ꦢꦺꦴꦔꦺꦁ꧇ꦏꦸꦕꦶꦁꦱꦼꦠꦶꦮꦼꦭ꧀ꦭꦤ꧀

[ 7 ]

ꦏꦸꦕꦶꦁꦱꦼꦠꦶꦮꦼꦭ꧀ꦭꦤ꧀꧈

꧋ꦲꦤꦗꦸꦫꦸꦒꦶꦭꦶꦁꦢꦸꦮꦺꦲꦤꦏ꧀ꦭꦤꦁꦠꦼꦭꦸ꧈ꦲꦶꦁꦱꦮꦶꦗꦶꦤꦶꦁꦢꦶꦤ ꦲꦤꦏ꧀ꦏꦺꦩꦲꦸꦢꦶꦲꦸꦤ꧀ꦢꦁꦔꦶꦏꦧꦺꦃꦧꦧꦉꦔꦤ꧀ꦩꦼꦚꦁꦏꦩꦂꦫꦺ꧉ ꦗꦸꦫꦸꦒꦶꦭꦶꦁꦧꦚ꧀ꦗꦂꦕꦭꦛꦸ꧇ꦲꦤꦏ꧀ꦲꦤꦏ꧀ꦏꦸ꧈ꦩꦸꦭꦫꦸꦤꦺꦥꦣꦢꦏ꧀ꦏꦭꦸꦩ꧀ꦥꦸꦏ꧀ꦏꦏꦺ꧈ꦲꦏꦸꦲꦉꦥ꧀ꦢꦸꦮꦺꦏꦟ꧀ꦣꦥꦼꦂꦭꦸꦩꦫꦁꦏꦺꦴꦮꦺꦏꦧꦺꦃ꧉ꦲꦥꦏꦺꦴꦮꦺꦥꦣꦒꦼꦊꦩ꧀ꦲꦁꦒꦠꦺꦏ꧀ꦲꦏꦺ꧉
꧋ꦥꦫꦲꦤꦏ꧀ꦲꦤꦏ꧀ꦏꦺꦩꦁꦱꦸꦭ꧀ꦒꦶꦧꦧꦉꦁꦔꦤ꧀꧇ꦲꦶꦁꦒꦶꦃ꧈ ꦧꦥꦏ꧀꧈
꧋ꦭꦃꦱꦲꦶꦏꦶꦥꦣꦫꦸꦔꦺꦴꦏ꧀ꦤ꧇ꦲꦶꦏꦶꦭꦺꦴ꧈ꦲꦏꦸꦥꦱꦿꦃꦭꦪꦁ꧈ꦏꦁꦮꦶꦱ꧀ꦢꦏ꧀ꦲꦼꦭꦏ꧀ꦗꦸꦭꦶꦩ꧈ꦥꦺꦴꦩꦮꦼꦏꦱ꧀ꦏꦸ꧈ꦭꦸꦪꦁꦲꦶꦏꦶꦲꦗꦥꦶꦱꦤ꧀ꦥꦶꦱꦤ꧀ꦏꦺꦴꦧꦸꦏꦏ꧀ ꦪꦺꦤ꧀ꦲꦏꦸꦢꦸꦫꦸꦁꦩꦠꦶ꧉ ꦏꦶꦫꦏꦸꦱꦣꦺꦭꦏꦱ꧀ꦲꦏꦸꦢꦶꦠꦼꦏꦏ꧀ꦲꦸꦏꦺꦲꦶꦁꦗꦁꦗꦶ꧈ꦗ
[ 8 ]

ꦭꦂꦫꦤ꧀ꦮꦶꦱ꧀ꦥꦶꦏꦸꦭ꧀ꦱꦂꦠꦫꦶꦁꦏꦶꦃ꧉ꦠꦔꦤ꧀ꦏꦸꦮꦶꦱ꧀ꦧꦸꦪꦸꦠ꧀ꦠꦼꦤ꧀​ꦣꦼꦁꦏꦸꦭ꧀ꦏꦸꦮꦶꦱ꧀ꦒꦛꦶꦏ꧀ꦱꦶꦏꦶꦭ꧀ꦏꦸꦮꦶꦱ꧀ꦲꦺꦴꦫꦏꦸꦮꦠꦁꦒꦮꦲꦮꦏ꧀ꦏꦸ꧉
꧋ ꦲꦶꦔ꧀ꦭꦪꦁꦲꦶꦏꦶꦮꦶꦱ꧀ꦢꦏ꧀ꦠꦩ꧀ꦠꦺꦴꦏ꧀ꦲꦏꦺ꧈ ꦲꦥꦱꦶꦁꦧꦏꦭ꧀ꦢꦢꦶꦥꦤ꧀ꦢꦸꦩ꧀ꦩꦤ꧀ꦩꦸꦱꦶꦗꦶꦱꦶꦗꦶꦤꦺꦲꦶꦁꦱꦥꦸꦁꦏꦸꦂꦏꦸ꧉ ꦢꦢꦶꦪꦺꦤ꧀ꦭꦪꦁꦲꦶꦏꦶꦏꦺꦴꦮꦕ꧈ꦏꦺꦴꦮꦺꦧꦚ꧀ꦗꦸꦂꦥꦣꦮꦼꦫꦸꦃ꧈ ꦱꦥꦱꦶꦁꦲꦺꦴꦭꦺꦃꦮꦫꦶꦱ꧀ꦱꦔꦶꦭꦶꦁꦔꦤ꧀ꦱꦶꦁꦲꦺꦴꦭꦺꦃꦏꦸꦭ꧀ꦢꦶ꧈ꦲꦸꦠꦮꦱꦶꦁꦲꦺꦴꦭꦺꦃꦏꦸꦕꦶꦁ꧉ꦱꦲꦶꦏꦶꦥꦣꦥꦿꦕꦚ꧀ꦗꦶꦪꦠꦼꦩꦼꦤ꧀ꦠꦼꦩꦼꦤ꧀ꦩꦫꦁꦲꦏꦸ꧈ ꦲꦺꦴꦫꦧꦏꦭ꧀ꦮꦤꦶꦲꦩ꧀ꦧꦸꦏꦏ꧀ꦭꦪꦁꦲꦶꦏꦶꦱꦢꦸꦫꦸꦁꦔꦺꦲꦏꦸꦩꦠꦶ꧉
꧋ ꦧꦺꦴꦕꦃꦠꦼꦭꦸꦩꦁꦱꦸꦭ꧀ꦭꦶ꧇ꦲꦶꦁꦒꦶꦃꦧꦥꦏ꧀꧈ ꦧꦚ꧀ꦗꦸꦂꦥꦣꦲꦩ꧀ꦧꦭꦺꦤ꧀ꦤꦶꦥꦁꦒꦮꦺꦪꦤ꧀ꦤꦺꦏꦫꦺꦴꦲꦱꦼꦩꦸꦱꦸꦱꦃ꧉
꧋ ꦲꦺꦴꦫꦲꦤ꧀ꦠꦫꦭꦮꦱ꧀ꦧꦥꦏ꧀ꦤꦺꦩꦠꦶ꧉ꦧꦉꦔ꧀ꦭꦪꦁꦢꦶꦧꦸꦏꦏ꧀​​ꦲꦤꦏ꧀ꦠꦼꦭꦸꦥꦶꦱꦤ꧀ꦭꦒꦶꦧꦲꦺꦱꦸꦩꦸꦫꦸꦥ꧀​ꦏꦁꦢꦢꦶꦥꦶꦥꦶꦤ꧀ꦠꦤ꧀ꦤꦶꦁꦧꦥ꧉ ꦏꦁꦥꦩ꧀ꦧꦉꦥ꧀ꦢꦶꦥꦤ꧀ꦢꦸꦩ꧀ꦩꦶꦒꦶꦭꦶꦔꦤ꧀​ꦏꦁꦥꦁꦒꦸꦭꦸꦲꦺꦴꦭꦺꦃꦏꦸꦭ꧀ꦢꦶ꧈ꦱꦶꦔ꧀ꦮꦸꦫꦒꦶꦭ꧀ꦲꦺꦴꦭꦺꦃꦏꦸꦕꦶꦁ꧉
꧋ ꦏꦁꦥꦩ꧀ꦧꦉꦥ꧀ꦮꦶꦱ꧀ꦤꦫꦶꦩꦧꦲꦺ꧈ꦩꦭꦃꦧꦸꦔꦃ
[ 9 ]ꦧꦔꦼꦠ꧀​ꦕꦭꦛꦸꦤꦺ꧇ꦒꦶꦭꦶꦁꦔꦤ꧀ꦲꦶꦏꦸꦮꦶꦱ꧀ꦭꦸꦮꦶꦃꦢꦺꦤꦶꦁꦚꦸꦏꦸꦥ꧀ꦥꦶꦢꦏ꧀ꦲꦁꦒꦺꦴꦒꦫꦔꦺꦴꦭꦺꦏ꧀ꦥꦔꦤ꧀꧈
꧋ ꦢꦺꦤꦺꦲꦤꦏ꧀ꦏꦁꦥꦁꦒꦸꦭꦸꦲꦶꦪꦮꦶꦱ꧀ꦩꦉꦩ꧀꧈ꦥꦔꦸꦕꦥ꧀ꦥꦺ꧇​ ꦏꦸꦭ꧀ꦢꦶꦲꦶꦏꦸꦮꦶꦱ꧀ꦚꦸꦏꦸꦥ꧀ꦥꦶꦢꦏ꧀ꦲꦁꦒꦺꦴꦭꦤ꧀ꦠꦂꦫꦤ꧀ꦒꦺꦴꦭꦺꦏ꧀ꦥꦔꦤ꧀꧈
꧋ ꦧꦭꦶꦏ꧀ꦱꦶꦎꦱ꧀ꦩꦤ꧀ꦲꦤꦏ꧀ꦏꦁ​ꦮꦸꦫꦒꦶꦭ꧀ꦲꦺꦴꦫꦥꦶꦱꦤ꧀ꦱꦼꦤꦼꦁ꧉ꦥꦔꦼꦱꦃꦲꦺ꧇ ꦲꦺꦴꦭꦺꦃꦏꦸꦕꦶꦁꦩꦁꦏꦺꦤꦺꦲꦶꦏꦶꦲꦉꦥ꧀ꦢꦶꦲꦁꦒꦺꦴꦲꦥ꧉ ꦏꦏꦁꦏꦸꦏꦫꦺꦴꦥꦶꦱꦤ꧀ꦲꦺꦴꦫꦏꦺꦮꦸꦃꦲꦤ꧀꧈ꦱꦶꦁꦱꦶꦗꦶꦲꦺꦴꦭꦺꦃꦒꦶꦭꦶꦁ​ꦔꦤ꧀ꦒꦤ꧀ꦢꦸꦩ꧀​​ꦱꦶꦗꦶꦤꦺꦲꦺꦴꦭꦺꦃꦏꦸꦭ꧀ꦢꦶ꧉ ꦭꦃꦧꦉꦁꦲꦏꦸꦩꦸꦔꦺꦴꦭꦺꦃꦏꦸꦕꦶꦁ꧉ ꦒꦺꦏ꧀ꦏꦥꦿꦶꦪꦺꦲꦺꦴꦭꦺꦃꦏꦸꦲꦉꦥ꧀ꦒꦺꦴꦭꦺꦏ꧀ꦥꦔꦤ꧀꧈
꧋ ꦲꦶꦁꦏꦺꦴꦤꦺꦴꦮꦸꦫꦒꦶꦭ꧀ꦧꦚ꧀ꦗꦸꦂꦏꦿꦸꦔꦸꦱ꧀ꦮꦫꦧꦼꦤꦶꦁꦕꦸꦩꦼꦁꦏ꧀ꦭꦶꦁ꧈ ꦲꦶꦪꦲꦶꦏꦸꦕꦭꦛꦸꦤꦺꦏꦸꦕꦶꦁꦱꦶꦩꦸꦭꦸꦱ꧀꧇ ꦧꦤ꧀ꦢꦫ꧈ꦱꦩ꧀ꦥꦸꦤ꧀ꦏꦸꦮꦠꦺꦴꦱ꧀꧈ ꦱꦩ꧀ꦥꦸꦤ꧀ꦏꦏꦶꦤ꧀ꦠꦼꦤ꧀ꦏꦸꦭꦧꦺꦴꦠꦼꦤ꧀ꦱꦒꦼꦢ꧀ꦥꦢꦺꦴꦱ꧀ꦠꦼꦣꦤꦶꦥꦸꦤ꧀ꦠꦶꦪꦁ [ 10 ]ꦏꦭꦶꦃ꧈ꦧꦤ꧀ꦢꦫꦏꦭꦶꦤ꧀ꦏꦸꦭ꧉
꧋ꦮꦸꦫꦒꦶꦭ꧀ꦒꦩꦸꦤ꧀ꦧꦔꦼꦠ꧀ꦏꦿꦔꦸꦠꦼꦩ꧀ꦧꦁꦔꦺꦩꦸꦭꦸꦱ꧀ꦩꦁꦏꦺꦴꦤꦺꦴꦩꦲꦸ꧉ꦏꦸꦕꦶꦁꦲꦩ꧀ꦧꦚ꧀ꦗꦸꦂꦫꦏꦺꦕꦭꦛꦸꦤꦺ꧇ꦩꦤꦮꦶꦧꦤ꧀ꦢꦫꦥꦸꦫꦸꦤ꧀ꦤꦾꦸꦏꦤ꧀ꦤꦶꦏꦟ꧀ꦛꦺꦴꦁꦱꦂꦠꦥꦸꦫꦸꦤ꧀ꦤꦸꦩ꧀ꦧꦱ꧀ꦱꦏꦼꦤ꧀ꦱꦼꦠꦶꦮꦼꦭ꧀ꦱꦫꦏꦶꦠ꧀ꦏꦭꦶꦪꦤ꧀ꦠꦸꦣꦸꦁꦧꦸꦭꦸꦧꦸꦭꦸ꧈ꦲꦶꦁꦔꦿꦶꦏꦸꦧꦤ꧀ꦢꦫꦧꦣꦺꦱꦸꦩꦼꦉꦥ꧀ꦥꦶꦪꦩ꧀ꦧꦏ꧀ꦭꦭꦧꦼꦠ꧀ꦠꦤ꧀ꦏꦸꦭ꧉
꧋ꦥꦩꦶꦏꦶꦂꦫꦺꦮꦸꦫꦒꦶꦭ꧀꧇ꦔꦚ꧀ꦗꦭꦸꦏ꧀ꦏꦟ꧀ꦛꦺꦴꦁ꧈ꦱꦼꦠꦶꦮꦼꦭ꧀ꦠꦸꦣꦸꦁꦔꦁꦒꦺꦴꦧꦸꦭꦸꦧꦸꦭꦸ꧈ ꦲꦉꦥ꧀ꦢꦶꦲꦁꦒꦺꦴꦲꦥꦧꦲꦺꦏꦫꦺꦴꦱꦶꦩꦸꦭꦸꦱ꧀꧈
꧋ꦮꦸꦫꦒꦶꦭ꧀ꦗꦸꦣꦼꦒ꧀ꦲꦔꦿꦱꦏ꧀ꦲꦏꦺ꧈ꦤꦔꦶꦁꦧꦉꦁꦱꦸꦩꦸꦫꦥ꧀ꦥ

