦃ꧉

______________

9

꧋ꦏꦺꦗꦺꦒ꧀ꦭꦺꦴꦁ꧉

꧋ꦮꦶꦮꦶꦠ꧀​​ꦛꦺꦁ꧈​ꦛꦺꦁ꧈​ꦗꦩ꧀ꦤꦼꦩ꧀ꦱꦺꦴꦫꦺꦠꦸꦒꦶꦫꦃꦩꦸꦁꦏ꧀ꦭꦶꦕꦠ꧀ꦠꦤ꧀ꦲꦤ꧀ꦢꦼꦊꦁꦔꦏꦺꦗꦩ꧀ꦧꦲꦺ꧉​ꦮꦪꦃꦩꦺꦴꦤꦺꦴꦮꦺꦴꦔ꧀ꦮꦺꦴꦁꦲꦶꦁꦥꦤ꧀ꦠꦶꦥꦥ꧇​ꦮꦶꦱ꧀ꦱꦼꦭꦥꦒꦮꦺꦪꦤ꧀꧈​​ꦥꦝꦏꦼꦱꦏꦉꦥ꧀ꦏꦉꦥ꧀​​ꦲꦥꦭꦸꦁꦒꦸꦃꦲꦤ꧀​​​​ꦲꦥꦢꦺꦴꦤ꧀ꦢꦺꦴꦩ꧀​​ꦲꦥꦢꦺꦴꦔꦺꦁꦢꦺꦴꦔꦺꦁꦁꦔꦤ꧀​​ꦕꦺꦏꦏ꧀ꦏꦺꦏꦼꦤꦤꦶꦤ꧀ꦢꦏ꧀ꦏꦏꦺꦱꦱꦼꦤꦼꦁꦔꦺꦝꦺꦮꦺ꧈ꦲꦁꦒꦼ​ꦲꦺꦴꦫꦥꦝꦤꦶꦁꦒꦭ꧀ꦥ꧀ꦭꦠꦂꦫꦤ꧀ꦤꦶꦁꦥꦺꦴꦤ꧀ꦝꦺꦴꦏ꧀ꦏꦤ꧀꧈ꦗꦩ꧀ꦥꦶꦠꦸꦛꦺꦁꦏꦸꦢꦸꦮꦶꦱ꧀ꦔꦭꦸꦩ꧀ꦥꦸꦏ꧀ꦩꦔꦤ꧀꧈​ꦢꦢꦶꦲꦤꦮꦏ꧀ꦠꦸꦱꦗꦩ꧀ꦢꦶꦲꦼꦁꦒꦺꦴꦔꦺꦁꦒꦂꦲꦺꦁꦒꦂꦲꦠꦶ꧉

꧋ꦥꦢꦠ꧀ꦠꦤ꧀ꦠꦸꦒꦶꦫꦃꦲꦺꦴꦫꦏꦼꦤꦏꦺꦫꦶꦪꦺꦤ꧀ꦲꦤꦱꦶꦁꦥꦝꦒꦸꦒꦸꦪꦺꦴꦤ꧀​​ꦤꦔꦶꦁꦢꦶꦤꦏꦸꦮꦶꦏꦸꦢꦸꦲꦤ꧀ꦝꦺꦮꦺꦧꦲꦺ꧉ꦩꦿꦶꦥꦠ꧀ꦠꦺꦏꦸꦢꦸꦔ꧀ꦭꦶꦫꦶꦏ꧀ꦗꦩ꧀ꦧꦲꦺ꧉ꦱꦃꦢꦺꦭꦱꦝꦺꦭꦲꦸꦚ꧀ꦗꦭ꧀ꦲꦩ꧀ꦧꦼꦒ꧀ꦏꦤ꧀​​ꦤꦸꦭꦶꦧ꧀ꦭꦱ꧀ꦩꦼꦚꦁꦔꦉꦥ꧀ꦥꦤ꧀ꦲꦶꦁꦥꦺꦴꦗꦺꦴꦏ꧀ꦏꦸ [ 25 ]ꦭꦺꦴꦤ꧀꧈ꦎ꧈​ꦲꦩ꧀ꦧꦺꦏ꧀ꦏꦤ꧀ꦤꦺꦱꦗꦏ꧀ꦏꦺꦲꦺꦴꦭꦺꦃꦲꦺꦕꦼꦲꦺꦃ꧈​ꦏꦪꦏꦪꦲꦁꦒꦺꦩ꧀ꦧꦺꦴꦭ꧀ꦮꦸꦁꦏꦭ꧀꧈

꧋ꦏꦤ꧀ꦝꦸꦠ꧀ꦠꦤ꧀ꦤꦺꦲꦺꦴꦫꦲꦤꦻꦁꦱꦼꦠꦒꦺꦤ꧀​ꦤꦔꦶꦁꦲꦤꦲꦶꦁꦲꦠꦶ꧉​ꦲꦠꦶꦤꦺꦱꦶꦁꦲꦁꦒꦺꦩ꧀ꦧꦺꦴꦭ꧀ꦮꦸꦁꦏꦭ꧀꧈​ꦩꦸꦭ꧈​ꦱꦤꦗꦤ꧀ꦱꦼꦠꦒꦺꦤ꧀ꦤꦺꦢꦶꦲꦸꦕꦸꦭ꧀ꦭꦶꦲꦺꦴꦫꦲꦤꦲꦶꦱꦶꦤꦺꦲꦲꦥ꧈​ꦤꦔꦶꦤꦿꦱꦤꦺꦱꦶꦁꦩꦼꦤ꧀ꦝꦺꦴꦏꦺꦴꦭ꧀ꦲꦶꦱꦶꦃꦠꦼꦠꦼꦥ꧀꧉​ꦧꦶꦱꦤꦺꦲꦶꦭꦁ꧈​ꦪꦺꦤ꧀ꦠꦸꦒꦶꦫꦃꦒꦼꦊꦩ꧀ꦲꦩ꧀ꦧꦭꦏꦏ꧀ꦲꦏꦺꦭꦤ꧀ꦚꦶꦁꦏꦶꦂꦫꦶꦠꦶꦤ꧀ꦢꦏ꧀ꦏꦺꦏꦧꦺꦃ꧉​ꦪꦏꦸꦮꦶ꧇​ꦲꦺꦴꦭꦺꦃꦲꦺꦔꦿꦏꦼꦠ꧀ꦠꦶꦱꦫꦶꦗꦼꦩ꧀꧈​ꦲꦺꦴꦭꦺꦃꦲꦺꦒꦼꦊꦩ꧀ꦢꦶꦏꦺꦴꦤ꧀ꦲꦤ꧀ꦝꦼꦭꦶꦏ꧀ꦏꦏꦺꦝꦸꦮꦶꦠ꧀ꦠꦺ꧉​ꦲꦺꦴꦭꦺꦃꦲꦺꦱꦼꦩꦪꦤ꧀ꦤꦤ꧀ꦱꦧꦼꦤ꧀ꦱꦺꦴꦫꦺꦲꦤꦲꦶꦁꦥꦺꦴꦗꦺꦴꦏ꧀ꦏꦸꦭꦺꦴꦤ꧀꧈

꧋ꦠꦸꦒꦶꦫꦃꦲꦺꦴꦫꦮꦤꦶꦲꦤꦲꦶꦁꦲꦼꦝꦺꦁꦔꦤ꧀꧈​ꦲꦺꦴꦫꦮꦤꦶꦲꦤꦲꦶꦁꦥꦥꦤ꧀ꦱꦶꦁꦥꦝꦁ꧈​ꦚ꧀ꦭ꧀ꦭꦶꦩ꧀ꦥꦼꦠ꧀​ꦚ꧀ꦭꦶꦩ꧀ꦥꦼꦠ꧀꧈​ꦒꦺꦴꦭꦺꦏ꧀ꦥꦁꦒꦺꦴꦤ꧀ꦤꦤ꧀ꦱꦶꦁꦥꦼꦠꦼꦁ꧈​ꦢꦺꦮꦺꦏ꧀ꦏꦤ꧀​​ꦔꦼꦤ꧀ꦠꦺꦤ꧀ꦤꦶꦏꦚ꧀ꦕꦤꦺ꧉

꧋ꦲꦶꦁꦥꦺꦴꦗꦺꦴꦏ꧀ꦏꦸꦭꦺꦴꦤ꧀ꦲꦤꦮꦶꦠ꧀ꦠꦺꦒꦺꦝꦁꦱꦝꦥꦸꦂ꧉​ꦠꦸꦒꦶꦫꦃꦧꦶꦱꦲꦼꦩꦠ꧀ꦲꦺꦴꦭꦺꦃꦲꦺꦲꦤ꧀ꦝꦼꦭꦶꦏ꧀꧈​ꦱꦏꦔꦺꦴꦩꦃꦏꦭꦶꦁꦏꦭꦶꦁꦔꦤ꧀ꦮꦶꦠ꧀ꦒꦼꦝꦁ꧉​ꦱꦏꦗꦧꦏꦭꦶꦁꦏꦭꦶꦁꦔꦤ꧀ꦥꦒꦼꦂꦭꦤ꧀ꦢꦼꦥ꧀​​ꦭꦶꦪꦤꦺꦱꦶꦁꦢꦶꦗꦏ꧀ꦱꦼꦥꦪꦤ꧀ꦤꦤ꧀ꦲꦺꦴꦫꦔꦼꦂꦠꦶ꧈​ꦪꦺꦤ꧀ꦠꦸꦒꦶꦫꦃꦲꦤ꧀ꦝꦼꦏꦼꦩ꧀ꦲꦤꦲꦶꦁꦏꦺꦴꦤꦺꦴ꧉

꧋ꦲꦺꦴꦫꦲꦢꦺꦴꦃꦏꦫꦺꦴꦥꦤ꧀ꦝꦼꦭꦶꦏ꧀ꦏꦤ꧀ꦤꦺꦲꦤꦥꦼꦤ꧀ꦝꦼꦩ꧀ꦩꦤ꧀ꦤꦺꦏꦤ꧀ꦛꦺꦴꦁ​ꦲꦶꦱꦶꦝꦸꦮꦶꦠ꧀꧈​ꦠꦼꦭꦸꦁꦫꦸꦥꦶꦪꦃꦢꦸꦮꦺꦏ꧀ꦏꦺꦱꦫꦶꦗꦼꦩ꧀​​ꦱꦶꦁꦫꦺꦴꦁꦫꦸꦥꦶꦪꦃꦢꦸꦮꦺꦏ꧀ꦏꦺꦠꦸꦒꦶꦫꦃꦝꦺꦮꦺ꧉

꧇ꦮꦃ꧈​ꦢꦶꦲꦼꦁꦒꦺꦴꦠꦸꦏꦸꦲꦥ​ꦪ꧈​ꦲꦺꦤꦏ꧀ꦏꦺ꧉​ ................