[ 11 ]ꦩꦤ꧀ꦢꦼꦁꦔꦺꦱꦶꦩꦸꦭꦸꦱ꧀​ꦏꦤꦺꦭꦏ꧀ꦲꦏꦺꦠꦼꦩ꧀ꦩꦼꦤꦼꦩ꧀ꦠꦼꦤ꧀ꦤꦶꦁꦲꦸꦗꦂꦫꦺ꧈ꦧꦚ꧀ꦗꦸꦂꦥꦶꦠꦪꦲꦶꦁꦲꦠꦶ꧉ꦕꦶꦥ꧀ꦠꦤꦺ꧇ ꦧꦼꦕꦶꦏ꧀ꦏꦺꦏꦸꦢꦸꦢꦏ꧀ꦠꦸꦫꦸꦠ꧀ꦠꦶꦲꦥꦱꦥꦚ꧀ꦗꦭꦸꦏ꧀ꦏꦺ꧉
꧋ ꦲꦤ꧀ꦠꦫꦱꦣꦺꦭꦱꦶꦮꦸꦫꦒꦶꦭ꧀ꦕꦭꦛꦸ꧇ ​ꦩꦸꦭꦸꦱ꧀​ꦲꦪꦺꦴꦠꦮꦶꦱ꧀​ꦥꦣꦒ꧀ꦭꦶꦪꦏ꧀ꦒꦭꦶꦪꦏ꧀ꦩꦼꦚꦁꦠꦺꦴꦏꦺꦴ꧉
꧋ ꦮꦸꦫꦒꦶꦭ꧀ꦏꦫꦺꦴꦏꦸꦕꦶꦁꦔꦺꦲꦚ꧀ꦗꦸꦫꦸꦒ꧀ꦲꦼꦁꦒꦺꦴꦤ꧀ꦤꦶꦁꦠꦸꦏꦁꦱꦼꦥꦠꦸꦣꦶꦱꦶꦏ꧀꧈ ꦕꦭꦛꦸꦤꦺꦮꦸꦫꦒꦶꦭ꧀꧇ ꦥꦏ꧀​ꦔꦿꦶꦏꦶꦤꦥꦲꦺꦴꦤ꧀ꦠꦼꦤ꧀ꦱꦼꦠꦶꦮꦺꦭ꧀ꦕꦶꦭꦶꦏ꧀꧈ ꦏꦸꦕꦶꦁꦏꦸꦭꦧꦸꦠꦸꦃꦱꦼꦠꦶꦮꦼꦭ꧀​ꦤꦶꦁꦏꦸꦢꦸꦱꦶꦁꦲꦥꦶꦏ꧀​ꦱꦽꦒ꧀꧈
꧋ ꦠꦸꦏꦁꦱꦼꦥꦠꦸꦩꦁꦱꦸꦭ꧀ꦭꦶꦱꦸꦩꦺꦃ꧇​ ꦪꦲꦺꦴꦫꦏ꧀ꦭꦺꦫꦸ꧈ꦮꦸꦫꦒꦶꦭ꧀​ꦏꦺꦴꦮꦺꦒꦺꦴꦭꦺꦏ꧀ꦩꦿꦺꦤꦺ꧉ ꦲꦺꦁꦒꦺꦴꦤ꧀ꦤꦺꦕꦺꦭꦛꦸꦩꦁꦏꦺꦴꦤꦺꦴꦲꦶꦏꦸꦏꦫꦺꦴꦩꦶꦭꦶꦃꦲꦏꦺꦱꦼꦠꦶꦮꦼꦭ꧀​ꦧꦚ꧀ꦗꦸꦂꦢꦶꦕꦺꦴꦧꦏ꧀ꦲꦏꦺ꧉ ꦮꦱꦤꦲꦁꦒꦸꦪꦸꦒꦸꦪꦸꦱꦼꦩꦸꦲꦸꦩꦸꦏ꧀꧈ꦲꦸꦗꦫꦺ꧇​ꦠ꧈ꦲꦶꦏꦶꦭꦺꦴ꧈ꦮꦸꦫꦒꦶꦭ꧀​​ꦢꦼꦊꦁ​ꦔꦼꦤ꧀ꦫꦏ꧀ꦱꦽꦒ꧀ꦧꦔꦼꦠ꧀꧈
꧋ ꦮꦸꦫꦒꦶꦭ꧀ꦮꦶꦱ꧀ꦕꦺꦴꦤꦟ꧀ꦝꦺꦴꦁ꧈ꦲꦥꦉꦒꦤꦶꦁꦱꦼꦠꦶꦮꦼꦭ꧀ꦢꦶꦧꦪꦂꦫꦶ꧉
꧋ ꦲꦤꦲꦶꦔ꧀ꦭꦶꦪꦠꦺꦴꦏꦺꦴꦱꦶꦮꦸꦫꦒꦶꦭ꧀ꦠꦸꦏꦸꦏꦟ꧀ꦝꦔ꧀ꦭꦤ꧀ꦠꦸꦣꦸꦁꦔꦁꦒꦺꦴꦧꦸꦭꦸꦧꦸꦭꦸ꧉ ꦢꦢꦶꦱꦥꦚ꧀ꦗꦭꦸꦏ꧀ꦏꦺꦩꦸꦭꦸꦱ꧀ꦮꦶꦱ꧀ꦢꦶꦠꦸꦫꦸꦠ꧀ꦠꦶꦏꦧꦺꦃ꧉
꧋ ꦮꦸꦫꦒꦶꦭ꧀ꦮꦶꦱ꧀ꦊꦒꦲꦠꦶꦤꦺ꧈ꦩꦸꦁꦏꦫꦶꦏꦼꦥꦺꦔꦶꦤ꧀ꦮꦼꦫꦸꦃ꧈ ꦱꦶꦩꦸꦭꦸꦱ꧀ꦧꦚ꧀ꦗꦸꦂꦲꦉꦥ꧀ꦲꦥꦧꦲꦺ꧉
꧋ ꦲꦤꦔꦶꦁꦩꦸꦭꦸꦱ꧀ꦝꦺꦮꦺꦮꦶꦱ꧀ꦲꦺꦴꦫꦏꦺꦮꦸꦃꦲꦤ꧀꧈ ꦔꦁꦒꦺꦴꦱꦼꦠꦶꦮꦼꦭ꧀​ꦔꦁꦒꦺꦴꦠꦸꦣꦸꦁꦧꦸꦭꦸꦧꦸꦭꦸ꧈ ꦤꦸꦭꦸꦩꦼꦠꦸ꧉
꧋ ꦲꦫ꧈ꦲꦉꦥ꧀ꦩꦼꦚꦁꦁꦔꦼꦤ꧀ꦢꦶ꧉ ꦧ꧀ꦗꦼꦧꦸꦭꦉꦥ꧀ꦒꦺꦴꦭꦺꦏ꧀ꦠꦿꦸꦮꦺꦭꦸ꧉ ꦏꦟ꧀ꦛꦺꦴꦁꦔꦺꦢꦶꦲꦁꦒꦺꦴꦥꦱꦁꦔꦤ꧀​ꦢꦶꦲꦶꦱꦺꦤ꧀ꦤꦶꦮꦺꦴꦂꦠꦼꦭ꧀ꦏꦁꦒꦺꦴꦗꦺꦴꦤ꧀ꦠꦿꦺꦴꦠ꧀​​ꦲꦮꦶꦛꦶꦏꦸꦏꦉꦩ꧀ꦩꦤ꧀ꦤꦶꦁꦠꦿꦸꦮꦺꦭꦸ꧉ ​ꦕꦁꦏꦼꦩ꧀ꦩꦤ꧀ꦤꦶꦁꦏꦟ꧀ꦛꦺꦴꦁꦢꦶꦲꦼꦔꦏ꧀ꦲꦏꦺꦲꦺꦴꦩ꧀ꦧ꧈ ꦤꦔꦶꦔ꧀ꦮꦶꦱ꧀ꦢꦶꦏꦺꦴꦭꦺꦴꦂꦫꦶꦏꦼꦤꦸꦂꦢꦮ꧈ ꦢꦸꦢꦸꦠ꧀ꦠꦤ꧀ꦏꦁꦒꦺꦴꦤꦶꦁꦱꦼꦠ꧀ꦠꦶ꧈ ꦪꦺꦤ꧀ꦲ
[ 12 ]ꦤꦠꦿꦸꦮꦺꦭꦸꦩ꧀ꦭꦧꦸ꧉​ ꦩꦸꦭꦸꦱ꧀ꦧꦚ꧀ꦗꦸꦂꦩꦛꦼꦁꦏꦿꦸꦱ꧀ꦤꦸꦁꦒꦺꦴꦤ꧀ꦤꦶꦱꦏꦏꦢꦺꦴꦃꦲꦤ꧀ꦏꦫꦺꦴꦚꦼꦏꦼꦭ꧀ꦭꦶꦢꦸꦢꦸꦠ꧀ꦠꦤ꧀꧈
꧋ ꦚꦠ꧉ ꦲꦺꦴꦫꦲꦤ꧀ꦠꦫꦱꦸꦮꦺꦏꦸꦕꦶꦁꦏꦁꦱꦼꦠꦶꦮꦼꦭ꧀ꦭꦤ꧀ꦩꦲꦸꦮꦶꦱ꧀ꦲꦺꦴꦭꦺꦃꦠꦿꦸꦮꦺꦭꦸ꧉ ꦲꦥꦧꦚ꧀ꦗꦸꦂꦢꦶꦩꦺꦴꦁꦱ꧉ ꦲꦺꦴꦫ꧉ ꦩꦸꦁꦢꦶꦕꦼꦏꦼꦭ꧀ꦏꦲꦠꦸꦂꦫꦏꦺꦯꦁꦦꦿꦨꦸ꧉
꧋​ ꦤꦭꦶꦏꦱꦩꦤꦯꦁꦦꦿꦨꦸꦭꦒꦶꦊꦁꦒꦃꦲꦁꦒꦼꦣꦁꦏꦿꦁꦲꦤꦲꦶꦁꦣꦩ꧀ꦥꦂ꧉ ꦥꦫꦥꦸꦁꦒꦮꦲꦏꦺꦃꦏꦁꦥꦣꦱꦺꦴꦮꦤ꧀ꦲꦤꦔꦶꦁꦩꦸꦭꦸꦱ꧀ꦲꦺꦴꦫꦥꦿꦢꦸꦭꦶꦩꦫꦁꦥꦫꦭꦸꦲꦸꦂꦩꦲꦸ꧈ ꦗꦭꦂꦫꦤ꧀ꦠꦼꦏꦤꦺꦩꦸꦁꦲꦉꦥ꧀ꦱꦺꦴꦮꦤ꧀ꦯꦁꦦꦿꦨꦸꦥꦶꦪꦩ꧀ꦧꦏ꧀꧈
꧋ ꦩꦸꦭꦸꦱ꧀ꦧꦸꦏꦏ꧀ꦠꦸꦣꦸꦁ꧉ ꦱꦠꦼꦏꦤꦺꦲꦶꦁꦔꦂꦰꦤꦊꦩ꧀ꦏꦸꦂꦩꦠ꧀ꦠꦸꦩꦸꦁꦏꦸꦭ꧀​ꦧꦚ꧀ꦗꦸꦂꦩꦠꦸꦂ꧇​ ꦤꦸꦮꦸꦤ꧀ꦤꦸꦮꦸꦤ꧀​ꦱꦺꦮꦸꦱꦺꦮꦸꦊꦥꦠꦾꦮꦸꦤ꧀ꦥꦔꦥꦸꦤ꧀ꦠꦼꦤ꧀ꦢꦊꦩ꧀꧈ ꦏꦼꦥꦉꦁꦔꦏꦮꦸꦭꦔꦠꦸꦂꦫꦏꦼꦤ꧀ꦥꦶꦱꦸꦁꦱꦸꦁꦱꦥꦺꦭꦺꦲꦮꦂꦟꦠꦿꦸꦮꦺꦭꦸꦥꦸꦤꦶꦏ꧉
꧋ ꦮꦃ꧈ꦯꦁꦦꦿꦨꦸꦉꦤꦧꦔꦼꦠ꧀ꦥꦁꦒꦭꦶꦃꦲꦺ꧉ ​ꦥꦔꦤ꧀ꦢꦶꦏꦤꦺ꧇​ꦢꦏ꧀ꦠꦿꦶꦩꦧꦔꦼꦠ꧀ꦏꦺꦴꦮꦺ꧈ ꦏꦸꦕꦶꦁ꧉ ꦲꦼꦚꦢꦏ꧀ꦥꦽꦱꦺꦤ꧀ꦤꦶꦱꦢꦶꦤꦂ꧉
꧋ ꦱꦥꦶꦫꦧꦸꦔꦲꦺꦱꦶꦩꦸꦭꦸꦱ꧀​ꦠꦺꦴꦩ꧀ꦥꦣꦸꦮꦶꦠ꧀ꦱꦲꦸꦏꦺꦴꦤ꧀ꦩꦱ꧀꧈ ꦏꦸꦂꦩꦠ꧀ꦠꦸꦩꦸꦁꦏꦸꦭ꧀​ꦧꦚ꧀ꦗꦸꦫꦺꦁꦒꦭ꧀ꦲꦺꦁꦒꦭ꧀ꦕꦭꦶ꧈ ꦩꦤꦺꦃꦲꦏꦺꦢꦶꦤꦂꦩꦲꦸꦩꦫꦁꦧꦤ꧀ꦢꦫꦤꦺ꧈ ꦮꦸꦫꦒꦶꦭ꧀ꦮꦶꦱ꧀ꦩꦼꦰ꧀ꦛꦶꦧꦲꦺꦱꦼꦤꦼꦁꦧꦔꦼꦠ꧀꧈
꧋ ꦲꦤ꧀ꦠꦫꦢꦶꦤꦱꦶꦩꦸꦭꦸꦱ꧀ꦩꦼꦚꦁꦥꦱꦮꦲꦤ꧀​​ꦲꦤꦲꦶꦁꦏꦺꦴꦤꦺꦴꦧꦶꦱꦲꦺꦴꦭꦺꦃꦥꦼꦭꦸꦁꦱꦮꦠꦫ꧈ ꦢꦶꦥꦱꦁꦔꦶꦔꦁꦒꦺꦴꦏꦟ꧀ꦝꦁꦔꦺ꧉ ꦲꦺꦴꦭꦺꦃꦲꦺꦴꦭꦺꦃꦲꦤ꧀ꦤꦺꦒꦒꦚ꧀ꦗꦁꦔꦤ꧀ꦢꦶꦲꦠꦸꦂꦫꦏꦺꦯꦁꦦꦿꦨꦸꦩꦤꦺꦃ꧉
꧋ ꦯꦁꦦꦿꦨꦸꦲꦶꦪꦱꦸꦏꦧꦔꦼꦠ꧀ꦲꦺꦴꦫꦧꦺꦢꦏꦫꦺꦴꦣꦺ
[ 13 ]꧋ꦏ꧀ꦢꦶꦲꦠꦸꦫꦶꦠꦿꦸꦮꦺꦭꦸ꧉ꦱꦧꦼꦤ꧀ꦩꦤꦸꦏ꧀ꦱꦶꦗꦶꦢꦶꦧꦪꦂꦫꦶꦱꦢꦶꦤꦂ꧉ꦲꦺꦴꦭꦺꦃꦲꦺꦴꦭꦺꦃꦲꦤ꧀ꦤꦺꦣꦸꦮꦶꦠ꧀ꦱꦶꦩꦸꦭꦸꦱ꧀ꦲꦸꦒꦧꦚ꧀ꦗꦸꦂꦢꦶꦥꦱꦿꦃꦲꦏꦺꦩꦫꦁꦮꦸꦫꦒꦶꦭ꧀ꦩꦤꦺꦃ꧉
꧋ꦮꦸꦫꦒꦶꦭ꧀ꦮꦶꦱ꧀ꦩꦔꦼꦂꦠꦶ꧈ꦪꦺꦤ꧀ꦏꦸꦕꦶꦁꦔꦺꦥꦚ꧀ꦕꦺꦤ꧀ꦱꦸꦒꦶꦃꦲꦏꦭ꧀꧈ꦥꦩꦶꦏꦶꦂꦫꦺ꧇ꦱꦫꦺꦃꦤꦺꦮꦶꦱ꧀ꦢꦸꦮꦺꦏꦸꦕꦶꦁꦏꦪꦩꦁꦏꦺꦴꦤꦺꦴ꧈ꦮꦶꦱ꧀ꦲꦺꦴꦫꦥꦼꦂꦭꦸꦲꦏꦸꦱꦸꦩꦼꦭꦁꦲꦁꦒꦺꦴꦤ꧀ꦏꦸꦒꦺꦴꦭꦺꦏ꧀ꦥꦔꦤ꧀꧈
꧋ꦥꦩꦶꦏꦶꦂꦫꦺꦮꦸꦫꦒꦶꦭ꧀ꦲꦶꦏꦸꦥꦚ꧀ꦕꦺꦤ꧀ꦧꦼꦤꦼꦂꦧꦔꦼꦠ꧀꧈ꦩꦫꦒꦠꦺꦏ꧀ꦤꦧꦲꦺꦠꦼꦫꦸꦱ꧀ꦱꦏꦁꦧꦏꦭ꧀ꦏꦼꦭꦏꦺꦴꦤ꧀ꦲꦶꦏꦶ꧈
꧋ꦲꦶꦁꦱꦮꦶꦗꦶꦤꦶꦁꦢꦶꦤꦏꦸꦕꦶꦁꦏꦁꦱꦼꦠꦶꦮꦺꦭ꧀ꦭꦤ꧀ꦩꦲꦸꦏꦿꦸꦔꦸꦮꦂꦠ꧈ꦪꦺꦤ꧀ꦯꦁꦦꦿꦨꦸꦏꦂꦰꦠꦶꦤ꧀ꦢꦏ꧀ꦥꦥꦫꦏ
[ 14 ]