꧋ꦥꦼꦤ꧀ꦝꦼꦩ꧀ꦩꦤ꧀ꦤꦺꦮꦶꦮꦶꦠ꧀ꦢꦶꦝꦸꦝꦸꦏ꧀ꦏꦶꦠꦸꦒꦶꦫꦃ꧈ꦔꦶꦫꦱ꧀ꦏꦫꦺꦴꦔꦼꦤ꧀ꦠꦺꦤ꧀ꦤꦶꦠꦼꦏꦤꦺꦏꦚ꧀ꦕꦤꦺ꧉ꦲꦺꦴꦭꦺꦃꦲꦺꦝꦸꦝꦸꦏ꧀ꦝꦸꦝꦸꦏ꧀ꦩꦸꦁ​ꦔꦁꦒꦺꦴꦥꦔꦺꦴꦠ꧀ꦧꦸꦤ꧀ꦠꦸꦁ꧈​ꦩꦂꦒꦲꦺꦴꦫꦗꦼꦫꦺꦴ꧈​ꦩꦸꦁꦱꦕꦸꦏꦸꦥ꧀ꦥꦺꦏꦤ꧀ꦛꦺꦴꦁꦧꦲꦺ꧉​ꦱ꧀ꦮꦫꦤꦺꦩꦸꦁ꧇​ꦕꦿꦶꦏ꧀​ꦕꦿꦶꦏ꧀​ꦕꦿꦶꦏ꧀꧈ꦲꦺꦮꦢꦺꦤꦺꦠꦸꦒꦶꦫꦃꦥꦶꦗꦼꦂꦏꦒꦺꦠ꧀ꦏꦒꦺꦠ꧀ꦧꦲꦺ꧉ꦱꦗꦏ꧀ꦏꦺꦱ꧀ꦮꦫꦤꦺꦱꦼꦫꦸ꧇ [ 26 ]ꦒꦕꦿꦸꦏ꧀​​ꦒꦕꦿꦸꦏ꧀​​ꦒꦕꦿꦸꦏ꧀​​ꦏꦪꦠꦶꦧꦤꦶꦁꦥꦕꦸꦭ꧀꧈​ꦪꦺꦤ꧀ꦫꦸꦩꦺꦴꦁꦱꦏꦼꦱꦼꦫꦺꦴꦤ꧀​​ꦭꦺꦫꦺꦤ꧀​​ꦏꦫꦺꦴꦭꦶꦔꦏ꧀ꦭꦶꦔꦸꦏ꧀꧈

꧇ꦎ꧈​ꦲꦺꦴꦫꦲꦤꦲꦥꦲꦥ꧉

꧋ꦏꦲꦺ꧈​ꦏꦺꦴꦚ꧀ꦕꦏꦚ꧀ꦕꦤꦺꦲꦶꦱꦶꦃꦥꦝꦔꦶꦢꦸꦁ꧉

꧋ꦲꦝꦹꦃ꧈ꦱꦼꦤ꧀ꦱꦼꦁꦔꦺ꧈​ꦠ꧈ꦥꦝꦲꦪꦼꦩ꧀ꦲꦪꦼꦩ꧀ꦠꦼꦩꦼꦤ꧀​​ꦭꦺꦴ꧉​ꦏꦲꦺ꧈ꦱ꧀ꦮꦫꦤꦺꦪꦸꦱꦂꦤꦶ꧈ꦕꦼꦛꦝꦺꦮꦺ꧇

ꦓꦸꦱ꧀ꦡꦶꦪꦺꦯꦸꦱ꧀ꦥꦔꦺꦤ꧀ꦩꦩꦶ꧉

ꦗꦸꦫꦸꦥꦔꦺꦤ꧀ꦏꦁꦲꦸꦠꦩꦶ꧉

ꦏꦸꦭꦩꦺꦤ꧀ꦢꦏ꧀ꦒꦸꦁꦔꦤ꧀ꦚ꧈

ꦢꦺꦚꦤꦼꦧꦸꦱ꧀​​ꦏ꧀ꦭꦪꦤꦿꦃꦚ꧉

꧋ꦄꦃ꧈ꦠꦸꦒꦶꦫꦃꦲꦁꦒꦽꦱꦃ꧇​ꦱꦼꦤꦼꦁꦠꦼꦩꦼꦤ꧀​​ꦪ꧈ꦧꦶꦱꦏꦸꦩ꧀ꦥꦸꦭ꧀ꦔꦺꦴꦤꦺꦴꦏꦲꦺ꧈ꦔꦶꦢꦸꦁꦧꦧꦉꦁꦔꦤ꧀꧈​ꦤꦺꦁꦏꦺꦤꦺꦩꦸꦁꦲꦶꦗꦺꦤ꧀​​ꦒꦺꦏ꧀ꦲꦼꦁꦒꦺꦴꦤ꧀ꦤꦺꦥꦼꦠꦼꦁ꧉​ꦄꦃ꧈​ꦲꦩ꧀ꦧꦺꦴꦏ꧀ꦧꦶꦱꦲꦮꦺꦴꦂꦏꦤꦧꦲꦺ꧈​ꦪ​ ..............꧉

꧋ꦭꦒꦶꦛꦼꦔꦼꦂꦛꦼꦔꦼꦂꦩꦁꦏꦺꦴꦤꦺꦴꦠꦸꦒꦶꦫꦃꦏꦿꦸꦔꦸꦏꦽꦱꦼꦏ꧀​ꦏꦽꦱꦼꦏ꧀​꧈​ꦲꦤ​ꦲꦶꦁꦗꦧꦤ꧀ꦥꦒꦼꦂ꧈ꦏꦫꦺꦴꦲꦤꦮꦺꦴꦁꦕꦼꦭꦸꦏ꧀ꦕꦼꦭꦸꦏ꧀ꦭꦶꦫꦶꦃ꧇ꦫꦃ꧈ꦫꦃ꧈ꦮꦶꦱ꧀ꦱꦸꦮꦺꦭꦺꦃꦩꦸꦔꦼꦤ꧀ꦠꦼꦤ꧀ꦤꦶ꧈​ꦲꦏꦸꦩꦲꦸꦲꦢꦢꦏ꧀ꦢꦶꦏꦺꦴꦁꦏꦺꦴꦤ꧀ꦱꦶꦩ꧀ꦧꦺꦴꦏ꧀​​ꦢꦢꦶꦫꦢꦏꦼꦮꦼꦔꦺꦤ꧀꧉

꧇ꦲꦗꦱꦼꦫꦸꦱꦼꦫꦸ꧈ꦗꦼꦩ꧀꧈ꦮꦃ꧈ꦭꦺꦃꦏꦸꦔꦼꦤ꧀ꦠꦺꦤ꧀ꦤꦶꦔꦤ꧀ꦠꦶꦱꦠꦲꦸꦤ꧀​​ꦗꦫꦺ꧈​ꦮꦶꦱ꧀​​ꦲꦼꦢꦁ꧈​ꦲꦚ꧀ꦗꦭꦸꦏ꧀ꦥꦶꦫ꧉ꦒꦶꦭꦺꦴ꧈ꦝꦸꦮꦶꦠ꧀ꦠꦺꦢꦏ꧀ꦥꦼꦤ꧀ꦝꦼꦩ꧀ꦲꦤꦲꦶꦁꦏꦺꦤꦺ꧈​ꦪꦺꦤ꧀ꦢꦏ꧀ꦒꦮꦩꦸꦤ꧀ꦝꦏ꧀ꦏꦺꦴꦤꦁꦔꦤ꧀꧉

꧋ꦪꦮꦶꦱ꧀​​ꦢꦏ꧀ꦗꦭꦸꦏ꧀ꦏꦺꦏꦧꦺꦃꦧꦲꦺ꧉ꦝꦸꦮꦶꦠ꧀ꦠꦺꦲꦉꦥ꧀ꦏꦁꦒꦺꦴ꧉

꧇ꦤꦃ꧈ꦧꦼꦤꦼꦂꦫꦤ꧀꧈​ꦒꦶꦭꦺꦴ꧈ꦠꦼꦭꦸꦁꦫꦸꦥꦶꦪꦃ꧈ꦪ꧉ꦱꦶꦁꦫꦺꦴꦁꦫꦸꦥꦶꦪꦲꦏꦸ꧉ꦮꦶꦱ꧀ꦪ꧉ꦲꦏꦸꦲꦉꦥ꧀ꦔꦸꦩ꧀ꦥꦸꦭ꧀꧈ꦏꦲꦺ꧈ꦏ꧀ꦭꦶꦤ꧀ꦛꦶꦁꦔꦤ꧀ꦩꦔꦤ꧀ꦮꦶꦱ꧀ꦩꦸꦤꦶ꧉

꧇ꦪ꧈ꦪ꧉꧖꧈ꦏꦺꦴꦱꦶꦏ꧀​​ꦫꦃ꧈ꦏꦺꦴꦮꦺꦱꦧꦺꦚꦃꦩꦺꦤꦺꦪꦲꦤꦲꦏꦺ [ 27 ]ꦤꦺ꧈ꦪ꧉ꦌ꧈ꦧꦺꦴꦏ꧀ꦩꦤꦮꦪꦺꦤ꧀ꦲꦤꦥꦼꦂꦭꦸꦲꦥꦲꦥꦩꦤꦺꦃ꧉ꦮꦶꦱ꧀ꦪ꧈ꦫꦃ꧈ꦱꦺꦱꦸꦏ꧀ꦩꦤꦺꦃꦪ꧉

꧇ꦪ꧈ꦪ꧉ ......

꧋ꦠꦸꦒꦶꦫꦃꦲꦺꦴꦫꦲꦒꦺꦲꦒꦺꦩ꧀ꦊꦧꦸꦔꦺꦴꦩꦃ꧉ꦫꦺꦏꦫꦺꦏꦲꦤ꧀ꦢꦢꦏ꧀ꦩꦼꦚꦁꦏ꧀ꦏꦺꦴꦭꦃ꧉ꦠꦼꦏꦤꦺꦏꦺꦫꦶꦝꦺꦮꦺ꧈ꦏꦚ꧀ꦕꦤꦺꦮꦶꦱ꧀ꦥꦝꦩꦥꦤ꧀ꦭꦸꦁꦒꦸꦃꦲꦤꦲꦶꦁꦝꦶꦁꦏ꧀ꦭꦶꦏ꧀꧈​ꦲꦺꦴꦫꦱꦸꦮꦺꦠꦸꦒꦶꦫꦃꦪꦩꦥꦤ꧀ꦩꦏ꧀​​ꦱꦿꦺꦴꦒ꧀​​ꦏꦪꦏꦪꦲꦺꦴꦫꦩꦼꦤ꧀ꦠꦱ꧀ꦲꦤꦲꦥꦲꦥ꧉ꦩꦺꦭꦸꦱꦼꦩ꧀ꦧꦃꦪꦁ꧈ꦩꦔꦤ꧀​​ꦒꦸꦤꦼꦩ꧀ꦩꦤ꧀​​ꦔꦿꦸꦔꦺꦴꦏ꧀ꦲꦏꦺꦕꦿꦶꦠꦭꦤ꧀ꦭꦶꦪꦭꦶꦪꦤꦺ꧉

꧋ꦩꦤꦮꦲꦤꦲꦱꦶꦁ​ꦔꦼꦂꦠꦶꦒꦒꦱ꧀ꦱꦤꦺ꧈ꦧꦶꦱꦮꦼꦫꦸꦃꦪꦺꦤ꧀ꦠꦸꦒꦶꦫꦃꦮꦏ꧀ꦠꦸꦏꦸꦮꦶꦢꦶꦁꦢꦶꦁꦥꦶꦔꦶꦤ꧀ꦤꦶꦝꦺꦮꦺ꧇​ꦒꦮꦺꦕ꧀ꦭꦸꦮꦼꦏ꧀ꦏꦤ꧀ꦱꦶꦁꦗꦼꦫꦺꦴꦧꦔꦼꦠ꧀​​ꦏꦁꦒꦺꦴꦩꦼꦤ꧀ꦝꦼꦩ꧀ꦝꦸꦮꦶꦠ꧀ꦠꦺꦫꦺꦴꦁꦫꦸꦥꦶꦪꦃ꧉ꦩꦂꦒꦱꦗꦏ꧀ꦏꦺꦠꦼꦏꦲꦶꦱꦶꦃꦏꦺꦠꦺꦴꦏ꧀​​ꦒꦩ꧀ꦥꦁꦏꦺꦴꦤꦁꦔꦤ꧀ꦮꦺꦴꦁ꧉​ꦲꦶꦪ꧈ꦩꦸꦁꦏꦥꦺꦔꦶꦤ꧀ꦩꦼꦤ꧀ꦝꦼꦩ꧀ꦢꦺꦴꦱꦤꦺ꧈ꦏꦪꦥꦠꦿꦥ꧀ꦥꦺꦲꦺꦴꦭꦺꦃꦲꦺꦩꦼꦤ꧀ꦝꦼꦩ꧀ꦝꦸꦮꦶꦠ꧀ꦠꦺ꧉ꦲꦺꦴꦫꦏꦼꦥꦺꦔꦶꦤ꧀ꦲꦁꦒꦸꦮꦔ꧀ꦭꦤ꧀ꦚꦶꦁꦏꦶꦂꦫꦶꦧꦧꦂꦥꦶꦱꦤ꧀​​ꦮꦺꦴꦁ​ꦪꦺꦤ꧀ꦏꦼꦥꦺꦔꦶꦤ꧀ꦲꦤ꧀ꦝꦺꦫꦺꦏ꧀ꦓꦸꦱ꧀ꦡꦶꦪꦺꦯꦸꦱ꧀ꦠꦼꦩꦼꦤ꧀ꦤꦤ꧀ꦲꦗꦝꦼꦩꦼꦤ꧀ꦲꦤ꧀ꦝꦼꦭꦶꦏ꧀ꦏꦏꦺꦥꦶꦲꦭꦧꦲꦺ꧈ꦤꦔꦶꦁꦥꦶꦲꦭꦤꦺꦲꦸꦢꦸꦢꦶꦒꦸꦮꦁꦧꦧꦂꦥꦶꦱꦤ꧀ꦱꦏꦲꦠꦶꦤꦺ꧉ꦩꦂꦒꦱꦤꦗꦤ꧀ꦢꦶꦝꦼꦭꦸꦏ꧀ꦤꦏꦪꦔꦥ꧈​ꦔꦤ꧀ꦠꦶꦮꦺꦴꦁ​ꦭꦶꦪꦲꦺꦴꦫꦧꦶꦱꦮꦼꦫꦸꦃ꧈ꦓꦸꦱ꧀ꦡꦶꦩꦱ꧀ꦜꦶꦥꦶꦂꦱꦏꦧꦺꦃ꧉​ ...........

꧋ꦝꦼꦏ꧀꧈​ꦝꦝꦤꦺꦠꦸꦒꦶꦫꦃꦏꦪꦢꦶꦝꦺꦴꦝꦺꦴꦒ꧀꧈

꧋ꦤ꧀ꦢꦫꦲꦥꦮꦶꦱ꧀ꦔꦺꦴꦤꦁꦔꦶ꧈​ꦪ꧈​ꦠꦼꦏꦔꦼꦤ꧀ꦢꦶꦏꦔꦺꦴꦤꦺꦴ꧉

"ꦎ꧈ꦲꦺꦴꦫꦝꦶ꧈ꦤ꧀ꦢꦫꦩꦲꦸꦭꦒꦶꦚꦿꦶꦠꦏ꧀ꦲꦏꦺꦱꦁꦥꦿꦧꦸꦱꦎꦭ꧀​​ꦤꦭꦶꦏꦲꦤ꧀ꦝꦼꦭꦶꦏ꧀ꦏꦏꦺꦧꦤ꧀ꦝꦤꦺꦩꦸꦁꦱꦸꦃꦱꦶꦁꦏꦸꦢꦸꦢꦶꦱꦶꦂꦤꦏ꧀ꦲꦏꦺꦧꦧꦂꦥꦶꦱꦤ꧀꧈​ ........

꧋ꦢꦸꦫꦸꦁꦏꦺꦴꦤꦁꦔꦤ꧀​​​​ꦚꦠꦤꦺꦤ꧀ꦢꦫꦤꦺꦲꦺꦴꦭꦺꦃꦲꦺꦔꦤ꧀ꦢꦶꦏꦤ꧀ꦏꦫꦺꦴꦲꦮꦏ꧀ꦏꦺꦲꦺꦴꦫꦲꦺꦴꦮꦃ꧉ꦤꦔꦶꦁ꧈ꦱꦥꦏꦁꦩꦱ꧀ꦛꦶꦩꦶꦂꦱ꧉

꧋ꦧꦸꦧꦂꦔꦽꦮꦁꦔꦶꦲꦱꦃꦲꦱꦃꦥꦶꦫꦶꦁ꧈ꦠꦸꦒꦶꦫꦃꦩꦼꦠꦸ꧈ꦲꦉꦥ꧀ꦲꦚ꧀ꦗꦸꦥꦸꦏ꧀ꦏꦪꦸ [ 28 ]ꦧꦺꦴꦁꦏꦁꦧꦺꦴꦁꦱꦼꦝꦶꦪꦤ꧀ꦱꦺꦱꦸꦏ꧀ꦲꦺꦱꦸꦏ꧀꧈ ꦱꦧꦼꦤ꧀ꦤꦺꦏꦼꦤ꧀ꦢꦼꦭ꧀ꦧꦲꦺ꧈ ꦲꦺꦴ

ꦫꦮꦼꦢꦶꦥꦼꦠꦼꦔꦺꦴꦫꦧꦫꦁ꧉ ​​ꦤꦔꦶꦁ​ꦮꦼꦔꦶꦏꦸꦮꦶꦠꦸꦒꦶꦠꦃꦲꦤ꧀ꦢꦸꦮꦺꦤ꧀ꦤꦶꦮꦼꦢꦶ꧉ ꦫꦸꦩꦁ

ꦱꦤꦺꦏꦧꦺꦃꦥꦼꦠꦼꦁ꧉ ꦩꦂꦒꦲꦠ꧀ꦠꦶꦤꦺꦥꦚ꧀ꦕꦺꦤ꧀ꦥꦼꦠꦼꦁꦲꦤ꧀ꦝꦼꦝꦼꦠ꧀꧈

꧋ꦒꦒꦱ꧀ꦱꦤ꧀ꦤꦺꦥꦶꦗꦼꦂꦧ꧀ꦭꦱ꧀​ꦧ꧀ꦭꦱ꧀ꦱꦤ꧀ꦩꦼꦚꦁꦥꦼꦤ꧀ꦝꦼꦩ꧀ꦩꦤ꧀ꦲꦶꦁꦔꦶꦱꦺꦴꦂꦮꦶꦠ꧀ꦒꦼꦝꦁ꧉ ꦫꦱ

ꦤꦺꦪꦧꦸꦔꦃ꧈ꦤꦔꦶꦁꦪꦱꦸꦱꦃ꧉​ꦱꦼꦩꦼꦩ꧀ꦲ꧀ꦭꦤ꧀ꦪꦲꦺꦴꦫꦱꦼꦤꦼꦁ꧉ ​ꦧꦉꦥ꧀ꦲꦉꦥ꧀ꦧꦶꦱꦲꦺꦁ

ꦒꦏ꧀ꦗꦼꦠꦼꦩꦸꦏꦫꦺꦴꦱꦫꦶꦗꦼꦩ꧀​ꦤꦔꦶꦁꦪꦢꦺꦴꦏ꧀ꦗꦼꦥꦺꦔꦶꦤ꧀ꦲꦺꦴꦫꦏꦼꦠꦼꦩꦸꦧ

ꦧꦂꦥꦶꦱꦤ꧀ꦧꦲꦺ꧉

꧋ꦫꦱꦤꦺꦏꦼꦕꦶꦥꦸꦃ​ꦲꦤ꧀ꦏꦪꦮꦼꦝꦸꦱ꧀ꦏꦁ​ꦏꦼꦕꦼꦩ꧀ꦥ꧀ꦭꦸꦁꦔꦤ꧀꧈

---

¹⁰ ꦏꦺꦴꦤꦁꦔꦤ꧀ꦭꦤ꧀ꦏꦥꦶꦠꦸꦭꦸꦔꦤ꧀꧈

꧋ꦮꦶꦱ꧀ꦮꦠꦫꦠꦼꦭꦸꦁꦢꦶꦤꦢꦺꦤ꧀ꦔ​ꦤ꧀ꦠꦺꦤ꧀ꦩꦁꦏꦸꦧꦺꦴꦤꦁꦔꦶꦪꦺꦤ꧀​​ꦒ꧀ꦭꦶꦒꦥ꧀ꦥꦺꦠꦸꦒꦶꦫꦃ

ꦫꦢꦒꦺꦱꦺꦃ꧈ ꦲꦺꦴꦫꦏꦪꦲꦢꦠ꧀ꦱꦧꦼꦤ꧀ꦤꦺ꧉ ꦪꦧꦼꦤꦼꦂꦲꦺꦴꦫꦔꦺꦛꦺꦂꦫ

ꦏꦺꦥꦒꦮꦺꦪꦤ꧀ꦤꦺ꧈ ꦤꦔꦶꦁꦒꦸꦪꦸꦤꦺꦲꦺꦴꦫꦥꦠꦶꦉꦚꦃ꧉ ꦉꦔꦼꦁꦉꦔꦼꦁꦔꦶꦱꦸꦏ

ꦪꦪꦲꦺꦴꦫ꧉ ꦪꦺꦤ꧀ꦢꦶꦲꦃꦗꦏ꧀ꦒꦸꦤꦼꦩ꧀ꦩꦤ꧀ꦧꦫꦁꦪꦲꦶꦱꦶꦃꦒꦸꦥꦾꦏ꧀​​ꦱꦼꦤꦼꦁꦧꦲꦺ꧈ ꦤ

ꦔꦶꦁ꧈ꦪꦲꦼꦩ꧀ꦧꦸꦃꦩꦂꦒꦱꦏꦲꦥ꧈ ꦱꦺꦴꦏ꧀ꦱꦺꦴꦏ꧀ꦥꦺꦴꦭꦠ꧀ꦠꦤ꧀ꦤꦺꦱꦗꦏ꧀ꦏꦪꦏ

ꦒꦺꦠ꧀​​ꦔꦤ꧀ꦠꦶꦠꦸꦒꦶꦫꦃꦢꦶꦢꦔꦸꦭꦥꦫꦢꦔꦼꦭꦸꦲꦥꦏꦼꦥꦿꦶꦪꦺ꧉ ​ꦮꦁꦱꦸꦭ꧀ꦭꦤ꧀ꦤꦺꦗꦂ

ꦫꦺꦲꦺꦴꦫꦲꦤꦲꦥꦲꦥ꧉ ​ꦩꦭꦃꦧꦸꦧꦂꦢꦶꦢꦔꦸꦩꦼꦁꦏꦺꦴꦤꦺꦴ꧈ ꦲꦺꦴꦭꦺꦃ

ꦲꦺꦚꦩ꧀ꦧꦸꦠ꧀ꦒꦮꦺꦱꦪꦏꦠꦺꦴꦚ꧀ꦕꦶꦏꦠ꧀꧈

꧋ꦢꦺꦤ꧀ꦧ꧀ꦥ꦳ꦤ꧀ꦠꦺꦤ꧀ꦩꦁꦏꦸꦫꦢꦏꦸꦫꦁꦏꦥꦺꦤꦏ꧀ꦥꦁꦒꦭꦶꦃꦲꦺ꧉ ꦧꦧ꧀ꦲꦤ꧀ꦢꦏ꧀ꦮꦠꦸ

ꦒꦶꦫꦃꦭꦺꦴꦁꦔꦤ꧀꧈ ​ꦱꦶꦁꦢꦶꦱꦩꦂꦫꦏꦺ꧈ ꦧꦺꦴꦏ꧀ꦩꦤꦮꦪꦺꦤ꧀ꦠꦸꦒꦶꦫꦃꦢꦸꦮꦺꦭꦭ

ꦫꦱꦶꦁꦢꦸꦫꦸꦁꦏꦺꦴꦤꦁꦔꦤ꧀​​ꦩꦸꦭꦠꦼꦫꦸꦱ꧀ꦢꦶꦲꦸꦭꦠ꧀ꦠꦏꦺꦧꦲꦺ꧉

꧋ꦲꦥꦏꦶꦫꦏꦶꦫꦱꦼꦝꦶꦃꦩꦂꦒꦩꦼꦤ꧀ꦠꦱ꧀ꦢꦶꦢꦸꦏꦤ꧀ꦤꦶꦝꦺꦏ꧀ꦮꦶꦔꦶꦏꦲꦺ꧈ ꦩꦂꦒꦗꦂꦫꦺꦤꦺ

ꦠꦥ꧀ꦭꦏ꧀ꦩꦺꦗꦱꦶꦁꦢꦶꦥꦺꦥꦺꦲꦶꦁꦩꦺꦩꦺꦪꦤ꧀ꦏꦧꦸꦂ꧈ ꦧꦚ꧀ꦗꦸꦂ​ꦏꦼꦕꦼꦩ꧀ꦥ꧀ꦭꦸꦔ꧀ꦭꦤ꧀ꦏꦺꦭꦶꦏ [ 29 ]ꦭꦺꦤ꧀ꦱꦶꦁꦲꦤꦲꦶꦁꦔꦶꦱꦺꦴꦂꦫꦶꦁꦩꦺꦩꦺꦪꦤ꧀꧈