ꦫꦺꦴꦥꦸꦠꦿꦤꦺꦥꦸꦠꦿꦶ꧈ꦱꦶꦏꦸꦱꦶꦁ​ꦲꦺꦁꦒꦭ꧀ꦤꦼꦩꦺꦴꦤ꧀ꦤꦶ​ꦧꦤ꧀ꦢꦫꦤꦺꦱꦂꦠꦕꦭꦛꦸ꧇ꦧꦤ꧀ꦢꦫ꧈ꦩꦺꦴꦁꦒꦱꦩꦶꦣꦠꦼꦁꦱꦒꦫꦤ꧀ꦏꦭꦶꦪꦤ꧀ꦏꦭ꧉ꦩꦁꦏꦺꦩꦤꦮꦶꦯꦁꦦꦿꦨꦸꦭꦁꦏꦸꦁ꧈ꦲꦺꦁꦒꦭ꧀ꦲꦩ꧀ꦧꦾꦸꦂꦫ꧈ꦩꦤꦮꦶꦥꦚ꧀ꦗꦼꦤꦼꦁꦔꦤ꧀ꦲꦁꦒꦼꦒꦉꦩ꧀ꦧꦒ꧀ꦏꦸꦭ꧈ꦩꦶꦼꦰ꧀ꦛꦶꦢꦢꦺꦴꦱ꧀ꦠꦶꦪꦁꦁꦱꦸꦒꦶꦃꦱꦶꦁꦒꦶꦃ꧉
꧋ꦮꦸꦫꦒꦶꦭ꧀ꦲꦺꦫꦔꦼꦂꦠꦶꦱꦶꦁꦢꦢꦶꦏꦉꦥ꧀ꦥꦺꦩꦸꦭꦸꦱ꧀​ꦲꦺꦮꦢꦺꦤꦺꦲꦶꦪꦩꦤꦸꦠ꧀ꦧꦲꦺ꧈ꦧꦉꦁꦒꦗꦃꦠꦶꦠꦶꦃꦲꦤ꧀ꦤ​ꦯꦁꦦꦿꦨꦸꦮꦶꦱ꧀ꦏꦠꦺꦴꦤꦮꦸꦫꦒꦶꦭ꧀ꦠꦼꦫꦸꦱ꧀ꦕꦸꦕꦸꦭ꧀ꦱꦟ꧀ꦝꦁꦔꦤ꧀ ꦧꦾꦂ꧈ꦲꦚ꧀ꦗꦼꦒꦸꦂꦲꦶꦁꦱꦒꦫꦤ꧀꧈
꧋ꦲꦶꦁꦤꦭꦶꦏꦲꦶꦏꦸꦲꦸꦒꦱꦶꦩꦸꦭꦸꦱ꧀ꦧꦼꦔꦺꦴꦏ꧀ꦧꦼꦔꦺꦴꦏ꧀꧇ꦠꦸꦭꦸꦁ꧈ꦠꦸꦭꦸ꧈ꦢꦶꦥꦠꦶ​ꦎꦱ꧀ꦩꦤ꧀ꦏꦼꦊꦊꦥ꧀꧈ꦠꦸꦭꦸꦁ꧈ꦠꦸꦭꦸꦁ꧈ꦧꦤ꧀ꦢꦫꦏꦸ