꧋ꦥꦚ꧀ꦕꦺꦤ꧀ꦏꦭꦺꦤ꧀ꦤꦺꦏꦼꦉꦥ꧀ꦔꦺꦭꦺꦏ꧀ꦲꦏꦺꦩꦺꦩꦺꦪꦤ꧀​ꦩꦸꦭꦤ꧀ꦱꦲꦶꦏꦶꦢꦶꦠꦸꦠꦸꦥ꧀ꦔꦁ​ꦒꦺꦴꦧꦧ꧀ꦭꦒ꧀ꦭꦤ꧀ꦪꦺꦤ꧀ꦩꦺꦩꦺꦤ꧀ꦤꦶꦲꦺꦴꦫꦏꦼꦤꦭꦭꦸꦔꦁ​ꦒꦺꦴꦲꦼꦥꦶꦠ꧀ꦠꦤ꧀꧈

꧋ꦠꦸꦒꦶꦫꦃꦩꦼꦤ꧀ꦠꦱ꧀ꦭꦥꦸꦂꦪꦺꦤ꧀ꦠꦥ꧀ꦭꦏ꧀ꦏꦺꦏꦺꦭꦶ꧈ ꦩꦂꦒꦭꦭꦶꦲꦺꦴꦫꦢꦶꦗꦼꦥꦶꦠ꧀​​ꦩꦸꦭꦢꦶꦢꦸꦏꦤ꧀ꦤꦶꦩꦂꦒꦏꦸꦫꦁꦔꦠꦶꦲꦠꦶ꧉ ​ꦧꦸꦧꦂꦏꦸꦮꦶꦏꦠꦺꦴꦤ꧀ꦫꦢꦩꦼꦤꦼꦁ꧉

꧋ꦗꦩ꧀ꦤꦼꦩ꧀ꦱꦺꦴꦫꦺꦮꦺꦴꦁꦱꦥꦤ꧀ꦠꦶꦥꦥꦥꦝꦔ꧀ꦭꦸꦩ꧀ꦥꦸꦏ꧀ꦲꦤꦲꦶꦔ꧀ꦭꦠꦂꦧꦸꦫꦶꦏꦧꦺꦃ꧉ ꦥꦝꦒꦸꦒꦸꦪꦺꦴꦤ꧀ꦏꦪꦱꦧꦼꦤ꧀ꦤꦺ꧉ ꦢꦺꦤ꧀ꦔꦤ꧀ꦠꦺꦤ꧀ꦩꦁꦏꦸꦊꦁꦒꦃꦲꦤꦲꦶꦤ꧀ꦁꦗꦿꦩ꧀ꦧꦃꦧꦸꦫꦶ꧈​ꦏꦫꦺꦴꦩꦕ꧉​ ꦮꦺꦴꦔ꧀ꦮꦺꦴꦁꦲꦺꦴꦭꦺꦃꦲꦺꦒꦸꦒꦸꦪꦺꦴꦤ꧀ꦔꦤ꧀ꦠꦶꦒꦼꦂꦒꦼꦂꦫꦤ꧀​​ꦲꦺꦴꦫꦏꦺꦭꦶꦁꦔꦤ꧀ꦪꦺꦤ꧀ꦧꦼꦤ꧀ꦢꦫꦤꦺꦲꦤꦻꦁꦏꦺꦴꦤꦺꦴ꧉​ ꦠꦸꦒꦶꦫꦃꦪꦩꦺꦭꦸꦗꦒꦺꦴꦁꦔꦤ꧀꧈ ꦲꦤꦱꦶꦁꦱꦿꦮꦺꦪꦤ꧀ꦠꦔꦤ꧀ꦤꦺ꧈​ ꦲꦤꦱꦶꦁꦔꦺꦴꦢꦒ꧀ꦔꦢꦼꦒ꧀ꦏꦠꦺꦴꦒꦮꦺꦭꦸꦕꦺꦴꦤ꧀​​ꦭꦤ꧀​​ — ꦲꦤꦲꦸꦒꦱꦶꦁꦲꦭꦺꦴꦤ꧀ꦲꦭꦺꦴꦤ꧀ꦩꦸꦤ꧀ꦢꦸꦂ꧈​ꦧꦚ꧀ꦗꦸꦂꦩꦏ꧀​ꦗꦿꦤ꧀ꦛꦭ꧀​​ꦩ꧀ꦭꦪꦸꦩꦼꦚꦁꦔꦉꦥ꧀​​ꦢꦺꦤ꧀ꦔꦤ꧀ꦠꦺꦤ꧀ꦩꦁꦏꦸꦥꦶꦤꦸꦗꦸꦔꦮꦱ꧀ꦱꦏꦺꦱꦶꦁꦥꦝꦫꦩꦺꦫꦩꦺꦒꦸꦪꦺꦴꦤ꧀꧈​ꦩꦶꦱꦧꦺꦴꦕꦃꦱꦶꦁꦔ꧀ꦭꦶꦩ꧀ꦥꦺꦏ꧀ꦲꦏꦺꦔꦤ꧀ꦠꦶꦩꦸꦤ꧀ꦢꦸꦂꦩꦸꦤ꧀ꦢꦸꦂ꧉​ ꦲꦺꦴꦫꦥꦔ꧀ꦭꦶꦁꦪꦺꦤ꧀ꦏꦸꦮꦶꦠꦸꦒꦶꦫꦃ꧉ꦏꦪꦲꦤꦱꦶꦁꦔꦺꦴꦱꦶꦏ꧀ꦏꦏꦺ꧈ ꦧꦚ꧀ꦗꦸꦂꦤꦸꦠꦸꦠ꧀ꦠꦶꦩꦼꦚꦁꦔꦉꦥ꧀ꦥꦤ꧀​ꦤꦔꦶꦁꦩꦼꦠꦸꦗꦼꦫꦺꦴ꧉ꦮꦺꦴꦁ​ꦮꦺꦴꦁꦲꦺꦴꦫꦥꦝꦏꦺꦭꦶꦁꦔꦤ꧀ꦠꦸꦒꦶꦫꦃ꧈ ꦩꦸꦁꦥꦝꦏꦼꦠꦸꦁꦏꦸꦭ꧀ꦲꦺꦴꦭꦺꦃꦲꦺꦒꦸꦪꦺꦴꦤ꧀꧉

꧋ꦱꦶꦁꦢꦶꦲꦶꦤ꧀ꦝꦶꦏ꧀ꦲꦺꦴꦫꦮꦼꦫꦸꦃ꧈ ꦥꦫꦤ꧀ꦤꦺꦲꦺꦴꦫꦭꦶꦪꦪꦩꦼꦚꦁꦲꦼꦁꦒꦺꦴꦤ꧀ꦒꦿꦺꦴꦩ꧀ꦧꦺꦴꦭ꧀ꦭꦤ꧀ꦮꦶꦠ꧀ꦒꦼꦝꦁꦥꦺꦴꦗꦺꦴꦏ꧀ꦏꦸꦭꦺꦴꦤ꧀꧈ꦭꦏꦸꦤꦺꦠꦼꦫꦸꦱ꧀ꦢꦶꦲꦼꦠꦸꦠ꧀ꦠꦏꦺ꧈ ꦔꦤ꧀ꦠꦶꦲꦤꦲꦶꦁꦧꦸꦫꦶꦤꦺꦧꦼꦤꦼꦂ꧈ ꦲꦩ꧀ꦥꦶꦁꦲꦩ꧀ꦥꦶꦁꦔꦤ꧀ꦮꦶꦠ꧀ꦒꦼꦝꦁꦲꦸꦒ꧉ ꦠꦸꦒꦶꦫꦃꦲꦩ꧀ꦧꦶꦪꦏ꧀ꦲꦩ꧀ꦧꦶꦪꦏ꧀ꦥꦒꦼꦂ꧉ ꦲꦺꦴꦫꦊꦠ꧀ꦱꦸꦮꦺꦲꦤꦱ꧀ꦮꦫꦤꦺꦮꦺꦴꦁ​ꦠꦼꦏ꧉ꦒꦸꦤꦼꦩ꧀ꦩꦤ꧀ꦤꦺꦕꦼꦛꦏꦧꦺꦃ꧉​ ꦱꦶꦁꦲꦤꦗꦧꦩꦸꦤꦶ꧇

꧇ꦠꦥ꧀ꦭꦏ꧀ꦏꦺꦩꦸꦁꦥꦪꦸꦭꦶꦩꦭꦱ꧀ꦱꦺꦤ꧀​​ꦫꦃ꧈ ꦱꦺꦤ꧀ꦝꦺꦴꦏ꧀ꦏꦺꦭꦶꦩꦁꦱꦺꦤ꧀꧈ ​ꦢꦢꦶ​ꦥꦪꦺꦴꦤ꧀ꦫꦺꦴꦁꦏꦼꦛꦶꦥ꧀꧈ ​ꦲꦼꦚ꧈ ꦱꦼꦏꦼꦛꦶꦥ꧀ꦲꦺꦝꦶꦁ꧉

꧇ꦲꦼꦤ꧀ꦢꦶ꧈ꦭꦶꦩꦁꦱꦺꦤ꧀ꦧꦲꦺ꧉ ꦱꦶꦔ꧀ꦭꦶꦩꦁꦱꦺꦤ꧀ꦲꦏꦸꦠꦶꦠꦶꦥ꧀ꦠꦸꦏꦺꦴꦏ꧀ꦤꦧꦏ꧀ꦥꦎ꧈ [ 30 ]ꦪ꧈ꦱꦶꦁꦲꦶꦱꦶꦏꦸꦩ꧀ꦧꦸꦱꦶꦗꦶ꧈ꦭꦤ꧀ꦲꦶꦱꦶꦲꦶꦮꦏ꧀ꦧꦧꦶꦱꦶꦗꦶ꧉

꧇ꦪ꧈​꧖꧈ꦫꦃ꧈ꦲꦩ꧀ꦧꦺꦴꦏ꧀ꦗꦗꦭ꧀​​ꦲꦚ꧀ꦗꦸꦥꦸꦏ꧀ꦏꦗꦫꦶꦏ꧀ꦏꦺꦩ꧀ꦧꦼꦤ꧀ꦢꦫꦩꦸ꧉ꦥꦪꦸꦤꦺꦩꦼꦁꦏꦺꦴꦫꦏꦿꦢꦭꦸꦩꦪꦤ꧀​​ꦢꦢꦶꦤꦺꦲꦺꦴꦫꦏꦼꦠꦁꦒꦸꦁꦔꦤ꧀꧈

꧇ꦮꦶꦱ꧀​​ꦲꦼꦩꦺꦴꦃꦏꦺꦴꦏ꧀ꦲꦏꦸ꧈​ꦗꦼꦩ꧀​​ꦪꦺꦤ꧀ꦥꦶꦏꦼꦂꦏꦺꦴꦲꦼꦏꦺꦴꦤ꧀ꦚꦺꦴꦭꦺꦴꦁꦚꦺꦴꦭꦺꦴꦁꦧꦲꦺ꧉​ꦲꦏꦸꦠꦼꦫꦸꦱ꧀ꦝꦼꦒ꧀ꦝꦼꦒ꧀ꦒꦤ꧀ꦧꦲꦺ꧉ꦪꦧꦼꦤꦼꦂꦤ꧀ꦢꦫꦲꦺꦴꦫꦔꦺꦴꦤꦁꦔꦶ꧈​ꦤꦔꦶꦁꦓꦸꦱ꧀ꦡꦶꦄꦭ꧀ꦭꦃꦩꦼꦱ꧀ꦛꦶꦩꦶꦂꦱꦤ꧀ꦤꦶ꧉​ꦲꦏꦸꦮꦼꦢꦶ꧉

꧇ꦲꦺꦴꦫ꧈ꦲꦺꦴꦫ꧈​ꦪꦺꦤ꧀​ ...........꧈

꧋ꦢꦸꦫꦸꦁꦠꦸꦠꦸꦒ꧀ꦲꦺꦴꦭꦺꦃꦲꦺꦩꦸꦤꦶꦲꦤ꧀ꦢꦢꦏ꧀ꦏꦿꦸꦔꦸꦩꦏ꧀ꦏꦿꦸꦱꦼꦏ꧀​​ꦭꦤ꧀ꦮꦼꦫꦸꦃꦲꦺꦤ꧀ꦲꦶꦁꦧꦸꦫꦶꦤꦺꦠꦸꦒꦶꦫꦃꦲꦤꦲꦸꦮꦺꦴꦁ꧉​ꦱꦫꦶꦗꦼꦩ꧀​ꦩ꧀ꦭꦪꦸꦱꦶꦥꦠ꧀ꦏꦸꦥꦶꦁ꧈​ꦲꦺꦴꦫꦩꦤ꧀ꦝꦼꦒ꧀ꦩꦤ꧀ꦝꦼꦒ꧀​​ꦔꦤ꧀ꦠꦶꦠꦼꦏꦤ꧀ꦢꦭꦔꦼꦝꦺ꧉

꧋ꦭꦃ꧈​ꦠꦸꦒꦶꦫꦃꦏꦼꦥꦿꦶꦪꦺ꧉​ꦏꦩꦶꦛꦺꦴꦛꦺꦴꦭ꧀ꦊꦤ꧀​​ꦲꦺꦴꦫꦧꦶꦱꦲꦺꦴꦧꦃ꧉ꦭꦒꦶꦏꦿꦸꦔꦸꦢꦶꦲꦼꦭꦸꦏ꧀ꦗꦼꦤꦼꦁꦔꦺꦧꦲꦺꦮꦶꦱ꧀ꦤꦔꦶꦱ꧀ꦏꦫꦺꦴꦱꦩ꧀ꦧꦠ꧀ꦱꦩ꧀ꦧꦠ꧀​​ꦤꦁꦔꦶꦁꦢꦶꦝꦮꦸꦃꦲꦶꦲꦼꦁꦒꦭ꧀ꦩꦼꦤꦼꦁ꧈​ꦏꦫꦺꦴꦲꦤ꧀ꦝꦺꦫꦺꦏ꧀ꦏꦏꦺꦧꦼꦤ꧀ꦢꦫꦤꦺꦩꦼꦚꦁꦏꦤ꧀ꦠꦺꦴꦂꦫꦤ꧀꧈​ꦲꦤꦲꦶꦁꦏꦺꦴꦤꦺꦴꦠꦸꦒꦶꦫꦃꦮꦭꦺꦃꦏꦧꦺꦃ꧉ꦲꦥꦱꦶꦁꦢꦶꦕꦺꦴꦭꦺꦴꦁ꧈​ꦭꦤ꧀ꦩꦤꦺꦃꦝꦸꦮꦶꦠꦿꦺꦴꦁꦫꦸꦥꦶꦪꦃ꧈​ꦲꦺꦴꦥꦃꦲꦤ꧀ꦱꦏꦱꦫꦶꦗꦼꦩ꧀​​ꦢꦶꦲꦠꦸꦂꦫꦏꦺꦲꦺꦴꦭꦺꦃꦲꦺꦤꦔꦶꦱ꧀ꦔꦤ꧀ꦠꦶꦏꦩꦶꦱꦼꦱꦼꦒ꧀ꦒꦼꦤ꧀꧈​​ꦲꦺꦴꦫꦩꦸꦁꦩꦂꦒꦮꦼꦢꦶꦲꦺꦴꦭꦺꦃꦲꦺꦏꦺꦴꦤꦁꦔꦤ꧀​​ꦤꦁꦔꦶꦁ​ꦲꦸꦒꦩꦂꦒꦠꦸꦒꦶꦫꦃꦫꦸꦩꦺꦴꦁꦱꦭꦸꦥꦸꦠ꧀ꦠꦼꦩꦼꦤ꧀ꦤꦤ꧀꧉ꦩꦤꦃ꧈​ꦲꦸꦥꦩꦧꦼꦤ꧀ꦢꦫꦤꦺꦏꦂꦱꦲꦁꦒꦼꦧꦸꦒ꧀ꦒꦶꦲꦮꦏ꧀ꦏꦺ꧈​ꦧꦺꦴꦏ꧀ꦩꦤꦮꦭꦸꦮꦶꦃꦱꦼꦤꦼꦔ꧀ꦭꦤ꧀ꦊꦒ꧈​ꦏꦠꦶꦩ꧀ꦧꦁꦩꦸꦁꦢꦶꦢꦸꦏꦤ꧀ꦤꦶꦛꦺꦴꦏ꧀꧈​ꦤꦔꦶꦁ​ꦠꦸꦒꦶꦫꦃꦲꦺꦴꦫꦢꦶꦒꦼꦧꦸꦒ꧀ꦒꦶ꧈​ꦲꦺꦴꦭꦺꦃꦥꦲꦸꦏꦸꦩ꧀ꦩꦤ꧀ꦭꦶꦪ꧉​ꦪꦏꦸꦮꦶ꧇ꦱꦗꦿꦺꦴꦤꦺꦱꦩꦶꦁꦒꦸꦲꦺꦴꦫꦲꦺꦴꦭꦺꦃꦕꦝꦺꦴꦔ꧀ꦭꦮꦸꦃ꧉ꦩꦸꦁꦩꦔꦤ꧀ꦏꦫꦺꦴꦲꦸꦪꦃ꧉ꦧꦼꦒ꧀ꦗꦧꦼꦒ꧀ꦗꦤꦺꦏꦫꦺꦴꦗꦔꦤ꧀ꦧꦼꦤꦶꦁ꧉​ꦏꦥꦶꦁꦥꦶꦤ꧀ꦝꦺꦴꦤꦺ꧈ꦭꦃ꧈​ꦲꦶꦏꦶꦭꦸꦮꦶꦃꦲꦧꦺꦴꦠ꧀ꦩꦤꦺꦃ​ꦏꦁꦒꦺꦴꦠꦸꦒꦶꦫꦃ꧈ꦲꦺꦴꦫꦢꦶꦭꦶꦭꦤ꧀ꦤꦶꦩꦺꦭꦸꦔꦿꦸꦔꦺꦴꦏ꧀ꦲꦏꦺꦕꦿꦶꦠꦲꦶꦁ​ꦮꦪꦃꦧꦺꦔꦶ꧈​ꦧꦸꦧꦂꦩꦔꦤ꧀꧈ꦭꦮꦱ꧀ꦱꦺꦠꦼꦭꦸꦁꦢꦶꦤ꧉ꦭꦃ꧈ꦲꦶꦏꦸꦠꦸꦒꦶꦫꦃꦫꦸꦩꦺꦴꦁꦱꦫꦸꦒꦶꦧꦔꦼꦠ꧀꧉ [ 31 ]ꦲꦺꦮꦱꦩꦺꦴꦤꦺꦴꦪꦔꦿꦸꦩꦁꦱꦤ꧀ꦤꦶ꧈​ꦪꦺꦤ꧀ꦮꦶꦱ꧀ꦱꦩꦼꦱ꧀ꦛꦶꦤꦺꦢꦶꦥꦠꦿꦥ꧀ꦥꦶꦥꦲꦸꦏꦸꦩ꧀ꦩꦤ꧀ꦱꦶꦁꦩꦁꦏꦺꦴꦤꦺꦴ꧉​ꦢꦶꦠꦺꦴꦩ꧀ꦥꦏꦤ꧀ꦛꦶꦥꦤꦫꦶꦩ꧉​ꦧꦉꦁ​ꦮꦶꦱ꧀ꦏꦼꦥꦸꦁꦏꦸꦂ꧈​ꦪꦫꦸꦩꦺꦴꦁꦱꦭꦸꦮꦶꦃꦱꦼꦤ꧀ꦱꦼꦁ꧉

꧋ꦲꦶꦁꦱꦗꦿꦺꦴꦤꦶꦁꦲꦠꦶꦗꦚ꧀ꦗꦶꦲꦺꦴꦫꦧꦏꦭ꧀ꦩꦤꦺꦃꦩꦤꦺꦃ꧉ꦱꦶꦁꦱꦗꦏ꧀ꦏꦪꦮꦸꦁꦏꦭ꧀ꦩꦼꦤ꧀ꦝꦺꦴꦏꦺꦴꦭ꧀ꦲꦶꦁꦲꦠꦶꦮꦶꦱ꧀ꦲꦺꦴꦫꦏꦿꦱꦩꦤꦺꦃ꧉ꦲꦤꦻꦁꦥꦼꦠꦼꦁꦔꦤ꧀ꦮꦶꦱ꧀ꦲꦺꦴꦫꦮꦼꦢꦶ꧉​ꦲꦺꦴꦭꦺꦃꦲꦺꦲꦚ꧀ꦗꦸꦥꦸꦏ꧀ꦏꦪꦸꦏꦁꦒꦺꦴꦢꦢꦺꦏ꧀ꦤꦼꦤꦶꦱꦺꦱꦸꦏ꧀ꦲꦺꦱꦸꦏ꧀​ꦢꦶꦱꦩ꧀ꦧꦶꦏꦫꦺꦴꦉꦔꦼꦁꦉꦔꦼꦁ꧉