[ 15 ]

ꦭꦥꦼꦗꦃꦏꦼꦊꦩ꧀꧈
꧋ ꦥꦫꦲꦧ꧀ꦢꦶꦭꦤ꧀ꦮꦼꦭ꧀ꦭꦤ꧀ꦱꦫꦠꦶꦥꦣꦏꦿꦸꦔꦸꦥꦩ꧀ꦧꦼꦔꦺꦴꦏ꧀ꦏꦺꦩꦸꦭꦸꦱ꧀ꦩꦲꦸ꧈ ꦢꦭꦱꦤ꧀ꦯꦁꦦꦿꦨꦸꦥꦶꦪꦩ꧀ꦧꦏ꧀ꦭꦤ꧀ꦯꦁꦦꦸꦠꦿꦶꦲꦶꦪꦩꦸꦣꦔꦼꦠ꧀꧈ ꦯꦁꦦꦿꦨꦸꦲꦺꦁꦒꦭ꧀ꦝꦮꦸꦃꦔꦼꦟ꧀ꦝꦼꦒ꧀ꦠꦶꦠꦶꦃꦲꦤ꧀ꦤꦺꦒꦗꦃ꧈ꦠꦸꦩꦼꦔꦱꦼꦩꦸꦏꦒꦺꦠ꧀ꦱꦏꦲꦶꦁꦗꦼꦩ꧀ꦥꦤ꧀꧉ ꦱ꧀ꦮꦫꦤꦺꦏꦁꦲꦚ꧀ꦗꦭꦸꦏ꧀ꦠꦸꦭꦸꦁ​ꦮꦺꦭꦮꦺꦭ꧇​ ꦠꦸꦭꦸꦁ​꧈​ ꦠꦸꦭꦸꦁ꧉ ​ꦢꦶꦥꦠꦶꦎꦱ꧀ꦩꦤ꧀ꦏꦼꦊꦊꦥ꧀꧉
꧋ ꦥꦔꦤ꧀ꦢꦶꦏꦤꦺꦯꦁꦦꦿꦨꦸ꧇​ ꦲꦼꦭꦺꦴ꧈​ ꦭꦃ​ꦠꦼꦏꦏꦸꦕꦶꦁꦱꦼꦠꦶꦮꦼꦭ꧀ꦭꦤ꧀​ ꦱꦶꦁꦔꦠꦸꦂꦫꦏꦺꦠꦿꦸꦮꦺꦭꦸꦭꦤ꧀ꦥꦼꦭꦸꦁꦏꦲꦺ꧉ꦔꦤ꧀ꦢꦶꦏꦩꦁꦏꦺꦴꦤꦺꦴꦲꦶꦏꦸꦏꦫꦺꦴꦠꦼꦣꦏ꧀ꦱꦏꦲꦶꦁꦒꦗꦃ꧉
꧋ ꦣꦮꦸꦃꦲꦺꦯꦁꦦꦿꦨꦸ꧇ ​ꦲꦪꦺꦴ꧈ ꦲꦺꦁꦒꦭ꧀​ꦢꦶꦥꦠꦶꦎꦱ꧀ꦩꦤ꧀ꦠꦸꦭꦸꦁ​​ꦔꦤ꧈ ꦩꦸꦟ꧀ꦝꦏ꧀ꦱꦼꦭꦏ꧀ꦏꦼꦊꦩ꧀꧈
꧋ ꦲꦧ꧀ꦢꦶꦥꦥꦠ꧀ꦏꦁꦲꦟ꧀ꦝꦺꦫꦺꦏ꧀ꦏꦏꦺꦧꦚ꧀ꦗꦸꦂꦗꦺꦗꦺꦂꦕꦼꦏꦼꦭ꧀ꦕꦼꦏꦼꦭ꧀ꦭꦤ꧀ꦠꦔꦤ꧀꧈ ꦩꦸꦭꦱ꧀ꦲꦸꦒꦩꦶꦭꦸꦠꦸꦭꦸꦁ꧈ ꦲꦁꦒꦸꦗꦼꦁꦔꦶꦏ꧀ꦭꦩ꧀ꦧꦶꦤꦺꦲꦧ꧀ꦢꦶꦏꦁꦲꦤꦲꦶꦁꦧꦸꦫꦶꦣꦺꦮꦺ꧉ [ 16 ]꧋ꦲꦧ꧀ꦢꦶꦏꦁꦲꦤꦲꦶꦁꦔꦉꦥ꧀ꦝꦺꦮꦺꦚꦟ꧀ꦝꦏ꧀ꦠꦔꦤ꧀ꦤꦺꦮꦸꦫꦒꦶꦭ꧀ ꦤꦸꦭꦶꦢꦶꦠꦫꦶꦏ꧀ꦧꦧꦉꦁꦔꦤ꧀꧈
꧋ꦧꦉꦁꦮꦸꦫꦒꦶꦭ꧀ꦮꦶꦱ꧀ꦩꦼꦤ꧀ꦠꦱ꧀​ꦛꦶꦔꦏ꧀ꦛꦶꦔꦸꦏ꧀ꦲꦁꦒꦺꦴꦭꦺꦏ꧀ꦏꦶꦱꦟ꧀ꦝꦁꦔꦤ꧀ꦤꦺꦲꦺꦴꦫꦲꦤ꧉ꦧꦠꦶꦤ꧀ꦤꦺꦮꦸꦫꦒꦶꦭ꧀꧇ꦲꦼꦭꦺꦴ꧈ꦱꦟ꧀ꦝꦁꦔꦤ꧀ꦏꦸꦲꦤꦲꦶꦁꦔꦼꦤ꧀ꦢꦶ꧉
꧋ꦱꦶꦩꦸꦭꦸꦱ꧀ꦲꦸꦒꦲꦺꦛꦺꦴꦏ꧀ꦲꦺꦛꦺꦴꦏ꧀ꦲꦺꦴꦫꦮꦼꦫꦸꦃ꧈ꦩꦺꦴꦁꦏꦱꦗꦠꦶꦤꦺꦢꦶꦣꦼꦭꦶꦏ꧀ꦏꦏꦺꦣꦺꦮꦺꦲꦤꦲꦶꦁꦒ꧀ꦭꦒꦃꦲꦤ꧀꧈ꦱꦩ꧀ꦧꦠ꧀ꦠꦺ꧇ꦎ꧈ꦩꦼꦱꦏ꧀ꦏꦺꦠꦼꦩꦶꦤꦤ꧀ꦢꦫꦏꦸ꧈ꦢꦭꦃꦥꦔꦒꦼꦩ꧀ꦩꦤ꧀ꦤꦺꦧꦲꦺꦱꦲꦶꦠꦶꦲꦶꦭꦁ꧉