꧋ꦠꦸꦒꦶꦫꦃꦭꦺꦫꦺꦤ꧀ꦱꦝꦺꦭ꧈​ꦛꦼꦔꦸꦏ꧀ꦛꦼꦔꦸꦏ꧀ꦲꦶꦁ​ꦲꦸꦤ꧀ꦝꦏ꧀ꦲꦸꦤ꧀ꦝꦏ꧀ꦏꦤ꧀ꦥꦮꦺꦴꦤ꧀​ꦏꦫꦺꦴꦔꦶꦔꦼꦠ꧀ꦠꦏꦺꦭꦶꦤ꧀ꦠꦁꦱꦶꦁꦥꦝꦥꦠꦶꦁꦏꦽꦭꦶꦥ꧀꧈​ꦏꦪꦏꦪꦭꦶꦤ꧀ꦠꦔ꧀ꦭꦶꦤ꧀ꦠꦁꦩꦲꦸꦥꦢꦔꦼꦝꦺꦥ꧀ꦲꦼꦝꦺꦥ꧀ꦥꦶꦠꦸꦒꦶꦫꦃ꧉​ꦱꦗꦏ꧀ꦏꦺꦥꦝꦩꦺꦭꦸꦧꦸꦔꦃꦧꦸꦔꦃ꧉ꦏꦪꦏꦪꦥꦝꦠꦸꦠꦸꦂ꧇ ꧇ꦤꦃ꧈​ꦫꦏꦾꦭꦸꦮꦶꦃꦱꦼꦤꦼꦁꦪꦺꦤ꧀ꦔꦺꦴꦤꦺꦴ꧈​ꦠ꧈​ꦫꦃ꧉

꧋ꦠꦸꦒꦶꦫꦃꦩꦼꦚꦠ꧀꧈​ꦲꦠꦶꦤꦺꦱꦼꦤꦼꦁ꧉ꦧꦉꦁꦲꦤ꧀ꦢꦼꦊꦁꦔꦭꦺꦴꦂ꧈ꦲꦶꦁꦥꦺꦴꦗꦺꦴꦏ꧀ꦱꦶꦱꦶꦃꦏꦸꦭꦺꦴꦤ꧀​ꦏꦶꦫꦶꦒ꧀ꦏꦶꦫꦶꦒ꧀꧈​ꦲꦺꦁꦒꦭ꧀ꦲꦁꦒꦭ꧀​​​ꦩ꧀ꦊꦧꦸꦔꦺꦴꦩꦃ꧉ꦏꦪꦏꦪꦏꦼꦥꦺꦔꦶꦤ꧀ꦚꦶꦁꦏꦶꦫꦶꦥꦥꦤ꧀ꦲꦼꦁꦒꦺꦴꦤ꧀ꦤꦺꦒꦮꦺꦱꦼꦏꦼꦭ꧀ꦭ꧀ꦭꦶꦁꦥꦁ​ꦒꦭꦶꦃꦲꦺꦓꦸꦱ꧀ꦡꦶ꧈ꦭꦤ꧀ꦧꦼꦤ꧀ꦢꦫꦤꦺ꧉

***

꧇ꦏꦸꦭꦩꦺꦤ꧀ꦢꦏꦒꦸꦁꦔꦤ꧀ꦚ꧈

ꦢꦺꦤ꧀ꦚꦤꦼꦧꦸꦱ꧀​ꦏ꧀ꦭꦪꦤ꧀ꦫꦃꦚ꧉

__________

11​​꧋ꦩꦼꦤꦁ

꧋ꦠꦺꦤꦺꦴꦁ꧈ꦭꦺꦴꦝꦺꦴꦔ꧀ꦭꦺꦴꦝꦺꦴꦁ꧈ꦭꦤ꧀ꦥꦚ꧀ꦕꦶꦥꦚ꧀ꦕꦶꦢꦸꦮꦺꦏ꧀ꦏꦺꦥꦤ꧀ꦠꦶꦥꦥꦢꦶꦤꦏꦸꦮꦶꦢꦶꦏꦸꦩ꧀ꦧꦃꦲꦶꦉꦱꦶꦏ꧀​ꦭꦤ꧀ꦢꦶꦲꦼꦥꦺꦱꦸꦥꦪꦏꦼꦱꦠ꧀꧈​ꦢꦶꦲꦼꦁꦒꦺꦴꦩꦝꦃꦲꦶꦥꦔꦤ꧀ꦤꦚ꧀ꦕꦶꦏ꧀ꦧꦺꦤ꧀ꦲꦺꦴꦫꦩ꧀ꦊꦩ꧀ꦥꦼꦩ꧀꧈ [ 32 ]꧋ꦮꦶꦱ꧀ꦫꦺꦴꦁꦢꦶꦤꦮꦺꦴꦁꦱꦥꦤ꧀ꦠꦶꦥꦥꦥꦝꦚꦩ꧀ꦧꦸꦠ꧀ꦒꦮꦺꦠꦼꦤꦤ꧀ꦤꦤ꧀​​ꦪꦏꦸꦮꦶꦒꦮꦺꦱꦒꦺꦴꦤ꧀​​ꦏꦸꦮꦶꦃꦱꦼꦩ꧀ꦥꦿꦶꦁ꧈​ꦏꦼꦩ꧀ꦧꦁꦩꦮꦂ꧈​ꦭꦤ꧀ꦭꦶꦪꦭꦶꦪꦤꦺ꧈꧉ꦥꦔꦤ꧀ꦤ​ꦤ꧀ꦫꦸꦥꦫꦸꦥꦏꦸꦮꦶꦩꦼꦁꦏꦺꦴꦢꦶꦲꦼꦠꦼꦂꦲꦼꦠꦼꦂꦫꦏꦺꦩꦼꦚꦁꦲꦼꦁꦒꦺꦴꦤ꧀ꦤꦺꦥꦫꦊꦁꦒꦤ꧀ꦤꦤ꧀꧈

꧋ꦊꦁꦒꦤ꧀ꦤꦤ꧀ꦤꦺꦱꦶꦁꦲꦏꦺꦃꦩꦶꦠꦿꦩꦶꦠꦿꦤꦺꦢꦺꦤ꧀ꦔꦤ꧀ꦠꦺꦤ꧀ꦩꦁꦏꦸ꧈​ꦮꦺꦴꦁ​ꦮꦺꦴꦁ​ꦲꦶꦏꦸꦲꦸꦒꦩꦺꦭꦸꦔꦸꦫꦸꦤ꧀ꦤꦶꦱꦶꦛꦶꦏ꧀ꦱꦶꦛꦶꦏ꧀ꦏꦁꦒꦺꦴꦏꦲꦶꦁꦧꦸꦠꦸꦃꦲꦤ꧀ꦤꦺꦥꦫꦮꦺꦴꦁꦩꦶꦱ꧀ꦏꦶꦤ꧀ꦲꦶꦁꦥꦤ꧀ꦠꦶꦥꦥ꧉

꧋ꦏꦁꦒꦺꦴꦥꦒꦮꦺꦪꦤ꧀​ꦭꦤ꧀ꦔꦶꦫꦱ꧀ꦏꦁꦒꦺꦴꦱꦶꦤꦲꦸ꧈​ꦮꦺꦴꦁ​ꦮꦺꦴꦁ​ꦩꦶꦱ꧀ꦏꦶꦤ꧀ꦲꦶꦏꦸꦥꦝꦢꦶꦲꦗꦂꦫꦶꦒꦒꦮꦺꦪꦤ꧀ꦫꦸꦥꦫꦸꦥ꧈ꦪꦢꦺꦴꦤ꧀ꦢꦺꦴꦩ꧀​​ꦪꦒꦮꦺꦥꦔꦤ꧀ꦤꦤ꧀ꦭꦤ꧀ꦭꦶꦪꦭꦶꦪꦤꦺ꧉ꦱꦸꦥꦪꦮꦺꦴꦁ​ꦮꦺꦴꦁ​ꦲꦶꦁꦏꦺꦴꦤꦺꦴꦥꦝꦏꦸꦭꦶꦤꦱꦼꦤꦼꦔ꧀ꦭꦤ꧀ꦔꦼꦂꦠꦶꦩꦼꦚꦁꦥꦒꦮꦺꦪꦤ꧀​​ꦲꦺꦴꦭꦺꦃꦲꦺꦴꦭꦺꦃꦲꦤ꧀ꦤꦺꦢꦶꦲꦼꦢꦺꦴꦩ꧀꧈​ꦥꦥꦪꦺꦴꦤ꧀ꦤꦺꦏꦼꦤꦢꦶꦲꦼꦁꦒꦺꦴꦠꦩ꧀ꦧꦃꦠꦸꦏꦸꦏꦧꦸꦠꦸꦃꦲꦤ꧀ꦤꦺ​ꦮꦺꦴꦁ​ꦲꦶꦁꦥꦤ꧀ꦠꦶꦥꦥ꧉

꧋ꦱꦒꦺꦴꦤ꧀ꦤꦺꦏꦼꦩꦿꦶꦥꦶꦏ꧀​​ꦱꦼꦩ꧀ꦥꦿꦶꦁꦔꦺꦏꦸꦤꦶꦁꦏꦸꦤꦶꦁ꧉​​ꦏꦧꦺꦃꦱꦂꦮꦚꦼꦤꦼꦁꦔꦏꦺ꧉

꧋ꦮꦃ꧈​ꦧꦏꦭ꧀ꦭꦺꦫꦢꦭꦸꦩꦪꦤ꧀ꦲꦺꦤ꧀ꦠꦸꦏ꧀ꦲꦺꦤ꧀ꦠꦸꦏ꧀ꦏꦤ꧀ꦤꦺꦩꦼꦁꦏꦺꦴ꧉

꧋ꦧꦉꦔ꧀ꦮꦝꦃꦲꦺꦢꦶꦠꦶꦭꦶꦏ꧀ꦏꦶꦮꦶꦱ꧀ꦥꦝꦒꦫꦶꦁꦠꦼꦩꦼꦤ꧀ꦤꦤ꧀​​ꦤꦸꦭꦶꦮꦶꦮꦶꦠ꧀ꦩꦝꦃꦲꦶ꧉

꧋ꦠꦸꦒꦶꦫꦃꦩꦼꦤ꧀ꦠꦱ꧀ꦢꦶꦲꦸꦠꦸꦱ꧀ꦱꦢꦶꦤꦩꦸꦥꦸꦠ꧀​​ꦧꦉꦔ꧀ꦮꦶꦱ꧀ꦠꦼꦏ꧈​ꦪꦫꦺꦮꦁꦫꦺꦮꦁꦩꦝꦃꦲꦶ꧉

꧇ꦲꦢꦸꦃ꧈ꦒꦤ꧀ꦢꦤꦺꦲꦺꦴꦭꦺꦃꦲꦺꦒꦸꦫꦶꦃ꧉

꧇ꦲꦼꦩ꧀​​ꦩꦺꦤ꧀ꦢꦃꦫꦱꦤꦺ꧈​ꦪ꧉

꧋ꦠꦸꦒꦶꦫꦃꦕ꧀ꦊꦒꦸꦏ꧀ꦏꦤ꧀ꦧꦲꦺ꧉ꦤꦔꦶꦁꦲꦺꦴꦭꦺꦃꦲꦺꦚꦩ꧀ꦧꦸꦠ꧀ꦒꦮꦺꦠꦼꦫꦸꦱ꧀​​ꦲꦺꦴꦫꦭꦺꦫꦺꦤ꧀ꦭꦺꦫꦺꦤ꧀꧉

꧋ꦭꦺꦴꦝꦺꦴꦁꦱꦶꦔ꧀ꦮꦶꦱ꧀ꦲꦶꦱꦶ꧈​ꦢꦶꦢꦮꦸꦃꦲꦶꦔꦼꦠꦼꦂꦲꦼꦠꦼꦂꦫꦏꦺ꧉ꦠꦸꦒꦶꦫꦃ꧈ꦱꦫꦺꦃ [ 33 ]ꦤꦺꦩꦼꦤ꧀ꦠꦱ꧀ꦢꦶꦲꦸꦠꦸꦱ꧀ꦫꦤꦫꦤ꧈​ꦩꦸꦭꦲꦺꦴꦫꦩꦺꦭꦸꦔꦼꦠꦼꦂꦲꦼꦠꦼꦂꦫꦏꦺ꧉​ꦢꦶꦝꦮꦸꦃꦲꦶ​ꦫꦺꦮꦁꦫꦺꦮꦁꦲꦤꦲꦶꦁꦔꦺꦴꦩꦃꦧꦲꦺ꧈​ꦩꦂꦒꦱꦶꦁꦢꦸꦫꦸꦁꦢꦶꦮꦝꦃꦲꦶꦲꦶꦱꦶꦃ​ꦲꦏꦺꦃ꧉​ꦱꦶꦁꦲꦤꦔꦺꦴꦩꦃꦮꦼꦏ꧀ꦠꦸꦏꦸꦮꦶꦩꦸꦁꦢꦺꦤ꧀ꦔꦤ꧀ꦠꦺꦤ꧀ꦩꦁꦏꦸꦭꦤ꧀ꦠꦸꦒꦶꦫꦃ꧉​ꦭꦶꦪꦤꦺꦥꦝꦱꦸꦩꦼꦧꦂ꧉