꧋ꦯꦁꦦꦿꦨꦸꦠꦸꦮꦸꦃꦥꦁꦒꦭꦶꦃꦲꦺ꧇ꦢꦸꦫꦸꦁꦱꦸꦮꦺꦏꦸꦕꦶꦁꦲꦶꦏꦸꦧꦶꦱꦒꦮꦺꦉꦤꦤꦶꦁꦥꦁꦒꦭꦶꦃꦏꦸ꧈ꦔꦠꦸꦂꦫꦶꦠꦿꦸꦮꦺꦭꦸꦭꦤ꧀ꦥꦼꦭꦸꦁ꧉꧈ꦧꦺꦴꦏ꧀ꦲꦏꦸꦢꦏ꧀ꦒꦼꦤ꧀ꦠꦶꦒꦮꦺ [ 17 ]

꧋ ꦧꦸꦔꦃꦩꦫꦁꦣꦺꦮꦺꦏ꧀ꦏꦺꦱꦂꦠꦧꦤ꧀ꦢꦫꦤꦺ꧉ ꦲꦶꦁꦤꦭꦶꦏꦯꦁꦦꦿꦨꦸꦲꦸꦠꦸꦱ꧀ꦱꦤ꧀ꦲꦧ꧀ꦢꦶꦩꦼꦚꦁꦏꦣꦠꦺꦴꦤ꧀​ꦩꦸꦟ꧀ꦝꦸꦠ꧀ꦥꦔꦒꦼꦩ꧀ꦩꦤ꧀ꦲꦉꦥ꧀ꦏꦥꦫꦶꦁꦔꦏꦺꦩꦫꦔ꧀ꦮꦸꦫꦒꦶꦭ꧀꧈
꧋ ꦲꦧ꧀ꦢꦶꦏꦁꦏꦲꦸꦠꦸꦱ꧀ꦒꦒꦚ꧀ꦗꦁꦔꦤ꧀ꦭꦏꦸꦤꦺ꧈ ꦲꦺꦴꦫꦲꦤ꧀ꦠꦫꦱꦸꦮꦺꦧꦭꦶꦲꦁꦒꦮꦱꦟ꧀ꦢꦔꦤ꧀ꦧꦽꦒꦱ꧀ꦱꦥꦔꦢꦼꦒ꧀꧈
꧋ ꦮꦸꦫꦒꦶꦭ꧀ꦲꦺꦁꦒꦭ꧀ꦢꦤ꧀ꦢꦤ꧀꧈​ ꦲꦶꦁꦱꦫꦩ꧀ꦥꦸꦁꦔꦺꦧꦚ꧀ꦗꦸꦂꦱꦺꦴꦮꦤ꧀ꦚꦏꦼꦛꦶꦁꦔꦂꦰꦤꦺꦯꦁꦦꦿꦨꦸꦭꦤ꧀ꦯꦁꦦꦸꦠꦿꦶ꧈ ꦏꦸꦂꦩꦠ꧀ꦠꦸꦩꦸꦁꦏꦸꦭ꧀ꦱꦂꦠꦩꦠꦸꦂꦤꦸꦮꦸꦤ꧀ꦲꦶꦁꦥꦫꦶꦁꦔꦺꦥꦶꦠꦸꦭꦸꦁ​ꦔꦤ꧀ꦭꦤ꧀ꦥꦔꦁꦒꦺꦴ꧉
꧋ ꦥꦔꦤ꧀ꦢꦶꦏꦤꦺꦯꦁꦦꦿꦨꦸ꧇​ ꦲꦶꦪꦢꦏ꧀ꦠꦫꦶꦩꦥꦤꦸꦮꦸꦤ꧀ꦩꦸ꧈​ꦢꦶꦥꦠꦶꦎꦱ꧀ꦩꦤ꧀꧈
꧋ ꦯꦁꦦꦸꦠꦿꦶꦥꦶꦂꦰꦩꦫꦔ꧀ꦮꦸꦫꦒꦶꦭ꧀ꦔꦁꦒꦺꦴꦱꦟ꧀ꦝꦁ​ꦔꦤ꧀ꦧꦽꦒꦱ꧀ꦲꦩ [ 18 ]

ꦤ꧀ꦠꦼꦱ꧀ꦱꦶ꧈ꦤꦸꦭꦶꦤꦫꦶꦲꦥꦒꦼꦊꦩ꧀ꦲꦟ꧀ꦝꦺꦫꦺꦏ꧀ꦏꦏꦺꦥꦥꦫ꧉
꧋ ꦏꦪꦲꦥꦧꦸꦔꦃꦲꦺꦱꦶꦮꦸꦫꦒꦶꦭ꧀꧈​ ꦧꦉꦁꦯꦁꦦꦿꦨꦸꦭꦤ꧀ꦯꦁꦦꦸꦠꦿꦶꦩꦊꦧꦼꦛꦶꦁꦗꦼꦩ꧀ꦥꦤ꧀꧈ ꦮꦸꦫꦒꦶꦭ꧀ꦲꦶꦪꦲꦟ꧀ꦝꦺꦫꦺꦏ꧀ꦏꦏꦺꦩꦊꦧꦸ꧉
꧋ ꦱꦶꦩꦸꦭꦸꦱ꧀ꦔꦭꦶꦫꦶꦏ꧀ꦧꦤ꧀ꦢꦫꦤꦺꦏꦫꦺꦴꦔꦼꦗꦺꦥ꧀ꦥꦶꦲꦮꦺꦃꦱꦱ꧀ꦩꦶꦠ꧇ꦭꦃ꧈ ꦩꦏꦠꦼꦤ꧀ꦥꦸꦤꦶꦏꦱꦩ꧀ꦥꦸꦤ꧀ꦏꦼꦊꦉꦱ꧀ꦱꦤ꧀​ꦤꦔꦶꦁꦢꦺꦫꦺꦁꦱꦩ꧀ꦥꦸꦂꦟ꧉
꧋ ꦒꦗꦃꦮꦶꦮꦶꦠ꧀ꦭꦸꦩꦏꦸ꧈ꦤꦔꦶꦁꦱꦶꦩꦸꦭꦸꦱ꧀ꦮꦶꦱ꧀ꦲꦟ꧀ꦝꦶꦱꦶꦏ꧀ꦏꦶꦭꦸꦩꦏꦸꦱꦶꦥꦠ꧀ꦏꦸꦥꦶꦁ꧈ ꦤꦼꦩꦺꦴꦤ꧀ꦤꦶꦮꦺꦴꦁꦠꦼꦭꦸꦏꦔ꧀ꦭꦒꦶꦲꦁꦒꦫꦥ꧀ꦥꦊꦩꦃꦲꦤ꧀꧈ ꦕꦭꦛꦸ ꦤꦺꦏꦸꦕꦶꦁ꧇ꦩꦼꦁꦏꦺꦴꦯꦁꦦꦿꦨꦸꦧꦏꦭ꧀ꦮꦶꦪꦺꦴꦱ꧀ꦲꦶꦁꦏꦺꦤꦺ꧉ꦪꦺꦤ꧀ꦲꦤ꧀ꦢꦔꦸ꧈ꦠꦤꦃꦲꦶꦏꦶꦢꦸꦮꦺꦏ꧀ꦏꦺꦱꦥ꧈ ꦥꦣꦩꦁꦱꦸꦭ꧀ꦭꦤ꧀꧈ꦪꦺꦤ꧀ꦠꦤꦃꦲꦺꦢꦶꦥꦠꦶꦎꦱ꧀ꦩꦤ꧀꧈

[ 19 ]꧋ ꦮꦺꦴꦁꦠꦼꦭꦸꦥꦣꦩꦁꦱꦸꦭ꧀ꦭꦶ꧇​ ꦲꦶꦪ꧈ ꦧꦼꦕꦶꦏ꧀꧈
꧋ ꦩꦸꦭꦸꦱ꧀ꦤꦼꦫꦸꦱ꧀ꦱꦏꦺꦭꦏꦸꦤꦺ꧈ ꦏꦼꦠꦼꦩꦸꦮꦺꦴꦁꦠꦤꦶꦠꦼꦭꦸꦭꦤ꧀ꦧꦺꦴꦕꦃꦱꦶꦗꦶꦭꦒꦶꦧꦶꦏꦸꦠ꧀ꦔꦼꦤꦺꦤ꧀ꦤꦶꦒꦤ꧀ꦢꦸꦩ꧀ꦲꦶꦁꦱꦮꦃ꧉ ꦩꦸꦭꦸꦱ꧀ꦕꦭꦛꦸ꧇ꦩꦼꦁꦏꦺꦴꦯꦁꦦꦿꦨꦸꦲꦉꦥ꧀ꦠꦼꦣꦏ꧀ꦩꦿꦺꦤꦺ꧉ ꦪꦺꦤ꧀ꦢꦶꦢꦔꦸ꧈​ ꦥꦱꦮꦲꦤ꧀ꦲꦶꦏꦶꦢꦸꦮꦺꦏ꧀ꦏꦺꦱꦥ꧈ꦩꦁꦱꦸꦭ꧀ꦭꦤꦪꦺꦤ꧀ꦢꦸꦮꦺꦏ꧀ꦏꦺꦢꦶꦥꦠꦶꦎꦱ꧀ꦩꦤ꧀꧈
꧋ ꦮꦺꦴꦁꦠꦤꦶꦩꦁꦱꦸꦭ꧀ꦭꦶꦥꦿꦪꦺꦴꦒ꧉
꧋ ꦧꦉꦁꦯꦁꦦꦿꦨꦸꦫꦮꦸꦃ꧈ ꦲꦤ꧀ꦢꦔꦸꦩꦫꦁ​ꦮꦺꦴꦁ​ꦠꦼꦭꦸꦏꦁ​ꦭꦒꦶꦥꦣꦚꦩ꧀ꦧꦸꦠ꧀ꦒꦮꦺ꧈

ꦱꦥꦏꦁꦢꦸꦮꦺꦠꦤꦃꦲꦶꦁꦏꦺꦴꦤꦺꦴ꧉ ꦱꦫꦮꦸꦃꦲꦺꦲꦶꦁꦲꦼꦁꦒꦺꦴꦤꦺꦮꦺꦴꦁꦏꦔ꧀ꦭꦒꦶꦔꦼꦤꦺꦤ꧀ꦤꦶꦒꦤ꧀ꦢꦸꦩ꧀​ꦯꦁꦦꦿꦨꦸꦲꦸꦒꦲꦤ꧀ꦢꦔꦸ꧈​ꦱꦥꦏꦁꦢꦸꦮꦺꦥꦱꦮꦃꦲꦤ꧀꧈ ꦮꦺꦴꦁꦏꦁꦥꦣꦚꦩ꧀ꦧꦸꦠ꧀ꦒꦮꦺꦭꦤ꧀ꦔꦼꦤꦺꦤ꧀ꦤꦶꦩꦠꦸꦂ꧈ꦪꦺꦤ꧀ꦢꦸꦮꦺꦏ꧀ꦏꦺꦢꦶꦥꦠꦶꦎꦱ꧀ꦩꦤ꧀꧈​ ꦥꦁꦒꦭꦶꦃ [ 20 ]

ꦲꦺꦯꦁꦦꦿꦨꦸ꧇​ꦮꦺ꧈​ꦭꦃ꧈​ ꦪꦺꦤ꧀ꦩꦁꦏꦺꦴꦤꦺꦴꦲꦢꦶꦥꦠꦶꦎꦱ꧀ꦩꦤ꧀ꦲꦶꦏꦸꦱꦸꦒꦶꦃꦧꦔꦼꦠ꧀꧈
꧋ ꦤꦭꦶꦏꦲꦶꦏꦸꦩꦸꦭꦸꦱ꧀ꦮꦶꦱ꧀ꦧꦧ꧀ꦭꦱ꧀ꦩꦼꦚꦁꦲꦺꦴꦩꦃꦒꦼꦣꦺꦏꦪꦏꦣꦠꦺꦴꦤ꧀꧈​ ꦢꦺꦤꦺꦏꦁꦩꦁꦒꦺꦴꦤ꧀ꦲꦶꦁꦏꦺꦴꦤꦺꦴꦗꦸꦫꦸꦠꦼꦤꦸꦁ꧈ꦒꦮꦺꦤꦺꦲꦚ꧀ꦗꦲꦶꦭ꧀ꦭꦶꦲꦸꦮꦺꦴꦁ꧉ ꦥꦼꦂꦭꦸꦤꦺꦩꦸꦁꦲꦉꦥ꧀ꦲꦁꦒꦼꦣꦺꦏ꧀ꦲꦏꦺꦮꦣꦸꦏ꧀ꦏꦺꦣꦺꦮꦺ꧉
꧋ ꦩꦸꦭꦤ꧀ꦤꦺꦧꦸꦃꦭꦺꦴꦚ꧀ꦗꦺꦁꦲꦶꦁꦱꦕꦼꦣꦏ꧀ꦏꦶꦁꦫꦺꦒꦺꦴꦭ꧀​​ꦤꦸꦭꦶꦠꦏꦺꦴꦤ꧀ꦩꦫꦁꦧꦠꦸꦂꦏꦁꦩꦼꦔꦤ꧀ꦤꦶꦏꦺꦴꦫꦶ꧈​ ꦲꦥꦲꦺꦴꦭꦺꦃꦏꦼꦠꦼꦩꦸꦏꦫꦺꦴꦗꦸꦫꦸꦠꦼꦤꦸꦁ꧉
꧋ ꦏꦸꦕꦶꦁꦢꦶꦊꦧꦺꦴꦏ꧀ꦲꦏꦺ꧉ ​ꦲꦶꦁꦏꦺꦴꦤꦺꦴꦗꦸꦫꦸꦠꦼꦤꦸꦔ꧀ꦭꦒꦶꦲꦩ꧀ꦧꦼꦤꦼꦂꦫꦶꦩꦔꦤ꧀꧈​ꦩꦸꦭꦸꦱ꧀ꦏꦸꦂ