꧇ꦠꦸꦒꦶꦫꦃ꧈​ꦏꦺꦴꦮꦺꦠꦼꦫꦸꦱ꧀ꦲꦤ​ꦲꦶꦁꦏꦺꦤꦺ꧈​ꦪ꧉

꧇ꦲꦏꦸꦏꦿꦸꦔꦸ꧇​ꦏꦸꦭꦤꦸꦮꦸꦤ꧀꧇ꦱꦗꦏ꧀ꦏꦺꦲꦤꦠꦩꦸ꧈​ꦲꦗꦔꦤ꧀ꦠꦶꦏꦶꦱꦿꦸꦃꦲꦺꦴꦭꦺꦃꦩꦸꦔꦺꦠꦸꦁ꧈​ꦭꦤ꧀ꦔꦠꦶꦲꦠꦶ꧈ꦪꦺꦤ꧀ꦲꦤꦏꦸꦕꦶꦁ꧉

꧋ꦔꦤ꧀ꦢꦶꦏꦩꦁꦏꦺꦴꦤꦺꦴꦏꦫꦺꦴꦲꦺꦁꦒꦭ꧀ꦲꦺꦁꦒꦭ꧀ꦠꦶꦤ꧀ꦢꦏ꧀ꦩꦼꦚꦁꦔꦉꦥ꧀ꦥꦤ꧀꧈

꧋ꦠꦼꦩꦼꦤꦤ꧀ꦲꦤꦠꦩꦸ꧈​ꦩꦶꦠꦿꦤꦺꦱꦏꦩꦒꦼꦭꦁ꧈ꦥꦝꦊꦁꦒꦃꦲꦤ꧀ꦲꦤꦲꦶꦁꦔꦉꦥ꧀ꦥꦤ꧀ꦱꦶꦤꦩ꧀ꦧꦶꦔꦸꦚ꧀ꦗꦸꦏ꧀ꦠꦺꦃꦭꦤ꧀ꦝꦲꦂꦚꦩꦶꦏ꧀ꦏꦔꦮꦺꦪꦤ꧀ꦤꦺꦝꦺꦮꦺ꧉

꧋ꦏꦕꦿꦶꦠꦱꦶꦁꦢꦶꦝꦮꦸꦃꦲꦶꦠꦸꦁꦒꦸꦭꦤ꧀ꦔꦺꦠꦸꦁꦔꦶꦥꦔꦤ꧀ꦤꦤ꧀ꦲꦤꦲꦶꦁꦥꦮꦺꦴꦤ꧀​ꦒꦸꦭꦸꦤꦺꦠꦼꦫꦸꦱ꧀​​ꦕ꧀ꦊꦒꦸꦏ꧀ꦏꦤ꧀ꦧꦲꦺ꧈ꦲꦶꦁꦒꦼꦂꦭꦒꦶꦩꦶꦭꦁ꧇​ꦱꦶꦗꦶ꧈​ꦭꦺꦴꦫꦺꦴ꧈ꦠꦼꦭꦸ꧈ꦥꦥꦠ꧀​​ꦩꦏ꧀​​​ꦕ꧀ꦊꦒꦸꦏ꧀꧈​ꦏꦼꦥꦺꦔꦶꦤ꧀ꦤꦺꦩꦺꦃꦲꦺꦴꦫꦏꦼꦤꦢꦶꦲꦩ꧀ꦥꦼꦠ꧀​​ꦝꦱꦂꦮꦼꦠꦼꦁꦔꦺꦭꦸꦮꦺ꧈​ꦏꦛꦶꦏ꧀ꦚꦤ꧀ꦛꦶꦁꦥꦔꦤ꧀ꦤꦤ꧀ꦲꦺꦏ꧀ꦲꦺꦤꦏ꧀ꦱꦩꦺꦴꦤꦺꦴꦲꦏꦺꦃꦲꦺ꧉​ꦠꦸꦂꦲꦶꦗꦺꦤ꧀ꦥꦶꦱꦤ꧀꧈

꧋ꦠꦸꦒꦶꦫꦃꦲꦺꦴꦫꦩꦺꦭꦸꦒꦮꦺ꧈ꦢꦢꦶꦪꦲꦺꦴꦫꦩꦺꦭꦸꦲꦶꦕꦶꦥ꧀ꦲꦶꦕꦶꦥ꧀ꦏꦪꦏꦺꦴꦚ꧀ꦕꦏꦚ꧀ꦕꦤꦺ꧉

꧇ꦲꦸꦥꦩ꧈ꦲꦚ꧀ꦗꦸꦥꦸꦏ꧀ꦱꦶꦗꦶꦛꦶꦭ꧀ꦧꦲꦺ꧈​ꦲꦶꦏꦶꦭꦺꦴ꧈ꦱꦶꦁꦫꦢꦒꦺꦴꦱꦺꦴꦁ꧉ꦥꦿꦶꦪꦺ꧈​ꦪ꧈ꦤ꧀ꦢꦫꦤꦺꦩꦸꦩ꧀ꦥꦸꦁꦲꦶꦱꦶꦃꦲꦤꦲꦶꦁꦔꦉꦥ꧀ꦥꦤ꧀꧈ꦠꦸꦂꦩꦱꦏꦭꦺꦴꦁꦔꦲꦺꦴꦫ꧈ꦪꦺꦤ꧀ꦢꦶꦗꦸꦥꦸꦏ꧀ꦱꦶꦗꦶ꧉​ꦠꦿꦶꦩꦱꦶꦁꦒꦺꦴꦱꦺꦴꦁꦲꦶꦏꦶꦧꦲꦺ꧉ ........

꧋ꦠꦔꦤ꧀ꦤꦺꦠꦸꦒꦶꦫꦃꦚꦼꦏꦼꦭ꧀ꦱꦒꦺꦴꦤ꧀ꦱꦶꦗꦶ꧈​ꦫꦢꦒꦺꦴꦱꦺꦴꦁ꧉​ꦢꦶꦲꦺꦴꦩ꧀ꦧꦲꦩ꧀ꦧꦸ꧈ꦢꦶꦲꦶꦭꦶꦁꦲꦶꦭꦶꦁꦔꦶꦩꦤꦺꦃ꧉​​ꦮꦃ꧈​ꦏꦭꦩꦼꦚ꧀ꦗꦶꦁꦔꦺꦮꦶꦱ꧀ꦩꦸꦁꦒꦃꦩꦸꦝꦸꦤ꧀꧈​ꦩꦸꦁꦏꦫꦶꦩꦏ꧀​ꦕꦥꦸꦏ꧀​​ꦩ꧀ꦊꦧꦸꦕꦁꦏꦼꦩ꧀​​​​ꦠꦸꦒꦶꦫꦃꦧꦚ꧀ꦗꦸꦂꦮꦼꦫꦸꦃꦫꦱꦤꦺꦱꦒꦺꦴꦔꦸꦫꦶꦃ꧈ꦤꦔꦶꦁ​ ............ ​ꦪꦧꦚ꧀ꦗꦸꦂꦢꦢꦶꦩꦭꦶꦁꦩꦤꦺꦃ꧉​​....... [ 34 ]꧋ꦲꦺꦭꦶꦁꦱꦶꦁꦏꦪꦩꦁꦏꦺꦴꦤꦺꦴꦱꦏ꧀ꦏꦭ꧀ꦱꦒꦺꦴꦤ꧀ꦤꦺꦢꦶꦲꦸꦚ꧀ꦕꦭ꧀ꦭꦏꦺꦔꦤ꧀ꦠꦶꦩꦼ

ꦚ꧀ꦕꦺꦴꦭꦺꦴꦠ꧀ꦲꦢꦺꦴꦃ꧈​ꦱꦲꦼꦩꦺꦴꦃꦚꦺꦴꦭꦺꦴꦁꦩꦤꦺꦃ꧈​​ꦚꦶꦁꦏꦿꦶꦃ

​​ꦱꦏꦏꦺꦤꦺ꧈​ꦲꦗꦕꦼꦝꦏ꧀ꦕꦼꦝꦏ꧀ꦏꦫꦺꦴꦱꦶꦁꦲꦁꦒꦸꦒꦃꦏꦏꦉꦥ꧀ꦥꦤ꧀ꦤꦺꦱꦶꦁꦲꦭ

ꦩꦲꦸ꧉ꦠꦸꦩꦸꦭꦶꦔꦢꦼꦒ꧀ꦚꦠ꧀​​ꦒꦺꦴꦭꦺꦏ꧀ꦏꦿꦚ꧀ꦗꦁꦏꦁꦒꦺꦴꦩꦝꦃꦲꦶꦢ꧀ꦭꦸꦮꦁꦢ꧀ꦭꦸꦮꦁꦱꦶꦁ

ꦲꦺꦴꦫꦏꦁꦒꦺꦴ꧉

꧋ꦠꦸꦒꦶꦫꦃꦏꦼꦥꦺꦔꦶꦤ꧀ꦔꦼꦢꦺꦴꦃꦲꦏꦺꦏꦫꦺꦴꦱꦶꦁꦩꦫꦏ꧀ꦲꦏꦺꦢꦢꦶꦥꦁꦒꦺꦴꦝ꧈​

ꦒꦺꦴꦭꦺꦏ꧀ꦱ꧀ꦭꦶꦩꦸꦂꦫꦤ꧀​​ꦢ꧀ꦭꦸꦮꦁ꧈​ꦏꦁꦲꦺꦴꦫꦧꦏꦭ꧀ꦏꦼꦤꦢꦶꦥꦔꦤ꧀꧈

꧋ꦫꦸꦩꦁꦱꦤꦺꦠꦸꦒꦶꦫꦃꦲꦺꦴꦫꦲꦤꦱꦶꦁ​ꦮꦺꦫꦸꦃ​

ꦲꦺꦴꦭꦺꦃꦲꦺꦥꦥꦿꦁꦔꦤ꧀ꦲꦤꦤ꧀ꦲꦶꦁꦥꦮꦺꦴꦤ꧀꧈

꧋ꦏꦧꦺꦃꦱꦱꦺꦴꦭꦃꦲꦺ꧈ꦧꦼꦤ꧀ꦢꦫꦤꦺꦧꦶꦱꦥꦶꦂꦱꦏ꧀ꦭꦮꦤ꧀ꦕꦼꦛ꧈ꦩꦂꦒꦊꦁꦒꦃꦲꦺ ꦔꦝꦼꦥ꧀ꦥꦏꦺꦥꦮꦺꦴꦤ꧀꧈​ꦠꦸꦒꦶꦠꦃꦲꦺꦴꦫꦔꦼꦂꦠꦶꦪꦺꦤ꧀ꦲꦤꦱꦶꦁꦔꦸꦭꦠ꧀ꦠꦏꦺ꧉​ ꦤꦔꦶꦁꦲꦠꦶꦤꦺꦢꦸꦮꦺꦏꦼꦩꦉꦥ꧀ꦩ꧀ꦩꦤ꧀​​ꦢꦺꦤꦺꦲꦺꦴꦫꦱꦶꦢꦚꦺꦴꦭꦺꦴꦁ꧉