[ 21 ]ꦩꦠ꧀ꦲꦟ꧀ꦝꦶꦁꦏ꧀ꦭꦸꦏ꧀꧈ ꦗꦸꦫꦸꦠꦼꦤꦸꦁꦗꦼꦧꦸꦭ꧀ꦩꦸꦫꦶꦁ꧈ꦩꦟ꧀ꦛꦼꦊꦁꦔꦶꦩꦫꦁꦱꦶꦩꦸꦭꦸꦱ꧀꧈ ​​ꦲꦸꦥꦩꦏꦼꦮꦼꦠꦸꦮꦕꦭꦛꦸꦤꦺ꧇ ꦠꦼꦏꦏꦺꦴꦮꦺꦮꦤꦶꦮꦤꦶꦔꦿꦺꦒꦺꦴꦤ꧀ꦤꦶꦲꦼꦁꦒꦺꦴꦤ꧀ꦏꦸꦩꦔꦤ꧀꧈
꧋ ꦩꦸꦭꦸꦱ꧀ꦲꦺꦛꦺꦴꦏ꧀ꦲꦺꦛꦺꦴꦏ꧀ꦲꦺꦴꦫꦔꦼꦂꦠꦶꦢꦶꦤꦼꦥ꧀ꦱꦺꦴꦤ꧀ꦤꦶ꧈​ ꦕꦭꦛꦸꦤꦺꦔꦱꦶꦃꦲꦱꦶꦃ꧇ ꦣꦸꦃ꧈ ꦏꦾꦲꦶꦗꦸꦫꦸꦠꦼꦤꦸꦁ꧈ ꦱꦩ꧀ꦥꦸꦤ꧀ꦢꦢꦺꦴꦱ꧀ꦥꦁꦒꦭꦶꦃ꧈​ ꦢꦺꦤꦺꦏꦸꦭꦔꦿꦶꦫꦶꦧꦼꦢ꧀ꦢꦶ꧉ ꦏꦼꦉꦥ꧀ꦏꦺꦩꦮꦺꦴꦤ꧀ꦏꦸꦭꦩꦶꦉꦁꦥꦮꦂꦠꦺꦴꦱ꧀​ꦧꦶꦭꦶꦃꦥꦚ꧀ꦗꦼꦤꦼꦁꦔꦤ꧀ꦱꦒꦼꦢ꧀ꦩꦭꦶꦃꦱꦮꦂꦟꦶꦤꦶꦁꦏꦺꦮꦤ꧀꧈ ꦱꦫꦺꦃꦤꦺꦏꦼꦊꦉꦱ꧀ꦱꦤ꧀ꦏꦸꦭꦔ꧀ꦭꦁꦏꦸꦁ​ꦔꦶꦢꦊꦩ꧀ꦥꦚ꧀ꦗꦼꦤꦼꦁ​ꦔꦤ꧀​​ꦲꦺꦩꦤ꧀ꦱꦔꦼꦠꦾꦺꦤ꧀ꦠꦏꦸꦭꦧꦺꦴꦠꦼꦤ꧀ꦩꦩ꧀ꦥꦶꦂꦚꦠꦏ꧀ꦲꦏꦼꦤ꧀꧈​ ꦧꦺꦴꦏ꧀ꦕꦺꦴꦧꦶ꧈ ​ꦏꦸꦭꦩꦠꦸꦂꦫꦶꦩꦭꦶꦃꦱꦶꦔꦧꦫꦺꦴꦁ꧉ ꦏꦸꦭꦠꦼꦏꦏꦼꦥꦺꦔꦶꦤ꧀ꦱꦔꦼꦠ꧀ꦧꦣꦺꦱꦸꦩꦼꦉꦥ꧀꧈
꧋ ꦗꦸꦠꦸꦠꦼꦤꦸꦁꦩꦺꦴꦁꦏꦺꦴꦒ꧀ꦧꦔꦼꦠ꧀ꦏꦼꦤꦥꦔꦺꦴꦁꦒꦿꦺꦴꦁꦔꦺꦱꦶꦏꦸꦕꦶꦁ꧈ ꦛꦸꦏꦸꦭ꧀ꦥꦶꦏꦶꦂꦫꦤ꧀ꦤꦺꦲꦉꦥ꧀ꦩꦩꦺꦂꦫꦏꦺꦏꦧꦶꦱꦤ꧀ꦤꦺ꧈ ꦲꦶꦁꦱꦤꦭꦶꦏꦗ꧀ꦊꦒ꧀ꦢꦢꦶꦱꦶꦔ꧉
꧋ ꦩꦸꦭꦸꦱ꧀ꦏꦒꦺꦠ꧀ꦱꦂꦠꦮꦼꦢꦶꦧꦔꦼꦠ꧀​ꦗꦭꦂꦫꦤ꧀ꦱꦶꦔꦧꦫꦺꦴꦁꦔꦩꦃꦲꦩꦃꦲꦒꦼꦫꦺꦴꦒꦼꦫꦺꦴꦲꦁꦒꦶꦒꦶꦭꦤ꧀ꦤꦶ꧈ ꦧꦚ꧀ꦗꦸꦂꦔꦽꦉꦥ꧈ ꦱꦸꦥꦪꦗꦸꦫꦸꦠꦼꦤꦸꦁꦧꦭꦶꦢꦢꦶꦩꦤꦸꦁꦱꦩꦤꦺꦃ꧉ ꦗꦸꦫꦸꦠꦼꦤꦸꦁꦤꦸꦫꦸꦠ꧀ꦠꦶ꧈​ꦥꦸꦭꦶꦃꦢꦢꦶꦲꦸꦮꦺꦴꦁ꧉
꧋ ꦮꦸꦱꦤꦏꦸꦕꦶꦁꦢꦸꦮꦺꦲꦸꦤꦶ꧇ ꦥꦸꦤꦥꦏꦶꦤ꧀ꦠꦼꦤ꧀ꦤꦶꦥꦸꦤ꧀ꦧꦺꦴꦠꦼꦤ꧀ꦏꦔꦺꦭ꧀ꦭꦤ꧀​ꦩꦤꦮꦶꦥꦚ꧀ꦗꦼꦤꦼꦁꦔꦤ꧀ꦧꦣꦺꦩꦭꦶꦃꦠꦶꦏꦸꦱ꧀꧈
꧋ ꦲꦠꦶꦤꦺꦗꦸꦫꦸꦠꦼꦤꦸꦁꦏꦪꦢꦶꦲꦸꦁꦒꦂ꧉​ ꦠꦼꦩ꧀ꦧꦸꦁꦔꦺ꧇​​ ꦩꦸꦁꦒꦸꦃꦲꦶꦁꦲꦏꦸꦲꦺꦴꦫꦲꦤꦧꦫꦁꦏꦁꦏꦔꦺꦭ꧀ꦭꦤ꧀꧈ ꦲꦶꦁꦱꦤꦭꦶꦏꦗꦸꦫꦸꦠꦼ [ 22 ]ꦤꦸꦁꦢꦢꦶꦠꦶꦏꦸꦱ꧀ꦤꦔꦶꦁꦧꦚ꧀ꦗꦸꦂꦢꦶꦠꦸꦧꦿꦸꦏ꧀ꦱꦶꦩꦸꦭꦸꦱꦱ꧀ ꦢꦶꦩꦺꦴꦁꦱꦧꦺꦧꦱ꧀꧈
꧋ ꦒꦿꦲꦶꦠꦫꦸꦤꦺꦩꦸꦭꦸꦱ꧀꧇ ꦭꦃ꧈ ꦩꦁꦏꦺꦴꦤꦺꦴ꧉ ꦗꦸꦫꦸꦠꦼꦁꦤꦸꦁꦲꦶꦪꦮꦶꦱ꧀ꦫꦩ꧀ꦥꦸꦁ꧉
꧋ ꦊꦠ꧀ꦱꦣꦺꦭꦒꦗꦃꦠꦶꦠꦶꦃꦲꦤ꧀ꦤꦺꦯꦁꦦꦿꦨꦸꦭꦤ꧀ꦯꦦꦸꦠꦿꦶꦮꦶꦱ꧀ꦏꦠꦺꦴꦤ꧀ꦱꦏꦏꦢꦺꦴꦃꦲꦤ꧀꧈
꧋ꦩꦸꦭꦸꦱ꧀ꦔꦼꦤ꧀ꦏꦺꦤ꧀ꦤꦠꦼꦏꦤꦶꦁꦒꦗꦃꦲꦶꦁꦔꦉꦥ꧀ꦫꦺꦒꦺꦴꦭ꧀ꦭꦶꦁꦒꦼꦝꦺꦴꦁꦱꦸꦪꦱ꧈ ꦧꦚ꧀ꦗꦸꦂꦩꦠꦸꦂꦩꦫꦁꦯꦁꦦꦿꦨꦸ꧇ ꦓꦸꦱ꧀ꦠꦶ꧈ ꦥꦸꦤꦶꦏꦢꦊꦩ꧀ꦗꦶꦥꦸꦤ꧀ꦲꦥꦶꦠꦶꦈꦮꦱ꧀ꦩꦤ꧀꧈ ꦏꦼꦁꦥꦉꦁꦔꦏꦮꦸꦭꦒꦝꦃꦥꦤꦸꦮꦸꦤ꧀ꦲꦶꦁꦔꦂꦰꦢꦊꦩ꧀ ꦮꦺꦴꦤ꧀ꦠꦼꦤ꧀ꦤꦏꦂꦰꦊꦩ꧀ꦭꦤ꧀ꦯꦁꦦꦸꦠꦿꦶꦊꦉꦧ꧀ꦲꦶꦁꦱꦮꦠꦮꦶꦱ꧀ꦱꦠꦣꦲꦂꦲꦶꦁꦔꦿꦶꦏꦶꦏꦭꦶꦪꦤ꧀ꦧꦤ꧀ꦢꦫꦏꦮꦸꦭ꧉
꧋ ꦯꦁꦦꦿꦨꦸꦩꦁꦱꦸꦭ꧀ꦭꦶꦥꦔꦤ꧀ꦢꦶꦏ꧇ ꦲꦶꦪ꧈ ꦥꦿꦪꦺꦴꦒ꧉ ꦠꦚ꧀ꦗꦸꦂꦠꦼꦣꦏ꧀ꦱꦏꦲꦶꦁꦠꦶꦠꦶꦃꦲꦤ꧀ ꦏꦣꦺꦫꦺꦏ꧀ꦏꦏꦺꦯꦁꦦꦸꦠꦿꦶꦭꦤ꧀ꦱꦶꦮꦸꦫꦒꦶꦭ꧀꧈
꧋ ꦥꦔꦤ꧀ꦢꦶꦏꦤꦺꦯꦥꦸꦨꦸ꧇ ꦮꦺ꧈ ꦭꦃ꧈ ꦠꦼꦁꦏꦲꦥꦶꦏ꧀ꦏꦼꦁꦩꦼꦁꦤ꧀ꦱꦸꦪꦱꦲꦶꦏꦶ꧈ ꦮꦶꦱ꧀ꦥꦿꦱꦱꦠ꧀ꦏꦝꦠꦺꦴꦤ꧀꧈
꧋ ꦥꦔꦸꦤꦤ꧀ꦢꦶꦏꦤꦺꦯꦁꦦꦿꦨꦸꦩꦁꦏꦺꦴꦤꦺꦴꦲꦶꦏꦸꦥꦚ꧀ꦕꦤ꧀ꦧꦼꦤꦼꦂ꧉ ꦒꦼꦁꦝꦺꦴꦁꦩꦲꦸꦣꦱꦂꦧꦒꦸꦱ꧀ꦠꦼꦩꦼꦤ꧀ꦤꦤ꧀꧈
꧋ ꦯꦁꦦꦿꦨꦸꦭꦤ꧀ꦯꦁꦦꦸꦠꦿꦶꦠꦶꦤ꧀ꦢꦏ꧀ꦩꦊꦧꦸꦏꦲꦶꦫꦶꦁꦔꦏꦺꦱꦶꦲꦸꦫꦒꦶꦭ꧀ ꦢꦺꦤꦺꦩꦸꦭꦸꦱ꧀ꦲꦤꦲꦶꦁꦔꦉꦥ꧀ꦢꦢꦶꦥꦔꦶꦫꦶꦢ꧀ ꦗꦸꦫꦸꦒ꧀ꦒꦲꦶꦁꦏꦩꦂꦧꦺꦴꦗꦤ꧉
꧋ ꦧꦉꦁꦯꦁꦦꦿꦨꦸꦥꦶꦂꦰꦫꦩ꧀ꦥꦢ꧀ꦢꦤ꧀ꦏꦁꦮꦶꦱ꧀ꦕꦩꦮꦶꦱ꧀ꦲꦶꦁꦩꦺꦗ꧈ ꦏꦼꦁꦮꦶ [ 23 ]ꦪꦺꦴꦱ꧀ꦒꦸꦩꦸꦸꦤ꧀ꦤꦺ꧇꧖꧈ꦢꦺꦤꦺꦠꦼꦁꦏꦏꦧꦺꦃꦱꦂꦮꦲꦢꦶ꧉ ꦢꦶꦥꦠꦶꦔ꧀ꦢꦢ꧀ꦩꦤ꧀ ꦩꦫꦲꦪꦺꦴꦥꦣꦢꦔꦺꦴꦩ꧀ꦧꦺꦧꦧꦉꦔꦤ꧀ꦲꦩꦸꦗꦶꦏꦱ꧀ꦭꦩꦼꦠ꧀ꦠꦤ꧀ꦧꦸ꧈ ꦲꦮꦶꦠ꧀ꦱꦠꦼꦩꦼꦤ꧀ꦤꦏꦸꦫꦸꦩꦱꦏꦼꦁꦥꦺꦴꦠꦁꦔꦤ꧀ꦥꦤꦫꦶꦩꦢꦺꦤꦶꦁꦥꦚꦸꦚꦸꦧꦩꦸ꧉

꧋ ꦮꦸꦫꦶꦒꦶꦭ꧀ꦚꦸꦟ꧀ꦝꦏ꧀ꦒꦼꦭꦱ꧀ꦧꦚ꧀ꦗꦸꦂꦔꦗꦼꦒ꧀ ꦤꦔꦶꦁꦮꦸꦕꦤꦸꦤꦺꦏꦺꦮꦸꦃꦲꦤ꧀꧈ ꦲꦠꦸꦂꦫꦺꦩꦫꦁꦯꦁꦦꦿꦨꦸ꧇ ꦏꦮꦸꦤꦶꦔꦤ꧀ꦤ꧈ ꦯꦁꦦꦿꦨꦸ꧈ ꦩꦼꦁꦒꦃꦱꦗꦠꦺꦴꦱ꧀ꦱꦶꦥꦸꦤ꧀ꦏꦮꦸꦭꦥꦸꦤꦶꦏꦱꦤꦺꦱ꧀ꦲꦗꦶꦥꦠꦶ꧈ ꦭꦤ꧀ꦱꦸꦪꦱꦥꦸꦤꦶꦏꦲꦶꦁꦒꦶꦃꦱꦤꦺꦱ꧀ꦫꦮꦃꦲꦏ꧀ꦏꦮꦸꦭ꧉

꧋ ꦯꦁꦦꦿꦨꦸꦏꦒꦺꦠ꧀꧈ ꦥꦤ꧀ꦢꦔꦸꦤꦺ꧇ ꦲꦼꦭꦺꦴ꧈ ꦏꦥꦿꦶꦫꦸꦪꦺ꧈ ꦢꦗꦶꦲꦥꦏꦺꦴꦮꦺꦤꦶꦪꦠ꧀ꦔꦥꦸꦱ꧀ꦱꦶ꧉

꧋ ꦩꦸꦭꦸꦱ꧀ꦚꦼꦭꦩꦠꦸꦂ꧇ ꦏꦮꦸꦭꦚꦸꦮꦸꦤ꧀ꦢꦸꦏꦢꦊꦩ꧀ ꦓꦸꦱ꧀ꦠꦶ꧉ [ 24 ]ꦲꦶꦁꦏꦁꦤꦤ꧀ꦢꦸꦏ꧀ꦏꦏꦼꦤ꧀ꦲꦥꦸꦱ꧀ꦥꦸꦤꦶꦏꦱꦤꦺꦱ꧀ꦧꦤ꧀ꦢꦫꦏꦮꦸꦭ꧈ ꦤꦔꦶꦁꦏꦲꦸꦭꦥꦶꦪꦩ꧀ꦧꦏ꧀꧈ ꦤꦩꦸꦁꦏꦺꦩꦮꦺꦴꦤ꧀ꦧꦺꦴꦠꦼꦤ꧀ꦥꦶꦱꦤ꧀ꦥꦶꦠꦤ꧀ꦠꦮꦸꦭꦲꦁꦒꦝꦃꦲꦶꦱꦼꦁꦢꦾꦲꦮꦺꦴꦤ꧀꧈

꧋ ꦯꦁꦦꦿꦨꦸꦲꦤ꧀ꦢꦢꦸ꧇ ꦪꦺꦤ꧀ꦩꦁꦏꦺꦴꦫꦤꦺꦴ꧈ ꦩꦸꦁꦒꦸꦃꦲꦶꦁꦱꦠꦼꦁꦩꦼꦤ꧀ꦤꦺꦲꦥꦏꦁꦢꦢꦶꦏꦤꦶꦪꦠ꧀ꦏꦤ꧀ꦤꦶꦁꦲꦠꦶꦩꦸ꧉

꧋ ꦩꦸꦭꦸꦱ꧀ꦤꦸꦭꦶꦚꦫꦶꦠꦏ꧀ꦲꦏꦺ꧈ ꦪꦺꦤ꧀ꦧꦤ꧀ꦢꦫꦤꦺꦲꦶꦏꦸꦲꦤꦏ꧀ꦗꦸꦫꦸꦒꦶꦭꦶꦁ꧈ ꦲꦺꦴꦫꦲꦺꦴꦭꦺꦃꦠꦶꦁꦒꦭ꧀ꦭꦤ꧀ꦧꦫꦁꦧꦫꦁꦏꦼꦗꦧꦤꦺꦏꦸꦕꦶꦁ꧉ ꦧꦺꦢꦏꦫꦺꦴꦏꦏꦁꦤꦺꦭꦺꦴꦫꦺꦴ꧈ ꦏꦁꦱꦶꦗꦶꦠꦺꦴꦩ꧀ꦥꦮ [ 25 ]ꦫꦶꦱ꧀ꦱꦤ꧀ꦒꦶꦭꦶꦁꦔꦤ꧀ ꦱꦶꦗꦶꦤꦺꦏꦸꦭ꧀ꦢꦶ꧈ ꦱꦏꦮꦼꦭꦱ꧀ꦱꦺꦏꦸꦕꦶꦁꦩꦫꦁꦧꦤ꧀ꦢꦫꦤꦺ꧈ꦔꦤ꧀ꦠꦶꦢꦶꦫꦮꦔꦶꦔꦥꦸꦱ꧀ꦱꦶꦯꦁꦦꦿꦨꦸꦭꦤ꧀ꦯꦁꦦꦸꦠꦿꦶ꧉

꧋ ꦯꦁꦦꦿꦨꦸꦠꦸꦩꦸꦁꦏꦸꦭ꧀ ꦲꦚ꧀ꦗꦁꦏꦼꦫꦸꦠ꧀ ꦭꦫꦥ꧀ꦥꦤ꧀ꦤꦺ꧈ ꦩꦂꦒꦲꦤꦏꦶꦢꦶꦒꦭꦶꦃ꧉ ꦲꦤꦔꦶꦁꦲꦺꦴꦫꦱꦸꦮꦺꦲꦤ꧀ꦢꦔꦏ꧀ꦭꦤ꧀ꦥꦝꦶꦥꦱꦸꦂꦪꦤ꧀ꦤꦺ꧉ ꦯꦁꦦꦸꦠꦿꦶꦢꦶꦕꦟ꧀ꦝꦏ꧀ꦲꦱ꧀ꦠꦤꦺ꧈ ꦱꦂꦠꦯꦁꦦꦿꦨꦸꦤꦸꦭꦔꦤ꧀ꦢꦶꦏꦩꦫꦁꦮꦸꦫꦒꦶꦭ꧀꧇ ꦮꦿꦸꦃꦲꦤ꧀ꦤꦩꦸ꧈ ꦢꦶꦥꦠꦶ꧈ ꦲꦏꦸꦮꦶꦱ꧀ꦱꦸꦩꦸꦫꦥ꧀ ꦪꦺꦤ꧀ꦱꦭꦫꦩꦸꦮꦺꦴꦁꦲꦸꦠꦩ꧈ ꦭꦤ꧀ꦲ [ 26 ]ꦏꦸꦩꦔꦼꦂꦠꦶ꧈ ꦪꦺꦤ꧀ꦲꦤꦏ꧀ꦏꦸꦠꦽꦱ꧀ꦤꦩꦫꦶꦁꦏꦁꦱꦭꦶꦫ꧉ ꦏꦁꦲꦶꦏꦸꦤꦶꦤꦶꦥꦸꦃꦠꦿꦶ ꦢꦏꦫꦶꦁꦩꦏ꧀ꦲꦏꦺꦢꦠꦤꦤꦶꦪꦗꦺꦴꦮꦺꦴꦩꦸ꧉

꧋ ꦱꦏꦶꦁꦧꦸꦔꦃꦲꦺꦔ꧀ꦢꦱ꧀ꦩꦤ꧀ ꦱꦲꦤ꧀ꦠꦫꦱꦸꦮꦺꦤꦺꦔꦤ꧀ꦠꦶꦲꦺꦴꦫꦧꦶꦱꦔꦸꦕꦥ꧀ ꦩꦸꦁꦠꦸꦩꦸꦁꦏꦸꦭ꧀ꦥꦿꦠꦟ꧀ꦝꦤꦶꦁꦥꦤꦸꦮꦸꦤ꧀ ꦱꦩꦺꦴꦤꦺꦴꦲꦸꦒꦱꦶꦩꦸꦭꦸꦱ꧀꧈

꧋ ꦱꦼꦮꦸꦫꦸꦱ꧀ꦱꦥꦝꦁꦲꦠꦶꦫꦸꦤꦺ꧈ ꦔ꧀ꦢꦱ꧀ꦩꦤ꧀ꦧꦶꦱꦩꦼꦶꦠꦸꦠꦼꦩ꧀ꦧꦸꦔꦺꦏꦁꦒꦺꦴꦔ꧀ꦭꦲꦶꦂꦏꦺꦥꦤꦸꦮꦸꦸꦤ꧀ꦤꦩꦫꦁꦯꦁꦦꦿꦨꦸꦨꦸꦩꦸꦁꦒꦸꦃꦲꦶꦁꦏꦢꦂꦩꦤ꧀ꦤꦺꦴ꧉

꧋ ꦲꦺꦴꦫꦲꦏ꧀ꦏꦫꦭꦮꦱ꧀ꦱꦶꦊꦱ꧀ꦩꦤ꧀ꦱꦷꦢꦏꦮꦲꦸꦥ꧀ꦥꦏꦺꦭꦤ꧀ꦯꦁꦦꦸꦠꦿ꧉ ꦲꦶꦁꦱꦧꦚ꧀ꦗꦸꦂ [ 27 ]ꦫꦺꦫꦸꦤ꧀ꦠꦸꦠ꧀ꦲꦼꦁꦒꦺꦴꦤ꧀ꦤꦺꦗꦺꦴꦗꦺꦴꦣꦺꦴꦮꦤ꧀ ꦱꦼꦩ꧀ꦥꦸꦭꦸꦂꦠꦶꦤꦸꦁꦒꦸꦲꦶꦁꦏꦧꦶꦧ꧀ꦗꦤ꧀ꦲꦤꦲꦶꦁꦱꦸꦪꦱꦏꦁꦏꦪꦏꦝꦠꦺꦴꦤ꧀ꦩꦲꦸ꧉
꧋ ꦱꦶꦩꦸꦭꦸꦱ꧀ꦏꦸꦕꦶꦁꦏꦁꦱꦼꦠꦾ꧈ ꦭꦱ꧀ꦠꦫꦶꦔꦮꦸꦭꦲꦶꦁꦧꦤ꧀ꦢꦫꦱꦏꦫꦺꦴꦤꦺ꧉