꧋ꦱꦥꦸꦁꦏꦸꦂꦫꦺꦠꦩꦸ꧈ꦭꦤ꧀ꦱꦲꦸꦭꦶꦃꦲꦺꦏꦁꦥꦝꦔꦼꦠꦼꦂꦲꦼꦠꦼꦂꦫꦏꦺꦩꦼꦚꦁꦥꦫꦊꦁꦒꦤ꧀ꦤꦤ꧀​ꦏꦧꦺꦃꦥꦝꦢꦶꦲꦼꦢꦸꦩ꧀ꦩꦶꦱꦒꦺꦴꦤ꧀ꦭꦤ꧀ꦱꦼꦩ꧀ꦥꦿꦺꦴꦁꦚꦶꦗꦶꦚꦶꦗꦶ꧈ꦩꦸꦁꦠꦸꦲꦶꦫꦃꦝꦺꦮꦺꦢꦶꦥꦫꦶꦁꦔꦶꦲꦶꦩ꧀ꦧꦸꦃ꧈ꦔꦤ꧀ꦢꦶꦏꦤꦺ꧇

꧇ꦏꦺꦴꦚ꧀ꦕꦏꦚ꧀ꦕꦩꦸꦲꦸꦮꦶꦱ꧀ꦥꦝꦢꦏ꧀ꦮꦺꦤꦺꦃꦲꦶꦲꦶꦕꦶꦥ꧀ꦲꦶꦕꦶꦥ꧀꧈​ꦩꦸꦁꦏꦫꦶ

ꦏꦺꦴꦮꦺꦱꦶꦁꦢꦸꦫꦸꦁ꧈ꦩꦂꦒꦩꦲꦸꦭꦒꦶꦢꦏ꧀ꦏꦺꦴꦁꦏꦺꦴꦤ꧀꧈ꦲꦼꦚ꧈ꦱꦲꦶꦏꦶꦢꦏ꧀ꦠꦶ

ꦏꦼꦭ꧀ꦭꦶ꧉

꧇ꦲꦶꦁꦒꦶꦃꦩꦠꦸꦂꦤꦸꦂꦮꦸꦤ꧀꧈

꧋ꦲꦺꦴꦭꦺꦃꦲꦺꦥꦝꦩꦔꦤ꧀ꦱꦗꦏ꧀ꦏꦺꦲꦺꦤꦏ꧀ꦧꦔꦼꦠ꧀​ꦤꦔꦶꦁꦫꦸꦩꦺꦴꦁꦱꦭꦸ

ꦮꦶꦲꦼꦩꦠ꧀​ꦠꦸꦒꦶꦫꦃ꧉​ꦒꦒꦱ꧀ꦱꦤ꧀ꦤꦺ꧇

ꦪꦺꦤ꧀ꦕꦺꦴꦭꦺꦴꦁꦔꦤ꧀​​​​ꦲꦺꦴꦭꦺꦃꦏꦸꦩꦔꦤ꧀ꦩꦱ꧀ꦛꦶꦲꦺꦴꦫꦧꦶꦱꦲꦺꦤꦏ꧀ꦔꦺꦤꦺ꧈

ꦩꦼꦱ꧀ꦛꦶꦏꦸꦢꦸꦲꦤ꧀ꦝꦼꦭꦶꦏ꧀ꦲꦤ꧀ꦝꦼꦭꦶꦏ꧀꧈​ꦤꦺꦏ꧀ꦮꦶꦱ꧀ꦒꦼꦤꦃꦢꦶꦥꦶꦫꦶꦁꦔꦏꦺꦔꦺꦤꦺꦏꦶ꧈

ꦮꦃ꧈ꦲꦺꦤꦏ꧀ꦠꦼꦤꦤ꧀​​ꦭꦺꦴ꧈ꦫꦱꦤꦺ꧉......... [ 35 ]꧋ꦱꦢꦸꦫꦸꦁ​ꦔꦺꦗꦩ꧀ꦱꦔꦮꦺꦴꦁ​ꦮꦺꦴꦁ​ꦲꦶꦁꦥꦤ꧀ꦠꦶꦥꦥꦮꦶꦱ꧀ꦥꦝꦢꦶꦭꦶꦭꦤ꧀ꦤꦶꦩꦥꦤ꧀ꦠꦸꦫꦸ꧈ ꦩꦂꦒꦩꦼꦢ꧀ꦠꦱ꧀ꦚꦩ꧀ꦧꦸꦠ꧀ꦒꦮꦺꦫꦢꦭꦸꦮꦶꦃꦉꦏꦱꦏꦠꦸꦩ꧀ꦧꦁꦏꦫꦺꦴꦲꦢꦠ꧀ꦠꦺ꧉

꧋ꦮꦪꦃꦲꦺꦏ꧀ꦭꦶꦭꦶꦁꦢꦺꦤ꧀ꦔꦤ꧀ꦩꦁꦏꦸꦲꦤꦲꦶꦁꦏꦩꦂꦫꦺꦠꦸꦫꦸꦩꦺꦴꦩꦺꦴꦁꦔꦤ꧀ꦤꦺ꧉

꧋ꦲꦺꦴꦭꦺꦃꦲꦺꦠꦸꦫꦸꦥꦝꦥꦠꦶꦁꦒ꧀ꦭꦶꦩ꧀ꦥꦸꦁ꧉ꦱꦶꦗꦶꦱꦶꦗꦶꦤꦺꦢꦶꦲꦶꦭꦶꦁꦲꦶꦭꦶꦁ​ꦔꦶ꧉

ꦮꦃ꧈​ꦲꦔ꧀ꦭꦼꦂꦠꦼꦩꦼꦤ꧀ꦲꦺꦴꦭꦺꦃꦲꦺꦥꦝꦠꦸꦫꦸ꧈ꦩꦱ꧀ꦛꦶꦤꦺꦥꦝꦱꦪꦃ꧈ꦲꦺꦴ ꦭꦺꦃꦲꦺꦚꦩ꧀ꦧꦸꦠ꧀ꦒꦮꦺꦱꦢꦶꦤꦩꦸꦥꦸꦠ꧀꧈​ꦲꦶꦁꦲꦩ꧀ꦧꦺꦤ꧀ꦲꦶꦁꦥꦺꦴꦗꦺꦴꦏ꧀ꦢꦤ꧀ꦔꦤ꧀ꦠꦺ ꦤ꧀ꦩꦁꦏꦸꦲꦸꦒꦲꦺꦤ꧀ꦢꦼꦭ꧀꧈ꦩꦭꦃꦫꦢꦱꦸꦮꦺ꧉​ꦱꦗꦏ꧀ꦏꦺꦏꦺꦫꦲꦶꦤꦺꦠꦸ

ꦒꦶꦢꦸꦮꦺꦲꦶꦩ꧀ꦥꦺꦤ꧀ꦱꦶꦁꦚꦼꦤꦼꦁꦔꦏꦺ꧉

꧋ꦥꦚ꧀ꦕꦺꦤ꧀ꦪꦩꦁꦏꦺꦴꦤꦺꦴ꧉ꦲꦺꦱꦸꦏ꧀ꦏꦺꦠꦸꦒꦶꦫꦃꦕꦿꦶꦠꦕꦿꦶꦠꦏꦫꦺꦴꦏꦚ꧀ꦕ

ꦤꦺ꧇

꧇ꦮꦃ꧈ꦲꦏꦸꦩꦲꦸꦧꦼꦔꦶꦔꦶꦩ꧀ꦥꦶ꧈ꦏꦪꦏꦪꦲꦏꦸꦲꦶꦏꦶꦢꦢꦶꦕꦼꦩ꧀ꦥꦺ꧈ꦱꦶꦁꦢꦶ

ꦥꦁꦒꦸꦭ꧀ꦓꦸꦱ꧀ꦡꦶꦪꦺꦯꦸꦱ꧀꧈ꦫꦱꦤꦺꦲꦠꦶꦏꦸ꧈ꦮꦃ꧈ꦱꦼꦤꦼꦁꦧꦔꦼꦠ꧀ꦏꦲꦺ꧈ꦲꦺꦴꦫ

ꦲꦤ꧀ꦢꦸꦮꦺꦤ꧀ꦤꦶꦮꦼꦢꦶꦲꦺꦴꦫꦧꦫꦁ꧉

꧋ꦢꦺꦤ꧀ꦔꦤ꧀ꦠꦺꦤ꧀ꦩꦁꦏꦸꦩꦶ​ꦉꦁꦒꦸꦤꦼꦩ꧀ꦩꦺꦠꦸꦒꦶꦫꦃ꧈ꦥꦁꦒꦃ​ꦲꦺꦏꦼꦧꦏ꧀ꦥꦤꦸꦮꦸꦤ꧀ꦩꦫꦁ

ꦓꦸꦱ꧀ꦠꦶꦯꦸꦱ꧀​ꦧꦚ꧀ꦗꦸꦂꦩꦸꦚ꧀ꦗꦸꦏ꧀ꦲꦶꦁꦱꦗꦿꦺꦴꦤꦶꦁꦲꦠꦶ꧇

꧇ꦎ꧈ꦓꦸꦱ꧀ꦡꦶ꧈​ꦏꦮꦸꦭꦩꦠꦸꦂꦤꦸꦮꦸꦤ꧀ꦱꦔꦼꦠ꧀​ꦢꦺꦤꦺꦡꦸꦮꦤ꧀ꦲꦸꦒꦶꦏꦂꦱꦔ

ꦱꦶꦃꦲꦶꦝꦠꦼꦁꦠꦶꦠꦶꦪꦔ꧀ꦭꦤ꧀ꦥꦫꦭꦫꦺꦲꦶꦁꦏꦁꦥꦥꦭꦶꦤ꧀ꦤꦶꦱ꧀ꦛꦥꦸꦤꦶꦏ꧉ [ 36 ]

꧋ꦲꦶꦱꦶꦤꦺ꧇

1. ꧋ꦧꦸꦠꦸꦲꦺꦴꦲꦔꦸꦁꦱꦺꦤ꧀꧈

2. ꧋ꦠꦸꦒꦶꦫꦃꦤꦼꦩꦸꦥꦔꦸꦁꦱꦺꦤ꧀꧈

3. ꧋ꦲꦤꦻꦁꦥꦤ꧀ꦠꦶꦥꦥ꧈

4. ꧋ꦱꦥꦩꦭꦶꦁꦔꦺ꧈

5. ꧋ꦩꦭꦶꦁꦔꦺꦏꦼꦠꦼꦩꦸ꧈

6. ꧋ꦗꦸꦫꦸꦥꦔꦺꦴꦏꦁꦲꦸꦠꦩ꧈

7. ꧋ꦠꦸꦠꦸꦒ꧀ꦒꦺ꧈

8. ꧋ꦚꦶꦩ꧀ꦥꦁꦢꦭꦤ꧀꧈

9. ꧋ꦏꦼꦗꦼꦒ꧀ꦭꦺꦴꦁ꧈

10. ꧋ꦏꦺꦴꦤꦁꦔꦤ꧀ꦠꦤ꧀ꦏꦥꦶꦠꦸꦭꦸꦁꦔꦤ꧀꧈

11. ꧋ꦩꦼꦤꦁ꧈